البارت الحادي عشر
***
وانت تدري
تدري كل ليله .....
بغيابك ينهدم
ثلثين عمري.....
كاظم عبد الجبار
****
ابو عزيز....
بويه عزيز الحگ
عزيز... حطيت ايدي جوه راس عقيل
انت زين
جان فاتح عيونه
رفع راسه وعاين الدم ينزف من
زره
.... منهو صوباك ما شفته
..... لا... ما حسيت الا الضربه برجلي ووكعت
ابو ياسين.... امشينه ناخذه للمستشفى
وكتك تسولف
ابو عزيز.... يا بويه وليدي راح
واحنه نصعدنه بالسياره
سمعنه ام عزيز جايه علينه وتصرخ
الناس الخافت من الرمي رجعت
وصارت هوسه وكل واحد يسال
من صوبه ومنو رمه
محد شاف الرمه
والثاني يكول الرمي فوگ جان
وغيره يگول خطيه عقيل
وما تعرف كلشي من الهوسه
... صعدنا بالسياره مالت ابو ياسين
ام عزيز.... يمه ابني ياهو صوبه
ابو ياسين.... صعدت بالسياره
يله فضونه
ام عزيز جرت الجفيه من راس ابو عزيز وحطته على مكان الصواب وتضغط على الدم تريد اتوكفه
وليدي راح يروح من ايدي
الحگولي خلص دمه
.... حركت ومشيت واعاين بالمرايه على عقيل وهو
وجها شحب وصوفر وشفايفه
بدت تزرك
عاين عليه واجت عينه بعيني
حسيت نظرته بيه عتب مر
ام عزيز..... انت ماكو غيرك الصوبيته
وتاشر عليه
ابو عزيز.... كافي اسكتي احنه بياحال
ام عزيز.... ابني لو مات دمه برگبتك يابو ياسين مسلمتك بيد الله
جان عقيل مكعدي بالكرسسي
الخلفي وامه لازمه مكان الدم وتبجي
قبل ما يوصلون المستشفى
عقيل سبل ايديا
وغمضن عيونه وسلمت روحه لرب العالمين
صرخت ام عزيز ولطمت على وجها
يمه ابني
وليدي راح مَني... وتصرخ
.... و_گفت السياره
وللتفتت عليهم
ام عزيز حاضنته وتصيح من گلبه
وتبججي
ابو عزيز جرهه من عنده ودموعه
بللت لحيته يبجي بسكته
ام عزيز... اللتفتت عليه
انت الگتلته... انت الكتلته
والله لموتك بيدي
..... عايني منو شايله وياكم
ابو عزيز سكته هذا الحجي ما ريد اسمعه بعد
.... وين تروح من الله دم عقيل بركبتگ ياظالم
.... حركت السياره ووصلتهم للمستشفى
حطو على السديه وامه حاضنته تبجي
......شوف ابو عزيز هاي الحجايه الحجته مرتك ما اريد اسمعه
وحدكم اسبوع لا ظلون بكاعي ولا اريد اللمح واحد منكم
كفو شري تسلم انت وولدك
وعفتهم ورجعت...
لهفه.... صار شهرين حابسيني بالبيت المدرسه بطلوني منه
ومن اروح للحلال ياسين واياد وياي لو سعاد وياسين
مرتين بس شفت عقيل ومن بعيد
ومره ودالي رساله بيهه سوار فضه بيد عذراء صديقتي زارتني للبيت بحجة تسال عليه
يحجيلي عن تهديد ابوي اله واهله
الخايفين عليه
وشوگه وحبه وفراگي المأذي
اسمع هوسه والناس تصيح
انه وسعاد واكفات على التنور نخبز
لميت الخبز بالطبگ
وشايلته اتمشه
اياد اجه مخبوص... عقيل اتصوب
