سهم راح طيران لبيت عمه تركي يجيب التوام ويدعي ان فيه احد قايم (في بيت تركي) ................................................. دانه كانت قاعده تفكر في تصميم لفستان زواجها الي كان قريب سهم دق الجرس مرتين دانه سمعته ونزلت وقالت: مين سهم: انا سهم افتحي دانه: وش تبي انت سهم: ابي التوام سريع دانه: طيب دقايق بجيبهم سهم: اخلصي دانه: اعصابك دانه راحت فوق ركض واخذت شنطتهم سريع وشالتهم ونزلت: وقالت: سهم بعطيك واحد واحد لنهم نايمين سهم: عطيني اياهم ثنينهم دانه مدت التوام له ومع الشنطه وسكرت الباب سهم: اسف يا روحي انتهم قروشتكم وحطهم في الكراسي حقتهم وطار للبيت بسرعه جنونيه ..................................................... (في بيت اميره وسهم) دخل سهم ومعه التوام وقال بصوت عالي: اميره تعالي الحوش فزت اميره وراحت ركض للحوش وشافت التوام وحطت يدها على فمها سهم: جبتهم لك اميره تقدمت واخذت لينا: ليوني ماما اشتقت لك سهم: وعز وين راح اميره اخذت عز: حتى انت اشتقت لك سهم قعد يتأمل فيهم وماقوى الي شافه وطاحت دموعه اميره: شفيك سهم وهو يمسح دموعه بتوتر: مافيني شي اميره اخذتهم عشان البرد وجلست في الصاله سهم: اميره تبين اكل اميره: اي ابي ماك لو سمحت سهم: لو تبين اجيب لك شركة ماك جبتها اميره ابتسمت وحاولت تخفي هاذا الشي وراح سهم يجيب لها اكل ووجبتها المفضله واميره اخذت التوام تحطهم في غرفتهم وهي راحت تتروش ولبست بجامه لونها فوشي جميل ولمة شعرها ذيل فرس ....................................................... (في بيت عبد العزيز و رهف) رهف كانت منسدحه على السرير وتهوجس عبدالعزيز وهو يلف المنشفه حول خصره: يابنت شفيس رهف وهي تكشر كل شوي : هاه ولا شي عبدالعزيز مد يده وقعدها: كذابه قولي وش فيك رهف ماسكه يده وشاده عليها: بطني يعورني عبدالعزيز: اي اكيد عادي حامل وش متوقعه رهف مسكت يده بقوه : ما استهبل شكلي بولد عبدالعزيز قعد يضحك بصدمه: فكيني اولدي بكره موب الحين الفجر رهف: وهو على كيفي عبدالعزيز: اذا نزلت المويه وديك المستشفى رهف: اوف طيب خلك جنبي عبدالعزيز: بقوم البس طيب رهف: لا تقوم كذا زين انثبر بس عبدالعزيز: تعالي اجلسي على الكنب رهف تمسكت فيه و جلست على الكنبه الي قبال الشباك عبدالعزيز شاف كيف هي تفتح رجولها كل شوي وتمسك يدها وتاخذ زفير وشهيق رهف: كم الساعه عبدالعزيز: الساعه ثنتين رهف: عزوز احس بولد خلاص عبدالعزيز: مابعد نزلت المويه اصبري رهف: ياليل انت بعد عطني جوالي ادق على اميره هي عندها خبره .......................................................... (في بيت سهم واميره) جاء اميره اتصال رهف: اهلاً رهوفه رهف: اميره كيف اعرف اني بولد اميره: ليش رهف: بس جاوبي اميره: اذا نزلت المويه و اذا انفتح الرحم عندك رهف: الزق اخوك يقول مارح اوديك الا اذا نزلت المويه وانا احس خلاص بولد مع خشمي اميره: ههههههههههههههه الله يعنيك على عزوز عنيد رهف: احس خلاص معاد ابيه يقرب مني وهو يستهل يقول بولدك انا وخافه صادق اميره: عشنااااا يا بنت الحلال رهف: هو موب دكتور طيب اميره: موب شرط عادي الرحم بيكون واضح عشانك حامل يابقره رهف: اف طيب يصير خير مع السلامه اميره: اذا في اي شي جديد قولي لي جاء سهم ونادا عليها ونزلت اميره وجلست على الطاوله وهي ميته جوع سهم: عافيه اميره: يعافيك سهم: اميره بنرجع زي