"قالوا العمر سهم وموج البحر اميره سافرت كل العمر ورجعت احب اميرة السهم"

جزء ستطعش

اشواق: رهف تعالي بكلمك
رهف: هلا
اشواق: انا ابداً مو مرتاحه ل حور هاذي شفتها تطلع في وجه سهم
رهف بصدمه: حتى انتي مثلي احس بتسوي شي ل اميره
اشواق: اي اي حتى انا احس عشان كذا اسمعي لازم ننتبه
رهف:شوفي اذا عن بيتهم فيها كميرات من والى ملغم يعني هاذا شي كويس وجوال اميره باخذ وبحط فيه حق المواقع التحديد
اشواق : كفو عليك تم يلا امشي نتعشى
راحو يتعشون وخلصو الحريم ورجعو للمجلس
اميره: افراح بقوم اوزع التوزيعات وانتي بعد قومي معي
افراح: ماعليك ابشري
وقامو يوزعون اميره وصلت عند لمى وحور
حور: ماشاءالله تهبل ذي التوزيعات كثر الله خيركم
لمى: يازين اسمائمهم بس خاقه عليها
اميره: ياعمري انتو اي اسمائهم سهم مسميهم
لمى: ماشاءالله الله يخليكم لبعض ان شالله
اميره ب خجل: امين يارب
راحت اميره وحور: بنت خير وش الله يخليهم لبعض
لمى: والله عاد بكيفي ادعي وقت ما ابغى ولمن ويلا خلنا نروح
حور: طيب يلا
وبعدها راحور وخلصت التمايم والكل راح بيته ومابقى في الاستراحه الا اميره و اشواق
اشواق: اكيدد مصعب الزقت يسولف مع سهم
اميره: تكفين غطي اذن عز لا يبرد احس برد
اشواق: ماعليك
اميره: يلا امشي نطلع طلعو
اشواق: يازفت ليش تأخرت
مصعب: مالتس شغل وراكبي
اشواق: حطت عز في سياره سهم في الكرسي حقه وركبت وراحت
اميره خلصت لينا في حضنها :ياسهم يلا تعبت اترك عنك الزقاره
سهم : يلا ابشري جاي
ركب سهم : ارحبو هاه كيف اليوم التمايم
اميره: طلعت زي ما ابغى الحمدلله بس الصدق يعني كان ماودي انكم تدخلون
سهم: ليش عسى ماشر
اميره: من حقي اغار عليك الصدق وكان شكلك ملفت
سهم: عشان كذا بس والله اليوم طالعه حلوه انتي والعيال
اميره: طبعاً ههههههههههههه
سهم: ياجعلني والله اني تعبان موتت
اميره: انا ادعي ان العيال ينامون طول اليل مابيهم يزعجوني
سهم: ابشري بي وعد اذا قامو انتي تنامين وانا امسكهم
اميره : جد
سهم: اي ماعليك
اميره: اجل تم
............................................
(في بيت تركي)
تركي: يابنتي يادانه هاه وش قلتي موافقه
دانه: اي يبه موافقه
تركي: الحمدلله يلا الله يتمم لكم على خير
دانه: امين
شيخه: ماشاءالله متجمعين
تركي: ابشرك البنت وافقة
شيخه: الحمدلله يوه الحين البيت بيصير مافيه احد
تركي: لا تشيلين هم بنروح عند عبدالله هو قال تعالو
شيخه: تقوله صادق
تركي: اي والله وهناك سلطانه اختي بعد
شيخه: اي بروح عند صديقاتي
تركي: ولنا جناح كامل متكامل تعرفين بين عبد الله كبير
شيخه: اي والله ماشاءالله
دانه: يلا بروح انام تصبحون على خير
امها و ابوها وانتي من اهل الخير
.....................................................
