"قالوا العمر سهم وموج البحر اميره سافرت كل العمر ورجعت احب اميرة السهم"

جزء اربعطعش

مر يومين وطلعت اميره من المستشفى ورجعت البيت وانصدمت
نرجع لقبل امس
رهف: سهم ترا بروح انا واشواق لبيتكم عشان احط الديكور حق الاستقبال
سهم: المطلوب
رهف: وجع يعني ابي المفتاح
سهم: اجل تم خذي المفتاح ابي شي فاخر من الاخرر
رهف: ماعليك ابشر بس يلا مع السلامه
..........................................
اميره: متى سويت هاذا يجنن
سهم: رهف و اشواق ماقصرو
اميره: حبي لهم هذولي والله يجنن
سهم: ترا التمايم حقتهم مع تمايم بدر
اميره: اي زين
سهم:عطيني اياهم بروح بهم فوق
اخذهم سهم وحطهم على السرير وانسدح جنبهم ونام
اميره:ياسهمم تعال ابيك شفيه هاذا مايرد
رقت فوق ودخلت الغرفه وشافتهم و جت بهدو و انسدحت معاهم ونامت
...................................................
(في بيت تركي )
شيخه: يادانه تعالي اجلسي معي
دانه: لبيه سمي
شيخه: ترا بكره بنروح نسلم على اميره
دانه: اي زين ابي اشوفهم
شيخه: اقول لك ترا جاس معرس
دانه: يمه من
شيخه: واحد تعرفين اخته زين
دانه جاء في بالها مصعب: بسم الله من قولي
شيخه: مصعب تقدم لك من ابوك وقال لهم بنشوف رد البنت
دانه في نفسها : موافقه والله يابختيييي
دانه: بعد اسبوعين في تمايم عيالنا بتشوفون الرد ابي استخير
شيخه: على خير اجل
دانه: الا كم بتحطون على التوام
شيخه: ابوك بيحط على لينا خمس الاف و عز خمس الاف
دانه: حلوو بسرقها منهم خالتهم
شيخه وهي تضحك: بعلم ابوك ههههههههههه
دانه: يلا يمه بروح انام عشان اقوم بكره اتجهز قوميني العصر
شيخه: هاذا اذا ماقومك ابوك الصبح
دانه: يلا ماعليه مع السلامه
...........................................
(في صباح يوم الجمعه في بيت سالم و افراح)
افراح قامت على صوت بكاء بدر
افراح: هاه يماما ليش تصيح تبي ننه
سالم بصوت ثقيل ومليان نوم: سكري الستاره بنام
افراح: طيب بس اذا غيرت ل بدر ورضعة وقتها بسكرها
افراح حطت بدر على المكان المخصص اذا جت تبدل ملابسه وغيرت كل شي وجت جلست على طرف السرير و اعطت ضهرها سالم
سالم: يا الله صباح خير في احد يقوم ٧
افراح: بدر قومني
سالم: اها يابدر بدينا
افراح : وزينو بس فدا
سالم قام وتروش ولبس شورت ابيض و بلوزه ازرق فاتح
افراح: تعال ننزل تحت عشان اسوي الفطور وانت امسك بدوري
سالم اخذ بدر : شفت اليوم لبست ازرق عشانك
ونزلو تحت وجلس في الصاله وحط بدر على صدره و قعد يقلب في الجوال
افراح: يلا سلومي الفطور
سالم: يلا جاي
سالم حط بدر على الكنب وراح يفطر مع افراح
افراح: ابي ازور اهلي
سالم: اقول بس هم بيجون تروحين ليش
افراح: مدري
سالم : تدورين الشقى قسم
افراح: اقول بس
سالم: الحمدلله تسلم يدك يادنيتي انا بنسدح في الصاله مع بدوري
..........................................
