"قالوا العمر سهم وموج البحر اميره سافرت كل العمر ورجعت احب اميرة السهم"

جزء تسعطعش

(في المهمه)
سهم في الاسلكي: ياعيال تعالو في جزء واحد سريع في مصاب وانتبهو لا يصيدونكم
الكل: تم
ادم: اصابته في الكتف ولا هي خطيره واحد بس يسنده يوديه للعياده ويرجع
شهاب: انا بروح اوديه
سهم: تم كفو لا تطول خلك عجل
شهاب: لا توصي حريص
ثامر: يا سهم في جزء خمسه كل الحوثين انصابو ولا بقى احد و عيال الوطن مافيهم شي وطلبو تحويل للجزء حقنا
سهم: الحمدلله يلا هانت تم التحويل وصل خلهم يجون
ثامر دق تحيه: سم طال عمرك
سهم : استرح
..............................................................
ومرت خمس شهور بدون اي حدث مهم
(في بيت تركي)
اميره وهي تشوف التوام كبرو وبانت ملامحهم واخذو الشبه من سهم كلهم
دانه وهي تفصفص: اف متى يجي زواجي
اميره: كلن على همه سرا وانا على هي سريت
دانه: الا صدق كم باقي ويجي سهم
اميره: باقي شهر وانا انتضره على احر من الجر تخيلي ولا مره اتصل اشتقت لصوته
دانه: الحمدلله مصعب طيار مايروح عني الا ب الايام بس
اميره رمت عليها المخده: اعوذ بالله منس اسكتي
دانه بحماس: شوفي عز يضحك لي يازين حبيب خالته
اميره: ياحلو الضحكه
شيخه دخلت عليهم: ماشاءالله البنات متجمعين
اميره: دانه سوالفها بيضض
لينا وهي تحرك رجولها ويدها تبي جدتها تشيلها
شيخه: ياهلا ب روحي اشتقت لتس
لينا صارت تضحك وتطلع اصوات تضحك
اميره: شدعوه ليوني كل ذا الحماس
شيخه: يلا بس انزلو تحت في الحوش الجو يجنن وعبد العزيز اليوم بيجي
دانه: وحشني توامي
اميره: دندون شيلي عز مافيني حيل
دانه: ابلش بس ترا ذي المره
اميره بتسليك: اي اي نشوف يلا اسبقيني
دانه طلعت هي وعز للحوش
اميره جلست على السرير وقعدت تتأمل صور سهم
اميره بتنهيده : يارب معاد فيني صبر على شوفته يارب رجعه لي سالم غانم في اسرع وقت يارب حصنتك روحي وابو عيالي ودنيتي ياخير الموكيلين
ومسحت دموعها ونزلت تحت وابتسمت يوم شافت اهلها متجمعين
عبد العزيز: ارحبييي يا اميرتنا تعالي اجلسي عندي ابيتسس
اميره جلست جنبه: كيفك عزوز وينك ماعاد جيتنا
عبد العزيز: البطه الي قدامي ياالله يالله تقوم بس منسدحه
رهف: اي اي كب العفش
الكل جلسو يضحكون عليهم
شيخه: رهف وش توحمتي عليه
رهف: على موز هههههههههههههههههه
عبد العزيز: والله يا يمه كني كل يوم اجيب موز كنها قرد ماتشبع
شيخه وهي تضحك: بس بس اسكت فضيحه انت
دانه: يوه تراه فضيحه عزوز في لسانه دوده مايسكت
عبد العزيز: احترمي اخوك
تركي: يوه عزوز من يومه ملقوف من يومه صغير
شيخه: يوه عذبنا لينن صار عسكري
رهف: اي في البيت مايهجد
عبد العزيز: بدينا في كب العفوس
رهف: اسكت و اسكت
دانه: افف اميره امسكي عز قطع شعري وجع
اميره: اقول بس فدا ل عز
دانه: طالع على مين ذا يقطع الشعر
تركي: تراه طالع على عبد العزيز ما ابعد خاله
اميره: عز الله افلحنا
عز ولينا في حضن اميره عز مسك يد لينا الصغيره بشكل مره كيوت
شيخه: شوفو عز يحب لينا خلاص بيكبرون وقلوبهم مع بعض
اميره ماتحملت وصورت صوره: يازين عيالي بس
عبد العزيز: إنّ شاءالله يجيني ولد وازوجه لينا
اميره: شفيك متحمس لينا ل بدر توك تعرف
عبد العزيز: اح تمزحين
تركي: من يومهم صار وحنا نقول وينك فيه
عبد العزيز وهو يغمز: في قلب ام عيالي
شيخه: آي ماشاءالله في قلبها وحنا الشكوى لله
...................................................
