"قالوا العمر سهم وموج البحر اميره سافرت كل العمر ورجعت احب اميرة السهم"

جزء ثمان طعش

اميره: السلام عليكم يبه
تركي: وعليكم السلام ياهلا ببنتي
اميره حبة راس ابوها: ياهلا فيك يايبه اسفه اشغلتك ب عز
تركي: وش اسفه لا بلعكس يازينه بس
اميره: باخذه بغير له وانت يبه اجلس في المجلس على بال مايجون الرجال
تركي: يلا اجل ادخلي داخل
اميره دخلت وراحت لغرفتها تغير ل عز
اميره: ياحبيبي انت اثبت طالع حركي على مين انت
دانه: بنت اشواق قالت بيجون بدري احس تأخر
اميره شهقت بقوه: كيفف
دانه جتها: وش فيكك
اميره:شوفي عنده وحمه صغيره مثل سهم في فخذه فوق
دانه ضربت راس اميره: خبله انتي على اساس انا شايفه
اميره وهي تضحك: الصدمه عاد شسوي بس توني اركز فيها
دانه: قسم بالله ام تحتاج ام كيف صرتي ام انتي
اميره: الاحترام لو سمحتي
دانه: تراني اكبر منك
اميره: بديناا
دانه: يلا يلا بس انزلي تحت وخلصي
اميره: طيب
(تحت في المجلس)
اشواق: دنو ترا المملك جاء
دانه: اوف كذابه
رهف وهي تشرب قهوه: ياويلس
دانه: انتي على زق تكفين اسكتي
رهف: افا تقولين عن زوجة اخوس كذا زعلت
دانه: ههههههههههه نتفاهم بعدين
افراح وهي تحاول تثبت بدر: بنات احس خلاص بصيح من بدر
دانه: ليش شفيه بعد ذا
افراح: يبي ابوه وابوه مايبي يبلش فيه
رهف بصوت خفيف: يارب الورع يتعلق في ابوه
افراح وهي تغمز: بسوي نفسي ماسمعت
رهف قربت منها: لا تقولين ل احد تكفين
افراح: عيب عليتس مستحيل اقول ل احد مابينا
اشواق: سحبتو علي انا ولمار طيب طيب
دانه : انتو سناقل وش تبون في المتزوجات عيب عيب
لمار: عشنااا وشفناا وحبينا ونسينا انتي اسكتي اذا كتبتي الكتاب تكلمي
عبد العزيز بصوت عالي: الطريق ياولددد وين حرمتي
شيخه: رهف بنتي قومي شوفي النشبه وش يبي
رهف: اي ياعمه بقوم اروح
قامت وراحت له
عبد العزيز: ياهلا ارحبي
رهف: اي وش عندك
عبد العزيز لف وكان ثوبه من ورا منقطع وعليه شوكلاته
عبد العزيز: شوفي كيف يرضيك
رهف بصدمه: وش ذا بسم الله
عبد العزيز: انقذيني تعالي فوق اكوي ثوبي بجيب العيد
رهف: ليتك ترجع عزوبي وتتعلم ابلشتني 
عبد العزيز: يلا قدامي
رهف: وين غرفتك فيه احس انها جنب اميره
عبد العزيز: كنت انام مع دانه بس صرت استحي منها ورحت الدور الثالث
رهف وقفت : شلون برقى الدور الثالث تعب
عبد العزيز لف ثوبه حول خصره: تقدرين وانتي مع عبد العزيز
شال رهف رقى فيها
رهف وهي حاطه يدها على وجهها : يا الفشلهه
عبد العزيز: مافيه احد حولنا
وصلو للغرفه الي كانت كبيره
رهف: هاذي غرفتك ليش اكبر من غرف البنات
عبد العزيز: هاذا جناح احنا دخلنا مع باب الغرفه في صاله ومطبخ
رهف: خلاص بسكن هنا
عبد العزيز: نشوف يلا يلا اكوي ثوبي
رهف: طيب بأدب
رهف كوت الثوب وبخرته وجلست على طرف السرير تنتضر عبد العزيز يطلع من الحمام
عبد العزيز: شاطره زوجتي سنعه
رهف: بسرعه البس عشان تنزلني
عبد العزيز وهو يلبس: كنه اعجبك الوضع
رهف: ممكن
عبد العزيز وهو يلبس طار شعره وصار شكله يجنن
رهف جت قدامه: انزل شوي
عبد العزيز نزل بحيث يصير في طولها: اي شعندك
رهف: برتب شعرك صار كشه بس احلى شكه
عبد العزيز: طيب بسرعه
رهف وهي مركزه جتها بوسه سريعه من عبد العزيز
عبد العزيز: يلا بنزل قبلك
رهف: يا الوسخ انزل انزل
نزل وهو مسرع ورهف نزلت بعده على طول
(عند العيال في المجلس)
تركي: حياك تفضل
الشيخ: الله يحيك شكراً
وجلس الشيخ بين تركي ومصعب وجنب مصعب سعد
الشيخ: بسم الله الرحمان الرحيم وعلى بركة الله
سجل الشيخ المعلومات و اتفقو على المهر وجت الحضه
الشيخ : لقد زوجتك ابنتي دانه
مصعب: زوجتك ابنتي دانه
الشيخ: على كتاب الله
مصعب:على كتاب الله
الشيخ: وسنة رسوله صلى الله عليه وسلم
