شمس الاكبر

Part 49

#شمس_الاڪبـر.

- زينب قُربى ✨.

- Insta : lf06l

- tele : gjgj202

- متابعه للحساب.

- تصويت للبارت بـ ★.

- تعليق بين الفقرات لطفاً 🦉🤎.

"""""
تعال و شيلني بـ گلبك
ترا ما ظل وڪت
و يشيلني التابوت ..

________«♡»________

- ضي :

گعدت عـلى الم فضيع بـ راسي .. أحـس
بـ وجع و صداع قوي بسبب اللي صـار البارحه ..

شفت رياحين بعدها نايمه فـ گمت اتسحب عـلى ڪيف حتى ما اطلع صوت و افززها ...

نزلت جوه لگيت عمه سعاد و شمس جاي يتريگون ..

- ضي: صباح الخير .

- صباح النور.

- ضي : لعد الولد وين؟

- شمس : راحو عـلى بيبي رضيه.

- ضي : لـيش صاير شي؟

- شمس : هيَ رادتهم علمود موضوع حسين و ود اللـه .

- ضي : لعد لـيش ما گعدتوني ارجع وياهم ؟

- شمس : گلت لـ علي الاڪبـر اگعدج خاف ترديـن ترجعين بس ما قبل گال خليها بـعـد كم يوم يريد يطلعنا نشتري ملابس للجامعه .

- ضي : عمي لو هيج الاخوان لو بلا.

- سعاد : اگعدي عمه تريگي لا تظلين صايمه.

- ضي : لا عمه ما اريـد ..بس راسي يرجعني ما عندج حب راس شي.

- شمس : اصعدي لـ غرفتي تلگيها بـ المجرات اللي مـن جهة علي الاڪبـر .

دخلت للغرفه و صفنت ..هسه انـي شدراني يا هيَ جهة علي الاڪبـر ؟

اوف هاي شمس غير مطفيه .

ديله هسه انـي شلوني صعدت گبل غير اسألها بـ يا جهة هو ينام ..

فتحت المجر الاول جـان بي اوراق و ملفات ..فتحت الثاني هم نفس الشي .

رحت ؏ الجهه الثانيه فتحت اول مجر جـان بي علبتين مرسوم عليهن شعار الصيدليه ..فتحت الاولى وجانت متروسه اختبارات مال حمل ...

بقيت ثواني صافنه بيـها و مـن انتبهت
لـ نفسي گمت سديتها و طلعت مقهوره ...

ضحكت بـ استهزاء ؏ اللي جاي يصير ..بـ هـذا البيت ما ادري عـلى منو ازعل ..عـلى اخواني اللي امهم مسوده عيشتهم .. لو عـلى شمس اللي نفسيتها تدمرت بـ سبب حجايه ..لو عـلى محمود و هـذا بحث اخـر ..

نزلت لگيت رياحين گاعده ..مدت راسها مـن باب المطبخ تصيحلي ..باوعتلي مبتسمه ..

- رياحين : متريگه ؟