"قالوا العمر سهم وموج البحر اميره سافرت كل العمر ورجعت احب اميرة السهم"

اربعه وعشرين

(في بيت رهف وعبدالعزيز)
رهف: اوف احس اشتقت للبيت
عبدالعزيز: كذابه اشتقتي للفسقه في اليل(الفسقه معناها العب و الضحك )
رهف: كنك عارف
عبدالعزيز: يلا روحي رتبي شنطتك وشنطة نجودي على بال ما اخلص مكالمه مع الدوام
رهف راحت تجهز الشناط بكل حب وسعاده
عبدالعزيز بعد ماخلص المكالمه: رهف خلصتي
رهف: اي حبي تعال شيل الشناط
عبدالعزيز رح وانصدم: اوله كل ذا الي يشوفك يقول بتهاجرين
رهف: شدعوه ترا انا ثلاث شناط ونجد ثنتين وانت ثنتين
عبدالعزيز: راسي صدع منك فضيعه
رهف ضربت كتفه مزح: طيب طيب نهايات العلاقات
عبدالعزيز فطس عليها ضحك: نشوف نشوف
رهف اخذت جوالها تصوره: ياجماعه هاذا زوج عاق يقول انتي فضيعه يبه اذا جيت اجلده يقول عندي فضيعه
عبدالعزيز: ياعم انت شايف الشناط بتهاجر للأبد
رهف: اي يلا امش
رهف نزلت تحت تنتضر عبدالعزيز عشان يروحون
عبدالعزيز: اوف تعبت والله ثقيله
رهف: اي ان شاءالله اذا رحت البيت دهنت ظهرك
عبدالعزيز: افضل شي بتسوينه
رهف: يلا نروح اشتقت ل نجد
عبدالعزيز: الله لايحرمنا منها بس امداك تشتاقين
ركبو الشناط وراحو للبيت عشان يرتاحون وينامون
رهف اخذت نجد من امها وراحت فوق وشافت عبدالعزيز منسدح ويقلب في الجوال
رهف: نجودي وصلت
عبدالعزيز: يامرحبا با دنيتي
رهف: توها صاحيه واتوقع انت الي بتسهر معها
عبدالعزيز: ابد فدا لعيونها كل شي
رهف انسدحت على السرير وعلى طولل نامت تعبانه
......................................................
(في الصباح في بيت تركي)
دانه وهي تكلم مصعب: طيب انا موب قلت بروح مع اهلي
مصعب: يابقره انتي بعد ابوي يقول بنمر تركي وبناخذه هو وشيخه انتي بتروحين معي
دانه: طيب يصير خير ذلحين تعال عشان تفطر معي اهلي افطرو وخلصو خلوني بلحالي
مصعب: تتخطين يلا جاي
دانه بعد ماسكرت: يالله اهبل موب صاحي بس احبه
................................................................
(في بيت سهم واميره)
سهم: اميره يلا انزلي خلصيني عز ولينا معي والشناط في السياره
اميره نزلت بكامل كشختها با المخور الذهبي الي بارز خصرها ومفاتنها وكانت لابسه سليبر ابيض كشخه
اميره: شفيك انت على ذا الصبح معصب خلاص ترا باقي تونا اوف مستعجل
سهم وقف مصنم من جمالها وقال:

