"قالوا العمر سهم وموج البحر اميره سافرت كل العمر ورجعت احب اميرة السهم"

جزء خمسطعش

(ومر اسبوعين بدون اي احداث مهمه)
وجاء وقت التمايم الي الكل ينتضرها
الظهر في الاستراحه قسم الحريم
اميره: افراح تكفين شلحل احس الكراسي موب مرتبه
افراح: اسكتي بس والله انها حلوه
اميره: بنت الحين ورعانا وين نحطهم
افراح: سالم بيجب ثلاث سراير صغار ثنين ازرق واحد وردي ونحطهم في صدر المجلس و نجلس جنبهم فكره بطله واذا خلاص الحريم اكتملو و شافوهم نعطيهم الرجال ويرجعونهم وبعدها نحطه في الغرفه وكل شوي وحده تطل
اميره : طلعتي موب هيه يا ام بدر اطلق فكره
افراح: افا عليك
اميره: الا صدق وش جديد قسم الرجال تعال نشوف مافيه احد
ودخلو قسم الرجال الي كان كبير مره وتميز ب اللون الابيض و البني
افراح: اوف قسمهم فخم
اميره: اي مره يلا امشي نرجع نشوف وش نلبس
ورجعو للقسم حقهم ودخلو الغرفه و الورعان على السرير نايمين
افراح: خلاص قررت وش البس بليس هاذا الفستان الازرق
اميره: اوف يجنن وسوي شعرك ويفي تطلعين شقق
افراح: اي وانتي
اميره وهي تحك راسها: مدري في هاذا الابيض بس احس فتحة الصدر اوفر
افراح: اقول بس خلي عني وعادي مو كبيره
اميره: اجل تم بلبسه وقع الاختيار
افراح: جوالك يدق
اميره شافت الاسم سهم قلبي:لبيه
سهم: تعالي القسم حقنا
اميره وهي تسكت عز : يلا جايه
وراحت وعز على كتفها وكان قايم
سهم: يامرحبا ب غزي ارحبب
وشال سهم عز
اميره: اي وش تبي
سهم : ابد والله ابي اشوفس وش ذي الحركات بجامه ورديه و ريش
اميره وهي تدور : اي انا و افراحي مطقمين
سهم: وش بتلبسين عز
اميره: ثوب
سهم: بنطقم محد قدنا يا عز
اميره: ترا بكنسل
طاح جوال اميره وكان اول زرين مفتوح يوم كانت ترضع عز
سهم: كنتي ترضعين عز صح
اميره: لا
سهم: اجحد مهما كانت الادله قويه بجامتك تقول
اميره وهي مستحيه: اي كنت
سهم نزل ل طول اميره وسكر الازرار: اغار عليتس
اميره : ياحظي يلا بس سحبت على افراح
سهم: قبل تروحين لينا لبسيها فستان
اميره: بنتي اميره اصلاً لو وش بتلبس
سهم: الثقه الي ب محلها يلا توكلي
........................................
(في بيت تركي)
تركي: ياحريم يلا اخلصو علي خلنا نروح
شيخه: شفيك مستعجل تونا الظهر
تركي: يختي اميره هناك و افراح وعلى الاقل نمسك الورعان
شيخه: اي صح صح انا جاهزه بس وين دانه
دانه: هذاني نازله بنزل شنطتي اصبرو
تركي: اعجلي علينا
دانه: يلا توكلنا على الله
ركبو السياره و اتجهو للأستارحه
......................................
(في بيت عبد الله)
لطيفه: يلا ترانا جاهزين
غزلان: اعجلو علينا يا سعد و عبدالله
سعد: يلا ياعمه طلعنا
اشواق: انا بروح مع مصعب في سيارتنا
عبدالله: زين بتوسعون على امي تمدد رجيلاتها
غزلان: اي والله
الجد فهد: بسرعه خلنا نروح
الكل يلا
ركبو السياره سياره عبد الله الجمس
غزلان
الجد فهد
عبدالله
لطيفه
سلاطانه
سعد
و اشواق و مصعب في سياره ثانيه
.............................................