(في بيت عبد العزيز ورهف)
رهف راحت الحمام ركض تستفرغ وانتم كرامه
عبد العزيز: بنت وش فيك
رهف : لالا مافيني شي لا تشيل هم
عبد العزيز: اكيد يابنت
رهف: اي ماعليك
عبد العزيز: اجل بنام قوميني ثمان عندي ميدان
رهف: ابشر
وراح عبد العزيز نام ورهف طلبت تحليل حمل من الصيدليه وجاء وحللت
قعدت تدور في الصاله تنتظر النتيجه وصرخت اول ماطلعت
عبد العزيز فز ونزل لها: وش فيك وش صار هيه انتي
رهف وهي تبكي وفي يدها التحليل: شف شف
عبد العزيز ما استوعب: وش ذا حق الحراره
رهف: لا انا حامل يا عزوز خطين
عبد العزيز صنم مكانه: انتي حامل
رهف: اي ياعزوز انا حامل
عبد العزيز شال رهف: بصير اب يا رهف بنجيب طفل
رهف: اي يافرحتي
عبدالعزيز: طار النوم
رهف: لالا بترجع تنام عندك ميدان
عبد العزيز: تعالي نامي معي
رهف: ما اقول لا
وطلعو فوق ونامو مع بعض بكل حب
.................................................
(في بيت سهم و اميره)
مسحت مكياجها ولبست بجامه حرير ونامت على طول وغرقت في النوم
سهم قعد يفزفر في الجوال وشاف لينا تتحرك قام وطال عليها لقاها قايمه
سهم:ماشالله عليك انتي متى ناويه تخلينا ننام زين
ولينا صارت تصيح جوعانه
سهم: ابلش ما اعرف اسوي لتس حليب
جاته فكره راح للسرير وكانت اميره منسدحه على جنبها رفع بجامتها
وحط راس لينا عند صدرها
سهم: علي افكار بطله بس شكل ميمي غاطسه في النوم
لينا نامت شالها وحطها على صدره العاري ونامو
في الصباح الساعه٧:٠٠
اميره قامت وغلست وجهها وشالت عز وغيرت له
اميره: لينا اخذت مكاني طيب هين
سهم قام على صوتهم: وش ذا الازعاج ياخي انتو
اميره: لا تتحرك لينا على صدرك
سهم: اوف نسيت
حط لينا على السرير ورجع نام
اميره: ماتحس انت
اميره اخذتهم وطلعت برا في الصاله تلعب معاهم
الساعه٩:٠٠
سهم قام وتروش ولبس بدلته و اخذ سلاحه
اميرهى كانت تغني ل غز اغنيتها المفضله
فداك العين هاذي
قبل العين هاذي
ولا اتأخر انا عنك
ولا يطول بعادي
انا حاضر تحت
امرك انا بين
الايادي اجي
حافي على جمرك
اذا بسمي تنادي
اميره: كيف صوت امك بس
سهم حاوط اميره من ورا وحط يده بين رقبتها وصدرها : يازين صوت امه بس وبعدين شعندكم مروقين اليوم
اميره: اهلاً صباح الخير
سهم: صباح النور ياروحي انتي
اميره رفعت عز بيدينها: شف بابا بيروح الداوم
سهم: يازينه يلا ترا برجع على المغرب كذا
اميره: ان شاءالله يلا لا تتأخر على دوامك
سهم: مع السلامه
اميره: مع السلامه
وطلع سهم واميره اخذت التوام وطلعت فوق تنام
.............................................
(في داوم سهم)
هاشم: ياسهم تراك ترقيت فريق اول بسبب مهمتك الي صارت السنه الي واحد
سهم: الحمدلله على كل حال طيب في مهمه جديده
هشام: اي في بعد يومين مدتها ست اشهر
سهم: يوه مافيه اقل
هشام: لا والله هاذي اقل شي العميد احمد كان حاطك في مهمه مدتها سنه وانا طلعتك بحكم ان عندك عيال وتوهم صغار وعلى الاقل تقدر تشوفهم
سهم: الله يجزاك خير يارب ويوفقك
هشام: وياك يارب
سهم قعد يخلص اشغاله و الاوراق حقته
هشام عند مكتب ادم: السلام عليكم
ادم: وعليكم السلام
هشام: قول ل عبد العزيز ان عنده مهمه اسبوعين في مقر الفريق سهم
ادم:طيب ان شاءالله وماشالله سهم صار فريق اول
هشام: اي والله يستاهل
ادم: تدري ان المهمه حقت سهم مرره خطره
هشام: اي والله ادري بس مارح نقول له ويارب باقي العيال مايتكلمون
ادم: يارب
................................................
