أحفاد عائله المليجي

الفصل الثامن ✨️

الفصل الثامن ✨️

""يا فاتنا فى الحب قلبى قد ملك...
هل أنت من حوا وآدم أم ملك......
عيني إذا نظرت لحسنك سبحت........سبحان من خلق الجمال...... وجملك......
فى الحسن بدر انت والافلاك هم....
هل يستوى فى الحسن بدر أم فلك ....
اوصيت قلبى فيك حتى خانني....
فاراه اهملنى وداك ودللك .......🕊🕊🫀""

》》》》》》》》》》》》》》》》》》》》》》》》》》》》》》》✨️

دلفت الى المستشفى وهى تركض و تنهج فهى قد تأخرت كثيرا على مقابله العمل بسبب المواصلات لترتطم فى جسد أحدهم لتقع منها أوراقها لتنزل وهى تلملمهم لتجد الفتاه التى ارتطمت بها تنزل وتلم معها اوراقها وهى تردف.

رزان بسرعه وهى تلملم الأوراق: انا اسفه والله مش قصدى.

الفتاه بابتسامه وهى تنهض: لا مفيش مشكله بس ممكن تدليني على مكان مكتب الدكتور إللى هيعمل المقابلات للدكاتره الجدد.

رزان بابتسامه: ايوه اتفضلى معايا واهدى محصلش حاجه لكل التوتر دا.

لتتجه رزان والفتاه الى مكتب أمير.

رزان بابتسامه: انتى دكتوره .

الفتاه بابتسامه: اه لسه متخرجه وبدور على شغل ياريت يقبلونى هوا انتى دكتوره هنا .

رزان: ان شاءالله تتقبلي أنتى شكلك شاطره وانا يستى ممرضه واسمى رزان واول يوم ليا هنا.

الفتاه: وانا اسمى ساره وتشرفت بمعرفتك جدا يا رزان انا اسفه اكيد عطلتك على شغلك.

رزان: لا متخافيش انا أصلا خلصت دلوقتي الاستراحة بتاعتى وهى يستى وصلنا اسألى السكرتيرة على دورك.

توجهت ساره إلى السكرتيرة لتردف: لو سمحتى انا جايه علشان وظيفه الدكاتره إللى هتتعين جديد

السكرتيرة: انا اسفه يا آنسه بس حضرتك اتاخرتى والمقابلات انتهت.

ساره: انتهت طب بس انتى كلمى الدكتور وقوليله ان فى دكتوره لسه واصله وشوفيه هيقول ايه.

السكرتيرة: انا اسفه بس الدكتور طلب مدخلش حد تانى.

رزان لساره: هوا فى ايه يا ساره.

ساره بحزن: بتقول وقت المقابلات خلص .

رزان بحزن: أنا اسفه انا إللى اخرتك.

ساره: لا اصلا انا كنت متأخره من الاول .

رزان بابتسامه: متزعليش سيبى الموضوع عليا انا هكلم الدكتور.

ساره: لا انا مش عاوزه اعملك مشاكل وانتى اول يوم ليكى.

رزان وهى تطرق على الباب : متخافيش عليا.

لتدلف الى الداخل انتظرت ساره بالخارج وهى خائفه فهى لاتريد ان تقوم باى مشاكل لرزان لتنتبه الى رزان التى خرجت من المكتب وهى مبتسمه لتتقدم منها وهى تردف : ادخلى انا كلمتهولك .