ياختيار القلب قبل العين🥹✨

بارت ٢

بسمه برضا:خلاص ماعد أعيدها خلينا نروح قبل لا تسكر عشان صلاة المغرب
ومدت يدها له مسك يدها ومشى معها
لفت لام طلال:يلا يمه مع السلامه
ابتسمت ام طلال ودخلت بعد م تاكدت انها سكرت باب الحوش
مشت لزوجها اللي جالس بالصالة على الارض فرشة "بساط" احمر شعبي ومركى بنفس اللون
وقدامه صينية القهوة والشاهي والتمرية اللي سوتها بسمه قبل لا تروح مع عبدالله
جلست جنبه وبينهم المركى:وشفيك ساهي اليوم
ابو طلال تنهد:افكر بالمسكينه اللي م تدري من وين تلقاها
ام طلال بتعجب:بسمه وش فيها؟
ابو طلال:الزوج مسافر وتاركها ما يدري عنها هي بارض والا بسماء والإخوان ..الأخوان يمشون ويهددون الى متى وهي بتتحمل
سكتت ام طلال ثواني وقالت:كلموك!
ابو طلال:ايه
ناظرته بصدمه:متى!!
ناظرها وناظر الفنجان اللي بيده:اليوم الصبح
ام طلال:وش قال المرة ذي!!
ابو طلال:نفس الكلام اللي قاله قبل ثلاث ايام
ام طلال بعصبية:شلون بياخذها وهي على ذمه ولدنا ،ماهو بصاحي انشهد
ابو طلال بتفكير:ياخوفي اللي افكر فيه يصير
ام طلال:وش قصدك!!
ابو طلال:يجي ويأخذها غصب عنا ويوديها للمحكمة ويخليها تخلع طلال
ام طلال بصصصدمه:وشهووو
ابو طلال تنهد:يامره اهدي انا اقول لك اللي افكر فيه
ام طلال بربكة وخوف:ويقدر يسويها يابو طلال؟علمني بالصحيح هو يقدر؟!
نزل فنجاله ومسح على وجهه بيدينه:ايه
شهقت ام طلال:حسبي الله ونعم الوكيل فيهم الحين مو هم زوجوها لولدي ليه الحين يبونها تتطلق منه ها انا لازم ادق على طلال وأعلمه خله يجي ويوقفهم عند حدهم اللي م يخافون الله
لف لها ابو طلال بسرعه:مهبولة انتي تدقين عليه
وهو عنده مهمه تبينه يشيل هم الوطن والا هم المسكينة زوجته
ام طلال:هذا انت قلتها زوجته ان ماوقفهم عند حدهم بياخذونها يابو طلال وانا ما شفت للراحة مكان بهالبيت الا معها
ابو طلال:انا بوقفهم عند حدهم بس ياويلك ان درى طلال والا وصل له علم ماهو بناقص هو عشان تزيدينها عليه
ام طلال:وش بتسوي
ابو طلال:يجي وقتها وأعلمك الحين صبي لي فنجان ثاني الله يهديك
ناظرته ثواني بضيق وبعدها لفت لدله تصب له
--------------✨✨✨✨
عند بسمه اللي دخلت السوبرماركت ويدها بيد عبدالله ناظرتها وشافت انها شبه زحمه
دنقت على عبدالله:لا تترك يدي
ومشت فيه لرف الشوكلاتات عشانه
عبدالله:ابي هذا وهذا وهذا
اخذت المالتيزر والجالكسي والاوريو:وش بعد!
عبدالله لف ومد يده:وهذا
ابتسمت واخذت كيس فلك فلاك الاصفر
عبدالله لف وراه :نروح لهناك
ناظرت لوين ما يناظر:خلاص خلصت من الرف هذا ترى اذ رحنا لرف الشيبسات م راح نرجع هنا
عبدالله هز راسه بايه
ومشت معه لرف الشيبسات:يلا اختار
مد ايده واخذ كيس تسالي حار واخذ شبس برنجلز 2 واخذ كيس شبس أفخاذ الدجاج:دورك
ابتسمت:انا معك
ومشت معه للمحاسب
حاسبت اغراضه ونزلتها عند المحاسب واخذت بيده:الحين دور أغراض المطبخ طيب
اخذت الاغراض الأساسية الناقصة من"شاي وقهوة ومكرونة والأجبان واخذت مشتقات الحليب
ومخلل وطحين معجنات وبيض"
بسمه:وبس
عبدالله:عصير؟
بسمه بتذكر:ايه صح امش معي ننزل الاغراض عند المحاسب ونجيبه
نزلت الاغراض وطلبت يحاسبهم ويحطهم مع الاغراض اللي قبل شوي
ومشت لثلاجات اخذت عصير"رمان وبرتقال وفواكه وجاءت بتسكر باب الثلاجة
عبدالله:هذا بسمه انت تحبينه!