قبل اميره: بعد الاكل طيب سهم: طيب ان شاءالله خلصو اكل واميره راحت تغسل ولحقها سهم ومسك يدها وسحبها لصدره وحاوط خصرها سهم: بنرجع اميره مسكت يده: صح اني تمنيت اموت ولا اسمع كلامك لي بس ما انكر اني احبك وانك ابو عيالي وانا طلبت الطلاق لحضة انهيار و امانه لاعاد تصدق اي شي تشوفه ولا تسمعه الا اذا انت متأكد منه وانت واثق فيني و خلاص ننسى الي صار وحصل خير يا سهم سهم صارت عيونه تلمع: اهخ ياكبر حظي فيك يا اميره الله لا يحرمني منك ولا من زولك ولا من صوتك ولا يحرمني من عيالي وامهم معهم اميره حضنت سهم حضن طويللل وسهم يمسح على ظهرها ويبوس راسها .................................................................... (في بيت سالم وافراح) افراح: سلومي احس احس ودي اسافر سالم: وين تبين افراح: مابي دوله اجنبيه ابي دبي مشتهيه اروح لها سالم اشر على بدر وهو(يتفل تعرفون حركات الاطفال) : وذا شوضعه أفراح: عسللل على قلبي يروح معنا سالم: خاف يقروشنا في الطياره افراح: ماعليك انت خله عندي والوضع بخيرر سالم: والله مدري عنس افراح ضربت سالم على راسه: خير مافيه ثقه تراه ولدي سالم وهو فاطس ضحك: امزح شفيس انتي افراح: اشوا سالم: امسكي بدر المزعج شوفي وش يسوي افراح: كفو ياماما لا تقصر فيه سالم: يابنت الوسخه افراح: روح نام سالم: كيف ارقد وانتي ماخذه نص السرير افراح: طرده مشفره ذي أفراح عدلت جلستها وحطت بدر في الوسط ولحفته ونام بدر على طول سالم: اعترفي انتي تعطينه شي افراح: الام غير يا روحي انت سالم: صح عادي معوض خير يا ابو بدر افراح مدة يدها له سالم وسالم مسكها ونامو بكل حبب وبدر في الوسط جنبهم ..................................................... (في بيت عبدالعزيز ورهف) رهف تحاول ماتبيك: عبدالعزيز خلاص نزلت بسرعه عبدالعزيز: هاه وين رهف: يافاهيي نزلت المويه خلنا نروح المستشفى عبدالعزيز فز: البسي عبايتك وانا باخذ شنطتك و شنطتك الورع وانزل لتس ورهف لبست عبايتها و نزلت مع المصعد وراحت لين باب الشارع ولحقها عبدالعزيز وفتح لها الباب وركبو عبدالعزيز مسك يدها يهديها: خلاص لا تتوترين موب زين للبيبي رهف: عزوز احس في سكاكين في ظهري ما اقدر عبدالعزيز: هانت بقى شويات ونوصل وصلو المستشفى وركبت رهف العربيه وراحو لقسم الحوامل و الولاده الممرضه: كيف اقدر اساعدك عبدالعزيز: زوجتي بتولاد الممرضه: سجل لي البيانات عبدالعزيز سجل كل البيانات الممرضه: بتجيكم آلدكتوره توق تشرف عليها وغرفتها في الدور الثامن عبدالعزيز اخذ رهف للغرفه حقتها عشان ترتاح لين تجي الدكتوره رهف: عطني لبس المستشفى ساعدني عبدالعزيز: ابشري ان شاءالله ساعدها تلبس لبسى الملابس رهف: متى تجي الدكتوره خلاص عبدالعزيز: خلاص يا امي بتجي رهف مسكت يده من التوتر و عبدالعزيز يمسح على راسها ويقراء عليها القران .................................................. (في بيت سهم واميره) اميره وهي في حضن سهم وتلعب في شعره: احس ابي اسافر سهم: على وين اميره: ابي ايطاليا ابي ازورها سهم: تم بكره احجز لنا اميره: ومعنا عيالنا سهم ضربه راسها بخفه: شرايك انتي اكيد اي ما اقدر على بعدهم اميره: بس هاه ترا بتساعدني فيهم انت واحد وانا واحد سهم وهو يضحك: وانا قد قعدت يوم ماساعدك اميره طالعت في وجهه وابتسمت سهم: الاصدق متى بتولد رهف اميره: يوم تجب الاكل دقت علي تسأل كيف