البارت الثاني عشر
******
لو شفت روحك وحيد
بدون رفگه.....
التفت واضحك
وي خيالك.....
محمد الطائي
******
لهفه...
اللتفتت.... اني ضنيت ليث ابن عمي اعرفه بس هذا ما جاينه گبل
يشبه عمي حسن
طويل ووجهه يلمع جن ما شايفته شمس
... هلا عليكم السلام
ظل يعاين بوجي وصفن جن اتفاجا بيه
اخذ الدشداشه ورجعت وهو ما نزل عينه ابد
حسن.... ام ياسين البقيه بحياتج
محمد انطاج عمره
بهره.... صفنت بوجهه حتى ما رديت عليه ردت اي شي يحس
بيه بقهر بحزن بفگد
ماكو
جن هذا البصدري مو گلب حجاره
انه حتى ما اعرف احب
وذكرت من جنت ازغيره واخذوني من حضن امي
وربتني اختي نجوى
شبعت ضرب وجوع من منيره
الاكله الاذكره بس الخبزه والروبه
انه گلبي مات من زغري صرت
ما اعرف افرح لو احزن
حسن... ابري الذمه راح الرحمة ربه...
ردت انطقه بس حتى ويه روحي ما كدرت ابري الذمه رغم اني الفضحتهم ونزلت راسهم والتكاتلو من ورايه
بس احس هذا شويه علي عشته بسدهم
من زغري واني بينهم
زرعو بنفسي شر ما يشبع
جاسم.... رحتو للفاتحه
.... رحنه شويه وطلعنه بارق ابن عمك صاير لواء ما يتحاجه وعوزه بس يطردنه
..... الله يرحمه العدنان خير الله
لو باقي جان احنه وزراء هسه
جاسم.... ماقصر الزلمه
وحط ايده على جتف ياسر وعاين على ليث
هاي ولدك سواهم ضباط
سعاد.... الكل يسولفون وليث ما نزل عينه مني
طلعت للبستان واجه ورايه
... باركيلي صرت رائد
.... هههه مبارك عليك...
صار اهواي ما جاينه
..... شنو اشتاقيتيلي
..... خجلني دنگت ساكته
.... ها شوسكتي تدرين انت من تخجلين اخدودج يصيرن حمر
.... انت ليش ما مزوج مو جنك جبير
..... عاين عليه وحجه اكو وحده براسي
واشر بأصبعه على راسه
... ها جا ما تاخذهه
... راح اخذه بالوقت المناسب
مبتسم وعيونه حطهن بعيوني
جبتلج كتب انطيتهن لامل
.... اشكرك
اوف شحلو كلامه وانوب ضابط
يربي اجبر بخاطري وياخذني
رجعت فرحانه ونمت بفراشي
وكل شي بيه يريده
امل لو حلم حبيته وتعلقت بي
ثاني يوم كلنه واگفين نسلم عليهم لان راح يرجعون
ابوي حط الطلي بالجنطه
حسن.... شنو كل مره صوغه
احنه غير اهل
جاسم.... هلمره الطلي الياسر
لان اول مره يجينه
..... اشكرك عمي
حسن... اني عندي عزيمه جبيره
الشهر الجاي
وعازمك انت وعيالك تعال يومين
حتى البنات هم يساعدن ام ليث
ومروه
وتتونسون ويانه
جاسم... انشوف يجوز اودي البنات وياكم وانه بعدين اجي
.... ماشي يله اودعناكم
حركو السياره وراحو