ناظرت لعصير الكيوي وضحكت:صح عليك
وأخذته وسكرتها ومشت للمحاسب
نزلتهم وطلبت يحاسبهم وراحت تجيب اللي نسته
واهم شىء "البسكوت"
ارجعت ونزلته وتنهدت بتعب:كم؟
المحاسب :500 ريال
ناظرت بوكها واللي ما كان فيه الا 400 وعضت شفتها باحراج كيف نست تحسب حاسب فلوسها
ناظرت عبدالله وناظرت الاغراض
لو نزلت أغراض عبدالله راح تكفي فلوسها
بس م تبي تكسر خاطره وتنزلهم
عقدت حواجبها بحيرة:نزل الكيوي والبسكوت ونزل اللبن كم؟
عبدالله بزعل:ليه تنزلين الكيوي انت تحبينه
بسمه باحراج:عادي عبودي راح اشرب من عصيرك
ناظرها المحاسب :تقدرين تخلينها على الحساب وتجين بوقت ثاني وتسددين!
احترت اكثر بسمه"هي حتى لو ترجع للبيت م معها فلوس ومستحيل تطلب من عمها وعمتها وان كانت الاغراض عشانهم"
عبدالله بضيق:يلا بسمه
بسمه:معليش نزل اللي قلت لك عنهم واحسب لي كم!
المحاسب:360 ريال
ابتسمت ومدت له الفلوس
اخذت الاغراض كلها وصارت ثقيله وماقدرت تشيلها أعطت عبدالله اغراضه واللي م كانت ثقيله
واخذت الاغراض الباقي وهي متحمله ثقلها:يلاعبودي
وطلعت وطلع معها عبدالله:ليه تنزلين عصيرك
بسمه:لان ما معي فلوس
عبدالله:ابوي معه
بسمه:بس عيب نطلب فلوس منه
عبدالله:ليه هو ابوي
بسمه:بس ماهو ابوي هو عمي وعيب اطلب منه
عبدالله:طيب وطلال تأخذين منه؟
بسمه:اَي عادي اخذ منه بس هو مو موجود
عبدالله:نكلمه
بسمه بسرحان:لاا بعدين يقول بسمه تحب الفلوس
عبدالله:بس انتي م تحبين الفلوس انا اعرف
بسمه:هو ما يعرف مثلك عشانك انت ذكي وهو لا
عبدالله:اذ كلمنا ما راح أكلمه عشان م عطاك فلوس
بسمه ابتسمت:بس كذا بيزعل منك
عبدالله:عادي خليه يزعل هو ليه ما يعطيك فلوس
بسمه:بس انا م ابي فلوس عبودي وش فيك
عبدالله:الا عشان لو رحنا مره ثانيه تشترين عصيرك
سكتت بسمه وهي مو لاقيه رد ترد فيه على عبدالله، هي ما تزوجته عشان تاخذ منه وياخذ منها هي تزوجته عشان تفتك من اخوانها على هالاساس هي مستحيل تطلب منه شىء يكفيها انه طلعها من جحيم اخوانها
دخلت للبيت ومشت للمطبخ تنزل الاغراض
وابتسمت من سمعت صوت عمتها تهاوش عبدالله
نزلت عباتها ومشت لصالة عندهم:ليه يايمه تهاوشنيه!
ام طلال:انت ما تشوفين وش هو شاري
ضحكت وجلست بجنب عمها بعد ما باست يده: اَيي خليه انا وعدته اذ جاب ممتاز بكل دروسه أوديه ويشتري كل اللي يبيه
ام طلال ناظرت عبدالله اللي جلس وراء ظهر بسمه
بعد ما كان جالس وراء ظهر ابوه:هين ياعبيد اذ م علمت طلال عليك
بسمه بتعجب:يمه وش دخل طلال تعلمينه عشان اشترى اللي يبيه وخاطره فيه عبودي شاطر وممتاز ولازم له مكافئه صح عمي؟
ضحك أبو طلال:والله محد مستانس الا ذَا العبيد مير تعال هنا خلني اشوف وش شريت
قام عبدالله وجلس جنب ابوه وطلع الاغراض بفرحة:شوف يبه
ناظر ابو طلال لزوجته:الحين فش فاش"شبس" وبسكوت عصبك الله يهديك
ام طلال ناظرته وسكتت ما ودها تقول أنها
حلفت على بسمه تاخذ فلوس ورفضت وهي متأكده ان مع أغراض عبدالله ما قدرت تدفع و اكيد انها مرجعه اشياء:الله يصلح الحال
وقامت:بروح ارتب الاغراض
قامت معها بسمه:ارتاحي يمه انا ارتبهم
أم طلال:لا خليك انتي تعبتي من شيل الاغراض
وطلعت
ناظرت بسمه لأبو طلال وشافته يناظر للأرض بسرحان "اقول له عن الرسالة!! والا لا
لالااا يابسمه بضيق خلقه زيادة وبعدين هو شايب كبير ما راح يتحمل سعد وعصبيته
عضت شفتها بضيق داهمها"ليتها تقدر تقول لطلال ان سعد يرسل لها ويهددها ليتها تقول تعال كف شر سعد عني انا تزوجتك عشان تكفى أذاهم عني ليه تسافر!!
