"قالوا العمر سهم وموج البحر اميره سافرت كل العمر ورجعت احب اميرة السهم"

جزء اثنين وثلاثين

(في الأمارات)
بعد ماوصلو القصر والكل تعبان ويبي ينام
مهره في غرفتها مع صقر: روضه وش بتسوي لها
صقر: ترا اسمها يجيب لي التكاكك خلاص تقوم تاخذ اغراضها وانقلع متبري منها
مهره تنهدت: وش حادها تسوي كذا
صقر: تسأليني انا يا بنتي ماعليش مابي مشاكل مع فهد وحنا تونا بادين عودة العلاقات معهم بعد سنين وولدي خليفه يبي لمار بنت ضاحي وحصه وسعيد سمر يحبون احفاد فهد ماعندي اي استعداد اخسرهم مره ثانيه عشان سواد وجه الاخت روضه
مهره ارتاحت من كلامه وكيف هو واقعي: تقوله صادق انا قلت لهم اني تبريت منها قدام الكل
صقر وهو يعدل المخده: حتى انا وسعيد قال لها تاخذ عفشها ولاعاد نشوف رقعة وجهها ويلا ارقدي انا بنام
مهره: بأدب طيب ههههههههههه
..........................................................
(في بيت سهم واميره)
اميره كانت تحوس في المطبخ الصبح وهي حاطه السماعه وتسمع فيروز ومروقه وكان البيت هادي
اميره: وتحت قناديل الياسمين
انت وانا مخباين نحكي قصص
حلوه ولا ميى يدري شو صار
سهم يدخل عليها: مين يدريي اول مره اميره تقوم بدري
اميره: اللهم سكنهم مساكنهم خوفتني ياخي
سهم تقدم يبوس راسها: اول شي صباح الخير ثاني شي وش الفطور ميت جوعع
اميره: اول شي صباح النور و السرور ثاني شي الفطور من برا الي خلق اطبخ اليوم ماخذه بريك
سهم: اجل نطلب فطور
اميره: ان هاذا المطلوب ياحبيبي
راحو يجلسون في الجلسه الخارجيه
سهم: اي شعلومك كبي عفشك
اميره: ابي ادخل نادي
سهم فطس ضحك عليها: تبين تختفين انتي ولا شوضعس طبعاً لا
اميره: لالا خصري راح طلعت لي كرش 
سهم: تشوفين شي ما اشوفه صح
اميره ضحكت: يمكن يمكن
سهم وهو يمسح على شعرها: عندي لك شي خطيرر
اميره: وشو شعندك
سهم: بنسافر
اميره نقزت بحماس: ويننن بسرعهه وين بنروحح
سهم: المالديف بنجلس ثلاث ايام هناك ونرجع لن عز ولينا مارح يروحون
اميره: مدري انبسط ولا ازعل بس وعد نجلس ثلاث ايام ونرجع ما اقدر بدونهم
سهم: بكذب عليك يعني ماعليك وعد رجال عندي
اميره حضنته: اخيراً بروح لهاا حلمي قاعد يتحقق
سهم: انا موجود عشان احقق احلامنا مع بعض
اميره: يلمونيي يلا جاء الفطور
...........................................................
(في المطار)
مصعب: ابي انام في الرحله
دانه: ليش كم ساعه في الرحله
مصعب: تسع ساعات ياروحي في الطياره بنتحنط
دانه شهقت: ياويلي بطفش بتعبب
مصعب: بيمر الوقت بسرعه ماعليك
دانه قامت: يلا نادو خلنا نركب
مصعب اخذ الشنطه ومشو وركبو الطياره وكان كرسي دانه عند الشباك
دانه بحماس: احس اني موب مصدقه احس اني في حلم
مصعب ضحك عليها: خذلك اصحي واقعع توك ماشفتي شي
دانه مسكت يد مصعب: بس اهم شي في هاذا الحلم انت معي
مصعب باس يدها: ياكثر الحب بس
..،............................................................
(في بيت عبدالعزيز و رهف)
رهف وهي ترضع نجد وتتأملها: عبدالعزيز جيت
عبدالعزيز حط الاغراض في المطبخ: اي ياروحي جيت
رهف: عزوز الغداء جاهز تبي احطه الحين
عبدالعزيز: اي جوعان باكل وبنام لين العصر كذا
رهف سكرت ازرار بجامتها: امسك نجود شويات واناديك
عبدالعزيز كان مهوم مو عارف يقول ل رهف
نرجع ل كم ساعه ورا في المستشفى
الدكتور: عندك سرطان في الرئة وفي ورم صغير ولو ماتم استئصال الورم هاذا ترا الورم راح ينتشر وراح يكون العلاج صعب جداً
عبدالعزيز جاته صدمة حياته: لاحول ولا قوه الا بالله اللهم لا اعتراض متى طيب العمليه
الدكتور: بكره بتاخذ جلسه كيماوي وبعدها نحدد موعد العمليه بس لازم توقيع و الاوراق بكره ان شاءالله
عبدالعزيز كان هادي جداً: ان شاءالله بكره راح اجي
الدكتور: تمام الله يستر عليك
نرجع لهم كانو يتغدون
عبدالعزيز: رهف ابي اقول لك شي
رهف: سم قل اسمعك
عبدالعزيز مسك يدها: اول شي هاذا الي مكتوب لنا واللهم لا اعتراض على ماكتبه الله لي انا عندي سرطان الرئة وبكره عندي جلسة كيماوي بعدها بنحدد موعد العمليه ابيك بس تدعين لي
رهف عيونها صارت تلمع: عزوز تمزح صح لالا تمزح
عبدالعزيز تنهد: هاذي مواضيع ماينمزح فيها وبأذن الله اني بتعافى يا رهف وماعلى الله شي صعب
رهف حضنت عبد العزيز بكامل قوتها وصارت تردد: عبدالعزيز لا تروح مني لاتروح ابيك معي عزوز انا احبك عبدالعزيز تكفى لا ما اصدق
عبدالعزيز ماقدر يكتم وبكى وهو شاد على حضنها: لا تعورين قلبي يارهف طلبتك انا موب قادر اتحمل ادعي لي تكفين
رهف مسكت وجه عبدالعزيز بيدها الصغيره: طيب اوعدي انك بتخليني اروح معك في كل جلسه تكفى
عبدالعزيز مسك يدها: مارح اردك بس انتي اوعديني انك ماتجلسين تبكين في كل جلسه
رهف: خلاص اوعدك
عبدالعزيز اخذها في حضنه وغمض عيونه يدعي
.............................................................

ادري البارت قصير بس لازم انزل بارت ولا يدي تحكنيي

احتمال انزل بارت الجمعه👀.