Go away;Come here

2°

ကျောက်ပတ်တီးနဲ့မို့လို့ လှုပ်ရှားရတာ
သိပ်မလွယ်တာကလွဲရင် ဂယူဗင်းရဲ့ ​
နေ့စဥ်ဘ၀က အ​တော်​လေးအဆင်​ပြေလှသည်။

မူကြိုလည်းသွားစရာမလို​တော့​​ပေ။
အိမ်စာလည်း​ရေးဖို့မလို​တော့သလို ​
ရေလည်း​နေ့တိုင်းချိုးဖို့မလို​တော့။​ရေလည်းကိုယ်တိုင်သွားခပ်​သောက်စရာမလို​တော့​ပေ။

ပြဿနာက အရမ်းပျင်းဖို့​ကောင်းတာတစ်ခုပဲရှိသည်။ ဂယူဗင်းဆိုတာ ​နေ့တိုင်းထွက်​ဆော့​နေကြ
က​လေး။ အခု​တော့ ကာတွန်းကားကြည့်လိုက်၊
ယူကျူကြည့်လိုက်နဲ့ လုပ်​နေရတာ ၄၊၅ရက်​လောက်ရှိပြီ။ ဂယူဗင်း အ​ငြိမ်မ​နေချင်​တော့။

ဘွားဘွားက​တော့ ဂယူဗင်း
လက်က ​ကျောက်ပတ်တီးကို မြင်တိုင်း စိတ်ဆိုးပြီး
​မေ​မေကို ခဏခဏဆူသည်။
ချွမ်း​ရွေ့ကိုလည်း လူဆိုး ​လေးလို့ အဓိပ္ပါယ်ရ​ပုံ​ပေါ်တဲ့ စကား​တွေကိုလည်း ​ပြော​သေးသည်။
အဲဒီအချိန်တိုင်း  ဂယူဗင်းက ကူ​​ပြော​​ပေးခဲ့တာကြီးပဲ ချွမ်း​ရွေ့ဘက်က။

အခုလည်း ချွမ်း​ရွေ့က အိမ်အလည်လာမယ်လို့
ကြား​တော့ဂယူဗင်း​လေးက ဖင်တကြွကြွဖြစ်​နေပြီ။ဘွားဘွားက​တော့ သူ့​မြေးကို လုပ်ထားတာ​တွေ့မှ မသိမသာဆူပစ်ဦးမယ်လို့ ကြိမ်း​နေတာကို ကြားသည်။

ကားသံကြားတာနဲ့ ဂယူဗင်းက​ ဆိုဖာ​ပေါ်က
လှုပ်တုတ်လှုပ်တုတ်​လေး​ပြေးဆင်းလာပြီး
တံခါး​ရှေ့​ပြေးတာ တန်း​နေ​ရော။

"​ချော်လဲမယ် မ​ပြေးဘူး ဂယူဗင်း"
​မေ​မေ လှမ်း​အော်သံလည်း ဂယူဗင်း နားမ​​ထောင်နိုင်။

ချွမ်း​ရွေ့ကိုမြင်​တော့ ဂယူဗင်းက လှမ်းပြုံးပြသည်။
ချွမ်း​ရွေ့ရုပ်ဆူဆူပုတ်ပုတ်​လေးကိုမြင်​တော့
ဂယူဗင်းရဲ့ အပြုံး​တွေ​တောင် မဲ့ကျသွားသည်။

တီတီက​တော့ ဂယူဗင်းကို လှမ်းရယ်ပြသည်။
တီတီ နဲ့ ချွမ်း​ရွေ့နဲ့က တခြားစီ။ ​
ကောက်ရထားတာလည်း မသိဘူး တီတီက
ချွမ်း​ရွေ့ကို။

ဂယူဗင်းက​တော့ အဲလို​တွေးချပလိုက်သည်။
တပြိုင်နက်တည်း ချွမ်း​ရွေ့အ​ပေါ်ကိုလည်း
သနားစိတ်ပိစိ​လေး​တောင် ပိုသွား​သေးသည်။