طلعت جوالها ودخلت لخانة الرسايل المستلمه
" قسم بالله يابسمه لو م رجعتي للبيت اني لا اجرك من شعرك واجيبك غصب انتي م تستحين عايشه عند شياب ولدهم ماهو فيه وتاركه امك الي تسأل عنك ،ارجعي وخليني اخلعك منه ولزوجك الي اطلق من شواربه والا والله لا اسوي الي م يتسوى وانا سعد قول وفعل "
وش تسوي معه؟ وين تروح اذ جاء بياخذها غصب!
عمي ماراح يقدر عليه وعمتي نفس الحكايه
تنهدت بقلة حيله وقامت بعد م انتبهت ان عمها مو فيه والأكيد انه يتوضأ ويروح للمسجد
ادخلت غرفتها وانسدحت على السرير وهي بقلبها ودها تبكي لين ترتاح من الهم
--------------✨✨✨✨
بلندن _تحديدا شقة الشباب
كان جالس على الكنبة وسرحان
ناظره فارس اللي كان جالس وقدامه الكمبيوترات
شاف عزام طالع من المطبخ وبيده كوب قهوة مده لطلال السرحان ورفض ومدها له وهو بعد رفضها
جلس عزام وشرب رشفه من القهوة:وش فيك طلال؟
طلال بضيق:مافيني شىء
فارس:تفكر بالأمس؟
طلال ابتسم بتسليك وهز راسه بلا
وقف فارس:عزام بادل لي بمكانك
وقف عزام وجلس بمكان فارس يراقب
وجلس فارس بجنب طلال وبهمس: وش فيك؟
طلال:متضايق شوي
فارس:من وش؟
طلال رفع كتوفه ونزلها دلالة المدري: الهدوء هذا م يطمني
فارس:ماعليك كلها يوم يومين و يتحركون
طلال:م اقصد اللي نشتغل عليه
فارس بتعجب:اجل وش؟
طلال:اخوانها
فهم فارس من يقصد:انت مو هددتهم خلاص اكيد خافوا واتركوها لك
طلال:لا يافارس اخوها سعد م يخافوه شىء انا خايف انهم يكلمون اهلي ويهددون وهم م يقولون شىء
فارس سكت ثواني ولف عليه وحط يده:تبي اطلب لك اجازة اسبوع تروح وتطمن وترجع !!
لف له طلال بصدمه فرحة:تقولها صادق؟
ابتسم فارس لتعابير وجهه المسفرة: اكيد ياخوي
ضمه طلال:ياليت يافارس ياليت
شد عليه فارس:ابشر الحين اقوم و اكلمهم واحجز لك اذ واقفوا بطيارة الليلة اذ لقيت انت الحين روح جهز شنطتك وجوازك
وقف طلال:كل شىء جاهز بس كلمهم وعلمني
ناظرهم عزام وابتسم ولف للكاميرات ..
طلع طلال ووقف فارس واخذ الجوال يدق وطلع ثواني وسمع:العقيد فارس
فارس برسمية:ابي تحويل المكالمة لرئيس اسماعيل
سمع ضغطت زر وصوت الرئيس اسماعيل:نعم يافارس!
وقف باحترام وحتى وان كان وراء الجوال:طال عمرك ابي اطلب اجازه لاحد زملاء المهمه
الرئيس اسماعيل:الاسباب؟
فارس:اجازة اضطرارية مدتها اسبوع
الرئيس إسماعيل سكت ثواني:الاسم!
فارس:طلال الـ...
الرئيس اسماعيل:راح أأمر بكتب اجازة اسبوع له
ابتسم فارس براحة:مشكور طال عمرك
الرئيس اسماعيل:وراح ارسل العقيد أحمد
فارس:طال عمرك الفريق اللي معي يكفي وقد المهمة وان كان فيه نقص
اتمنى انك ما ترسل احد حتى انا اطلب منك
الرئيس:بس هالشىء يشكل خطر عليكم !
فارس:باذن الله ما فيه خطورة
سكت الرئيس وقال:اذ صار شىء لأسمح الله انت اللي راح تتحمل الأخطاء
فارس:وانا قدها
الرئيس اسماعيل:زين بكتب الطلب وراح ارسله بالبريد للكل ويقدر طلال ال.. ياخذ إجازته
تنهد فارس براحة بعد م سكر منه
رفع جواله ودق لرقم معين ثواني وسمع:سم
فارس:محمد ابي حجز الليله لسعودية على اقرب طيارة
محمد:دقيقه طال عمرك
ناظر لساعه وكانت ثلاث العصر بتوقيت لندن
يعني الفرق ساعتين "اَي عندهم قريب المغرب "
انتبه لمحمد اللي يقول:اقرب رحلة لسعودية بعد ثلاث ساعات احجز لك فيها طال عمرك؟
فارس:اَي بس ماهو باسمي ابيه لطلال ال...
محمد:ابشر طال عمرك
سكر منه فارس ومشى للغرفة اللي فيها طلال و اللي كان جالس وحاط يده على دقنه والأكيد يفكر
فارس:طلال وش فيك بعد!
