البارت العاشر
****
والتهينه....
نروف بجروح النحبهم
واحنا سيل دموعنه
يغرگ وطن....
سماح فرقد
*****
بهره....
لهفه تعاي جاي
..... اني سمعت امي وجسمي كله رجف
جنت خايفه من هاي اللحظه
بعدني ما گلت ها يمه
ونجريت من شعري
....... شعدج ويه عقيل گح... ه
المسربته الصاقطه
...... يمه ماعندي شي اصلا ما حاجيه ويا
احجي وضربتني على وجهي مره
مرتين شاغت روحي من الوجع
والدم ترس اديهه
...... يمه اروحلج فدوه عوفيني
اتوسل ولا كأن تسمعني
گطعت شعري ودك عليه بشحاطة ابوي اريد انهزم منه ماكو
لازمه شعري بايد وتضربني بيده الثانيه
والفشار والغلط الماسمعته بعمري
خواتي واكفات يتفرجن لان
اي وحده تدخل تنكتل وياي
واخر شي سحلتني لحجرة الطين
دفعتني للكاع وقفلت السركي من بره
انوار...
امل وين
سعاد... امل ماكو...
سعاد..... يطكم مرض كلكم
عسى ينهجم هذا البيت على روسكم
..... ليش هيج تحجين
..... من الجحيم المعيشينه بي گمت اكرهكم كلكم
روحي شوفيه وين اموليه انه شعلي
تساليني
....... فريت بأيدي ومشيت
عفيه بيت كل البي مخابيل
ادور البيت جبير
واللمح باب البوفيه يتحرك
رحت فتحته لكيت امل خاتله ويه الهدوم
..... تعالي اطلعي ليش كاعده هنا
..... لزمت ايدي ترجف اخاف امي تكتلني
...... لا ما تكتلج اطلعي
أخذته هديته خايفه ترجف
..... ياربي اشلون بينه نظل تحت رحمة هاي الظالمه الاسمه امنه
امل.... بس يجي ابوي اكله على امي
...... ابوججج
مو على اساس داري بينه
اكلنه لو لبسنه
ظلت محبوسه لهفه يومين
جانت توكف بالشباك الزغير
وتتوسل بأمي تفتحله الباب
لو تتوسل تنطيهه اكل
وماكسر خاطره وهيه تشوفه وجهه مورم خشمه وحلكه
عقيل... ثاني يوم رحت للمدرسه هيه ماكو بس ياسين واياد
ظليت محتار ما أكدر اسألهم عنه
للظهر رحت وراهم للحلال هم
ما جايه بس ياسين
حتى المغرب من رجعنه امل ماكو بالباب
جانت تتلكاني علمصاصه ام الديج
عقيل..... يمه لهفه ماكو
ام عزيز..... جوز منه يمه ذوله ناس متكبرين على خلك الله
..... وانه شعلي بيهم
..... انت ما تدري اشحجت ام ياسين
اغسل ايدك منهم ما يطون
..... اشوف ابوهه معليه من امه
...... ابوهه انگس من امه
ذاك اليوم مو حط ابوفلاح بساگية المي وداس عليه
وگوه ابوك خلصا من ايده ما ستحى رجال جبير يهينه
...... گلبي مشتعل نار يمه على لهفتي ما ادري
گتلوهه لو بطلوهه
اشلون اعرف...
ثاني يوم رحت على انوار
تلاكيت وياهه بالدرب
.... لهفه وين صار يومين ماكو
..... امي كتلته وحابسته بحجرة الطين
.... ليش لأن وديت امي تطلبه
.... اي تكولله لوما شايف منج وجه
ما يجينه
.... وابوج شيكول
..... ما حجه شي
...... بعد أخوج گليله ما يبعدني عنه بس الموت
