"قالوا العمر سهم وموج البحر اميره سافرت كل العمر ورجعت احب اميرة السهم"

جزء اربعه وثلاثين

(في المستشفى)
الكل متجمع ينتضرون على احر من الجمر
طلع الدكتور وملامح وجهه توتر
سهم: بشر يادكتور ان شاء الله انه زين
الدكتور سكت شوي وخلى الدم يتجمد في جسم رهف
الدكتور ضحك: الحمدلله بخير والعمليه ناجحه وذلحين بيروح العنايه والصباح ان شاءالله بيصحى
رهف طاحت منهاره موب مصدقه: الحمدلله ياربب
سهم جلس رهف على الكرسي: شفتي ان عزوز قوي يلا بيصحى ان شاءالله وبتشوفينه
رهف: ان شاءالله
...................................................
(في ميلانو الفندق)
دانه وهي ترتب الشناط: يلا قم البس لازم نطلع الجو يجنن فيه ثلج
مصعب انسدح على الكنب عطني خمس دقايق واقوم
دانه لبست طقم بني مرره يجنن عليها وربطت شعرها ذيل فرس مرتب
دانه بتهديد: واحد اثنين ثلاثه ترا بكب عليك مويه
مصعب فز: لالا قمت يامجنونه
دانه: اي شاطر يلا انتضرك بسرعه
مصعب لبس طقم ابيض يشبه ل حق دانه بس ابيض وعدل شعره
دانه: اووه وش ذي الكشخه تعال العطر في الشنطه حقتي
مصعب وهو يتعطر: فيه جدول اليوم لك فنانن بس خلي عندك طاقه لا اوصيك
دانه وهي تمسك يده: ماعليك عندي طاقه
نزلو تحت يتمشون دانه صرخت يوم شافت الشارع الي حلمها تمشي فيه: صوصووو مو مصدقهه احبكك ابي اطيرر
مصعب: افاا يا ذا العلم صوصو مره وحده
دانه نقزت في حضنه: ايي صوصوو
مصعب: بس قدام الناس تعالي حجزت لنا في افخم مطعم هاذا هو
دانه طالعت في عيونه بحب: ما اقدر ابين غلاتك عندي الغلا احساس انا في عيونك مواطن دولته صارت عيونك ياصوصو
مصعب شد على يدها وهو يدخلها في جيب الجاكيت حقه: ياحظ قلبي يوم اختارك وياحظ عيوني يوم شافتك يادنوش
دانه ببراءة: بيبي خلنا ندخل المطعم تراني جوعانه
مصعب ضحك عليها: يلا ياعيون بيبي
......................................................
(في الآمارات قصر صقر)
خليفه: هاهه يمه كلمي ام سالم بسرعه ابي اخطبها
مهره: ترا ازعجتني طيب خلاص بتصل عليها
اتصلت عليها وردت نوره: ياهلا بمهره
مهره: هلابك شخبارك
نوره: بخير الحمدلله انتي شخبارك
مهره: بخير دامك بخير ابي اكلمك في موضوع
نوره: امري
مهره: انا ابي اخطب لمار ل ولدي خليفه هو شافها بلغلط وقال يمه ابيها على سنة الله ورسوله
نوره: والله ماتوقعت صح انها صغيره بس الشور شو ابوها والبنت انا عن نفسي موافقه يا امي بكلم ابوها ونرد لكم قبل
مهره: فأمان الله مع السلامه
نوره: مع السلامه
مهره: خليفه نوره موافقه باقي تكلم البنت وابوها ويصير خير
خليفه: يمهه ادعي ادعي اني اتزوجها يمه خذت قلبي النتفه
حصه وهي تشرب شاهي: اوهه كلن على همه سرا صدق احترم ترا قاعد تكلم امك موب انا حصه
مهره رمت الجوال عليه: قم قم اطلع بسرعه مابي اشوف وجهك جب لنا الاغراض الي ارسلت لك
خليفه: زعلان روق ب المنجا امزح يلا بقوم
صقر: شوضعه ذا يلا قم
حصه: ابي فلوس يبه
صقر: ياعيون ابوك كم تبين
حصه: ابي ثلاث الاف درهم عادي
صقر: فداك فلوسي ابشري بحول لك
حصه حضنت صقر: احبك 
.................................................
(في ميلانو عند مصعب ودانه)
دانه: الاكل يشهي بذات الاسباغيتي 
مصعب: اذا ذي سبقتني ذي
دانه: لاااا تكفى لا يسمعونك صوصو موو كذا اسمها
مصعب: وش دراني طيب اقول بس اكلي وعيني من الله خير
دانه حطت راسها على طرف الطاوله وانفجرت ضحك: هلكتني سبقتني هاه
مصعب: يختي اكلي وانتي ساكته ياماما مصعب يخوف
دانه استوعبت ورفعت راسها: وش تقصد ترا عندي سكين بنهيك
مصعب: يوم كنتي صغيره تخافين مني عشان على ملابسي دم
دانه: شلون تتذكر بعير ماتنسى
مصعب: حبيبة الطفوله شلون تبيني انسى
اكلو وخلصو وطلعو من المطعم
دانه جلست على الكرسي تتأمل مدينة احلامها
مصعب لف وجهها: قلبش خشمك احمر برد عليك
دانه: شوي مو برد عادي
مصعب اخذ الشال حقه ولفه حلو رقبتها وغطاها عدل
فتاة اجنبيه قالت: Hai un cuore premuroso(لديك قلب حنون)
دانه: Grazie mille per la tua gentilezza(شكراً جزيلاً على لطفك )
مصعب: وش تهبدون انتو
دانه: تقول ان انت عندك قلب حنون عشان حطيت الشال علي وانا قلت لها شكراً على لطفك
مصعب سحبها لحضنه: اكيد عندي قلب حنون
دانه رفعت راسها: ماشاءالله يا الثقه الي في محلها
مصعب: تعالي نشرب هوت شوكليت ندفى شوي
دانه: يلا ما اقول لا
.......................................................
(في المستشفى عند عبدالعزيز)
رهف كانت تنتضر عبد العزيز يقوم على احر من الجمر
عبدالعزيز فتح عيونه بشويش: رهف انتي
رهف فزت: اي ياروحي رهف رهف الحمدلله انك صحيت
عبدالعزيز: راسي يعورني وبطني
رهف: ارتاح لا تقوم طبيعي والحمدلله على سلامتك
عبدالعزيز: الله يسلمك
رهف مسكت يده ودموعها تاخذ مجراها: خفت انك تروح وتخليني يا عزوز
عبدالعزيز: ليش تخافين انا الحمدلله بخير بعوضك والله بعوضك على وقفتك معي وتعبك وصبرك
رهف قربت منه ومسكت وجهه بيدها الصغيره: اهم شي عندي انك بخير وترجع لي انا ونجد هاذا الي ابيه
عبدالعزيز باس خدها: الله لا يحرمني وين نجد ابيها
رهف: عند امي بقول ابوي يجيبها
عبدالعزيز: راحو سهم واميره
رهف: اي خليتهم يروحون تعبانين وسهم يبي عياله
عبدالعزيز:تعالي انسدحي جنبي
رهف: خايفه اعورك
عبدالعزيز: لا تقولين كذا وتعالي
انسدحت جنبه بحب وغمضت عيونها تغفى في حضنه
عبدالعزيز: يا دنيتي انتي التعب في عيونك واضح
.................................................

اتمنى هاذا البارت مو قصير💀.

كيف مصعب ودانه سبقتني شيي ولا في الخيال😂😂😂..