شجرة الآثام
بقلم (( امل مهدي ))
البارت الثاني والثلاثين
""""""""""""""""""""
تسألني منو ....
والله أستحق ردك
انه الماشفت خير وراحه من بعدك
انه الماقدرت حبك وكتلك روح
وبحجه ظروف تعمدت صدك
سمعتك كلام المايقبله انسان
شلون تحملتني شكد صبر عندك
على كلشي انتقدتك جنت قاسي وياك
منك ابيش أحسن خاطر انتقدك
:يحيى العلاق:
""""""""""""""""""""
بهره.....
من عيونهم عرفت عدهم شي
اعتن بفريده وياسين يريد بس
يفرغه من ايدي
حطيت ايدي على زيگه وجريته ولنه يطفر الحجل مالتي
....يبوي ذهباتي باگوهن
يبوي ولدي باگوني
فريده....عمتي اصيح واني منا البيتي سويته شبختين انهزمت من الخوف لا تلزمني ياهو يفرغني منها الا تگضي بيه التوبه
وظل ياسين ويه عمي يتعاركون
جاسم.....ولكم ماخليتو على حالي
أشتردون مني
شفتوني كبرت عبالكم طحت
ولكم خلفه مال شياطين
حتى ولد الحرام ما تسوي عمايلكم
ياسين.....جا احنه شني نسيت اشلون خلفتونه
اياد يصعد بسياره اخر مديل وباكه منك
وانه ما عندي سياره الهذا يومي
دصير عادل وطيني حتى ما اخذهن منك بالبوگه
......وانته مقصر من هاكداتك
مشتغلي بالحرمنه.
.....يو احسبهن ما خذت ابكد
العار ابنك
......اطلع لا توصل ليجاي بعد
انه غسلت ايدي منكم
..... خلفتك وترباتك چا منين جايين
بهره
تفكدت ذهباته
جاسم....ها وين تردين بيهن
بهره....هذا الكنتور ما يحميهن
خلني اضمهن ابمچان محد يعرفه
جاسم.....هاج ضمي سلاحي وياهن
....حطيت المسدس المحفور
عليه اسم جاسم
بالصندوگ وقفلته
وضميته....محد چان وياي
بس اوحيدي
فوزيه......
وليد وخالد عزلو وظليت عايشه ويه انور الغريبات
ما عشت وياهن
گلت بت اخوي هاجر
تحن عليه وتداريني
هاجر....عمتي موتتني تدخل بالزغيره والچبيره غلطه كلنه نعرفه منو فوزيه ضحكت علينه وخربت قسمتي ويه اياد
هلاجه وسكن هنانه ابغداد
انور.....امي تكول دايما بغرفته
ما تطلعين يمها
هاجر....امك اسممني بالرايحه والجايه تحاسبني
انت ليش جبته ويانه مو جانت عايشه ويه اخوانك
انور....شنو ترديني اذبه بالشارع
ما تتوالم ويه نسوان اخوتي
هنا انتي بت اخوها
هاجر...كلنه نعرف وانته هم
الصوج بامك ما تكعد وتسكت وهسه وياي بدت
....گومي خلي نكعد يمها هاي خطيه خلصت عمرها تربينه
اخذته من ايدها وطلعنه
....ها يمه الگوه وبسته من راسها
فوزيه....عيبت بحلكه عشتو
همزين طلعتو وشفت طولكمخ
....يمه غير تعبان اجي من دوامي موند گبل انام
