الفصل الأول:-
فى احد المنازل المتوسطه فى المنصوره تستيقظ بطلتنا لتنهض وتؤدي فرضها ثم تتجه الى المطبخ لتعد الطعام ثم تتجه الى احدى الغرف فى المنزل وتدلف لتجلس على طرف السرير وتضع يدها على كتف شخص نائم وتقوم بايقاظه.
رزان : ماما يا ماما قومى الفطار جاهز.
سميه الام: اه يانى اهو قومت ياحبيبتي روحى انتى وانا جايه وراكى.
رزان: حاضر يا ماما
لتخرج رزان وتتبعها والدتها بعدما أدت فرضها ليجلسوا حول الطبليه ويتناولوا طعامهم.
رزان: ماما هوا بابا مش هييجى دا بقالوا ييجى اسبوع مجاش مش من عاويده يعنى.
سميه: سيبك منه عاوزه منه ايه مش كفايه وهوا موجود مش مخليكى تتهنى بحاجه منه لله البعيد .
رزان بحزن: أنا مش عارفه انا عملتله ايه علشان يعمل فيا كدا هوا علشان انا شبه ماما الله يرحمها يعمل هوا معايا كدا ماشى فهمنا انه كان بيحبها بس مش معناه انه يدمر نفسه علشان هى ماتت وكل لما يشوفنى يزعقلى ويضربني علشان بفكره بيها.
سميه بحزن على حاله تلك الفتاه: ربنا إللى يعلم انى بحبك كانك بنتى بجد مش بنت جوزى بس لازم ابوكى يعرف ان كل شئ قدر ومكتوب ومينفعش يكرهك بس لمجرد انك شبه امك دا مفكر انها هى اللى سابته بارادتها انا عارفه انه بيحبها بس دا بدل ما يدعلها بالرحمه لا دا بيعزب بنتها وكدا بيعزبها هى على بنتها يالا ربنا يسامحه ويهديه قومى يالا علشان تلحقى جامعتك وانا هقوم اروق البيت واقعد اتفرج على التلفزيون شويه على لما تيجى.
رزان بفرحه وهى تقبل رأس سميه: ربنا يخليكي ليا يا احلى ماما فى الدنيا يالا باى انا رايحه.
لتترك رزان والدتها وتتجه إلى جامعتها.
********************************************
فى احد الأحياء الراقيه فى القاهره تحديدا فى فيلا لا بل نستطيع أن نقول قصر عائله المليجي فهو يعتبر قصرا من كثرا فخامته وجماله فهو كالجنه على الارض.
فى الداخل كان يجلس الحج عبدالعزيز بهيبته المعتاده يترأس طاوله الإفطار الكبيره وتقف بجانبه ابنته الوحيده هدى وهى تأمر الخادمات وتعلمهم كيفيه وضع الطعام على طاولة الفطور لتنظر الى السلم لتجد ابنها الكبير أمير ينزل السلم ليقبل يد جده ووالدته.
أمير: صباح الخير ياجدو صباح الورد والياسمين على احلا ام فى الدنيا.
الحجه عزيزه من خلفه: اه يابكاش بتضحك على كله بالورد والياسمين بتاعك ده .
أمير وهوا يقبل رأسها: وانا اقدر بردوا دا انتى اللى فى القلب كله ياست الكل.
الحج عبدالعزيز: عيب ياولد ابعد بعيد ستك.
أنت تقرأ
أحفاد عائله المليجي
General Fiction- هى بريئه وجميله ومجتهده جدا تحب مساعده الجميع لكن يشاء القدر ان تقع بين يدى هذا العصبى الغاضب والملقب برمز الوسامه. 🥀.