طلال:كلمت ابوي وصوته ما عجبني
وسمعت ازعاج عبدالله وطلبت أكلمه ورفض!!
فارس:ماعليك الحين تسافر لهم وتعرف وش فيهم
وقف طلال وناظره:وافق؟
فارس:اَي وحجزت لك بالطيارة ورحلتك بعد ثلاث ساعات ،جهز امورك وسافر وارجع لنا بعد اسبوع
صافي البال ومرتاح تمام؟!!
ضحك طلال بفرحة وضم:مشكورر
فارس:ولو انت اخوي اللي ما جابته امي وضيقتك من ضيقتي
طلال بعد عنه ولف لشنطته :باذن الله نردها لك بالأفراح ياخوك
ورجع ضمه:ها انتبه للفريق لين ارجع والاهم لا تلتهي بسالفه البنت ونغمتها
ابتسم فارس وما رد
طق له التحية طلال وردها وطلع
سلم طلال على عزام وطلب يوصلون سلامه لأيمن
وطلع من الشقه للمطار وهو خايف وفرحان ...
--------------✨✨✨✨
السعودية _تحديدا الأحساء
طلعت من غرفتها تدور امها وهي تتثاوب ما لقتها بالمطبخ ولا بجلستها المعتادة طلعت للحوي "الحوش" وشافتها واقفه عند النخلة تسقيها
تقدمت منها وباست راسها:يامساء الخير
ابتسمت امها: ياهلا يمه وش مصحيك هالوقت
البخت:البدور دقت علي وتقول بتاخذني للغنم
امها:زين يمه
البخت:شلون سوما اليوم؟
امها :لا بخير الحمدلله وهذا هي بالمطبخ
البخت بتعجب:على طول للمطبخ
ضحكت:تقول ودها تطبخ اليوم وخليتها براحتها
البخت:بكيفها المهم بلبس قبل لا تجي البدور و انتي يمه ما ودك تجين توسعين صدرك معنا؟
امها:لا بروح لأختي بعد شوي
ابتسمت البخت:زين يمه
ومشت للمطبخ:سوما كيف انتا اليوم؟
سوما:واجد زين
البخت لفت للمطبخ:طيب سوي قهوة وشاهي وحطي فطائر بالسلة والبساكيت اللي بالدرج
بروح للغنم استعجلي
سوما عقدت حواجبها:هذا ريحة مقرف
البخت:اقول استعجلي بس .. وطلعت
دخلت غرفتها غيرت لبسها "لقميص" باهت يوصل لين نص ساقها لبست شراب لين ركبتها
وبوت لين نص ساقها "عشان م تلزق الريحة برجلها
اخذت عباتها اللي مخصصاتها لروحاتها للغنم و طلعت من الغرفة بعد ما اخذت جوالها والشاحن المتنقل بدون شنطة
دخلت للمطبخ:سوما خلصتي؟
سوما:دقيقه واحد
البخت سمعت الباب يطق وعرفت انها البدور: سوماا زنات"بسرعه"
بدقيقه حطت القهوة والشاهي والأغراض بالسلة و مدتها لها:خلص يلا روح غنم
ابتسمت واخذت الاغراض وطلعت للحوي
شافت البدور واقفه مع امها تقدمت منهن:هاي ياحلوة
البدور:هاي تو ياشينه يلا نمشي
ضحكت البخت:يلاا
ولفت لامها اللي قالت:تحرصن بروحكن
"ابشري يمه "ردها قبل لا تطلع
سكرت الباب امها وحطت المزلاج"قفل الباب"
شافت البخت السيارة:بنروح على ذاي؟
البدور:اَي
كانت السيارة"دسن بغمارة وحده
ورايح لونها من الشمس والغبار،والزجاج مشطوب
والكفارات شبه محروقه:ماشاءالله من سيارته بالله؟
البدور بفخر:سيارة امي آيام شبابها شراها ابوي لها بعد ما جابت متعب
البخت بتسليك:ماشاءالله تكسرها بالعافية زود على كسرها
البدور:الله يعافيك بس تراها للحينها حيه وتمشي مسافات بعيدة ..
البخت:اقول بس خلينا نركب لا تسردين لي بطولاتها
ضحكت البدور وركبت قبلها وشغلتها
وكان صوتها غريب على البخت وكان في شىء عالق بالمكينة او الفرامل:البدور وش ذَا الصوت!
البدور:ماعليك هي لا طلعت هالصوت معناته الأمور تمام التمام اركبي
ناظرتها البخت بذهول وبلعت ريقها:وين السيارة اللي دائماً نروح عليها!
