"قالوا العمر سهم وموج البحر اميره سافرت كل العمر ورجعت احب اميرة السهم"

جزء سبعطعش

(في بيت تركي)
تركي: يا دانه
دانه: لبيه امر
تركي: مايامر عليتس عدو اسمعي ترا عقد القران بعد يومين سريع سريع عشان تصيرين حلاله ويشوفك و تشوفينه و الملكه مع الزواج مره وحده موافقه يابنتي
دانه: اي يبه موافقه عادي
تركي: يا الله زين
دانه: ترا اميره بتجي عندنا
تركي: حياها الله وش الطاري
دانه: ابد سهم بيروح مهمه ست اشهر وتعرف بيت اميره كبير و يخوف وماعندها احد قالت بتجي تقعد عندنا
تركي: اجل تم الله يحيها ابي اشوف احفادي
دانه: ذلحين متحمس اصبر بس خلهم يجون بتقول ارجعو بيتكم
تركي وهو يضحك: لا ماعليس فداهم
دانه: نشوف لا تنسى كلامي
.............................................
(العشاء في بيت سهم و اميره)
دخل سهم والبيت هادي وسمع صوت عز يصيح وراح يشوفه وشاف اميره نايمه وعز يبكي
سهم بصوت هادي: ميمي اميره قومي عز يبكي
اميره بهمهمه: طيب خذه
سهم: قومي شكله وجعان رضعيه
اميره قامت وهي مفتحه عين ومغمضه عين: عطني ايها طيب
سهم اخذ عز واعطاه اميره: صحصحي يابنت الحلال
اميره بعصبيه: خلاص ياخي انقلع ازعجتني اف منك
سهم بصوت حاد: صوتك لا ترفعينه
اميره : برفعه ليش عندك شي سوه
سهم بدون مايحس عطاه كف : اي عندي هاذا هو
اميره اخذت الصدمه اول مره سهم يمد يده: تمد يدك ياسهم
سهم راح ل غرفة الملابس بدون اي رد منه
واميره اخذت عز ونزلت تحت في الحوش و اخذة لحاف عز
سهم طل مع البلكونه وشافها سرحانه وماسكه يد عز
اميره بصوت خفيف: مدة يدك علي ياسهم اتوقع كل شي الا انك تمد يدك وش يطفي النار الي تشتغل داخل
سهم وهو فوق ويقول في نفسه: سهم انت مدية يدك على اميره لا مسحيل حلم كسرتها ياسهم ليش
واميره اخذت غز ودخلت الغرفه وشافة عيونه حمرا حطت عز ونزلت على طول تكمل هواجيسها وكان برد وكانت مو لابسه شي يدفيها جاء سهم بصوت مكسور: اميره انا اسف قسم بالله اني ندمان تكفين تكملي ما احب اشوفك كذا ليش مابكيتي لا تسكين امانه سامحيني
اميره: وش تبيني اقول وانت كسرتني وصلت فيك المواصيل تمد يدك علي
سهم: الشيطان شاطر يا اميره والله اسف جعل يدي الكسر و القص اذا مدة يدي عليك مره ثانيه والله معاد اعيدها
اميره: طيب وش المطلوب
سهم جاء قدامها وجلس على ركبته وحط راسه على ركبتها ونزلت دموعه
سهم: اسف يا اميره والله اني غلطان بس اني كنت مصعب ودخل الشيطان بينا لا تزعلين مني
اميره حست بدموعه ونزلت دموعها معه: طيب خلاص حصل خير
سهم رفع راسه : سامحتيني خلاص طاح الحطب
اميره ب ابتسامه خفيفه مع دموع: اي طاح الحطب بس امانه لاعاد تعيدها
سهم مسك يدها: ابشري والله معاد اعيدها
امسك مسكت وجه بيدها الصغيره ومسحت دموعه: ليش طيب تصيح
سهم: الندم يسوي اكثر من كذا ياميمي
اميره حضنت سهم حضن طويللل في وسط اليل وسهم غفى في حضنها
اميره: سهم قم نروح فوق
سهم : طيب
قام وهو يترنح من النوم وانسدح على السرير ونام
اميره: كنه طفل قدامي وبرا لا
وابتسمت وجلست على الكنب وقعدت تفرفر في الجوال
............................................................
