"قالوا العمر سهم وموج البحر اميره سافرت كل العمر ورجعت احب اميرة السهم"

جزء عشرين

برا في مجالس الرجال
دخل سهم ومعه سلمان كل الرجال فزو ووقفو
الجد فهد: يامرحبا ب سهم ارحب
سهم تقدم وباس راس جده: البقى ياجد فقدتك
سالم ومصعب اخذو الرشاش واطلقو برا بشكل حامي
سهم: ماتقصرون يابعدي انتو جعلكم سالمين
عبدالله: تو مانور العشاء ياجعلنا مانفقدك
سهم: الله يطول في عمرك جعلك سالم
وبعد سلام حامي بين الرجال بدو يرصقون عرضة نجد
........................................................
عند الحريم بدو يرقصون والكل كان فرحان واميره مستغربه من فرحتهم
دانه: رهف قومي ارقصي تكفين
رهف: وحده تقوم معي
اميره: المحزم المليون ام لينا
رهف: اطلق محزم يلا
قامت اميره ومعها لينا ورهف يرقصون
لطيفه: عاشت رهف عاشت ام عز
الجده غزلان قامت ترقص ب العصاء حقتها:
كل ال فهد كلهم
لافرق الله شملهم
وكل ال فهد خياله
عليهم رزةً رايه
يازين عبد الله بينهم
ويازين سهم بينهم
ويازين بدر بينهم
ويازين عز بينهم
ويازين لينا بينهم
وكل ال فهد خياله
الجده غزلان: عاشو احفاد ال فهد
وخلصو رقص وكل وحده جلست تتقهوا ويسولفون
اميره: دندون امسكي لينا شوي
دانه اخذت لينا: يازين القرون و الشرايط الحمراء
لمار: اميره عادي اخذ عز واعطيه سلمان ميت ميت يبيه
البنات فطسو ضحك
اميره: اي عادي ياروحي بس ينتبه له
لمار: لا توصين حريص
لمار اخذت عز واعطته سلمان
سلمان: ارحب اشتقت لك
لمار: ياعزتي له اقول بس انتبه له ويلا رح
.....................................................
سلمان دخل ومعه عز
سهم فز من شافه ومشى سريع له: ياهلا يا الدوله المستقله ارحببب
سلمان: شوي شوي عليه
سهم: تعلمني في ولدي انت بعد
سهم جلس وقعد يحبب فيه ويشمه وهو ميت شوق عليه
سلمان: خلاص ياخي ابيه
سهم: توكل بس ست شهور ماشفت ضناي
سالم: خذ ولد اخوك طيب
سلمان: اي صح سحبت عليه
سالم: يا وجه الله
سلمان: اكشخخ يابدر ثوب وحركات ماعرفتك
سالم: تكفى اسكت ب الطقاق لبس الثوب
سلمان: اكيد طالع بثر على ابوه
سالم صف راسه: ولد اهجد
سلمان: طيب ابشر
سهم: اهخخ يازين ريحتك بس
عبد العزيز: عطني ايها بوديه لهم يلا عشاء الرجال جهز
سهم: طيب خذه
راح عبد العزيز عند الباب: ياولدد
رهف راحت له: وش تبي
عبد العزيز: امسكي عز عطيه اميره وانتبهي لنفسك
رهف : ان شاء الله
اميره: عزوزي هاه ياروح ماما
رهف: جابك الله خذي بروح اجلس
اميره اخذته وصنمت مكانها يوم شمت عز: ريحته ريحة سهم كيف
شيخه: يابنت شفيك انتي تحركي روحي قولي للحريم العشاء
اميره: هاه هلا ااا طيب طيب
شيخه: لا البنت انهبلت
راحت اميره تقول لهم وتتعشى معهم
دانه راحت للباب الخلفي الي عند الجلسه الخارجيه وشافت مصعب متسند على الجدار
دانه بصوت خفيف: مصعب
مصعب فز: ارحبي
دانه تقدمت له: البقى
مصعب فتح يدينه يعني حضن: بترديني
دانه: لا والله ما اردك هههههههههههه
مصعب: يالله بسرعه متى الزواج ماعاد اقدر اصبر اقاومك
دانه: شدعوه احس بدري
مصعب: وين بدري يابنت الناس
دانه بخجل قعدت تلعب في ازار ثوبه وحط يده ورا ظهرها
مصعب: لمار قالت لتس شي
دانه: لاوشو ليه
مصعب: لا ولاشي اشوا
دانه:همم طيب اوكيه
مصعب: مالي منتس نصيب
دانه: افكرر
مصعب: وانا بنتضر رايس
مصعب شد عليها ونزل ل شفافيها وباسها انتضار سنين
دانه: ياقليل الادب
مصعب: كيف بس
دانه: تبي الصدق ولا الكذب
مصعب: الصدق
دانه: حلوه حلوه
مصعب: اكيد
دانه: يلا بروح البنات بيفقدوني
مصعب: انتبهي لنفسك
دانه: قبل اروح دنق شوي
دنق مصعب وباست خده وراحت
مصعب: ياالله الجنه ودانه
.......................................................
