البارت الثالث عشر
***
أعـاند روحي....
ما أشتاگ وآني الشوگ
كاتلني......
عريان السيد خلف
******
جاسم....
حملنه الحلال بالسياره وطلع جعفر للسماوه
ومناك يسلمه الناس ويطلعو راجله ويه البدو وهاي شغله عاديه
واني عندي علاقات ويه ضباط ومسؤلين وماشيه اَموري
كل شهر عندي عزيمه بالبيت
الناس اكبار ومرات اعزمهم على گعدات ابغداد من غير الهدايه التوصل لبيوتهم
شغلة التهريب بيه فلوس اكثر وانه من يومي شغلتي وعندي معارف من الموصل ومن الغربيه ومن البصره اصدقائي
كاعدين وسمعنه الصراخ من بيت
جعفر
بهره... ام جعفر تصرخ
جاسم... خير لبست دشداشتي
ورحت عليهم لكيت الشرطه
بالباب
.... انت گرايب جعفر
.... اي شصار
.... البارحه سوه حادث وتوفه
وگوه لكينه ناس تعرفه
..... صفكت ايد بايد.. وسفه ياخويه
لا اله الا الله...
يمته هو جان محمل غنم
الشرطي..... الحادث المغربيه فارغ الحمل مالته
روحو استلمو من المستشفى
.... اشكرك
.... البقيه بحياتكم عمي
اودعناكم
الناس بساع اللتمت على الصراخ
الكل واحد يعرف الاخر
رديت للبيت لبست واخذت فلوس وياي
وطلعنه انه وعمران واثنين من
ربعنه
رحنه للمستشفى استلمته وحطيته
بالتابوت واجيت للبيت
امه ومرته گطعن روحهن وبناته
وخواته يبجن كلهن نسوان
لا عنده اخو ولا عمام بس ولد عمته وبعيدين بغير محافظه
وره الدفنه يالله اجو
اخذته للنجف
دفنته ورجعت سويتله فاتحه ووگفت
بيه اخو وصاحب عزه
جعفر جان صاحبي وعزيز عليه وخويي
انوار وامل...
بويه باجر ياخذونه سفره
وگالو كل وحده اجيب الف دينار
.....ما ترحن ما عندي فلوس
سكتت انوار
امل....اشلون ما اروح
....معليج تعاي نامي يمي نطلع من الصبح
حضرت تثيابنه وقنادرنه
وكعدنه الغبشه... بدلنه اثيابنه ومشطنه والكل بايم
كعدت لهفه
....اشعدجن من الصبح
انوار.....غير عدنه سفره ورايحات
....جا غير تگولن حتى تاخذن اكل
......شعدنه غير الروبه والخبز تردين ناخذهن ويضحكون علينه
امشينه امل يله
رحت على ام علي انه ادري بيهاتحبنه وما تردنه
وگبل لا نوصل بيتهم غطنه چلب ورگض ورانه
رگضنه بتجاه باب ام علي
ونصرخ
ام علي.....گاعده اتوضا للصلاه
واسمع صراخ بنات
افتح الباب ...ولن انوار وامل
يرجفن ومتربات
لاحگهن الجلب وواكعات بالگاع
.....يمه اشطلعجن من الغبشه
انوار .....جايين عليج خاله
عدنه سفره وابوي ما عنده اريد 2 الوفات
....هههه جا گولن الفين تعالن غسلن بالاول
غسلتنه ومسحت اهدومنه من التراب وانطتنه الالفين
وكعدتنه تريگنه
انوار....اخاف يمشون ويعوفونه
....لا يمه دكعدن تريگن بعد وكت
وطلعت ويانه زتتنه اخاف الجلاب تلحگنه
ووصلتنه ويا الطلاب ياله عافتنه
علي......
جنه راجعين من المدرسه اني واياد
وبطريق لاكينه امل اخت اياد كانت مطينه صدريته وايديه وتمشي وتبجي وحدهه