ومر يومين بدون اي احداث وجاء اليوم الي كان اصعب يوم على اميره
جهزت اغراضها و اغراض التوام لمدة ست اشهر وقعدت تنتضر سهم في الحوش وجاء سهم
اميره: لا تودعني الا عند بيت اهلي اتفقنا
سهم ضحك : ابشري
اميره بصدمه: يلعن شكلك ركبت تقويم متى ليش ما انتبهت له
سهم: بدري عليك امس ركبته
اميره قربت منه: عاد تصدق شكلك حلو
سهم: ادري لا داعي لاداعي
اميره: يلا بس امش
ركبو السياره واتجهو للبيت وطول الوقت اميره ماسكه يد سهم
(في بيت تركي)
شيخه: يابنت انتي لا تبخرين كثير بيجون و ينكتمون الصغار
دانه: يمه شدعوه عادي
شيخه: جهزتي فستانك وكل شي و المجلس
دانه: اي يمه كل شي جاهز وترا مارح يجون ناس بس اهلنا
شيخه: اي زين يلا الحين بتجي اميره وبتكمل الوناسه
دانه: هاذا ان ابتسمت زوجها عنده مهمه ست اشهر ماندري بيرجع عايش ولا ميت
شيخه: يوه ست اشهر الله يصبر اميره بنتي ويرجع سهم لها ب السلامه
دانه: امين يلا تراهي عند الباب
تركي استقبل اميره و التوام وسهم
شيخه: ياهلا ومرحبا
تركي: تو مانور البيت حياكم
سهم: الله يبقيك ياعم ماتقصر وخيرك سابقك ب والله مستعجل العيال ينتضروني عند المعسكر
تركي : الله يردك لنا سالم غانم و ترجع بخير و بالسلامة
سهم: الله يسمع منك
سهم شال التوام وقعد يبوس فيهم وعطاهم تركي ودخل داخل وبقت اميره
سهم: اميره في هاذي الفتره ابيك تنتبهين لنفسك و صحتك و العيال و لا تعصبين عليهم و اكلي و اشربي زين وادعي لي تكفين اني ارجع المهمه صعبه علينا لاكن اذا متنا فدا للوطن يا اميره و اذا مت قولي ل عز عني ووش كنت اسوي ويتذكر ان ابوه شهيد في سبيل الله والله يقدرني على القوه و الطاعه ودعتك الله يانضر عيني
اميره وهي تبكي : الله لا يقوله ياسهم وان شاء الله بترجع لنا بخير وبصحه وابشر بدعي لك وتذكرني يا سهم لا تنساني و في حفظ الرحمان وانا واثقه فيك يابطلي استودعتك الله الذي لا تضيع ودائعه
سهم وقف ودق تحيه لها
اميره بضحكه: استرح
سهم: يلا مع السلامه
طلع سهم واميره تدعي له من قلبها ودخلت داخل تسلم على اهلها
شيخه: ياهلا ببنتي
اميره: هلا بك يا دنيتي كيفس
شيخه: الحمدلله بخير
دانه بحماس وهي معها لينا: اسمعي اميره تجهزي اليوم عقد قراني
اميره: هيه متى بسم الله ومن من
دانه: من مصعب
اميره: مصعب ماغيره اخو اشواق
دانه: اي نعم ماغيره
اميره: محد قدك يادندون يلا انا بروح ارتاح شوي اذا جاء العصر قوموني وتكفون خلو العيال عندكم
تركي: عيب يابنت احفادي وبخليهم عندي لو ماتكلمتي يلا روحي ارتاحي
اميره دخلت الغرفه وانسدحت على السرير وفتحت جوالها وصارت تشوف صور سهم الي تصورها له
وقفلت الجوال وشافت الخلفيه سهم وهو شايل التوام اول يوم لهم
اميره: الله يردك لي ب السلامه
ونامت اميره والدموع على خذها
دانه دقت على رهف: بنت وينك فيه
رهف: اخوك الزق لسا يتروش
دانه: يوه الله يعينك بيقعد سنه في الحمام
رهف: الاصدق اميره وش صار عليها
دانه: بروح اقومها مرره كاسره خاطري دخلت عليها في الغرفه لقيتها ماسكه جوالها و جاء اشعار وشفت الخلفيه ونامت وهي تشوفه والتوام امي لبستهم و ذلحين هم نايمين
رهف: اجل يلا نص ساعه كذا وانا عندكم
...................................................
