"قالوا العمر سهم وموج البحر اميره سافرت كل العمر ورجعت احب اميرة السهم"

جزء ثلاثه وعشرين

(في بيت عبدالله)
الجد فهد: ياولدي خلاص لازم نقول لهم الحقيقه لمتى بنسكت عليهم
عبدالله: يعني انت مسامح صقر خلاص طاح الحطب
الجد فهد: تراه في النهايه اخوي صح انه كان اناني بس اني كلمته وهو ندمان وانت تعرفه مايحتاج اقول
عبدالله: طيب وعيالنا تتوقع يتقبلون لهم سنين ماشافوهم
الجد فهد: تهاوشنا يوم كانت سهم توه في حضن لطيفه والحين كم عمر سهم ماشاءالله كبر
عبدالله: اي والله صاز خلاص انا ارسلت لهم يتجمعون عندنا بعد ماتطلع رهف من المستشفى
الجد فهد: اي ماشاءالله جابو بنت وسموها نجد ياحليها
عبدالله: عسى عبدالعزيز يوافق يروح معنا تعرف زوجته توها والاده
الجد فهد: ماعليس من عزوز عندي
......................................................................
(سالفة الجد فهد واخوه صقر)
قبل سته وعشرين سنه توفى ابو الجد فهد ممدوح
وصية ممدوح: ياعيال هاذا يومي وهاذي وصيتي اتمنى تنفذونها بكل صدق وامانه وحب وسلام واحترام انا كتبت كل القصور الي انا بنيتها لكم اربع قصور تتقسم بينكم والي بيقسمها (فهد بن ممدوح) وصقر لك قصر واحد وانت قررت انك تسكن في الإمارات وهاذا القرار كان لك والورث حقي وكل الاراضي و المحلات و البيوت و الصكوك بأسم(عبدالله بن فهد و تركي بن فهد و فهد بن ممدوح) لكنم انتو و اتمنى اذا ربي رزق ولدي تركي ببنت تزوجونها سهم وهاذا وصيتي ولازم توصونها
(سهم ل اميره و اميره ل سهم) وصقر انا راضي عنك ومسامحك والله يعفو عني وعنك و السلام عليكم ورحمة الله وبركاته

بعد وفاة ممدوح بسنه صقر شاف وصية ابوه قبل الكل وكان يضن انه هو الي شافها اول وشاف ان ولا شي املاك ابوه با اسمه فقط بس قصر واحد انفجر من القهر وعصب كيف ابوه ماكان يفضله با النسبه له وللأسف الشيطان شاطر وسوس في راس صقر و راح طبع وصيه مزوره وحط كل الاملاك با اسمه وولا شي با اسم اخونه تركي وعبد الله لاكن الجده غزلان كانت ذكيه هي من اول ما قرت الوصيه ومعها الوصيه الحقيقيه
وانتشر الخبر عن كذب صقر وسافر صقر الإمارات ولا عاد دخل السعودية ابداً
.........................................................
(في المستشفى في غرفة رهف)
رهف صحت بعد ماولدت با خمس ساعات
عبدالعزيز شافها صحت فز: رهف امي قمتي
رهف بصوت كان جداً خفيف: وين نجد بنتي
عبدالعزيز: ماعليك نجد بخير ولا فيها شي بس هي في الحضانه
رهف: ابي نجد خلهم يجيبونها
عبدالعزيز: الحين اقول لهم يجيبونها
راح عبدالعزيز عشان يشوفها ويجيبها معها وماطول على رهف جاء ومعه نجد
رهف شافتهم دمعت عيونها وطاحت على خدها
عبدالعزيز: هاذي نجد وجبناها شوفي كيف نتفه
رهف تمسح على راس نجد بكل خفه وحنان وتقبل راسها: ياروحي انتي بسم الله عليك
عبدالعزيز بمزح: شكل كل الحب بيروح لنجد وانا مالي الا الله
رهف ضحكت: ومن قال الحب كله لكم يا عيوني انتو
عبدالعزيز قبل جبين رهف: الله يخلك لي يابعد الدنيا
رهف: ويخليك لي
............................................................
(في بيت سهم واميره)
اميره كانت تاكل وسهم يطقطق عليها و على عز
اميره: ياولد اكل خل عنك الطقطقه
سهم: وشو شكلك يضحك وعز يبي ياكل وانتي تقولين لوء مايصلح
اميره: انا شكلي يا يضحك هين طيب طيب
سهم: مابينا يا اميرتي
اميره: اي صح مابينا
سهم بدون ماتحس اميره اعطى عز في فمه لحسه من مربى توت
اميره بعد ما انتبهت: سهممم بصفقك خير
سهم: ولدي كيفي حر فيه
اميره: روح نام خلاص شف لك وحده تحبك انا ما احبك
سهم بمزح: اي بروح ل حور
فتح جواله بطقطقه على اساس انه بيكلم حور وهو اصلاً مايكلم احد
اميره: اي ما اهتم با الطقاق
لف سهم وشاف وجهها الاحمر وعيونه الحمرا وفطس ضحك عليها وقرب منها وحاوطها
سهم: وانتي متوقعه اني بكلم احد غيرك يا روحي انتي امزح معك والله انتي مغنيتني عن الكل مابي احد غيرس
اميره تمسك فيه وابتسمت
سهم: خلاص شبعتي
آميره: اي الحمدلله
سهم: ليزي تعالي
(ليزي هي المساعده حقت اميره وهي تحب اميره مرره وكانت عندها من يوم كانت في بيت اهلها)
ليزي: ايوه
سهم قال لها با الانقليزي: خذي التوام والعبي معاهم وانتبهي لهم
ردت عليه با الانقليزي: اوكيه ماعندي مشكله
سهم اشر لها تاخذهم وتروح معاهم
اميره: سهم شعندك
سهم قوم اميره وشالها
اميره: شفيكك نزلني
سهم ابتسم وفتح باب السور الي كان جداً فخم وكبير وتوجه للمسبح
اميره فهمت قصده: لالا تمزحح مو الحين
سهم نزلها وثبتها وفصخ بلوزته و حط جواله ورجع شالها ورمها في المسبح
واميره ماكانت تعرف تسبح وتتكلم وهي تحاول تطلع فوق: سهم ما اعرف
سهم خاف عليها ونزل معها واميره ماصدقت وحاوطت رقبته ورجولها محاوطه خصره
اميره: يابزر لاعاد تعيدها ما اعرف اسبح يا سبك
سهم: اسف اسف بس ابي امزح معك
اميره: بعدين توني لابسه يا كرهييي
سهم: خلاص امزح يلا امشي نسبح
واميره وافقت عليه وصارو يسبحون وسهم يعلمها
.............................................................
(في الأمارات)
تعريف عن عايلة صقر