البدور بطفش:متعب اخذها وراح فيها المدينه
يقول انه بيجيب له أغراض من زاجل
تنهدت وفتحت الباب بتركب ووقفت حركتها بصدمه
كانت المراتب جلد متقشر ورايح لونها من الشمس و الصوف في كل مكان والمرتبة اللي بتجلس عليها
حطت البدور عليها سجادة:البدور انتي متاكدة م تبينا نموت؟
ضحكت البدور:يابنت اركبي لا تأخرينا
اخذت نفس وسمت بالله و ركبت بعد م نزلت الاغراض:اللهم اني استودعتك نفسي
وسكرت الباب
مشت البدور بهدوء والبخت حاولت تنزل القزاز وعيي:بنت ذَا عيي يفتح
البدور:اضربيه بيدك مرتين
ناظرتها البخت بصدمه:ويش؟
ضحكت :جربي وشوفي
ضربته البخت مرتين وضغطت الزر ونزل معها القزاز
البدور بفخر:شفتي دايما اسمعي كلامي من اول مره
البخت:يارب ثبت عقلي وقلبي من ذَا السيارة
بعد نص ساعه وصلوا الغنم
و طفت السيارة البدور قريب الوايت:فلننطلق
ناظرتها البخت بطفش ونزلت ونزلت الاغراض معها
اخذت البدور الفرشة من الصندوق و فرشتها وجلست عليها:ياحلو الشعور
جلست البخت بعد ما اخذت نظره على شبوك الغنم و الوايت وخيمة العامل:تعالي الحين العامل وينه؟
البدور:انا ما قلت لك كل ما اجي معك أخليه يروح لخويه عامل ابو علي عشان ناخذ راحتنا
البخت بتذكر:ايه اجل بنزل عباتي
"نزليها وبنزل انا بعد"قالتها البدور قبل لا تقوم وتفسخ عباتها
نزلت عباتها البخت:متى نروح للغنم؟
البدور:اصبري شوي م نبي نفجعها بجيتنا و بعدين والله ما تعطينا قطرة وحده من الحليب
ضحكت البخت وجلست:اجل نتقهوى
البدور:تم بس اسمعي اليوم بعلمك السواقه مو تتحججين ومدري ايش!!!!
البخت بصدمه:بالسيارة ذي صاحية انتي انا م تعلمتها بالسيارة هذيك الصاحية واللي م فيها شىء تبيني اتعلمها بالخربانه ذي
البدور:بتجاوز سبك لسيارة امي وبعلمك غصب
وبعدين ذي السيارة عشرة عمر
البخت:عشرة عمر لكم اما انا مالي غير سنتين هنا
البدور:ياليل يالبخت خليني اعلمك ونستانس و اصير مره انا اسوق ومره انتي تسوقين
البخت:اذ رحنا المرة الثاني بدون السيارة ذي
وقفت البدور:طيب امشي ناخذ لنا فرة على المكان ومعنا فناجيل قهوتنا
وقفت البخت:اَي يلاا ..
--------------✨✨✨✨
اليوم الثاني _تحديدا بيت اهل طلال
.
جالسه بالحوش وجنبها عبدالله وبحضنه الايباد
ناظرت لساعه و رفعت راسها لعبدالله اللي قال بملل:متى تجي أميرة
بسمه باستغراب:مدري يا عبدالله
وقفت ومشت للمطبخ وطفت على عشاء عمتها وعمها اللي سوته بدري عشان تروح مع أميرة و حطته على الطاولة وبجنبه الصحون والملاعق
طلعت السلطة والمهلبية من الثلاجة وغلفتها ورجعتها مره ثانيه
فتحت القدر وشمت الريحة بانتعاش
كان رز بالقرع" سكرت القدر
تاكدت من اللبن يكفي لهم وبعدها طلعت للحوش عند عبدالله تنتظر أميرة بس وقفت من مرت مرايا المدخل عدلت شعرها وغرتها اللي مغطية عينها اليمين من كثافتها مكياجها الناعم وبدرجات البني والبيج يناسب فستانها البيج الدانتيل بإكمامه الطويلة ماسك من عندالصدر ويتوسع من عند خصرها لحد نص ساقها وكعبها بنفس لون الفستان
ناظرت روجها الاحمر واللي كسر اللون و فكرت ثواني تزيد عليه الحين او اذ وصلت للعزيمة بس فكرت هناك احسن وطلعت للحوش
ابتسمت لشكل عبدالله وكشخته كان لابس بنطلون اسود وقميص رسمي ابيض مع سديريه كحلية واسبورت ابيض
جلست جنبه بعد ما نزلت الكعب: نلعب لين تدق أميرة !!
لف لها عبدالله بحماس:يلاا انا اول واحد
بسمه:يلا
ولما بدا يلعب عبدالله انطق الباب
وقف عبدالله بسعادة:جاءت أميرة البسي عباتك ناظرت لساعتها ووقفت:روح افتح الباب
مشى للباب وفتحه بصدمه :طلاللللل
ضحك طلال وجلس وحضنه:ياقلب طلال وطوايفه
بنفس اللحظة لبست كعبها وبتلف للباب تسال أميرة عن كشختها قبل لا تلبس عباتها بس وقفت حركتها من صرخة عبدالله باسمه
لفت بصدمه تتاكد وفعلاً كان طلال بثوبه الابيض وكابه البيج و شنطة الظهر اللي ماسكها بيد و حاضن عبدالله بيده الثانيه بلعت ريقها بصدمه وذهول "كيف"
وقف وشال عبدالله على كتفه ومو منتبه لها:شلونك ياالعضـيد!!