(عند الرجال)
سهم: كثر الله خيرك عمي تركي وخيرك سابقك جعلك ماتقصر
تركي: الله يعطيك العافيه وابد هاذا واجب
سلمان بهمس: مصعب ليش فهمك احمر
مصعب: حساسيه
سلمان: حساسيه ولا مبسمها
مصعب: انت بتلبخ ولا اقوم عليك هنا
سهم: عزوز ابي ادخل جوا شلوضع
عبد العزيز: راح مع باب الرجال مافيه احد يمك هناك
سهم: تم
راح سهم بيدخل بس وقفه صوت اميره وهي تكلم لينا
اميره: يابنت انتي تتفلين ليه طالعه قليلة ادب على مين
سهم: يا الخفوق جيتك والشوق ذابحني تعالي طفي الشوق بمبسمك
اميره التفت الدموع ماخذه محجرها وحطت لينا في العربيه وركضت له
اميره باكي: سهم اشتقت لك لاعاد تخليني معاد اقوى بعدك يذبحني
سهم مسك وجهها بيده: وعد والله وعد معاد اروح و اخليك يالله كيف تغيرتي انتي كل مره تحلوين
اميره نقزت في حضنه ودفنة راسها في نحره وتبكي
سهم: ليش تبكين يا قلبي انتي
اميره: كنت خايفه ماترجع لي
سهم: هذاني قدامك وانتي في حضني ليش الخوف
اميره رفعت راسها وقربو من بعض وخشمها مقبل خشمه: سهم بتعوضني عن الست الشهور الي راحت
سهم: ابشري اعوضك واعوض اهلك يالله انتي عوض ربي بكبرك
اميره حاوطت رقبته وباست مبسمه بكل قوتها ودموعها تاخذ محجرها
قاطعهم صوت لينا تبكي
سهم: كني سحبت على بنتي
اميره: انا اول يعني
سهم: في قلبي بعد وش قرون لينا ذي يازينه
اميره: انا سويتها امدحها
سهم: امدح لينا ولا الي سوت القرون
اميره: كلهن
سهم شال لينا ورفعها: ياروح ابوتس انتي اشتقت لتس
لينا ضحكت ورجعت تسوي حركات الاطفال تتفقل
سهم: ماعرفنا نربيها قليلة ادب
اميره: ماطلعت على احد غريب
سهم: كني فهمت الرساله
اميره: عندي دليل لكل شي تسويه
سهم: عز الله كدينا خير
رهف جت وصرخت: سهممممم اخوييي
سهم: ارحبي يا الغلا
رهف حضنته بقوه: وحشتني
سهم بعد ما استوعبت: بطنك شفيه
رهف وهي تمسك بطنها: بيبي جديد
سهم: بعيد خال للمره الثانيه الله يتمم لك على خير
رهف: امين يارب رب
اميره: خلصتو رهف خذي لينا وروحي نوميها تكفين
رهف: طيب
اخذتها رهف وراحت بها داخل وسهم شال اميره بحيث رجولها تحاوط خصره
سهم: متى نروح بيتنا
اميره: بكره اليوم نام عندنا
سهم: فشله طيب شرايك اروح انا البيت بلحالي
اميره: وانت متوقع اني اوافق
سهم: اي
اميره: تحلم اليوم بتنام عندي وفي غرفتي
سهم: متأكده ترا بتندمين ندم شديد
اميره فهمت: لااااا مو في بيت اهلي فضيحه
سهم: طيب انا ابي عادي كلهم نايمين
اميره: لا يعني لااا
سهم: طيب بندخل الغرفه بس لني تعبان
اميره: طيب تعال
وراح سهم ويا اميره للغرفه على اساس سهم تعبان
..............................................
(في بيت افراح وسالم)
سالم: افراحوه جيبي المنشفه
افراح: عندك على الطاوله
سالم: مافيه شي يابنت
افراح: ياليل طيب اصبر بجيب لك
قامت وجابت له منشفه واعطته ايها وطلع وهو لافها على خصره وشعره مبلول
افراح: نشف شعرك برد
سالم: تعالي نشفيه مالي خلق
افراح: ما اقول لا
قامت واخذت المجفف وجلس على الكرسي وصارت تنشف شعره
سالم طبعاً مركز على اهدافه وبقوه😭😭
افراح: خلصت شوف كيف سويت شعرك يهبل
سالم: اوف ماعرفت نفسي
افراح: البس عن البرد
سالم عاندها وانسدح على السرير وشال بدر وحطه على بطنه
افراح: الوضع عناد هو
سالم: ممكن
افراح: طيب احس مشتهيه كرك
سالم: شفيك انتي مستعده للشتاء
افراح ضربت كتفه: ماله دخل بس احس
سالم: ننزل المطبخ
افراح فزت: ما اقول لا ههههههههههههههههههههه
سالم اعطى بدر افراح: يلا الحقوني
افراح بصوت طفولي: لتس قوو
.........................................................
