البارت الخامس والعشرين
*****
بين روحي الضل يسليهة ذكركم .
ما شفتكم .
من شفت روحي الوحيدة .
وخفت ادور بالجروح وخاف صدفه الگي اثركم .
وخاف اصيرن ساعي ومضيع بريده .
وخاف اغثكم
*****
اصعب بارت كتبته هو هذا
لهفه بطلتنه الاولى حياته عباره عن معانات تحملته
بصبر وهدوء وايمان وما زالت تعاني ....
ادعوله بالشفاء انسانه تستحق
السعاده
بهره.......
فگدت فطومه ما گابلتنه على الريوك
رحت على الحجره مالتهن لاهيه ولا سعاد
فريت البيت وهيه ماهيه
لعب گلبي
رحت على هدومه ما لكيتهن
طلعت اركض گون الحگ
على جاسم
لكيته توه يحرگ
وانه صرخت ....الحگ علي
سعاد شردت
نزل من السياره ابوي
واحنه ورى ...واگفات انعاين
ابوي عصب وعيونه تجادح نار
......اشلون شردت وين چنتي عنه
.....چا غير نايمه بحجرتي ادري بيه تصخم
الچلبه تريد تنزل جلمتي بين الزلم
امشن شوفنه بلكن يم ام سلام
لهفه.... الفجريه اشعده يم ام سلام
.... ولجن امشن
انوار.... هسه هيه نايمه بحضن ثامر واحنه مخبوصين
....... اسكتي لا يسمعوج وانت تنكتلين ابداله
راحت تركض سالت ورجعت
بهره.... ها
... ما شايفينها
على حس الهوسه كلهم كعدو
اياد وياسين
صعد ابوي سيارته وهو يتحلف لو گضه الا يذبحها
وراح على بيت اخت ثامر
مزوجه ويعرف ررجلها
وهناگ لكه ام ثامر
كالتله اي رجعت الرجله لا هو عيب ولا حرام بتك تريد زلمته
وثامر يريده
وانته مالك حگ تطلگهم
ابوي كاللها
...چا وصليله خبر لاهي بنتي ولا اعرفه خلي ابنج يفيدها
ورجع ابوي علينه عصبي
.....والله الاسمع بي مواصله الا اهججه من هلبيت
تسمعني يو لا..... سعاد ماتت من اليوم
بهره.... من عساها لا تهنت ولا ضاكت الراحه
من يوم الاجتنه صبيحه وانه ما رتاحيتله ظلت
يومين تحوس فوگ راسي... حنت لثويمر الفاهي
جاسم..... صاح بنتر
انه اشگلت ما ريد تجيبون طاريه
الكل سكت
لهفه......
حياتي صارت سجن اكعد ويه الفجر اتحزم واتنگب من الشمس وطلع بالحلال يتبعني ابوي بسيارته يفتر وره الرعيان ومراتَ ما يجي
انوار وياي دايما بس هاي الايام
تجهز روحه وتحضره بلكن تعرس وترتاح
ارجع العصر اغسل وبدل وتمدد بحجرتي عايشه وي ذكرياتي عقيل ما يعوفني
من تقدملي ياسر ما جنت راغبه غير بس اخلص من ضيم اهلي
ورغم جان ميت عليه ابتعد وتزوج وخلف
ورافع ثلاث سنوات يتمنه النظره مني سكن يمنه على حسابي ولخاطر اخته تخله وراح
كل الرادوني عافوني عقيل نفسه بيه لليوم يجيني بالحلم ينام ويسولف وياي
چنه مزوجين مرات افز وشتم ريحته
بيه واكعد ابجي
وتلمس الفراش ادوره ماكو
الراحه الوحيده الاعيشه ويا ذكرياتي
جان عندي راديو بالليل يطلع بي برنامج شعر شعبي اسمه لليل وسهر
اظل اسمعه الى ان انام
واكعد ثاني يوم نفس الشي
