"قالوا العمر سهم وموج البحر اميره سافرت كل العمر ورجعت احب اميرة السهم"

جزء واحد وعشرين

ركبو السياره واميره مستغربه من صمت سهم
اميره: سهم شفيك من يوم قمت وانت غريب شعندك
سهم طالع فيها بنضره حاده: انتي لو تعرفين وش فيني كان مالك وجه تتكلمين
اميره: وش الي مالك وجه شتقول انت
سهم: طيب اسكتي
ومشو طريق نص ساعه ووصلو وسهم نزل وقال: اميره امشي معي وولا كلمه
اميره: طيب
دخلو المزرعه الي لها سنين مهجوره حقت الجد فهد ودخل غرفه مغبره وفيها سرير و كنبه وحمام
اميره: وش ذا المكان يع انا خايفه ليش حنا هنا
سهم دف اميره ودخل وسكر الباب: ماتوقعتها
اميره وهي تبكي وطايحه على الارض: وش الي ماتوقعت
سهم: لا تنكرين لا تجحدين ليش سويتي كذا فيني ليش تخونيني
اميره: ماخنتك ليش اخونك من قال لك هاذا الكلام
سهم فتح جواله وسحبها لين عنده ونزل لمستواها: شوفي بعينك
اميره وهي تبكي وخايفه: والله مو انا قسم بالله كذب كذب
سهم اعطها كف قوي: لا تكذبين علي كافيه
اميره: تمد يدك على يا سهم
سهم: واذبحك بعد ليش عندك مانع يا الرخيصه
اميره: انا رخيصه اتمنى اموتت ولا اسمع هاذا الكلام
سهم اعطها كف ثاني وطلع من الغرفه وقفلها ومشى راجع لبيت اهله
..........................................................
(في بيت عبدالله)
دخل سهم ووجه ابداً مايريح وبس سرحان
الجد فهد: ياسهم ياولدي شفيك
سهم: مافيني شي
لطيفه: وين اميره و عز ولينا
سهم: في البيت
عبدالله: خلاص خلوه رح ياولدي فوق
راح سهم لغرفته الي لها شهورر ما دخلها وانسدح بتعب وقعد يفكر
في اميره وانه موب مستوعب الي صار انه مد يده عليها وحبسها في المزرعه القديمه حقتهم ومن التعب نام وهو مرهق
...........................................................
(في المزرعه عند اميره)
اميره تقول بصوت عالي وتدعي: يارب اني مظلوم انصرني نصراً جميلا يارب وكلة لك امري وقلة حيلي يارب ارني عجايب قدرتك في عبادك يارب اجبر قلبي واشفي جرحي
وجلست تبكي بحرقه وماحست الا وهي مغمى عليها من التعب
..................................................................
(في بيت تركي)
دانه: يمه وين اميره وسهم طارو ادق على اميره ماترد
شيخه: يابنت اكيد مشغولين ولا موب منتبهين للجوال
دانه: طيب بزرانهم شوضعهم
شيخه: عادي يرقدون عندس
دانه: يارب صبرك طيب
تركي: احس اني موب مرتاح سهم من يوم قام وهو وجه مصفوق
شيخه: حتى انت مع بنتك توسوس فكني بس عينو من الله خير
تركي: ان شالله خير
...................................................
