#شمس_الاڪبـر.
⁽♔₎┋𝐙𝐀𝐈𝐍𝐀𝐁 𝐐𝐔𝐑𝐁𝐀 ┋:💛✨
Insta:lf06l
...
شَايِف مِن يجن ڪلهن ؟
لا بيك التگوملهن ، ولا بيك التِرتبَهن
حِزنك ، خُوفك ، والضَياع الـ بيك
گلي شلون متحَملهن ؟
________«♡»________
- بـعـد ايام ليست بقليله.
- رياحين: باعي مدي ايدج مـن الاطراف و اخذي قطعه صغيره بعدين حطيها هيج عـلى جف ايدج و لميها هيج.
- اباوع شلون تسوي و انا اسوي مثلها افر العجين بـ ايدي يمنه يسره بس ما يصير مثل مالتها.
- شمس: هاي شلون هيج تگطعين العجين بڪل سهوله و الله صعبه.
- رياحين : عادي لان اول مَـره انا هم جنت هيج بس تعلمت.
اجتي خاله لابسه عبايتها
- سُعـاد: يله يمه انا رايحه بالجن تحترگن بـ التنور و انـتِ رياحين امي فـدوه اروحلج تلفونج يمج مـن ادك جاوبي بسُرعـه لا تخلين بالي يمڪم .
- رياحين : بعيني.
- شمس: منو ياخذج محمود؟
- سعاد: لا انا اصعد ويا هـذا المخبل يروح يدعمنه.
- محمود : اي هو محمود صاير حايط نصيص ياهو الاجه و صعد فوگا وسفه عـليـَج يمه.
- سُعـاد: يا يمه غير تمشي بسرعه و انا اخافن اصعد وياك .
يله يمه بـعـد روحـي ما اوصيك خاف ابات دير بالك عـلى اخياتك .
- محمود: وينهن الخوات قصدج هاي الزلم المشوربه عمي هاي الزلم الخشنه وصيهم عـليه مــو توصيني عليهم خو هاي شمس شايله سجينتها و تفتر اللـه شاهد گمت اخاف اطلع مـن غرفتي مـن وراها .
- شمس : شبيك تره و الله ما عدنه شوارب .
- رياحين: ديله ؏ الاقل احنه شواربنه مـن اللـه مــو مثل بعض الناس تجيب و تحط
بـ الخبطات .
طلعت خاله تفر بـ ايدها و احنه نتناگر ويا محمود .
- رياحين: عوفي امـشـي نخبز .
- محمود: اخبز وياجن؟!
- شمس: منين تعرف!
- محمود: ما اعرف بس عادي افتحلڪم التنور.
رحنه نخبز و هو اجه ويانه يفتحلنه التنور.
- شمس: ريحانه انا اول عـليـَج اللـه.
- رياحين: اول شي اسوي وحده گدامج و بعدين سوي انـتِ .
خبزت وحده گدامي و سويت و راها
بـ البدايه الموضوع سهل بس مـن الخبزه انمدت شويه التفت و لزگت بـ ايدي باوعت لـ رياحين .
أنت تقرأ
شمس الاكبر
Mystery / Thrillerخَبيث مُفسِد وَحشٌ مُستَبد لا يَرحَم يُقَيدني بَينَ ذِراعَيِه ڪَالفَرِيسْه بَينَ اَنياب الثعلب . رَماديه مُعتَمه اُحاول جَمع شُتاتي هارِبَه بـ اَوجاعِي الى المَجهول رافضَه اَنْ اڪون الضَحِيه . #شمس_الاڪبر. 𝐙𝐀𝐈𝐍𝐀𝐁 𝐐𝐔𝐑𝐁𝐀 💛✨ insta:lf06l...
