شمس الاكبر

Part 29

#شمس_الاڪبـر.

𝒛𝒂𝒊𝒏𝒂𝒃 𝒒𝒖𝒓𝒃𝒂 ✨.

Insta : lf06l

- متابعه للحساب.

- تصويت للبارت بـ ★.

- تعليق بين الفقرات لطفاً 🦉🤎.

""""

‏مِنين مَا تندَار أحبَك بحَر
و يَحاوط جزيرّه يا طمَوحاتي
الأخيرَه يا مُعاناتَي الچبيرة .

________«♡»________

لبسني الذهب و خلالي مـن الحنه ..تقرب مـن اذني يهمس
- علي الاڪبـر: شرعاً و قانوناً انـتِ روحه
لـ علي الاڪبـر.

- امل: ڪافــي عمه شمالك جلبت بـ البنيه.

- سُـعاد: يا خيه عوفيهم شحلاتهم.

ابتعد عني دنگ راسه مبتسم شويه و صاحوله فـ طلع .. صـارت قريب الـ 11 بليل و العالم بعدها و انا ضهري تڪسر مـن الگعده و متت مـن الجوع ...جابتلي امي عشاء بين ما تعشيت بدأت العالم تخف و البقه اهل امي هدى باتو بـ بيت خاله سعاد و اهل امي ياسه باتو يمنه.

متت مـن وجع ضهري اريـد انـام ما اگدر.

- شمس: وين هُـمـام گليله يخابر علي الاڪبـر يگله باجر ما نروح للقاعه نسوي بس زفه و خـلص.

- يـاسه: يا امي چا مــو حجزتو قاعه .

- شمس: شنسوي بـ القاعه نروح بس نتمرگص لو هم اظل گاعده و هم ضهري يتڪسر .

- مرام: يا خاله هو مَـره بـ العمر قابل يوميه معرسين.

- شمس : خاله انا اعرف علي الاڪبـر يتضايق مـن هالسوالف و اذا راد يروح فـ يروح بس علمودي انا ...و انا ما اريـد اروح بـعـد شڪو اذا اثنينه ما نريد المن رايحين.

- ياسه: هسه يجي مصطفى و اخلي يحاجي و نشوف.

- شمس: ضهرييي ولجج يمههه.

- يـاسه: تعـالـي امرغلج ضهرج ...ترديـن احطلج مـن هـذا المرهم.

- شمس: لا ريحته مــو طيبه خاف تلزگ
بـ جسمي.

- مرام: گومي خاله گومي اسبحي بـ مي دافي بلڪي شويه ترتاحين.

- ياسه: يله اتصلت عـلى مصطفى هسه يجي بين ما تسبحين.

دخلت للحمام علگت ملابسي .. فتحت مي دافي و وگفت جوه الدوش ...اجيت ابـجـي مـن وجع ضهري ڪل اليـوم انا ڪاعـده و متشنجه بسبب الفستان.

طلعت مـن الحمام گبل ذبيت نفسي ؏ السرير و نمت عـلى بطني.

- ياسه: يا ولج گومي شعرج ينگط مي هسه تتمرضين.

شغلت التدفئه و اجت يمـي تنشف بـ شعري
- ياسه: و يمه البنات ...عشره و اگول گليلات.

- شمس: لا بس شمس تسوه ابو العشره.