(في اليل الساعه١٢)
قام سهم وركب السياره وراح للمزرعه
بعد ماوصل وبفتح باب الغرفه وشافها نفس مكانها وطايحه تقدم
سهم صار يحركها برجله: هيه انتي قومي بسرعه لا اذبحك يلا
سهم شافها ماتستجوب معها خاف ونزل يصحيها ولمس جسمها الحارر
رش عليها مويه وفتحت عيونها بشويش
اميره بصوت مهزوز: انا وين وين عيالي
سهم: قومي صحصحي معي
اميره استوعبت ووخرت عنه: وش تبي تسوي بعد فيني
سهم: ليش سويتي فيني كذا يا اميره
اميره: وانت اي رقم يجيك تصدقه على طول طيب اسأل استفسر شف اذا الكلام كذب ولا صدق وابشرك انا واثقه من نفسي اني مستحيل اخونك والحين تطلعني وتوديني بيت اهلي وورقة طلاقي تجيني تفهم
سهم: واذا قلت مارح اطلق و بعذبك وش بتسوين
اميره ضحكت بشماته: نسيت ان في شي اسمه خلع في المحاكم
سهم: الحمدلله و الشكر
اميره: عليك يا مريض يامتخلف رح تعالج
سهم جلس على الكنب وقعد يطالع فيها: طيب واذا اكتشفت ان الي انا شفته طلع
اميره وهي تبكي: اذبحني اذا طلع صدق واحفر قبري بيدك اذا صدق الي انت شقته
سهم انصدم من ثقتها: يصير خير
اميره: حسبي الله ونعم الوكيل
سهم نام على الكنب وهو مايبي تحرك ويحس راسه بينفجر
اميره شافت وجهه وزاد صياحها وهي تحاول تمسك شهقاتها بس ماقدرت ومر الوقت وهي تبكي وسهم صحى على صوت صياحها
سهم: بتسكين ولا
اميره: ابي عيالي ابي ضناي تفهم ولا
سهم: مهوب طايرين عند اهلك
اميره: انا تعبت خلاص طلقتي اذا انت موب واثق فيني
سهم ارتعش جسمه من سمع الطلاق: مارح اطلق لا تجيبين هاذا الطاري مره ثانيه تفهمين
اميره: سهم انا تعبت ما اتحمل افهم اتوقع كلل شي الا انك تضربني وتجيبني هاذا المكان الخالي لذي الدرجه هنت عليك لذي الدرجه ماهموك عيالك نسيت الايام الي بينا العشره والحب ويوم تزوجنا كان اكبر انتصار لنا وحملت وتعبت وجبت احلى توام شفتهم وكبرو حولنا والحين هم يبوني مثل ما انا ابيهم انت ماهميتني
سهم: طيب الي انا اخذته صدمه
اميره: ابي اشوف الرقم احس انها وحده من قرايبي
سهم: واذا موب هي
اميره: قلت لك اذبحني واحفر قبري بيدك
سهم اعطها جوالها وجوله وخلاها تبحث
اميره طاحت دمعتها وقالت بصوت يحزن: هاذي حور والله
سهم: من حور
اميره: صديقتي ليش سوت كذا
سهم اخذ الجوالات وارسل كل شي جاه من رقمها ل رقم حور من جوال اميره و جلسو ينتضرون ردها وخلال دقائق ردت
حور: اميره شلون عرفتي هذاك موب رقم سهم؟؟؟
اميره اخذت جوالها وردت: الا رقم سهم ووالله اني موب مسامحتك لا دنيا ولا اخره حسبي الله عليك ونعم الوكيل تبين تسببين مشاكل بيني وبينه حذروني منك البنات بس ماسمعتهم وتراني برفع قضيه
حور خافت مره: لا ترفعين قضيه اسفه الشيطان شاطر والله
اميره: توكلي وكلها كم يوم وانتي عند المحكمه
وبلكتها اميره واعطت جوالها سهم
سهم: يعني كل شي مدبر منها هي الخسيسه
اميره: اي منها وكل شي كذب ويلا ودني بيت اهلي
سهم: غلطانه بيتنا
اميره ضحكت:مصدق بروح بيتنا بيت اهلي سريع ومابي نقاش
سهم : ابشري
سهم فتح الباب وطلعت تشم هوا لنها كانت مكتومه وراحو للسياره وركبو وحركو
اميره: ورقة طلاقي تجيني بكره تفهم
سهم: تحلمينن
اميره: الوضع عناد هو
سهم: اي
اميره: اجل تحمل المحاكم يا الفريق سهم
سهم قعد يطالع فيها متحسف وخلاص معاد قدر ووقف السياره على جنب وحط راسه على الدركسون وصار يبكي زي الطفل واميره غمضة عيونها وهي ماتتحمل تشوف زوجها وحبيبها و عشيرها وروحها يبكي قدامها ولا تقدر تواسيه
سهم: اميره اسف قسم بالله اسف الشيطان شاطر اعوذ بالله من الشيطان الرجيم سامحيني لا تجيبين طاري الطلاق تكفين ما اتحمل اسمع طاريه يا اميره اذا هاذا حالي الحين كيف كيفف اذا تطلقنا ما اقدر على بعدك يا اميره
اميره بصوت مهزوز: خلاص ودنا البيت نتفاهم مابي اروح بيت اهلي وحالي كذا ماودي تمنيت اموت يا سهم ولا اسمع كلامي لي اول وبس هاذا الي عندي
سهم رفع راسه وقال: ابشري ان شاءالله
اميره شافت وجهه وعيونه الحمرا وحزت عليه ولفت وجهها
............................................................