(في بيت عبد العزيز و رهف)
رهف كانت تغني وهي قاعده تسوي الفطور حقها
لاحول لاحول
علاقه فظرف شهرين
اخذتني مدري لوين
عيل وشلون لو كانت سنه
لاحول لاحول
اغني له اغاني
نغم عيار ثاني
وسيرة حب
وصول دندنه
ياحميد ياحميد
شسوي الحيره تزيد
اخوك مقيد الايد
اروح فدبرها ولا اتركه
عبد العزيز: يا زين ذا الصباح على صوت خلي
رهف بخجل: صباحو يا كل اهلي سويت فطور يحبه قلبك
عبد العزيز: انتضرك برا في السور الجو يجنن
رهف اخذت الفطور وطلعت برا وكان الجو خيال وقعدو يفطرون قدام المسبح
عبد العزيز: وش عندك جدول اليوم
رهف: جدولي اننا بنروح ل اميره
عبد العزيز: جدول لاباس فيه مقبول
رهف: غصباً عنك ههههههههههه
عبد العزيز: ماقلت لك مصعب متقدم ل دانه
رهف شرقت ب الحليب : وشو متى
عبد العزيز: توه تقدم امس ولسا مابعد ردت لهم خبر
رهف: من وين جبت هاذي المعلومات
عبد العزيز: الحليب فيه شي سكرانه اختي توامي الروح ب الروح
رهف: اي صح نسيت هههههههههههههه
عبد العزيز: يوه مشاكلي الي كانت تصير بيني و بين دنو بتصير بين عز ولينا
رهف: يازينهم بس
عبد العزيز: عقبال لك
رهف: قم قم شل معي
شالو الفطور و جلسو في السور يشربون شاهي ويسولفون
رهف: بروح انسدح شوي عشان اقوم العصر
عبدالعزيز: نوم العوافي
رهف: يعافيك
...........................................
(في بيت سهم و اميره)
لينا صارت تبكي بصوت عالي وسهم فز
سهم: اميره قومي لينا تصيح
اميره بهمهمه: هاه
سهم ضرب راس اميره : قومي يابنت
اميره قامت وهي ترجع شعرها ورا اذنها وشالت لينا
سهم: اطلعي انتي وياها برا بتزعجوني انا و عز
اميره: عشتو عناد فيك مارح اطلع
واميره جلست على الكنب ورفعت بجامتها عشان ترضع لينا
سهم: محد قدك ياليوني اخذتي مكاني
اميره: كفو ليوني بنت امها اخذت مكان ابوها
سهم: اصلاً عادي
اميره: سهومي ترا اليوم بيجون اهلي ورهف وعبد العزيز
سهم: الله يحيهم البيت بيتهم
اميره : بوريك شي بتنهار عليه مثل ما انا انهرت عليه
سهم: بسرعه خلصي من لينا تحمست طار النوم
اميره خلصت وحطت لينا على كتفها وقعدت تمشي فيها لين نامت وحطها على السرير جنب عز
سهم: ايوه وش هاذا الشي
اميره جابت بكسين صغار: وش تتوقع فيه
سهم: مدري
اميره فتحت البوكس وطلع بروش ل لينا و عز مكتوب عليه اسمائهم
لينا بنت سهم
عز بن سهم
سهم : لا يا الجمال شلون جت في بالك
اميره: زوجتك ذكيه وفنانه في الافكار
سهم: لبسيهم الحين
اميره: لا تخرب الخطه في اليل بكشخهم
سهم: طلع فيه خطه بعد زين
اميره: بدخل اتروش قبل يقومون
ودخلت اميره تتروش وسهم قعد يصور عياله وارسلها في قروب احفاد الجد فهد بس العيال
سلمان: ماشاءالله ياجمالهم يشبهون بعض شلون تفرق بينهم
عبد العزيز: اي مرره يشبهون بعض
سالم: ترا لينا ل بدوري
سهم: ههههههههههه ماعليك لينا ل بدر من الحين وعز اخذ من غمازتي ياجعلني
مصعب: يوه الله يعين اميره كانها بتقعد تسمعك وانت تقول اخذ غمازتي بتغثها ياولد
عبد العزيز: الله يكون في عون اختي بس
سهم: البخ انت وياه مالكم دخل
مصعب: ههههههههههههه نمزح يا ابو عز شدعوه
سهم: ابلش لينا قامت وش اسوي ما اعرف اتعامل معهم
سالم: حالي حالك ياولد ما اعرف اتعامل مع بدر
سلمان: يوه ذولي ابلشونا ب عيالهم
سالم : خلاص اذلف اطلع
سلمان : ههههههههههههههههه امزح
سهم: بروح اشوف وش وضع الي تصيح صياحها في المخ ياولد
مصعب: رح رح ياعزتي ل لينا
سهم شال لينا وعلى طول سكتت: سهم بس كذا شلتك و سكتي خطيره انتي
اميره طلعت: شفيها تصيح
سهم: تتدلع بنتي
اميره: وقلب امك انتي
سهم: هين هين
.................................................................