****
هواي وادم
راحت وردت اجت
وإنتَ عمداً ما اجيت إتزورنه
جن ولا هي عيونه لجلك عمت
من تخالط عيدنه وعاشورنه
صاحب الضويري
****
بهره... ابتسمت
ورجعت دنكت استحيت من الشيخ
الشيخ مالك..... تعالي بويه اكعدي
انه طالع اخذو راحتكم
من طلع الشيخ تقدم جاسم عليه
وباسني من راسي
.... اشلونج
... زينه... الحمد لله على سلامتك
.... الله يسلمج
.... حضري حالج نطلع المغرب
.... وين اروح
..... بالأول اشوف امي وابوي واوكع عليهم
وبعدين اشوف شسوي
..... اخاف اروح ولكه محمد بوجهي
... لا تخافين
اروحلهم بليل ونطلع ويه الفجر
.... انشالله
وحنه نحجي اجتني تمشي سعاد
وبيدهه خبزه تاكل بيه
ركضت عليه ودردم
.... هاي الجاهله الي
.... هههه اي هاي الصارت بالسجن
..... لزمت ايدهه تعاي سلمي على
ابوج
جرت ايدهه مستغربه دفعته شو دروحي عياره
وكعت بالكاع وبجت
..... على كيفج طيحتي البت
شلته امسح بدموعه لا بويه لا تبجين
بهره....
طلعنه من بيت الشيخ المغربيه
جاسم اخذ سياره أجره البيت
عمى منهل
انه ما عندي غراض بس علاكه أكثرهن هدوم سعاد
مشت بينه السياره ساعتين
ومن وصلنه نزلنه عنهم بشارع
كل شي حاسب حسابه جاسم
تمشينه
وصلنه بيت
عمي منهل
ما انكر الخوف بيه من محمد ظليت اتلفت
جاسم... لا تخافين دك الباب
فوزيه....
فتحت الباب... جاسم
يمه جاسم بالباب
جاسم.... اشلونج فوزيه
... هلا. هلا اشلونك
جاسم.... يسلم وعيونه تدور بأنحاء الدار
بهره .. دخل جاسم...
وعاينت عليه فوزيه
وكأنه ما مهتمه
هلا... گالته وعافتني على الباب واكفه
دخلت اعاين على جاسم
وصل الديوانيه وتلكته من الباب
امه.... وين لا تعتب البيت
جاسم... سحب ايده يريد يبوسهه
...... سحبت ايدهه ودفعته
روح بيتنه يتعذرك
جاسم..... اني ادري غلطان بس صارت بعد
وانه جاي ورايد رضاكم
منهل... صاح اطلع بره انه بريئ
منك اليوم الدين
اخذ عيالك وطلع وانسانه
والأفضل بتعد بعيد محمد ماناسي
ثار اخوانه
جاسم... بويه انه جاي أصلح كل شي
منهل... الصار ما يصلح كامل ما يرجع ولا ولد عمك الكتلتهم هم يرجعون
جاسم.... انه ما كاتلهم والمحكَمه
برئتني
منهل..... انته لو غيرك انه ما لي شغل عوفنه بهمنه
وروح لا تگربنه
فوزيه... تعال عوفهم بهمهم وحزنهم تعال
وجريت جاسم من ايده للحوش
بهره...... حطيت بنتي بحضني وكعدت تعبانه مدري مقهوره مدري خايفه
كل اشويه اتخيل ينفتح الباب
ولكه محمد ابوجهي
كعد جاسم وفوزيه حجتله كلشي
سأله عن الحلال
كالتله بيد الرعيان وحسن وسعد
عود من يجون من بغداد يشوفونه
وابوك هلعمه وبعد ما يشوف
وكاضيه هو وامك بواجي على كامل
وانه باسر عافني وراح عاش
بالرمادي يمربيه من يلتحق للجبهه ينطيني مصرف ويروح ما شوفه للاجازة الثانيه
صاير ما يطيقنه
حجايه ولاخره
ينفجر ويعيرني بنهيبتك