(في بيت سلطانه وسعد)
اشواق كانت في المطبخ تسوي لها باستا
مصعب: الله جيتي في وقتسسس
اشواق: وش تبي شعندك
مصعب: ابي زوجتي
اشواق لفت عليه: عشتو تبيها
مصعب: اي والله ابي اشوفها
اشواق: يا السربوت توك شايفها قبل امس امدكك
مصعب: حتى اشتقت ل شامتها الي عند صدرها
اشواق بصدمه: ايشش كيف شفتها الله يلعنك طيب طيب
مصعب: يابنت هدي هي لابسه فستان فتحت الصدر كبيره ووسيعه اكيد بشوف
اشواق: اعوذ بالله منك قليل ادب انا وانا دايم معها ماقد لمحت شامتها انت عيونك مفتحه
مصعب وهو ذايب: يارب انك تثبتني قبل اهجم عليها
اشواق: ياعزتي لتس يادانه حضك ردي
سلطانه: شتسون ياويلكم تحوسون المطبخ اذبحكم
اشواق: يمه خلي ولدس قليل الادب يذلف
مصعب قمط ام العافيه: بطلع بس اسكتي
سلطانه: وش مسوي بعد ذا
اشواق: ولا شي بس خله يطلع
مصعب عند الباب صفر و التفت عليه اشواق وسوا لها قلب معوق
اشواق: هاذا كيف بيتزوج وهو كذا اهبل
سلطانه وهي تضحك: مدري عنه من يوم تزوج وعقله طاير
اشواق في نفسها: ليتس تعرفين وش في عقله
سعد: هيه انتو مابي ازعاج برقد
سلطانه: ابشر ام ان شاءالله
اشواق: تونا الساعه سبع بدري
سلطانه: خليه بيقوم الفجر مع العصافير
اشواق وهي فاطسه ضحك: صح عليس مع العصافير
.........................................................
(في المهمه)
سهم كان شكله متغيرر صوته تغير وشعره طول ولا رضى يقصه
وعظلاته زدات وزادت هيبة
ثامر دق الباب
سهم: ادخل
ثامر دق تحيه
سهم: استرح
ثامر: ترا معاد في اي مقاومين انسحبو وبقى بس حنا في المنطقه متى بنطلع
سهم: والله مثلي مثلك مدري بس بكلم رئيس المهمه ونشوف
ثامر: تم يعطيك العافيه يعني خلاص نرتاح
سهم: اي ارتاحو وكلمو اهاليكم لكم اربع شهور ماكلمتوهم وبلغ كلل الجنود
ثامر دق تحيه: تحت امرك
سهم: استرح
............................................
(في بيت تركي)
البنات في غرفة اميره سهرانين ومعهم رهف
اميره: بنات احس ودي ارقص مصري
رهف: وش ذي المسكه الي تجي اخر اليل
دانه: رهف ترا هاذي شغلة اميره الرقص يوم كان عمرها ١٦ كانت ترقص وكل يوم وهي عندي ترقص ازعجتني
رهف: ارقصي لسهم
اميره: يوه لا استحي مستحيل
رهف بخبث:تستحين هاه طيب ورينا رقصك
اميره نقزت: تم ما اقول لا
راحت للغرفه الثانيه ولبست لبس الرقص وكان لونه سماوي فاتح وتميز وبفتحه وسيعه من الفخد ولبس منفصل عن الخصر بخيث يطلع البطن
ودخلت على البنات
رهف شهقت: يلعن شكلك هاذا جمسك بعد حمل ب ورعين كيفف رجع كذا
اميره: ههههههههه قولي ماشاءالله لا اصفقس طبيعي
رهف: ماشاءالله خصرك رجع وبقوه
دانه: رهف شوفي بطنك كبر وخصرك اختفى
رهف وهي تمسح على بطنها: فدا للبيبي
اميره شغلت مصري وبدت ترقص بكل احترافيه وبشكل حلو
رهف اخدت الجوال وصورتها وهي ترقص وكان شكل اميره تحفهه
دانه: اميره ابي احسدكك علميني كيف
اميره: سر المهنه ياحبيبتي
رهف ارسلت المقطع ل سهم وكتبت: شف زوجتك طلعت فنانه وانت ماتدري ياغافلين لله
...........................................................
(في مكتب سهم في الحدود)
شاف المقطع بصدمه مع شوق وغيره
قال في نفسه: يابنت الكلب طلعتي تعرفين بدون ماتقولين لي
كتب ل رهف: ياالله يا الشوق لها وينها فيه
رهف: ارحب يا اخوي توقعت ماترد
سهم: ابد فاضي
رهف: وحشتنا اميره جلسه عندنا تغير ل لينا
سهم: صوريهم تكفين اشتقت لهم
رهف: مقابل ايش
سهم: الفين ريال والله ل تجيك في حسابك
رهف: تم ثواني والصور عندك
رهف راحت لينا وعز تصورهم واحد يضحك والثانيه تصيح وارسلت المقطع ل سهم
سهم فز من شافهم كيف كبرو وانبسط من شافهم يشبهونه ودمعة عيونه
سهم صور شكله لاول مره من ست اشهر: اهخ يارهف ودي اجيكم الحين واخذهم
رهف: ولد شفيك بتصيحح شدعوه لذي الدرجه
سهم: وزود وانا اخوك
رهف: متى بتجي ياخي اشتقت لك
سهم: بقول لتس بس لا تعلمين اميره ولادانه ولا افراح
رهف: اخلص وشو
سهم: انا جاي بعد يومين خلصت المهمه حقتي
رهف: وناسه خايفه يزل لساني
سهم: عشان اقصه لتس ويلا انتبهي ل نفسك و ل عيالي و اميرتي
رهف: ان شاءالله مع السلامه
.......................................................
(ومر يومين بدون اي حدث مهم)