في الاستراحه
اميره: احس اني جوعانه من الصبح ما اكلت شي
افراح وهي تشرب مويه: الاصدق في احد غريب بيجي
اميره: ايي صح نسيت ادق على حلو تجي
افراح: واثقه فيها طيب
اميره: طبعاً
اميره اتصلت على حور: الو حور
حور: هلا اميره كيفك
اميره: الحمدلله بخير اسمعي تراك معزومه ل تمايم عيالي وولد سالم بدر
حور: الحين احس مابيمدي
اميره: انطمي بس ترا اصلاً حتى مابعد جت ثنتين يعني بيمديك
حور: خلاص آنّ اشاءالله ابشري بس عادي تجي معي لمي صديقتي
اميره: اي عادي حياها الله
حور: اجل اشوفك المغرب مع السلامه
اميره: مع السلامه
حور اتصلت على لمى: بنت اسمعي تراك معزومه اليوم
لمى : الناس تسلم وش الميانه ذي
حور: ماعلينا انا وانتي معزومين على تمايم عيال اميره
لمى: امانه صدق
حور: اي والله ولازم تخلصين قبل العشاء عشان امرك
لمى: اي ان شالله
(بعد ماوصلو ال فهد)
غزلان:ماشاءالله تبارك على السعه
نوره: اي والله انك صادقه
لطيفه: تعالي يا عمه اجلسي داخل في البرد
نوره:وين سلطانه تجلس معنا
لطيفه: بتجي
شيخه: امشو البنات مطولين
(في الغرفه الكبيره الي فيها اميره و افراح)
دانه: جيتت وين حبايبي مابيكم
افراح: طيب طيب اميره خلنا نزعل عليها
اميره: اسكتو انا جوعانه وش اطلب
دانه: ماك واطلبي لي معك
افراح: وانا بعد
اميره طلبت الاكل: تم نص ساعه ويجي
دانه:وش بتلبسين ليوني
اميره فستان ابيض مع ربطه ورديه
دانه: و عز
اميره: ثوب قلت بلبسه شماغ بس بيقروشه
دانه: ماعليه في البدايه بس بعدها خلاص
افراح: وين رهف مالها حس تزوجت و اختفت
دانه: توني كلمت عبد العزيز ويقول جاي بس بيتأخر
اميره: زين
افراح: واشواق ولمار
دانه وهي تضحك: لمار تتهاوش مع سلمان برا واشوق مع اخوها مصعب في الطريق
افراح : ماتخلي لمار محارشها
اميره: اي والله انك صادقه
مر الوقت وجاء العشاء و المعازيم جو ودخلو في المجلس
حور اتصلت على اميره: بنت تعالي وقفي عند الباب
اميره: اي يلا هذاني واقفه
حور دخلت وحضنت اميره: هلا والله وحشتيني
اميره: اكثير والله اهلن لمى كيفك
لمى : الحمدلله و الحمدلله على السلامه و يتربون في عزكم
اميره: الله يسلمك ياحبيبتي يلا حياكم ادخلو في طاوله خاصه لكم مكتوب عليها اسمكم
حور: اي ان شاءالله بنفصخ العبايه وندخل
راحت اميره تلبس التوام
لمى: اهخ يا حور حرام عليك الي بتسوينه شوفي كيف تحبك وشوفي كيف فرحانه بعيالها وزوجها تكفين كنسلي
حور: مالك دخل اطلعي منها
لمى: طيب الله يهديك امشي ندخل
دخلو البنات و دخلت اميره وافراح وحطو الورعان في السرير
شيخه: يامرحبا ب احفادي
نوره: ارحب يابدر البدور وشيخ الشيوخ
لطيفه: اقبلو و اقبلت معهم السعاده يامرحبا
اميره: ياجعلكم تسلمون
افراح: ياجعلني ما افقدكم
وقامت اميره و افراح يرقصون وقامو الكل معهم ويزغرطون
وجلسو وصار الحريم يحطون الفلوس على احفاد ال فهد
افراح: بنصير اغنياء يا اميره
اميره بهمس: اي والله صادقه خلنا نسافر فيها
افراح: مركزه على اهدافك
سلطانه : ياحريم تغطو بيدخلون العيال
حور: وش يدخلون له
لمى: يابنت تغطي وانتي ساكته
وتغطو الحريم و دخل سهم و عبد الله وتركي والجد فهد
وراه بعض ويرقصون على :
من تباشير السعد
غنا هاجاوسي وقال
مرحبا مليون ب اللي
لمجيه ننتظر
مرحبا باللي فرحته
غنت الجزال والله
ان الفرحه اكبر من
حروف الشعر
ليلةً عز الله انها من خيال
الليال زاهيه بالطيب
والخيرفي اغلى البشر
الف مبروك ويطيب
الفخر حظ وفال اقبلو
عز وبدر ولينا وجه القمر
وتقدم سهم وباس راس اميره و افراح واخذ لينا وعز وعبد الله اخذ بدر
وجلسو يرقصون و الحريم يصورون
الجده غزلان وقفت في الوسط ولفو حاولها ورقصو معها
الجده غزلان: ياجعلني ما افقدكم ياعيالي
تركي وهي يدمع: الله يخلك لنا ويطول في عمرك يانور البيت
الجده غزلان: امين وانا امك
خلصو وطلعو العيال بس سهم اخذ عياله عند الرجال
سلمان جاء ركض : يازينهم عطني لينا مابي عز
اخذها وقعدت يحبها : تهبل ماشالله
عبد العزيز: يازينهم ياخي
سهم: جيناتي قويه
عبد العزيز: تراه كذاب يشبون اميره و يشبهون بعض
سهم: اعقب بس لا تقول ملامح زوجتي
سلمان وهو ماسك يد لينا: ياربي يا الغيره ياخي بنتك بخطفها
سهم: ياحرام ياولدي عز سحبو عليك
عبد العزيز شال عز: افاا اسحب على ولد اختي يلا مناك
لينا صارت تصيح في حضن سلمان: ابلش خذها بس
سهم اخذها هي وسهم و نادا بصوت عالي : اميرهه تعالي
حور سمعته كانت عند المغاسل وطلعت في وجهه عمد
حور: اوه بلغلط اسفه
سهم بقرف: نادي نادي اميره
حور بصوت دلع: عطني اياهم
سهم: يابنت صدي ومابي الا اميره
اميره جت وفي فمها حلى تاكل : لبيه هاه لحضه حور وش تسوين
حور بتوتر: هاه ولاشي بدخل
ادخلت حور و اميره راحت عند سهم
اميره: شفيهم
سهم: دلوعين صاحو على طول
اميره حطت قطعة الشكولاته بين شفايفها واخذت العيال
سهم بخبث سحبها واكل نصها: اوف لذيذه من بعدك
اميره: ياحيوان ماتهنيت فيها
سهم: امسكي باقي قطه تبين ولا توكلي
اميره: ابي
سهم حط القطه في فم اميره بيده: يلا ادخلي وقولي للحريم يدخلون يتعشون
اميره: طيب ابشر
وراح سهم ودخلت اميره وشافت حور في وجها
اميره: بنت شتسوين
حور: كنت اكلم الابراج داخل موب زينه
اميره : اي زين يلا العشاء
راحت اميره
وحور في نفسها: اهخ يا اميره تاكلين من بعده ليتني مكانك بس كلها فتره وانام في مفرشك بكل ثقه