(في بيت سالم و افراح)
افراح كانت تلعب بدر على السرير وجوال سالم جنبها وهو دخل يتروش
وجاته رساله محتواها : السلام عليكم سالم كيف حالك تدري اني اشتقت لك ويوم جاك ولد وعرفت الخبر انهبلت كيف كنت اتمنى يجي مني مو منها ويقولون انها شينه مو حلوه مثل جمالي تعال تزوجي على
افراح شافتها وانصدمت وصنمت
سالم طلع من الحمام وشاف عيونها الحمراء و كيف هي مصنبه
سالم: بنت وش فيك كذا
افراح: ولاشي
وقامت طلعت على طول نزلت تحت للمطبخ تبكي
سالم: بسم الله شفيها
فتح جواله وشاف الرساله وانصدم : من انتي
ورد ردت عليه: نسيتني انا حبيبتك ورد
سالم: شتبين جايبه من وين جبتي رقمي
ورد: خلي عني الرقم ليش تزوجت وتركتني
سالم: بنت هيه انتي انا متزوج وعندي ولد واحب زوجتي وهي بعد لاتحاولين تخربين بيتي ب اي طريقه لنك عارفه مصيرك ايش وايش معي
ورد: مافيه امل نرجع ياسالم
سالم: انتي قاعده تتكلمين عن علاقه كانت يوم عمري ١٦
كنت طايش بزر عشان كذا روحي والله يستر عليك
ورد: مع السلامه
وسالم بلك الرقم على طول ونزل واخذ معه بدر وسمع صوت شهاق افراح
سالم: انا ادري انك شفتي جوالي وشفتي الرساله
افراح: ولك وجه تتكلم اطلع
سالم: والله ما اطلع لين اتكلم و تسمعيني وتاخذين جوالي وتشوفين كلشي
افراح: وش اشوف قل لي
سالم فتح الجوال وخلها تشوف المحادثات
سالم: انتي متوقعه اني بكلمها وبخونك وانتي ام عيالي
افراح: مدري عنك
سالم: يابنتي والله اني ما اكلم احد واصلاً مدري من وين جابت رقمي وانا اسف اني ماعلمتك هاذا الشي لنه شي قديم
افراح براحه كبيره قامت وحضنت سالم بقوه : طيب معذور بس لاعاد تعيدها تكفى لا تكسرني
سالم: ماعاش الي يكسرك يابنت عبد الله ويلا جيبي القهوه في الصاله انتضرك انا وبدرنا
افراح: ابشر
وراحت وقعدو يتقهون و يسولفون
................................................
(المغرب في بيت سهم و اميره)
اميره كانت تجرب فستان بيت تميز بلوزه الازرق وطوله فوق الركبه وفتحت الظهر الواسعه و فتحت الصدر الواسعه وماسك على خصرها ومفاتنها وفتحت شعرها الاسود الطويل
دخل سهم البيت وهو يدندن
سواد اليل بقرونتس
وموج البحر بعيونس
ولون البدر من لونتس
في ضوه طاب مقعادي
جت اميره ركض على صوته ونقزت في حضنه ورجولها محاوطه قصره
سهم: العب من زمان عن هاذا الاستقبال
اميره: بيرجع وبقوه كمان
سهم: ياليت وريني فستانك اشوف
اميره مسكت يده وقعدت تدور
سهم: اوف بطيح من طولي وش ذا الزين
اميره: بس خلاص استحي
سهم: لبى الي يستحون وين العيال
اميره: توهم نايمين
سهم ضرب راس اميره: يا الخسيسه ليش تنومينهم
اميره: اح احسن خلهم ينامون ازعاجج
سهم شالها و راحو للغرفه وانسدحو على السرير
اميره: اي شعندك
سهم: بعد بكره بروح عندي مهمه
اميره: كم مدتها
سهم: ست اشهور
اميره: اح ليش بتطول
سهم: شسوي عاد مابيدي شي
اميره بزعل ومدة بوزها: يعني بتجي و العيال قدهم يزحفون وكبار
سهم: الشكوى لله
اميره بدون ماتحس نامت في حضن سهم ونام معها
..........................................................