صحيح غيرك ف الغذاري مزاين
لاكن وش جاب النجوم لقمرها

ياسعود والله مابعد زيينها زين
انا اعتبرها عبرتاً من عبرها

جمالها يرجح بكل الموازين
ومن الجمال الناس تلفت نظرها

من زينها كن العذاري مجانين
انا اشهد ان الله عليهن ومرها

اميره ماصدقت وطارت من الفرحه وتقدمت تحضنه بكل بحب وشوق
سهم: ادري زعلتك تحسبيني موب ملاحض اسف بس ابي اعلمك درس
اميره وهي تمرر انمال اصابعها النامعه: لاعاد تعيدها ما اتحمل بدونك
سهم قبل جبينها ومسك يدها: ابشري يلا ذلحين خلنا نروح
اميره: يلا
............................................................
(في بيت تركي)
دانه وهي طالعه تفتح الباب ل مصعب
مصعب: ارحبيي يا الدوله المستقله اشتقت لك
دانه: وش ذا الترحيب على ذا الصبح اكثر ياروحي
مصعب سحب دانه عشان يحاوطها: من زمان من شفت وجهك
دانه: كذاب امس دقيت عليك فيس تايم
مصعب: يوه انتي دايم في المرصاد
دانه: تعال نفطر برا ورا مابي ادخل خصوصيات
مصعب: عشناااا يلا تراني ميتت جوع
راحور للجسله الي ورا البيت وكانت تفتح النفس وقبالها مسبح كبير
مصعب: ليش توني اعرف هاذا المكان
دانه: مكان مجهول في بيتنا
مصعب: هاذا كله مسويته
دانه: اي كله الا طبعاً الفلافل طلبتها
مصعب: تعالي جنبي بس
دانه جلست جنبه ولاصقين في بعض
مصعب: تسلم يدك يازوجتي
دانه ابتسمت وبانت غمازاتها: عافيه ياروحي
مصعب: يازين المستحي
دانه قبصت مصعب: خلاص اكل
وجلسو ياكلون ويسولفون ويضحكون وكل واحد مبسوط اكثر من الثاني
مصعب: الحمدلله شبعت بطني مليان
دانه: اجل انا وش تقول خلاصص شوي وانفجر
مصعب وقف: يلا قومي خلي الخادمه تشيل الاكل وتعالي ندخل جوا
دانه انسدحت: مالي خلق اقوم
مصعب لف ثوبه حلو خصره وشالها: انتي بس استريحي
دانه: مصعبب يامجنون لايشوفون
مصعب: زوجتي حلالي بكيفي
دانه: خلاص صار لي خلق امشي
مصعب ب استبال قد يدور فيها: تمسكي لا تطيحين
دانه كانت تعيش اسعد اوقاتها
دخلو داخل ودانه لبست عبايتها
شيخه: وين وين
مصعب سلم على شيخه: بنروح للمطار بنسبقكم
تركي: اي اهلك في الطريق قريبين انتو روحو ولا تسرع يامصعب
مصعب: يوه شدعوه ماعليك
شيخه: يلا اذلفو
دانه مسكت يد مصعب وراحو
تركي: يوه الحب بيطلع من عيونهم ذولي
شيخه: الله يخليهم لبعض مصعب طايح على وجه على دانه ومحد سمى عليه
تركي: اي والله ههههههههههههههههههههههههههههههههههههههه
.....................................................................
(بعد ما تختصرت الوقت عليكم وصارو كلهم في المطار)
الجد فهد: ارقدو كلهم اذا ركبنا الطياره مابي ازعاج
سهم: حلو هاذي البدايه ابشرك عز بيشغل اذا ركبنا هو وبدر عارفهم
الجد فهد: عشان انطلكم مع الدريشه
سلمان: يوه ما اسمح و ما ارضى على سهم و عز و بدر
الجده غزلان: يارب الصبر سلمان عساك ترقد في الطياره
ضاحي: انا ابوه واقولها يارب يرقد
نوره: ابد معك يا ضاحي
الجده غزلان: يلا بس اعجلو ابي امدد رجيلاتي
اميره: سهم تعال شويات
عبدالله: رح لها المسكينه مبتلشه في عز
اميره وسهم راحو على جنب: متى بنركب تعب وعز طلع لي قرون