عبدالله بفرحة:بخير انت بخير؟ء
م يدري ليش يحب هالسوال من عبدالله او ليش يحس بمشاعر غريبة اذ قال له هالسوال ياكبر شعوره وفرحته بان له عضيد يسأله انت بخير؟
طلال بشعور الطمأنينة:بخير ياخوي بخير
ابتسم عبدالله ولف لبسمه اللي واقفه بمكانها وملامحها كلها صدمه وذهول:بسمه هذا طلال مو أميرة
لف مكان ما يناظر عبدالله ووقف عن المشي بدون شعور منه،ناظرها بذهول من كعبها لحد شعرها اللي يطير بسبت الهواء اللي دخل من الباب و يدها اللي تحطها عليه عشان يهجد
ناظرته بسمه ونزلت عيونها وهي مستغربة وقوفه بعد ما كان يمشي
بلعت ريقها: الحمدلله على السلامه
عبدالله ضرب راسه بتذكر:ايه صح انا ما قلتها
حب راسه وقال الحمدلله على السلامه
فاق من تأمله لها على بوسة عبدالله لرأسه تقدم وهو يبلع ريقه من الربكة والذهول:الله يسلمك ،
نزل عبدالله بعد ماكان شايله
ومد يده فكرت انها مصافحة ومدت يدها وقرب منها وباس خدها اليمين ومن ثم اليسار
توسعت عيونها صدمه من حركته واللي م توقعتها
ابعد بمسافة قصيره وتلفت يبعد الربكة اللي داهمته من اول ماطاحت عيونه عليها:وين امي وأبوي !
بسمه بإحراج من حركته:عند ام علي الحين بيرجعون
طلال:اها وانتي وعبدالله كنتوا بتروحون؟
عبدالله :لا لا حنا بنروح مع أميرة وسلطان لعزيمه
عقد حواجبه وناظرها:كيف؟
بسمه ارتبكت من عقدت حواجبه:عبدالله صادق حنا بنروح لعزيمه وحده من بنات خالة أميرة بعد م استأذنت من عمي وعمتي
طلال جلس على نفس الفرشة اللي كانت هي جالسه فيها مع عبدالله وجلس بجنبه عبدالله وهو فرحان فيه وناسي الزعل والوعود اللي وعدها لبسمه بانه م راح يكلمه
حاولت ما تبتسم من شكل عبدالله وفرحته حتى م ينتبه لها طلال
ناظرها طلال:اجلسي !
بسمه: ها! ..اَيي طيب
وجلست بعيد عنه شوي وهي تتجنب تناظر الجهة اللي هو فيها
وهالشىء استغله طلال اللي كان يتأملها
عبدالله:طلال انت متى جيت لسعودية؟
طلال:اليوم الظهر
عبدالله:ليه تجي الحين ليه مو الظهر؟
طلال:كنت بالمركز أوقع على بعض الاوراق
انت علمني الحين وشلون امي وأبوي وشو اخر اخباركم ؟؟
وقفت بسمه وناظرها بسرعه:وين؟
بسمه:بجيب لك قهوة
طلال برفض:اجلسي ماابي شىء لين يجون الوالد والوالدة
جلست وهي تفكر بأميرة شلون بتعتذر منها
وهي لها يومين تحن عليها تجي معها العزيمه و بالاخير رضت عشانها وعشان تشوف الناس وكيف تكون العزايم وخاصة وان امها ما كانت تاخذها الا نادراً والحين طلال جاء وصعبة تروح !!
انتبهت لعبدالله يناديها:هلا عبودي
عبدالله بضحكة:طلال يناديك انتي ما تسمعينه ليه
لفت لطلال اللي يناظرها:اسفه كنت سرحانه
طلال تعدل بجلسته:لا بس كنت اقول
متى تجي أميره تأخذكم؟
بسمه:مدري قالت على الساعه 8 والحين ثمان وربع ولا جاءت
عبدالله:احنا لابسين بدري يا بسمه
ضحكت بدون شعور على تعليق عبدالله واللي كان بمحله هي من الحماس لبست الساعه 7 بالتمام و حطت مكياجها الساعه صارت 7 ونص والحين هي تنتظر أميرة من نص ساعه وتقول هي ليه متاخرة وبالأصل هي م تأخرت
تأمل ضحكتها وابتسم غصب و لين هدت قال:صح كلام عبدالله
هزت راسها بايه وهي تمسك شعرها اللي يحركه الهواء :ما نصلح للعزايم صح عبدالله ؟
عبدالله:اَي انتي تتجهزين بدري وبسرعه
بسمه بإحراج من كلمته قدام طلال:اجل ماعد أخذك معي
سند ظهره على يد طلال:انتِ تأخذيني لانك تحبيني
ضحكت وضحك طلال من كلامه ودنق عليه وبأس راسه:فديته الواثق
بسمه:قهر انا ليش احبك
عبدالله:حبي طلال وكل يوم خوذيه معك
توسعت عيونها وناظرت لطلال اللي ابتسم ونزل عيونه
عضت شفتها باحراج من كلمته ووقفت:بجيب ماء
ودخلت لداخل ومشت للمطبخ وهي تهف على نفسها من حست بالحر من كلمه عبدالله العفوية
سوت له قهوة وشاهي وحطت له من اللي بقى من حلا العصر واخذت الصينيه ومشت فيها لبره
ابتسمت من شافت ام طلال وابو طلال داخلين من الباب
وقف طلال وتقدم منهم وهم للحين مو منتبهين له يشوفون مفاتيح الباب
ضحك طلال: وانتم للحين على ذَا الحركة تدنوقون روسكم سوا و ترفعونها سوا
رفعوا روسهم بصدمه وناظروه...
