شجره الاثام

النهايه

شجرة الآثام
بقلم. (( امل مهدي )
الا خييييييييييير
""""""""""""""""""""
هلي خلو الحچي مدثر
انه اشبيدي ...
گضيت العمر رگضه
هلي لو بيدي
ما اكبر.....

""""""""""""""""""""

بهره.....
جاسم مات....!!!!

ياسين حضنه وشاله وهو فاتح عيونه وحلگه
وانه ابچي منظره قهرني
رغم كلشي يبقى ابونه
لحد ما شاله ونيمه بفراشه اني ما متوقعه ميت
مركزه اعاين بوجها شكله بسرعه تغير كانه مشنچ حتى وهو عايش ويانه ما فد يوم هيچ فتح عيونه وحلگه

دنگ علي ياسين سد عيونه
وراد بس يسد حلگه ما نسد ابد
وكانه يبس كلشي بي

غطا راسه وندار علينه

امل ...ابوي مات...؟؟؟
.....اي مات.....لحظات اول مره امر بهذا الاحساس
صرخت مره مرتين
انخبص ياسين يخابر
وامي تبچي وتنعه
اجت تركض انوار وظلت بس تعاين عليه حتى دمعته نزلت ابرود ما تفاجأت ولا صرخت
ولا حتى خافت وهو مغطى
ونعاين عليه

التمو الجيران والنسوان العرف على صراخنه وعياطنه
وبسرعه عرفت الناس
ساعه واسمع صوت لهفه تصرخ طبت للبيت ووراها عمته ونوال مرت حمادي
تلگيته ابچي
ووراها بشويه اجت سعاد
بكل هدوء دخلت وبجت اشويه
سنين ما شايفاته ولا واصلات للبيت محد حن عليهن وذكرهن
بس من سمعن اجن
الاجت بكلب مفجوع لان طيبه وتنسه
والاجت تخليص واجب لان گلبه شايل هواي من ابوها

تلگتهن امي من الباب
.....هسه عرفتن عدجن اب
جايات تشمتن
ام حيدر واكفه يم امي
اشبيج ام ياسين چاغير ابوهن
شنو يتشمتن مو عيب

.....امشن اطلعن بره لا توصلن
ما نريدجن انتن مو بناته
لهفه .....جانو عيالي وياي
لا ستحت ولاخجلت

سعاد.....انتي بيا حال وتطردين بينه
ندري مابيج حنيه بس احترمي الناس الجاييتج
ما تستحين صوتچ يلعلع
ما تبتي بعدچ على طبعچ

احنه نحجي والناس گاعده

وطب بنصنه ياسين
هسه تطلعن ولا وحده منچن توگف بالفاتحه هسه ياله عرفتن عدچن اب
صار اشكد مريض ماعرفتن تجن تدارنه....
لهفه ساكته بس تبجي
بس سعاد....تلكته
.....مات من وراكم فرهدتو بعتو حلاله گبال عينه اخذتوهن بالگوه انتو مرضتو

والهوسه والفضايح بالفاتحه
وگدام النسوان حتى المايعرف
سمعهم وعرف

اياد....اجه على الهوسه
الدشداشه بيضه ومعطر وكاشخ مو چن عنده فاتحه
چن عرس...
ومرته ورى بس بالاسم لابسه سواد الحجاب مورد والمكياج وصبغ الاظافر والكعب العالي شي ما يشبه شي
من سمع جايات....اجانه
يله كل وحده ترجع امنين ما جيتن لا تبقن

عمة لهفه مرت مجبل
انتم ما تستحون ولا چن الميت ابوكم
گومن امشن وجرت لهفه وجنته وطلعت
ولدها من سمعو زعلو اخذوهن وراحو
وسعاد هم اخذت بناتها وراحت