البارت الثالث والعشرين
****
دورتكم .
بين دمعات الموادع والسچچ والريل والدنية البعيدة .
دورتكم .
نسمة نسمة وشوغة شوغة
وكل سطر مر بجريدة .
دورتكم
****
سعاد....
نص فلوس النيشان اخذهن ابوي
اشتره محبس ذهب لامي وعبايه چاسبي خليجي
حتى تسكت
وبدل سيارته بمديل احدث وظلت عليه خمسميه
والباقي اشترالي ذهب وهدوم
من بعد الملجه
شد ويه ثامر باب البيت ما يخلي يوصله
ولو وصل يوگف بره بعد ما جان يگعده بالديوانيه
ابو ثامر حتى يخلص من
ابوي
تداين وحدد يوم العرس
جاسم ..... اذا ما يجيبولي الخمسميه
يحلمون بذيال هدمج
سعاد.....بويه انته مو رضيت
بالاربعه ونص اشلون تريد
الخمسميه بعد المن تريدهن
نص سياگي خذيته والناس
تداينو
..... بت الجلاب تدافعيلهم
جابولي السيد وحرجوني
الا انه ما اتنازل عن فلس
.....بويه هاي مرجعه علي
.....ما تطلعين من البيت الا يكملون الفلوس
واجتني حماتي حاجزه بالصالون
جاسم ....وين الخمسميه
جيبوهن وخذوها
سعاد.....خجلني جدام ثامر واهله ظليت أكل بروحي
اجه بليل ثامر وابو وعمه
وحجو ويه ابوي ومن شافو مصر وما يتنازل
كالوله وره العرس اعتبرهن عندك
شرط عليهم ابوثامر يجي ياخذني
وما اطلع يجيبولي
الصالون بالبيت
راحت حماتي واجتي وياها ام الصالون لبستني وزوگتني
وگبل ما يجون وهو يتعارك وياي يريدني ابطل
واني دگيت رجلي اكثر واصريت اطلع من السجن الاسمه بيت ابوي
گبل ماتجي الزفه
....بايعه اهلج ورايحه فرحانه بالعرس
....موكافي من عمري ثمان سنين اني ايد بالگاع وايد بالحلال وايد اخدمكم. شرايد مني
وتالي تاكل سياگي ماكفاكم الفلوس اللميتوها بتعبي
بهره....ولج بربوك تنكرتينه ابساع بعدج
ما وتأشرلي بيدها ....وتفشر
جاسم ...ضربته على وجها جزات اللسانها
تعايريني انعل ابو ثامر لابو العشيره الطلع منه
ولي عساج لا تهنيتي بعرس
......ضربني على وجهي
بيدي القرآن وكع مني وسحلني كعدني على القنفه وهو يدعي ويسب عليه هو وامي
وطلع ما تاناهم
بجيت وحتى المكياج انمسح
لهفه....اجتني بعد ما طلع ابوي
اسكتي خل اعدلج
تمسح وجهي وانه اناشخ
ودمعتي ما وكفت
بسج خل امسح الدم شفتج انجرحت
انوار....الله لا يخليك يجاسم
لهفه....اسكتي لا تسمعج امي
اياد...تحضرن
اجت السيارات
سعاد....من گالو اجت السيارات حسيت بغربه عاينت على امي
وهيه هم جانت تعاين عليه
تمشت اجت يمي اني ظنيت
راح تحضني لان راح افا رگه
بهره.....گدامج چعب
ووراچ چعب ما تشوفين غير التعب
خفت من سمعته بهاذ يومي وتدعي عليه بالتعب...