(في بيت عبد العزيز ورهف)
رهف قعدت تمشي بتوتر في البيت وهي ماسكه بطنها وتقرا اذكراها
عبد العزيز: بنت شفيس انتي اهجدي
رهف: خايفه من الولاده ياخي على انا وجه ولاده
عبدالعزيز: ماعليس باقي لتس كم اسبوع الدكتوره قالت
رهف جت جلست على الكنب جنبه: طيب خلاص بهجد
عبد العزيز حط يده على بطنها العاري: وزينو البطن
رهف: بلا قلة ادب
عبدالعزيز: ماقلت شي غلط يختي
رهف مسكت يد عبد العزيز الي على بطنها: يلا هانت ويجي الطفل الاول
عبدالعزيز: تجهزيي بعد النفاس
رهف: لالا يرحم والديك انسى تكفى لا تزيد الهم
عبد العزيز بتكبر: ب الطيب ولا الغصب هاذا شي راجع لس
رهف: انقلع معاد ابي اشوفك كرهتك
عبد العزيز وهو يبوس خذها: امزح معكك يختي
رهف: خلاص صرت ابي اشوفك
عبد العزيز: كيف بتصيرين ام انتي
رهف: كيف السبب انت الله يعطيك العافيه
عبدالعزيز: انتي ام هبله وغبيه ولا تدرين وين ربك حاطك و نومك ثقيللل شلون اذا قام البزر تقومين
رهف: هي هاذي هينه عادي عشان تصير على امها عادي
عبد العزيز: بنتتتت انتي حامل ببتتت
رهف وهي تضحك: اي حامل في بنت
عبد العزيز: وليش ماعلمتيني
رهف: كنت ناويه ماتعرف لين اولد بس نزل لساني
عبدالعزيز: بتصيرين تحطين لها قرون
رهف: اي بطقم انا ويها
عبدالعزيز: يوهه يازين بناتي بس
رهف: الله يعنيك علينا
عبدالعزيز: فدا التعب و الفلوس وكل شيي لكم
رهف: يابعد روحي انتي
عبدالعزيز: الله يخليك لي
.....................................................
(في بيت سهم واميره)
دخلت اميره البيت وهي مكسوره وتتذكر كل لحضه حلوه في بيتهم
سهم تقدم ووقف قدامها: اميره تعالي ادخلي لا توقفين كذا وتبكين
اميره دخلت بدون تتكلم وشالت الطرحه وجلست على الكنب وشافت كراسي التوام في صاله وحطت يدها على وجهها وصارت تبكي
سهم: اميره لاعاد تبكين ما عاد اتحمل بكاك كذا
اميره وهي تعاتب: ليش ياسهم سويت كذا كيف كيفف بنسى
سهم جلس عند ركبتها ومسك يدها وشد عليها: اطلبي الي تبين قولي لو تضربني راضي والله راضي لو تبين تكسرين جوالي لو تبين اروح اذبحها بنت الكلب رحت قسم بالله بس سامحيني وخلنا ننسى كل شي صار ونبدا صفحه جديده طلبتك
اميره: اهخ ياسهم فيني غصه في قلبي نارر من بيطفيها
سهم: حاسك فيه يا روحي انتي
اميره كانت تحتاج حضن سهم تحتاج بوساته وحنانه
سهم: اسمعي خليك نص ساعه وجاي فكري وشيلي فكرة الطلاق يا ميمي
اميره وهي مستغربه: طيب لا تطول
سهم: ابشري من عيوني
اميره: طيب
..........................................................

كيف ذا البارت البارت الجاي شي خياللل💐🙈