عز شاف سهم وقعد يرفس ويتحرك عشان سهم ياخذه
سهم: اوف وش جاك يا عز تبيني اخذك
اميره: خذه خذه بس لين نركب وارضعه
سهم: ماتتوبين قلت لك خلاص عطيه صناعي
اميره: مالك دخل بكيفي
سهم ضحك على عنادها: يلا انتبهي لنفسك و ل ام قرون ليونه
راحت اميره للبنات
لمار: بنات احس متوتره من الي بنقابلهم
افراح: اسكتي تكفين متى بنوصل وماندري بنقعد في اي فندق
رهف وهي تلعب في شعر نجد: كيف نروح لهم وحنا ماعندنا سيارات
اشواق: بنقل لكم علوم من مصعب يقول ان عمي صقر كل واحد له سياره جمس يوكن
اشواق: العب من وين له فلوس
دانه: ياماما مصعب يقول ان عمي صار ماشاءالله كاشش الفلوس
اشواق: يعني صارو مثلنا فلوس وكاش وكشخه
لمار: عليس نورر اي كشخه
افراح: يقول سالم ان عندهم حفيد واحد اسمه مايد
اميره: اسمه غريب بس حلو
رهف: يازين احفاد فهد نجد و لينا وعز وبدر
اشواق: في هاذي صدقتي
اميره: عقبال ما اشوف عيال اختي دانه
دانه: اسكتي ليش مستعجلين
..............................................................
(في الأمارات في بيت صقر)
مهره: ترا كلمت سلطانه تقول حنا في المطار
موزه: كنسل ابويه لاعاد ييون
صقر: سكتي لا اقوم امردغج
حصه: يبه متوترين مره
سمر: وخبيه شفيكم انتو خلهم يوصلون با السلامه
زايد ضحك: يلا روحو تجهزو وهدو بس
مايد: ابي عمه حصه بابتي
موزه: على ذا الموال كل مره
سمر: الخطه يا زايد
زايد جاء وشال مايد على كتفه: مايمشى معك على با العين الحمرا
سمر: يلا نشوفكم با الليل
سعيد: يمه عادي اهل روضه ييون
حصه: كذاب انت ماتبي اهلها تبيها هي روضه
صقر: حصه عيب احترمي اخوج
مهره: اي وانا امك عادي
سعيد: الله يخليج لي يابعد الدنيا
...............................................................
(في الخطوط السعوديه)
ركبو الطياره الخاصه وكانو قسمين قدام العيال وورا البنات
سلمان: احس اني غني طياره خاصه
ضاحي: يارب انك تعطيه العقل
سالم: اي والله
الجد فهد قال لهم النظام والسيارت ووين بيسكون فيه
سهم: يعني شلون كل واحد له فله خاصه
الجد فهد: اي حي سكني الي صقر ساكن فيه ماشاءالله سكن كامل متكامل
سعد: ماشاءالله مايقصرون خيرهم سابقهم
تركي: الا صزز توني انتبه ان كلنا لابسين لبس اماراتي
سهم: بدري ياعم حتى حفيدك لابس
عبدالعزيز: ابوي خارج التغطيه دايم
عبدالله: في هاذي صدقتك دايم خارج التغطيه
(عند البنات)
كانو يتقهون ويسولفون
دانه: بنات راسي صداع من العرس
رهف: وراس مستعجله
دانه: طفشت من الهم
اميره وهي تطقطق: الله يعينس
لمار: سنقل وبنقل اه
اشواق: لمار اطردوها
افراح: ماعندي استعداد بدر يحبها
لمار: ياروحي يا بدوري اعشقه
نوره: الحمدلله وش الشكر بس عليكن
سلطانه: مخفه ذولي
اميره: جده شوفي بنتس تغلط
لطيفه: ياعوين جدتكم منكم بس
افراح: ذولي متفقين علينا ولا وش وضعهم
الجده غزلان: اسمعن مابي حسي زايد اهجدن خلني اريح
...............................................................

مستعده للقاء الجبابره طبعاً خش المعضل انا معضل وهو معضل يعني كان لقاء الجبابره🦾🫡