تعرف انها خلاص بتولد سهم: بدق على عبدالعزيز اشوف اتصل على عبدالعزيز وجاه الرد: الو عزوز عبدالعزيز: ارحب يا العضيد سهم: البقى شخبارك شخبار رهف عبدالعزيز تنهد: رهف تعبانه وعلى وجه ولاده خلاص سهم: الله يسهل عليها تبون تجي اميره عبدالعزيز : لا ماتبي احد حتى عمتي تقول لا تدق عليها لين اجيب البزر سهم: اجل يلا ما اطول عليك انتبه لها واذا في اي شي جديد قل لي عبدالعزيز: ابشر ولايهمك ....................................................... (اليوم الثاني في بيت سهم واميره) اميره قامت الصباح بدري ولبست لبس حلو جينز ابيض وسيع و بلوزه كت با اللون البني وكانت معها لينا نازلين يفطرون وعز نايم مع الاستاذ سهم اميره قاعده تدندن وتغني: وجهكك عذر يغنيك عن قول اسف غصب علي لاشفته اقول مسموح مثل العوض عقب الندم والحسايف ومثل الرضى عقب المشاريه والبوح اميره وهي تكلم لينا: هاذا بطورنا جاهز نروح نقوم بابا زوزي راحت اميره وفتحت الغرفه والدريشه وقالت: يلا قومو الفطور جاهز سهم بصوت ثقيل: سكري الستاره برقد شوي اميره حطت لينا في سرير عز: يلا بعد انت زوزي قم سهم: كم الساعه طيب اميره: الساعه ثمانن سهم قام وهو يفرك عيونه ويمرر اصابعه على شعره الكثيف : والله انك مزعجه انتي وبنتك اميره: احترم نفسك لو سمحت سهم قام ودفها بكتفه: مابينا يا ام عيالي اميره وهي تمسح على مكان دفته: حشى حديد موب يد سهم دخل الحمام يتروش ويلبس واميره اخذت التوام ونزلت تحت تنتضره ........................................................... (في المستشفى في غرفة رهف) رهف وهي تصارع الالم وتشد على يد عبدالعزيز عبدالعزيز: يلا خلاص والله هانت بس تساهلي معها الدكتوره توق: رهف خليك هاديه عشان تتيسر رهف وهي تحاول تتنفس: طيب الدكتوره توق: بعد لين الثلاثه وادفعي مابقى شي واحد ثنين ثلاثه سمعو صرخة البيبي وانهد حيلها رهف واغمى عليها عبدالعزيز: اهخ الحمدلله لك يارب الدكتوره توق: ربي رزقكم ببنوته زي القمر عبدالعزيز اخذ البنت وشالها وكانت جداً صغيره ونتفه الدكتوره توق: الحين بناخذ البنوته وبنروشها و رهف طبيعي اغمى عليها كلها كم ساعه وتصحى عبدالعزيز: اي ان شاءالله على خير ......................................................... (في قروب احفاد ال فهد)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عبد العزيز: يانجد حبيناك من حب راعيك الي بنى مجدك وصانك وسواك الامن و الايمان مستوطنين فيك فضل المليك الي ربي فيك وارباك عبدالله: ماشاءالله تبارك يا الاسم الحمدلله على السلامه وش حال رهف بنتي تركي: الحمدلله على السلامة واللهم اجعلها قرة عيناً لكم شيخه: يالله انك تحيها نجد بنت عبد العزيز اللهم اجعل نجد قرة عيناً لنا لطيفه: تتربى بعزكم ان شاءالله والحمدلله على السلامه سهم: الحمدلله على سلامة رهف وتتربى في عزكم اميره: ماشاءالله تبارك الله اعجبني اسمها وتتربى في عزكم ودلبس ياروح عمتها عبدالعزيز: الله يسلمكم جميعاً والحمدلله نجد و رهف بخير وبصحه وسلامه عبدالله: ان شاءالله اذا طلعت رهف بنتي من المستشفى تراكم كلكم جميع معزومين وفي خبر ودي اقوله لكم الكل رد: ان شاءالله على خير ....................................................
كيف البارتت هاذا البارت لحاله اكتب فيه ثلاث ايام😭 مدري وش جاني قلت خلاص معاد بكتب بس رجع الشغف قبل انام😂😂😂🤎
