#شمس_الاڪبـر.
𝒛𝒂𝒊𝒏𝒂𝒃 𝒒𝒖𝒓𝒃𝒂 ✨.
Insta : lf06l
- متابعه للحساب.
- تصويت للبارت بـ ★.
- تعليق بين الفقرات لطفاً 🦉🤎.
""""'
و أنتِ بـ آفاق الروح شروقاً و مغيبا ..
________«♡»________
- شمس:
هستوني غفيت و حسيت احد يگعد بيه ..جريت الجرجف و غطيت راسي ما اريـد اگعد
- يـاسـه: ولج گومي ورانه فره بـ السوگ هم يله نلحگ.
- شمس : شنسوي بـ السوگ مــو اشترينه ڪلشـي بـعـد المن رايحين.
- يـاسـه : ولج گومي جا و البدله بيمن تعرسين ترحيلهم بـ التراك گومي. .
- شمس : بـعـد وكت شعدنه مـن هسه ترا بـعـد اسبوعين ؏ العرس .
- يـاسـه: انـتِ ما شايفه نفسج تظلين تتنعوصين عـليه هـذا لا و هـذا ما عجبني .
- شمس: هـاا سوسي اختلفتي عـليه ؟!
عود من اتزوج اتندمي و ظلي تبجين عـليه .
- يـاسه: شوف شلون تگلب السالفه عـليه هو انا غير علمودج حتى بعدين ما تظلين تفرين
بـ اذاناتج .
- شمس: خليها عـلى باجر و اللـه نلحك.
- يـاسـه: گومي ترا علي الاڪبـر جوه ينتظرنه .
طفـرت مـن مڪاني ادور ؏ الڪماشه اريـد الم شعري
- شمس: لـيش ما گلتي لعد .
رحت غسلت و رجعت مـن الخبصه الغراض گدامي و انا ادور ...خلصت ڪل شي بسُرعـه و نزلت شايله حذائي بـ ايدي.
نزلت بـ الصاله ماڪو بس امي و مصطفى
- شمس: لعد وين علي الاڪبـر ؟!
- مصطفى: شني حلمانه بـ علي الاڪبـر.
باوعت لـ امي دارت وجهها عني تضحك ..طلعت وياهم مطنگره اريـد ارجع انـام .. حسيت واحد يدغني بـ ڪتفي
- شمس: هممم.
- مصطفى: شبيج تمشين مغمضه.
- شمس: نعسـانه ما نايمه.
- مصطفى: حذائج البسي شڪو شايلته
بـ ايدج.
لبست حذائي و صعدت بـ السياره حطيت راسي عـلى كرسي السايق ...مصطفى يحجي وياي بس يريدني اصحصح.
- مصطفى: شنو ما عندج غير لون يوميه لابستلي اخضر.
- شمس: لـيش شبي حلو.
- مصطفى : طـالعـه جنج عگروگ مال جت.
- شمس: شمعرفك انـتَ حير بـ روحك .
- مصطفى: علويه.
- شمس: هاا ؟
- مصطفى: ما تنطيني مراد.
أنت تقرأ
شمس الاكبر
Mystery / Thrillerخَبيث مُفسِد وَحشٌ مُستَبد لا يَرحَم يُقَيدني بَينَ ذِراعَيِه ڪَالفَرِيسْه بَينَ اَنياب الثعلب . رَماديه مُعتَمه اُحاول جَمع شُتاتي هارِبَه بـ اَوجاعِي الى المَجهول رافضَه اَنْ اڪون الضَحِيه . #شمس_الاڪبر. 𝐙𝐀𝐈𝐍𝐀𝐁 𝐐𝐔𝐑𝐁𝐀 💛✨ insta:lf06l...
