شمس الاكبر

Part 51

#شمس_الاڪبـر.

- زينب قُربى  ✨.

- Insta : lf06l

- tele : gjgj202

- متابعه للحساب.

- تصويت للبارت بـ ★.

- تعليق بين الفقرات لطفاً 🦉🤎.

"""""

________«♡»________

نزلت يم البنات و ورا دقايق اتصلت امي عـلى خاله سعاد و اتفقو يجون العصر ..

اباوع لـ رياحين عرفت شنو الموضوع و خدودها احمرن مـن الخجل ..

رحت يمها و حضنتها حيل .
- رياحين : شبيج؟

- شمس: ممتنه الج رياحيني ...بـ نقائج و اسلوبج اللطيف گدرتي تسوين الشي اللي احنه عجزنه نسوي لـ سنوات طويله .

العصر اجوي امي و البنات مريم و ڤيان وياها ..

هم بـ الصاله و انـا و ضي و ود واگفين
بـ المطبخ نشجع رياحين تدخل تقدم الضيافه ..

- شمس : ديله يا عيني مــو نحمسنه مـن الحر .

- رياحين : استحيي.

- ضي : منين تستحين يحضي .. اليسمعج اول مَـره تشوفين خاله ياسه .

- رياحين : مــو اول مَـره بس هالمره غير.

- ود الله : يله ريحانه انـتِ اقوى مـن هيج موضوع سخيف .

- رياحين : تمام بس تعالن وياي.

- ضي : اي هاي شمس تروح ويــاج.

خزرتهن و اندارت تريد تطلع.
- رياحين : طيح اللـه حضجن شلون خوات .

- ضي : حبيب گلبي الغالي مقبوله منـك.

طلعنا انا وياها قدمت الضيافه و اجتي گعدت بيني و بين خاله سعاد ..

- يـاسه : ريحانه شـلونـج امي ؟

- رياحين : الْحمـد للــه ..

حصرتني الضحكه عـلى منظرها و شلون الڪـلمـه بـ الگوه تطلع منـها ..

خجلت و گامت مـن بدأو يحجون بـ الموضوع.

- يـاسه : ام علي انـتِ تعرفين سبب جيتنه هو نخطب رياحين لـ ابني هُـمـام ..و ما يحتاج احجيلج عـليه هو هم ابنڪم و تعرفونه اڪثـر منـي ..

- سعاد : و اللـه يا ام هُـمـام ابنج رجـال و النعم منه و مثل ما گلتي هو وليدنه بس
بـ النهايه  القرار يبقى للبنيه ..

بقو همَ يحجون و انا و البنات سحبنا نفسنه
للمطبخ لگينه البنات واگفات يتسمعن ..

- مريم : مبروووك رويحه.

- ڤيان : الف مبروك حبيبتـي .

- رياحين : شنو هالرسميه ترا اخجل.