--------------✨✨✨✨
لندن تحديدا شقة الشباب
.
كان فاقد طلال مع انه ما غاب الا يوم و عيونه على الكمبيوترات وبملل ويهوجس في باله"متى يتحركون ؟ونرجع لسعودية
متى تطلع الكاميرات وجيهم؟
يالله معقول حنا دخلنا على الكاميرات الخطا؟
لاا لاا انا بنفسي رايح لكل البنوك والمطاعم وشايفها ومتأكد منها لاحول ولاقوة الا بالله
اصبر يا فارس اصبر هم اكيد بيطلعون اذ مو الحين بيصير بعد اسبوع او اقل ووقتها بتمسكهم وبترجع لهم وتروح لها"
ابتسم بدون شعور لما تذكرها
ياترى شلونها؟ راحت لاهلها والا لا؟ درت عني والا للحين .. كم مر شهر؟
اَي صح مرت سبع شهور بدون لا اروح للقصيم واتفقد أخبارها .. اكيد سالت حارس العمارة عني
ضحك غصب من تذكر موقف
"(كان له شهر بالقصيم وكانت هي تبيع وقتها بالبقالة قبل لا تصير معلمة رياضيات دخل على اساس يشتري أغراض لشقه يذكر بوقتها كان ماسك قضية الباسل ويراقبه بالقصيم بس ما كان عارف كم المدة وبعد ما نقل للقصيم عرف ان للباسل فلة والأكيد انه بيطول جلوسه فيها فطلب من ابوه يشتري عماره تكون قريبه من فلة الباسل حتى يقدر يراقبه ويخترق كاميراته بدون لا يعرفون اتباع الباسل ان العمارة له لانها باسم ابوه
اخذ لبن منتهي تاريخه وهو مو منتبه واخذ بعض الاغراض وحطها على الطاولة ينتظر تحاسب وهو يناظر جواله
ناظرت لأغراضه وحاسبت عليها ولما وصلت للبن
توسعت عيونها بصدمه من انتبهت لتاريخه المنتهي
ناظرت لشخص وناظرت للبن وحست انه ماشاف التاريخ اخذته ووقفت
ناظرها فارس بتعجب !!!
توق:اا.ا اللبن مفتوح بجيب لك واحد كامل
ما لقت غير هذي التصريفه حتى ما ينتبه و مشت لثلاجة وشافت الألبان وخافت لما شافتها نفس التورايخ وكلها منتهية وانصدمت كيف ما انتبه رحيم لتواريخ !!
ناظرت لفارس وشافته يناظرها ولفت لثلاجة بخوف :كيف بتحلهاحسبي الله على عدوك يارحيم
تقدم منها فارس:كلها مفتوحه؟؟
توق غمضت عيونها بقوة واحراج بعدين فتحتها
ولفت عليه:اسفة
ناظر للألبان وفهم:هالتسيب منك والا من صاحب البقالة؟
توق بسرعه:لاا مو من العم سعود بس يمكن العامل ما انتبه اتمنى انك تتغاضى عن الموضوع وراح اعوضك
رفع حاجبه فارس:أتغاضى ويتكرر التسيب؟
توق تكتفت:شلون ؟!
ناظر لحركتها وناظرها:عفوا!!
توق بقوة مصطنعه تخفي خوفها:شوف عاد انا اعتذرت لك وقلت لك بعوضك غير كذا م عندي لا تكبرها
فارس:يعني راضيه بالغلط آو لحظة يمكن ما يكون غلط ،يمكن يكون عمدا وتبيعون لبن منتهي تاريخه!!!
توق:اَي عندك مشكلة
فتح عيونه على وسعها:كيف!!
