البارت التاسع**
مو حزن لاچن حزين
مثل صندوگ العرس
ينباع خردة عشگ
من تمضي السنينمظفر النواب
**سعاد.....
انصدمت انصعقت
إياد اجه يركض وجه مخطوف يريد يبجي
اجه عليه لان يعرف
اني اكثر واحد بالبيت يهمني امر ام حمزه
....صرخت ...لا اياد شتگول
ورحت اركض بدون شعور للحجره اليسكنون بيهبدون عبا ولا حجاب
أعاين امدده بفراشه وكأنه نايمه
وحمزه ومرته ونسوان ما شايفتهم
يبجون يمهه
ما جرأت...
ما كدرت اقترب خجلانه منه
رغم هيه راحت الدار حقه
بس احسه تشوفني وتلومني لان
صاحت باسمي وما اجيته
ابجي واحس حركه بكلبي
اريد اقترب منه...
اريد اصرخ بعلو صوتي واگله والله
السبب مو اني هاي امي الظالمه
وابوي المايعرف الرحمه منعوني منج
واكفه بالباب ما كدرت ادخل يمه صرخت وبجين بحرگت گلب
وعلى صوت البجي الناس اللتمتواني إياد سحبني من ايدي ورجعني للبيت
دخلت ابوي وامي كاعدين
يتفرجون تلفزيون ويضحكون
ولا كان انسان جارهم صار سنين
عشره ومات
كل الناس اجت الحمزه من طلعو امه
والنسوان تبجي ام حمزه مره
كل الناس تحبها مؤمنه و طيبه وفقيره
بعدين عرفنه حمزه ومرته فقدو ابنهم لان حالته جانت حرجه بالمستشفى ما كدرو يسوله شي وهذا الأخرهم اربعت ايام
وأم حمزه ضغطه مرتفع وميته من الليل وجيرانه رايحين على اخته
ومبلغيهمر اسبوع وسمعنه حمزه
اخذ عائلته وشال العمامهوابويه ولا مر عليهم ولا واساهم
ولا حتى انبه ضميره لو تندم
ولا كأنه الولد جان يشتغل عندهسعاد....
كلشي بداخلي بده يتغير حاقده
على وضعي على امي وابوي
على عيشتي
كرهتهم وگمت ادعي عليهم
تحولت من هادئه إلى عصبيه واهجم لأي سببهذا البيت الجبير المفروش
والصيت والسمعه
الناس تحسدنه عليه تصورنه
أميرات واحنه اي كلمه ما النه
اي طلب مرفوض گبل ما نطلبه
كلمه حلوه ما نسمع بس الآهاين
والغلط... والازغر مني ما يحترمني
شوكت ما يريد يمد ايده عليه
عزلت روحي اكمل شغلي وادخل
حجرة الطين حتى بيتهم عفته افرش سجادتي واصلي واقره قرآن...
وامي تفوت من يمي تغلط وتفشر عليه وكأنه مو بنته وتتفل عليه وتروح
ايام واني على هذا الحال ما اكدر انسه صورة ام حمزه ما تروح من بالي ظميري يعذبني جانت مريضه
واكيد جوعانه ومحد سواله اكل هيه والزغار ولد حمزهدخلنه شهر رمضان وذكرت
ام حمزه ونصايحه وخوفه علينه وقررت اصوم
ولهفه وانوار هم ويايهياسين.... بس رمضان الكم
جا انه يهودي
لهفه... اكعد ويانه تسحر منو گاضك
سعاد... ولازم اصلي هم
انوار... وتبطل خباثه مو تكتلنه وتغلط علينه واصيح
اللهم اني صائم
كالته وتاشر بيدهه وتعيب بلسانه