(Unicode)
တတိယနှစ်စာမေးပွဲနောက်ဆုံးနေ့
စာမေးပွဲဖြေပြီးလို့ တစ်ချိူ့ကျောင်းသားတွေက အခန်းထဲကနေ ထွက်လာကြပြီ။ မင်းသူလည်း သံဇဉ်နဲ့အတူ ထွက်လာလိုက်တယ်။ ကျန်တဲ့သူတွေလည်း အသီးသီးထွက်လာကြတယ်။ သူတို့အားလုံး ကျောင်းအဆောင်တစ်ခုဘေးနားက မြက်ခင်းပြင်ပေါ်မှာထိုင်နေကြတယ်။စကားပြောဆိုပြီး ရယ်မောနေကြတယ်။ တစ်ယောက်နဲ့တစ်ယောက်စနောက်လို့ပေါ့။
ဟိန်းထက် : "ကဲနောက်ဆုံးတော့ပြီးပြီကွ"
မင်းသူ : "နောက်နှစ်တွေကျန်ပါသေးတယ်"
ဟိန်းထက်က မျက်စောင်းထိုးပြီး
ဟိန်းထက် : "မင်းက အပျော်ကို အမြဲဖျက်တဲ့အကောင်"
နှိုင်း : "မင်းသူရာ သွားပြောမနေပါနဲ့ သောက်ကလေးပျော်ပါစေ"
နှိုင်းက မင်းသူရဲ့ပုခုံးပေါ် လက်တင်ပြီး ပြောလိုက်တယ်။
မြတ်သူ : "အကိုကတော့မပျော်တော့ဘူး"
သံဇဉ် : "ဘာလို့လဲ"
မြတ်သူ : "သံဇဉ်နဲ့ မတွေ့ရတော့လို့လေ"
နှိုင်း : "မခွဲချင်လည်း တစ်ခါသာလိုက်သွားလိုက်တော့ ပိုကိုပိုတယ် အမေ့ကို မိန်းမနောက်သွားပြီးလို့ပြောလိုက်မယ်"
နှိုင်းက အမြင်ကတ်စွာနဲ့ဝင်ပြောလိုက်တယ်။
စန္ဒာ : "ဒါကတော့ ကိုယ်တွေကံကောင်းနော် လမင်းလေ"
လမင်း : "ဒါပေါ့"
စန္ဒာတို့ကဝင်ပြောတော့ ရဲရင့်က ဟိန်းထက်ကိုကြည့်ပြီးပြောလိုက်တယ်။
ရဲရင့် : "ဒါဆို ငါတို့ရောပဲလေ"
မြတ်သူရဲ့ မျက်နှာကြီးမဲမှောင်သွားတဲ့ ကျန်တဲ့သူတွေက အကုန်ဝိုင်းရယ်ကြတယ်။
သက်ထား : "ဓာတ်ပုံတစ်ပုံလောက်ရိုက်ကြမလား ကျောင်းမှာတစ်ခါမှမရိုက်ဖူးဘူးလေ"
မင်းသူ : "အေးကောင်းသားပဲ အမှတ်တရပေါ့"
9ယောက်လုံးအတူတူစုလိုက်ပြီး ဓာတ်ပုံ ရိုက်လိုက်ကြတယ်။ သက်ထားက အလယ်ကဖြစ်ပြီး သူ(မ)ရဲ့ညာဘက်မှာက စန္ဒာတို့အတွဲနဲ့ မြတ်သူတို့အတွဲကနေရာယူပြီး ဘယ်ဘက်မှာတော့ ရဲရင့်တို့အတွဲနဲ့ နှိုင်းနဲ့ မင်းသူက နေရာယူထားတယ်။ ဒါက သူတို့ရဲ့ squad ရဲ့လူစုံစွာနဲ့ ရိုက်ခဲ့တဲ့ နောက်ဆုံးပုံဖြစ်မယ်ဆိုတာ ဘယ်သူမှမသိကြဘူး။
YOU ARE READING
နိဒါန်းတစ်ခုရဲ့အတိတ်
Romanceစိတ်တူကိုယ်တူနဲ့ အကြိုက်မတူတာ မရှိသလောက်ရှားတဲ့ သူငယ်ချင်းကောင်လေးနှစ်ယောက် ဘယ်လိုအကြောင်းကြောင့်ခွဲခွာသွားရတာလဲ ပြန်တွေ့ကြတဲ့အခါ ဘယ်လိုတွေဆက်ဖြစ်မှာလဲ Start Date : 15 Oct 2023 End Date : 4 Jan 2024 ****************** စိတ္တူကိုယ္တူနဲ႔ အႀကိဳက္မတူတာ...
