البارت العشرين
****
تسيارة عزيز الفرحة
تگضي بساع...
والأيام الثگيلة بنص
گلبنه تجول...
*****
ليث ...
صياح وهوسه فرغت همي بي
وعيت على روحي الولد فاقد
وخرت منه
وهمه انخبصو اجتي الاسعاف
وشالو للمستشفى
واني اخذوني للتوقيف
ياسر....اتصلو عليه رحت گبل الليث اريد افهم شكوما خلوني ادخل
تالي رحت على الولد بالَمستشفى
اباوع منتهي كسر بايده وفطر
بالجمجمه
من غير وجها المشوه
ليث انسجن رحت على الولد مشوه يعني حتى لو تنازل
هم يتقدم محكمه ليث وينحبس
خصوصا هذا من حماية الريس
والمشكله ليث ضابط محد يفوته اله
ماكو غير عمي يعرف واحد يخلصه
حسن راح على جاسم واخذه يتوسطله
وما نسدت شغلة الفصل غير
بمليونين دفعهن عمي جاسم
للولد
بقى المجلس التحقيقي تعاقب بسحب الرتبه منه
وطرده من الجيش...
ليث....
انحبست شهر ولوما عمي جاسم دفع الفلوس
للولد تعويض جان انحكمت
ونسجنت
بس فصلي من الجيش اذاني
اتحطمت نفسيا
فقد سعاد بالاول وظيفتي الثاني
دمرني
فجأه من مقدم ابمنصب مهم
إلى عطال بطال ومگابل النسوان بالبيت
شي ما تحملته
عمي جاسم رغم وگفلي بس مثگل عليه
صرت عصبي اثور لاتفه الأسباب
اراقب كل البلبيت احاسب على كلشي
جيبي فارغ وسيف وابوي يصرفون
لمياء حامل وعلى وجه ولاده
واني كاعد ما اعرف اشتغل ولا متعود ادور شغل
احس لمياء مو مثل الأول تعبانه بس اني هاملها من يوم الزوجته لان غشوني أكبر مني ولاهيه الحبه گلبي
لمياء....حسيت عندي ولاده اتلوه رايحه جايه بالغرفه
وليث ولا يمه تعودت على أهماله
ليث....دخلت الغرفه انام لكيت لمياء تتوجع
ها خيرج
....عندي ولاده اريد توديني للمستشفى
ليث....اني اريد انام
اخذي امي وروحي
لمياء....اباوع عليه نام ولا مهتم راح يجي طفل ثاني المفروض يفرح...عفته ورحت جهزت غراضي وطلعنه اني وعمتي وعمي
وصلت المستشفى واني اتخربطت شالوني جوه الدكتورة كالت ضغطه مرتفع
دخلوها عمليات
حسن ....هسه اني شدبر غير
عدها رجال يجي يشوف شيحتاجون
الدكتورة نقذت الطفل بس لمياء ماتت ما نزل ضغطه
واثناء العمليه فقدوها
ليث.....جابو الطفل خلو ابحضني سمي
أخو اسمه حسن وهو حسين
بيومه بجيت على لمياء وما ادري تأنيب ظمير
لو حبيته .....
وهاي الصفعه الثالثه
اجتني....والله الج حوبه ياسعاد الله اخذ حقج مني
مضاعف
سعاد...من التعب انام على وجوهنه لا مثل البنات تلبس
انعدل بنفسنه هيه لبسه ومن سنه السنه يشترونياها والتختار امي
الساعه 5 أصبح
جاسم....برجله يدفرنه يله گومن راح تطلع الشمس امشن
گمنه....والتتاخر ياويله
لبسنه وزاراتنه مال الشغل
وطلعنه ويه ابوي يحطنه بالبدي مال بيكم
من الفجر لمن تصعد الشمس يحتر الجو نرجع
مهدود حيلنه
ونلكه جدامنه شغل ثاني
خبز وطبخ وتنظيف والهدوم
امل كلشي ما ادبر بس هم تشتغل رغم هيه ضعيفه وخاويه
