البارت السابع والعشرين
*****
احط جفي اعله كلبي واعرف الحال
... اذا دك الكلب معناهه بالخير
تدري شلون اعرفك
انته مامرتاح
من دكَات كَلبي تكَوم توجعني
*****
امل.....
نزل الغروب ولهفه ما بينت لاهيه ولا الحلال
انه ادري راحت بس گلبي وياها
جاسم.....لهفه ما ردت....؟؟
بهره....لا بعدهي الشمس صفره
هسه تبين
جاسم....غربت الدنيا ....ياسيننن اخذ البيكم ومش وراها
ياسين لكيت الحلال شبعان والچلاب تحود بي
ولهفه ماكو صحت خافنه متعارضه ميته ماكو
رجعت بلغت ابوي رحنه جمعنه الحلال وردينا
جاسم..... صعدت السياره
ومشيت على بيت مجبل
تلگتني ام حمادي بذاك اللسان
والغلط الفشاير
..... اتمناچ زلمه چان عرفتج منهو التحاجينه
خليت ورديت هاي الثانيه من اليوم ماتت ما اريدن اسمع اسمها بهذا البيت
بت التبيع اهلها الخاطر زلمته
ماله مكان يمي انه تاليتي
اصيرن علچ بحلگ مجبل الخايس وتارثته
امل....وحدي ظليت لو علي موجود جان هم راحله الخاطري وطمني عليه مهما يكون خوات احنه
فريده عند اهلها صار شهر جابت ابنه الرابع وياسين صاير محبس بيدها مثل ما گالت ووعدت
اليوم اخوها جابها بسيارته
وياسين خبصنه تگول جاينه شيخ العشيره
طبخت وفرشت السفره وحطيت الاكل واعاين
عليه يگصني من فوگ ليجوه
نظراته ابد ما ريحني
عفتهم وطلعت
فريده....امشي ودي المواعين
امل .....انتي وديهن انه ما اروح غاد
راح اخوها واجتني وره يومين
فريده....اكلج ما تاخذين اخوي طالب
والله يدللج دلال
امل....شني اخوج مو ماخذ اثنين نسوان
.....اي چا وشني خير وعنده هو ونسوانه يلعبون بالفلوس لعب
والزلمه ياخذ اربعه الله محلله
امل.....اسكتي الخاطر الله
وسدي هاي السالفه
نسيت السالفه بس ظلت ابالها فريد لان شيطانه مو مره
طبت عليه الحجره جانن بيدي رسايل علي وكت ضوجتي اقره بيهن يواسني
رتبكت بالبدايه بس بعدين ادري هيه لا تقره ولا تكتب
فريده....شني هاي الوريقه
البيدج
امل....ماكو شي وصفطتهن
اريد اضمهن
فريده....انه ادري انتي تحبين عليوي
.....شنو احب انتي ما تستحين
....لا لا خيه على كيفج انه ادري ومن زمان وجايه افيدج حتى تاخذينه
امل انه ما عندي ثقه بفريده
بس شي بيه خلاني اسمعها لان صدك اريد علي
اشلون اخذه.....كولي
امج عدها صندوگ ذهب
اخذي واخذي فلوس من خانة ابوج ونهزمي روحي لعليوي تزوجو ابغداد
وانه اسهلج الدرب
.......اشلون تسهلينه الي
......انه اخلي اخوي طالب ياخذج بسيارته ويوديج
البغداد لعليوي
.......انتي صدك ما تستحين
گومي فريده والله اروح البوي وامي اكلهم عليج
......صوجي اريد افيدج وزوجج التحبينه
.....انت غلطانه انه ما احب علي
....مبين وتغمزلي بعينها
