أحفاد عائله المليجي

الفصل: العاشر 🍁

الفصل العاشر 🍁

- ليس الأذي بالتخلي وإنما بشدة التمسك بما يؤذيك 💔.

-الحنين هو رفيق الأرواح التائهة، والذكريات هي جراح الزمن ❤️‍🩹💕.

- "اِخْتَرْ مُحِيطكَ بِعِنَايَةٍ، الأَمْرُ لَيْسَ دَوْمًا أَنْ تَعْتَزِلَ مَا يُؤْذِيكَ، أَحْيَانًا يَلْزَمُكَ أَنْ تَتَخَيَّرَ مَا يَنْفَعُكَ.💓"

-------------------------------------------------🤎.

كانت تجلس فى كافيه الجامعه تنتظر الفتيات فهم اخبروها ان تنتظرهم وانهم سوف ينتهون من محاضرتهم ويلتقين بها وهى تلعب بهاتفها ليقاطعها صوت شاب من الذين يعملون فى الكافيه وهوا يضع امامها كوب عصير من المانجا.

آلاء بستغراب: بس أنا مطلبتش عصير.

الشاب وهوا يشير على طاوله اخرى يجلس عليها شابان: لا دا الشاب اللى هناك دا هوا اللى باعته لحضرتك.

نظرت آلاء إلى الطاوله التى يشير اليها لتجد ذلك الشاب ينظر لها ويبتسم لتعيد نظرها الى الشاب الواقف وتردف: شكرا رجعهوله وقوله شكرآ بس أنا مش باخد حاجه من حد.

انهت كلامها وهى تلملم اشيائها وتحملهم وتخرج من الكافيه بأكمله ليأخذ الشاب كوب العصير ويعيده الى الشاب وهوا يخبره بما قالته آلاء ويذهب.

سيد الشاب الجالس مع الذى بعت كأس العصير لألاء: هههههههههههه حلقتلك ياباشا.

محمود بغضب: لسه متولدتش إللى تحلقلى انا هخليها تحبني وساعتها هسبها وخليها هى اللى تجرى ورايا.

سيد بضحك: لما نشوف بس متنساش بنات الناس مش لعبه يمكن هى بنت مؤدبه ومش ليها فى السكه دى.

محمود بخبث: اسكت انت أنا عارف دى بتعمل الحبتين بتوعها كلهم بيعملوا كدا فى الاول.

خرجت من الكافيه وهى منزعجه لترتطم بأحد كانت على وشك ان تنفجر فيه من الغضب لتجده اخاها احمد ومعه حمزه.

أحمد بمشاكسه: اهدى اهدى ياجميل مالك بس زهقانه كدا ليه .

آلاء بتوتر: ايه أبدا مفيش انا بس زهقت بقالى ساعه مستنيه البنات فى الكافيه على ما يخلصوا علشان نروح
آمال انتوا جايين ليه .

حمزه: جايين ناخدكوا ونتغدا مع بعض بره عازمنكم على مطعم إنما ايه حكايه.

آلاء بفرحه: الله دى فكره جميله هتعجب البنات واحنا بقالنا كتير مش طلعنا مشوار مع بعض.

أحمد بمشاكسه وهوا يحتضنها: مهوا علشان الضحكه الحلوه دى احنا عازمنكم.

آلاء بضحك: عليا انا بردوا يا ابو احميد ماشى هصدقك.

أحمد: طب انا هروح اجهز العربيه وهكلم أمير ييجى هوا ومحمد ورزان .

حمزه: ماشى وانا هجيب البنات وهاجى وراك.