"قالوا العمر سهم وموج البحر اميره سافرت كل العمر ورجعت احب اميرة السهم"

جزء السادس

(الصباح عند عرسانا)
سهم: يابنت قومييي كل ذا نوم ترا الساعه١٠
اميره بهمهمه: طيب
سهم: بدخل اتروش اطلع ما القاك قمتي ياويلس
اميره: اذلف
سهم دخل تروش وخلص وطلع وشاف اميره لسا نايمه وقال بصوت حاد: اميرههه قومي ووجع
اميره: مريض انت خلاص باقي تونا على الغداء ياخي
سهم سحب الفراش و شال اميره : يعني تبينها كذا
اميره حطت راسها على كتفه: حبيبي ياخي فيني خمول
سهم شاف وجهها الطفولي : طيب عاد شنسوي
اميره نزلت و دخلت الحمام تروشت وطلعت و المنشفه حول صدرها وانسدحت على السرير
سهم دخل وشافها : بنت قومي يرحم ل امك بنتأخر
اميره قامت ووقفت قدامه: ازعجتني اف ودفت سهم
لبست فستان وربي حلو و بسيط وماسك على خصرها وطويل
وسوت شعرها ويفي وتعطرت و كل شي وطلعت الصاله
اميره: ياوسخ مزعجني قومي قومي وانت لسا ب المنشفه
سهم: طيب بقوم
اميره: يلا قدامي الغرفه
سهم: ابشري و شال اميره ودخل الغرفه
جهزي البخور ولبس قدام اميره
اميره: المره الثانيه ماتلبس قدامي
سهم بضحكه خبيثه: نسيتي وش صار امس
اميره: قسم بالله انك خبيث تعال ابخرك
سهم تقدم و حط يده حول خصرها
اميره: ياحلوك ياحظي فيك ياسهم مزيون بحصنك
سهم: الله لا يحرمني منك
اميره: ابي بوسه قبل نطلع
سهم باس خد اميره : اعشقس
اميره : يلا نطلع زودناها
سهم مسك يد اميره وطلعو
......................................................
(في بيت ال فهد)
فهد: ياعبدالله تعال يامال الوجع
عبدالله: لبيه سم شبغيت
فهد: اذا خلصو من فرش الفرشات قل لهم يحطون شي يغطي عن الشمس
عبدالله: ابشر ذ الساع اقول لهم
تركي: ارحبو (سلمو و الخشوم سلام الرجال)
فهد: ياهلا اقلط
عبدالله :طيب يايبه تسحب علي وانت ماقلت لي اقلط
فهد بضحك: من يوم بزر وانت تغار اعقل هههههههههههههههه
تركي: ياخوي مابينا انت اخوي الكبير وسندي يلا بيجون العيال الحين
بدو يجون المعازيم بكثره ودخل سهم : السلام عليكم ياهلي
الرجاجيل بدو يسلمون على سهم و يعطونه الهدايا و المبالغ
................................................................
(عند الحرام داخل)
اميره دخلت وسلمت على الحريم وجلست مع الحريم
لطيفه : ارحبي يا اميره شلونك
اميره: البقى ياعمه والله الحمدلله بخير
لطيفه: دوم يارب
لطيفه وهي مستغربه: اميره يابنتي وش الي في رقبتك الاحمر
اميره: وش يخاله
لطيفه: قومي يابنتي روحي شوفي
اميره: طيب
قامت وراحت غرفته افراح وشافت رقبتها
اميره في نفسها: الله يقلع بليسك يا سهم شسويت
فراح دخلت: بنت شفيك؟
اميره : سهم شوفي وش سوا
فراح فطست ضحك عليها: ياماما تعودي شكل افترسك امس
اميره ب احراج : اي بس شلون بتروح شكلها مو حلو
فراح : شوفي رقبتي كلهااا كذا عادي قولي عندي حسسيه
اميره: صح عليك يلا امشي
راحو البنات يتغدون
...................................................