مصعب: وسنة رسوله صلى الله عليه وسلم
الشيخ: قبلت بهاذا العقد
تركي: قبلت بهاذا العقد
الشيخ: وهاذا الزواج
تركي: وهاذا الزواج
الشيخ: اللهم اجعل بينهم السعاده والفرح والف مبروك
مصعب: الله يبارك فيك
الشيخ: توقيع البنت خلوها توقع هنا
عبد العزيز: انا بودي الكتاب
تركي همس له: عشانها توامك يلا رح
اميره: اهلاً
عبد العزيز: دانه خليها تجي توقع
دانه جت ركض: موجوده
عبد العزيز: وقعي جنب اسمك واسمه
دانه طالعت في عيون عبد العزيز بدموع
ووقعت ونزلت دمعتها
رهف: ليش الدموعع
عبد العزيز: ثواني اودي الكتاب واجيك
اميره: الف مبروك ياروح اختك انتي زواج الدهر ان شاءالله
دانه وهي تحضن اميره: الله يبارك فيك
عبد العزيز جاء ودموعه في عينه: بياخذك مصعب يادندون بتروحين
دانه نقزت في حضنه: ماني مصدقه خلاص بتزوج وبترك امي و ابوي
عبد العزيز: لو علي ما وافقت احس توك طفله
دانه: رهف اخذت مني الحيوانه
رهف بصدمه: شدخلني يا ورعه طيب طيب بزعل
اميره: ابلش رهف تعالي بس عندي انتي حبيبتي
رهف: اي صح انتي دنيتي
عبد العزيز وهو يمسح دموعها: يلا عقبال ما اشوف عيالك يلعبون مع عيالي
دانه: ان شاءالله
وضحكت دانه وضحك معاها عبد العزيز
رهف: هيه ليش ضحكتكم تتشابه
عبد العزيز: توام وش متوقعه
اميره: ترا رهف فاغره ذولي عيالي ويتشابهون
عبد العزيز: رهف مدري شلون بتصير ام هي تحتاج ام
اميره: كني فهمت الرساله
عبد العزيز: اي نعم
اميره: وناسه بصير عمه انا ودانه
عبد العزيز: امحق عمات
وراح قبل يصفقونه
دانه: وش قصده ان حنا عمات فاسدات
رهف: يمكن
اميره: ايا قليلة الادب
رهف: مافيني حيل اركض مشوها
اميره: عشانك اخت زوجي بمشيها
دانه: امشو ندخل
افراح: وينكم يا الخاينات
لمار: اي منجد سحبتو عليها
اشواق: زوجت اخوي تسحب علي
دانه: شدعوه رحت اوقع و الملقوفات لحقوني
لمار: اي زين
خلص العشاء والكل راح بيته مابقى الا عبدالعزيز وزوجته
تركي: ياولد امسو عندنا اليوم
عبد العزيز: ودي بس رهف تبي البيت
تركي: تبي البيت هي ولا انت عشان الي انت خابر
عبدالعزيز: يبه لا وين اصلاً مايصلح
تركي: ليش ان شاءالله
عبد العزيز: في حفيد جديد في الطريق
تركي: الله يبشرك ب الخير يلا عشاني ذي المره امسو عندنا
عبد العزيز: بس ذي المره
تركي: يلا انا بروح ارقد وانت ارقد ورانا شغل في الحلال
عبد العزيز: ابشر ان شاءالله
اميره وهي تلعب مع عز: هاه ياماما ليش تشكر في وجهي
دانه: بنت لينا نامت شسوي فيها
اميره: طيري فيها وديها الغرفه
دانه: لا اليوم بتنام معي
اميره: الله يستر لا تفغصينها
دانه: شدعوه يلا بس
رهف: بنات ابي ارقد معكم مابي اروح البيت
اميره وهي تفصفص وترضع عز : قولي ل عزوز بنرقد
رهف: فكره يلا دقايق وانا عندكم
راحت ل عبد العزيز في المشب: عزوز قايم
عبد العزيز لف: اي قايم سمي
رهف قالت بصوت دلع وطفولي وهي تمرر اصابعها بشعرها: عزوز عادي انام بس اليوم هنا تكفى ابي البنات
عبد العزيز: امشي تعالي
جت رهف وجلست جنبه
عبد العزيز حاوط اكتافها: تو ابوي كلمني قالو امسو عندنا وبنرقد هنا
رهف بحماس: الله وناسه خلاص اخذت الجواب
عبد العزيز: وعساك ناويه تروحين
رهف: اي اجل وش تبي
عبد العزيز: عطيني بوسه قويه وروحي
رهف وهي مره مستحيه: طيب
عبدالعزيز العزيز مسك خدها بيده وقرب من وجهها رهف بادلته وباسته من منطوقه على طلبه بقوه
عبد العزيز: اهخ خمر حلال قسم بالله ذلحين تجي اطلع نومه
رهف: يلا خلاص بروح
قامت ونزلت راسها وباست خده: يلا تصبح على خير
عبد العزيز: وانتي من اهله طفي النور معس
رهف: ابشر
وطلعت وراحت للبنات والابتسامه شاقه وجهها

.........................................................
حبايبي ادري البارت قصير عندي اختبارات ليوم الاختبارات
ادعو لي😢🤎