(في بيت عبد العزيز و رهف)
عبد العزيز: بنت لا تشيلين شي
رهف: عزوز ياخي توني لسا في اول شهر ماعليك
عبد العزيز: اللهم اني بلغت اللهم بشهد
رهف: توكل
عبد العزيز راح لغرفة الملابس وشاف صندوق ابيض فخم وفتحه
عبد العزيز بصوت عالي ومرعب: رهفف تعالي بسرعه قبل انزل عليك
رهف بخوف : طيب جايه
عبد العزيز: وش هاذا متى جاء
رهف تغيرت ملامح وجهها براحه: الله يلعنك روعتني هاذي صور زواجنا
عبد العزيز: وليش ماقلتي لي هاه
رهف صارت تحك راسها: بلغلط اسفه
عبد العزيز بضحكه: عادي يلا ابي اشوفه الفضول بيذبحني
رهف: طيب يلا
عبد العزيز فتح الصندوق وشاف شريط : وش هاذا
رهف: هاذا فديو زفتي
عبد العزيز: انقزي يجبي الكبيوتر
رهف بدلع: ما اقدر يابابا حامل قم انت
عبد العزيز: حلو بدينا طيب بقوم
قام وجابها و فتح وحط الشريط وانفتح الفيد
عبد العزيز: كني اول مره بشوفه
رهف: حتى انا متحمسه
شافو الفيد و رهف ماسكه دموعها
رهف: اوف احس ببكي كيف انتصر الحب ب الزواج
عبد العزيز: حالي حالك ياحبي
رهف: اشتقت ل ابوي و بيتنا
عبد العزيز: بدينا
رهف : من حقي ياخي
عبد العزيز: اوف وش ذي الصوره حلوه
رهف: انت شايف تعابير وجهك اول
عبد العزيز: حلو بكل حالتي شعرفك انتي
رهف: الله وكبر على عودك
رهف ماقدرت تمسك دموعها ونزلت وحضنت عبد العزيزودفنت وجهها في رقبته
عبد العزيز: افا ليش تبكين
رهف: عشاني احبك بكيت ماكنت متخيله اكون انا وانت با الحلال و في غرفه وحده ونتشارك كل شي و اشوفك كل يوم و بجيب طفل منك
عبد العزيز: ياحبي لك يافوفو من يوم انقذتك من الزفت ذااك وانا خلاص طايح في غرامك و في ملامحك وكل شي شفتي النصيب كيف الحمدلله
رهف: الحمدلله الله لا يحرمني منك يا عزوز
عبد العزيز: ولا منك ياقلبي
وعبد العزيز قرب من وجه رهف وباس منطوقها ورهف بادلته وحطت يدها على رقبته
عبد العزيز: بوستك احلى من كلمة احبك
رهف: دخت حسبي الله بس ماشبعت
عبد العزيز: بخليك تشبعين
عبد العزيز قام وشال رهف على ضهره وصار يدور فيها ويرقصون على اليسا
من زينا ياحبيبي اليله
قولي فمين انا حاسه
من كتر الشوق اننا
راحين على دنيا
حبنا تجمعنا والكون
كله ده مش هيوسعنا
واهعيش اسعد وحده
لوانتا سنين وسنين
يااه عالفرحه دي الي
انا فيها يوم با الدنيا
ولياليها وحياتي الي
بحلم فيها عيشها
لك حبيبي
وهم يرقصون صوت ضحكاتهم في كل البيت
................................................