رهف راحت المغاسل تغسل وطلعت برا من الباب الخلفي تكلم صديقتها
دخل سامر (سامر يصير ولد صديق الجد فهد عمره٢٠)
سامر: مين هاذي الحلوه
رهف بصدمه وخوف : وش جابك هنا روح بدخل
سامر: قولي من انتي و اروح ولا ماتبين ياعسل
رهف : وسخ ابعد ترا بصارخ
سامر: محد بيسمعك كلهم مشغولين
رهف بدت تبكي : ابعد ياخي ما احل لك
(عبد العزيز دخل كرتون الماء وشاف كيف سامر محاوط رهف )
عبد العزيزبصوت حاد وضخم : ياملعون ابعد عنهاا
رهف ركضت وحضنت عبد العزيز : مدري من هاذا جاء يتحرش
عبد العزيز: ايا الوسخ جاي تشوف محارمنا
سامر بتوتر: بنت حلوه وجبت قلت شسمها
عبد العزيز : شتبي في اسمها خطيبتي
سامر في نفسه : ما اكون ولد ابوي اذا مادمرتك يا عزوز
عبد العزيز: انقلع بسرعه قبل احفر قبرك
سامر: طيب طيب بروح يا مريض
وراح المتخلف سامر
رهف بصوت باكي وخفيف: عزوز شكراً لو ماجيت كانت بموت
عبد العزيز : ماعليك يا امي ادخلي ولا تقولين ل احد الي صار
رهف : ابشر وركضت داخل
عبد العزيز : كلها اسبوع و اخطبك يا رهوفه
......................................................
(خلص الغداء و الكل راح بيته)
سهم دخل المجلس الي كان فيه ( اميره و امه و شيخه و افراح و رهف و دانه بس كانت متغطيه و جدته غزلان
سهم: ماشالله الكل الكل متجمع ليش ماقلتو لنا ندخل
لطيفه :لالا شتبون في النسوان
سهم جلس جنب امه و جدته
غزلان: اقول لكم ماودكم تزوجون دانه
دانه بصدمه : لا
غزلان :ليش يابنتي تراس كبيره
دانه: مابعد جاء النصيب (وهي في بالها مصعب اخو اشواق )
شيخه : ابد والله الي بيجي يتقدم لها بنوافق عليه
دانه زعلت: يصير خير
سهم: عن اذنكم بنروح انا واميرتي
افراح: عشنا وشفنا
سهم: البخي بس يلا اميره قومي
اميره : ان شالله
لبست وقامت وركبو السياره
سهم: شفيك كنك معصبه
اميره: اي معصبه منه
سهم: افا ليش
اميره: بقول في البيت
سهم: تم
اميره: سهومي ابي البقاله
سهم: ابشري ماطلبتي شي
..........................................
(عند البنات الي لسا في بنت ال فهد)
فراح : دنو شفيك انتي زعلانه
دانه: خايفه
فراح: من وش
دانه: ان ابوي و امي يزوجوني اي احد يتقدم لي وانا ابي مصعب
فراح : ياحبيبتي انتي ان شالله يكون من نصيبك و الدنيا قسمه و نصيب
دانه: اهخ جدتي ليش جابت الطاري
فراح: يابنتي انا زوجتني ولد صديقتها غصبً عني وشفيني انا ويها زي السمن على العسل
دانه: الله يخليكم لبعض
فراح بحماس: بقول لك شي خاص
دانه: وشوو
فراح : انا حاملل
دانه نقزت : كذابهههه
فراح: والله
دانه: يعني بيصير في حفيد جديد
فراح: ايي
دانه: ابد مارح اقول ل احد
فراح : يلا انا بروح البيت فيني نوم وتعب
دانه: استودعتك الله
.......................................
(عند سهم و اميره في السوبر ماركت)
سهم: اشتري الي تبين اليوم عندي داوم في اليل
اميره : تم
وصارت تركض بين الممرات وتقش من كل انواع الشبسات و العصيرات و الحلويات
سهم: بنت كل ذا لك
اميره: لا لي ولك
سهم بضحكه: طيب يلا اخلصي
اميره قربت من وضربت بطنه
سهم: ااوع شفيس انتي
اميره: سحرتني ضحكتك مابيك تضحك قدام الناس ويلا حساب
سهم: روحي اركبي السياره
اميره ركبت السياره و قعدت تصور سهم وهو جاي
اميره: شوفو يا العرب هاذا زوجي سهم شايل الاكياس بق بوي سهومي
سهم ركب وربط الحزام : اقربي
اميره قربت ركان اول زر من العبايه مفتوح
سهم دخل الفاتوره في صدرها : ٣٠٠ريال لس حشى كان قشيتي الي يسحاب
اميره بضحكه: طيب ليش تدخل الفاتوره موب صاحي
سهم ضحك : حلالي
اميره: ياحلو زوجي وبسسس
سهم مسك يدها واتجهو للبيت
.......................................................