(في المعسكر المهمه)
سهم: ياعيال امشو
ادم دق تحيه: سم
سهم: استرح العشرين جندي كلهم يتجمعون في المقر عشان نشوف وين نتوجه له
ادم: ابشر طال عمرك
هشام: ادم اسمع صح كل واحد جندي عنده رقم اقارب له عشان اذا صار لهم شي ندق
ادم: اي في كل واحد عنده خمس ارقام ليش وش الطاري
هشام: اتأكد قبل نروح
ليث: ياعيال بسرعه امشو وخذو الشنطه البيضاء كل واحد له واحده
بهاج: يلا قدام
الكل: سير فدا للوطن
واتجهو للمكان حقهم
سهم: كل منطقه فيها ثلاث جنود وكل واحد ياخذ احتياطه و الاسلكي تأكدو منه انتو تعرفون مدا خطورة المهمه وهم خمسه و ثلثين جندي اذا خلصنا منهم في اقل من خمس شهور رجعنا وانتو قدها بنخلص بدري يلا توكلنا على الله جوالتكم معكم في هاذي المهمه
الكل: عشت يا الفريق الاول
سهم: ماتقصرون يلا
......................................................
(في بيت عبد العزيز ورهف)
رهف قعدت تصور بطنها وكشختها
عبد العزيز طلع والمنشفه على خصره: وين الثوب
رهف: رح جبه في الغرفه الثانيه
عبد العزيز: طيب
وراح جاب الثوب ولبسه وكل شي
رهف: عبد العزيز وين العود حقك
عبد العزيز: غالي توني حطيت منه امس
رهف: اخر مره والله
عبد العزيز: في الدرج الي عند راسي
رهف اخذت العود وولعته وجات عند عبد العزيز
عبد العزيز: قربي بتبخر معك
رهف: ابشر
مسكت شماغ عبد العزيز و بخرته
عبد العزيز: وش ذي الكشخه الحلوه
رهف بخجل: انت الحلو والله يلا ترا تأخرنا
عبد العزيز: وين تأخرنا تونا مابعد اذن العشاء حتى
رهف : ابي اساعدهم
عبد العزيز: يلا اجل توكلنا على الله
.......................................
(في بيت تركي)
في غرفة اميره كانت تكشخ لبيت فستان اسود طويل وباكمام طويله وماسك على خصرها و سوت شعرها ويفي من تحت وحطت روج احمر ومكياج عشان جداً راقي
دانه: اميره ادخل
اميره: اي ياروحي ادخلي
دانه: الله وش ذا الزين تهبلين
اميره: ياروحي انتي موب كثرك
دانه جلست على السرير: احس اني مرره متوتره من الشوفه
اميره: عادي في البدايه كذا بعدها خلاص ايزي
دانه:امي عطتني عصفر كوب
اميره: يوه حتى انا يوم الشوفه عطتني عصفر ماعليك ترا المفعول ممتاز
دانه: اي زين
اميره وهي تلبس الحلق: الا صدق وين عزوز و ليوني
دانه: تحت على امي و ابوي عز كل شوي يمسك لحية ابوي
اميره: ههههههههههههه دايم كذا عزوز
دانه: تخيلي امي لبست ليونه فستانك يوم كنتي صغيره
اميره: سألتك ب الله
دانه: اي والله روحي شوفي
اميره نزلت وهي شوي وبتطير من الفرحه
شيخه وهي تغني : ليونه بنت ابوها جو سبعه واخطبوها واحد يعد افلوسه واحد يكلم ابوها وليونه ليونه
اميره: اوف يمه من وين جبتي الفستان
شيخه وهي مبسوطه : عندي من زمان قلت ان شاءالله بلبسه حفيدتي ولبسته ليونه
اميره: يجنن عليها يازين الوردي على بنتي
شيخه: روحي خذي عزوز من ابوس بيجون الرجال ولبسه تراه باقي ب  البجامعه
اميره: يوه فشله يلا يلا
.....................................................................

يمكن تستغربون اني اذكر اميره و سهم كثيرر لاكن احبهم واحب شخصياتهم وحبهم والاحداث تمشي بسرعه عشان ماتطفشون بس بيصير شي خطيرر وشرار وناررر💥

ابي الست شهور تعدي بسرعه