(في غرفة اميره في بيت تركي)
سهم شال اميره: احبك بس ماقدر اصبر
اميره ما استوعب وهي تمرر اصابعها على شنبه: وانا اموت فيك
سهم سدحها على السرير وطالع في عيونها: قلت لك موب من صالحك
اميره بتوتر: هاه تمزح صح لالا
سهم ما اعطها مجال ودفن وجهه في صدرها واستسلمت له واا!!!!!!
.......................................................
(في بيت عبد الله)
اشواق: مصعببب تعال
مصعب وهو يلعب سوني: هاهه ولعنه
اشواق: تلعنك تعال غرفتي بسرعهه
مصعب: طيب اصبري
خلص من القيم وراح لها في الغرفه
معصب: لاتصارخين جدي وجدتي نايمين
اشواق: تعال سوالف معك
مصعب وهو يلعب في شعرك: شعندس
اشواق: احس طفش انت بتتزوج وبتروح وبتخليني
مصعب: شسوي هاذي الدنيا
اشواق وهي تحضنه وتحط راسها على كتفه: صح انك عصبي علي و دايم تهاشوني و غاثني و تعلم علي من يوم كنا صغار وتضربني ولا تخليني في حالي بس احبك متعلقه فيك مابيك تتركني بلحالي من بيفزع لي اذ اهلي هاوشوني من بيطلعني اخر اليل اشتري ورد وقهوه لا تروح
مصعب: ياروح اخوس انتي تبيني اكنسل ابو الزواج كنسله والله اني احبس لا يغرس حركاتي من جوا لتس معزه كبيره
اشواق وهي ماتقدر تمسك دموعها: ياحظ دانه بتشوفك كل يوم
مصعب: اهه دانه ذي
اشواق: مو وقتك انت ويها
مصعب: ابشري ياروحي
اشواق بدون ماتحس نامت على كتفه و مصعب يمرر اصابعه في شعرها
مصعب بصوت خفيف: شوشو
ماردت عليه دلدل نومها شالها وحطها على السرير قبل جبينها وطلع
............................................................
(الصباح في بيت تركي)
في غرفة اميره الي كانت تعبانه من ليلة امس ونايمه في حضن سهم وهو كمان تعبان وكلهم نايمين
تركي وهو يطق البنات ومعه عز: اميرهه قومي خذي ولدس ازعاج
سهم فز على صوت الباب وقال: مين الي يطق
تركي: سهم الله يهديك افتح خذ عز
سهم وهو يحط راسه : ياعم حطه عند الباب باخذه
تركي: لا انهبلت افتح قبل اكسر الباب
سهم قال ولبس الروب الي في وجه وفتح الباب: هلا صباح الخير
تركي اعطى عز سهم. صباح النور يلا بسرعه قوم اميره قبل تحل عليكم
سهم: طيب ابشر ان شاءالله
تركي : والله موب منك من شفايفك
سهم بعدم استيعاب : وش
تركي راح نزل تحت للحوش يفطر
سهم وهو يحط عز عن راس اميره: قومي شوفي ولدي المزعج
سهم شاف المرايه وجاته صدمه: الله ينكبك يا اميره يارب استر
اميره بصوت مليان نوم: ابي ارقد
سهم: يلا بسرعه قومي جهزي اغراضكم نروح بيتنا
سهم جاته رساله في الجوال من رقم غريب وفتحها وجاته صدمة عمره
محتوى الرساله كانت صور مو زينه ل اميره ومحادثات مع عدة شباب وكل هاذا (مدبر له وهي مو اميره احد مخطط عليها)
الرقم الغريب: سهم شف زوجتك اميره بنت تركي وش سوت في غيابك
ماخلت رجال الا وكلمة ماعرفو اهلها يربونها شفها تسوي نفسها العاشقه الهيمانه وهي عندها مليون حبيب اعطيك خبر عشان معاد تكمل معها وتطلقها انت تستاهل وحده احسن منها
سهم ارتعش جسمه ودخل الحمام على طول يتروش وطلع وهو ساكت
اميره: سهوم شفيك انت
سهم بصوت خفيف: مافيني شي لا تجهزين اغراض ولا شي لبسي عز ولينا وخليهم تحت بروح انا وانتي مشوار
اميره تقدت ووقفت قدامه وحاوطت رقبته: وين بنروح طيب عشان اكشخ ولا
سهم بعد يدها بهدؤ: البسي وبس
اميره كشرت: طيب اوكيه 
اميره لبست التوام لبس حلو ومرتب وخلتهم على السرير وهي لبست جنز وسيع بس مرتب و بلوزه كت سودا ومع جاكيت ابيض قصير شوي وخلصت ولبست عبايته ونزلت هي و التوام
شيخه: اهلاً وينكك ماعاد صار لتس حس ولا عشان جاء حبيب الروح
اميره و الابتسامه شاقه وجهها: عشان حبيب الروح
شيخه: عطيني احفادي وقولي على وين
اميره: مشوار خاص بعدين نقول
دانه: اجل الله يستر عليكم فارقوو
اميره: جايتس
.......................................................

البارت الجاي في زعل قويي😔😪