( عند سامر واخوه سعيد)
سامر: ولد اليوم شفت بنت تاخذ العقل بس جاء عبد العزيز وخرب علي وتخيل طلعت خطيبته
سعيد: ياولدد انت تبيها
سامر بتنهيده: اي ياسعيد
سعيد: يابزز عبد العزيز اصلاً مابعد خطب
سامر:امانههه
سعيد: اي والله كذب عليك عشان تروح ياسبك
سامر: اسمع شرايك نخطفها
سعيد: هيه انت انا مالي دخل نسيت ان اخوها سهم وابوها عبد الله وعمها تركي
سامر: مارح يدرون اصلاً
سعيد: انا مالي دخل تبي تخطفها بلحالك انت انا رجال مابي تصير بيني وبين ال فهد مشاكل
سامر: طيب طيب يلا توكل
......................................................
(عند سالم و افراح)
افراح لبست فستان ابيض ماسك و قصير فوق الركبه وكشخت كشخه حلوه
سالم: اوب اوب اسلم وش ذا الزين
افراح قربت منه مسكت وجهه بيدها الصغيره: في شي بيخليك تطير
سالم شال افراح بحركه سريعه: وشو
افراح في غرفتنا
سالم: تمام الله يستر
ودخلو الغرفه وشاف بكس ابيض وسط
سالم: وش ذا وش فيه
افراح : تعال قرب منه
سالم قرب و مسك يدها وفتح البكس
فراح: شوف زين
سالم: انن تتتييي حاملللل!
افراح بدموع :اي اي حامل
سالم: اسألك باالله
فراح: اي بتصير احن و افضل اب
سالم سجد من الفرحه وبكى: الحمد الله بصير اب يا افراحوه
فراح: ياحبيبي انت
سالم: بطير من الوناسه
افراح رقت فوق السرير عشان تصير في طول سالم
سالم قرب منها
افراح: اعشقك يا دنيتي
سالم: وانا اهيمس يا ام عيالي
وافراح دفنت راسها في نحر سالم واعطه بوسه وعلمت
سالم: فداس كلي
ونامو احلى نومه من بعد خبر حلو
...............................................................
(عند سهم و اميره)
سهم بصوت عالي من الحمام : اميرههههه تعالي ابي المنشفه
اميره بضحك: بزر انت كيف تنسى
سهم : عطيني ولا طلعت لك
اميره: خذ المنشفه
طلع سهم وشعره طايح على وجهه وجسمه رطب
اميره : حتى وانت متروش حلو ارفق بي ياخي
سهم:تعال بس نشفي شعري
اميره طيب ببوسك
سهم: تستأذنين ليش
اميره: مدري
وباست نحر سهم بكل قوتها وحبها
سهم مسك خصرها وشد عليه: بنت ارفقي بي تكفين
اميره بخبث: شف رقبتك صار فيها حقوقي
سهم: ياكلبهه
اميره: زوجي وحلالي وركضت تحت تشوف الاغراض
سهم في نفسه: يارب صبرني عليها مجنونه بس تاخذ العقل
اميره بصراخ يخوف : سهمممم تعالل الحقني
سهم جاء ركض ومسرع: شفيك بنت وش صار
اميره : افتح علبة الببسي مااقدر
سهم جلس على الارض وعروقه بارزه وعيونه حمراء : الله ياخذك روعتيني فارقي عن وجهي
اميره بصوت طفولي: اسفه بس اعرفك تعاندني
سهم: عندك ثواني اذا ماطلعتي والله ل افلم فيك
اميره: طيب يامريض بروح
سهم: متزوج بزر ولا حرمه
اميره ب زعل: اوكيه بروح
سهم طلع للحوش الكبير الفخم يدخن
اميره:افف شسويت الحين يزعل
اميره نزلت للحوش و حاوطت رقبته وقالت: اسفه سهومي
سهم في نفسه : تعرفين العرق الحساس بس بصمل
اميره: لا تزعل ماكان قصدي
سهم: وين اصرفها ذي روحي فوق مابي اعورس
لف وشاف خشم اميره الي دل انها تبكي
فز سهم وحضنها: بنت لا تبكي بس كنت ابي ارد الحركه
اميره وهي تمسح دموعها: طيب احبك
سهم سحبها وجلسها في حضنه : وانا اموت فيسس
وجلسو يسولفون و يلعبون لين المغرب
................................................