توق:لا طبعا بس قلت لك يمكن العامل ما أنتبه
فارس:طيب شلون يعني م فيه لبن؟
توق رفعت حاجبها:للاسف اَي روح للبقالة اللي باخر الشارع وتلقاه وجنبه مركز شرطة اذ تبي تشتكي يعني
ابتسم:طيب يمكن ما راح اشتكي
توق:قالها غيرك وكذب
فارس:يعني من زمان تبيعون اشياء منتهية تاريخها
توق: مو لازم تكون الشكوه شىء منتهي تاريخه
اتكى بكتفه اليمين على الثلاجة:اجل؟
توق:يمكن انا اللي تشتكي مو هم
فارس:ليه!؟
توق بقصد:عشاني اواجه ناس تطق حنك على قلة سنع فروح واشتكي وتنقطع رجولهم عن درب بقالتنا
ضحك من فهم قصدها وتعدل بوقفته:طيب تعرفين من انا؟
توق:اَي
فارس:صدق ، مين ؟
توق:واحد فاضي ما عنده شغل
ابتسم:تصحيح لمعلوماتك انا العقيد فارس
توق باستهزاء:وانا ملازم اول توق تشرفنا
ضحك بقوة واخذ نفس:تشرفنا ملازم اول اشوفك اجل بالمركز لشكوه
توق وهي باقي مكملة استهزاء لكذبته:اَي عقيد فارس ومعي ورقة الشكوه توقع عليها وتنسجن
ناظرها وهو مبتسم: ليش لا وليت يكون فيها اسمك كامل
توق:اقول توكل الله يستر عليك
فارس بعناد:امين ويستر عليك ملازم اول
و مشى اخذ الاغراض بعد ما حط الفلوس
فتح الباب ولف عليها:ملازم أول توق ايش؟
توق:توق ابليس روح بس
ضحك:ملازم اول توق ابليس حلو الاسم
رفعت حاجبها ومشت للمستودع بعد م تاكدت انه طلع ،تبي تسال رحيم وتهاوشه"
يذكر انه رجع بعد يومين ولا لقاها وشاف العامل وسال وقال انها صارت معلمة قال له عن اللبن واعترف انه السبب ومسكها حجة عليه صار يطلب منه يجيب أخبارها ويعلمه بالأشياء اللي تحبها واللي تنقصها وعرف صدفه انها تسكن بالعمارة اللي تكون لهم فصار يوم يراقب وايام يشتري لها اغراضها ويطق على شقتها ،
يمكن جلس اربع شهور وهو منشغل بالباسل وفيها
كان يميل لها ويعرف كل شىء عنها بدون لا هي تعرف ، عارف ومتأكد ان اللي يسويه غلط بس ما كان يبغى يجازف بانه يعلمها حتى لا يلفت أنظار الباسل له ..
الين جاء هذاك اليوم مثل العادة يدق على رحيم ويسأله عنها وعن أخبارها وجابوه بجواب صدمه واذهله
كانت تتكلم مع صاحب البقالة عن شخص تحبه وهو بعد يحبها وكيف انتهى حبهم بخطبته لها
وكيف راحت للقصيم بدون لا تقوله حتى م تجرحه
كان يقول له رحيم وهو مو قادر يستوعب ان حبه اللي دام اربع شهور كان من طرف واحد وان قلبها كان لشخص راحت للقصيم عشانه ما كان مستوعب ولا كان مركز باي شىء الين راح لها الشقه بيسالها هل رحيم يقول الصدق والا لا؟
بيسالها انتي تحبين والا قلبك م دل دورب الحب !
..بس تراجع يمكن خاف بوقتها انها تجاوبه باي وتأكد له كلام رحيم
وبيوم كان بالبقالة يشتري أغراض ويشوف رحيم
دخلت وراحت لسعود صاحب البقالة
وهي متضايقه وسمع كلمتها اللي ذبحت قلبه ""
قاطع افكاره فيها صوت عزام اللي يصارخ فوق راسه لف له بتعب:خير؟
عزام بصدمه: انت اصمخ!!
ناظره لجزء من الثانيه ولف لشاشات:شكراً
عزام: يارجال لي ساعه انادي عليك وااشر بيديي وانت ابدا ولا كأنك تشوف بالله بوش سرحان فيه لدرجة صنمت !!!
فارس وهو سرحان بخيالها:‏تبلد القلب لين اصبحت من تالي اودع المقفي الغالي و أنا سامح .
عزام:من المقفي عن دروبك؟
فارس:‏يرحم الله المحبة والبقى في ما بقى ‏و سامح الله نبرة فلاح المسردي يوم قال:‏
ما عرفت إن الشوق حِيل موجع ؟
‏لين أشتقت له وكُل عروقي أوجعتني
سكت عزام وهو مذهول من صراحة فارس
شخصيا ماكان في باله ان فارس يحب
--------------✨✨✨✨
ام طلال بصدمه:يمه طلال هذا انت!!!!
طلال وهو فارد يدينه عشان يضم ابوه بشوق:اَي يالغالية
ضم ابوه وباس راسه ويده ولف لها ونفس الشىء بس هي طولت م فكته
ابو طلال بعبرة:يامره عصرتيه
ضحكت بسمه من كلمته واللي تعني"خنقتيه"
ونزلت الصينيه ومشت لعمها باست راسه ومسكت يده توديه للفرشة:تعال يبه هنا
ابو طلال:انتم م رحتوا يايبه؟
بسمه:لا أميرة ما ارسلت ولا دقت
ابو طلال:ماقد مره شفت أميرة تلتزم بمواعيدها
ضحكت بسمه ولفت لعمتها اللي تبكي مره وتبوس طلال مره تبوس يده ورأسه ووجهه وبعدها ترجع تضمه ،للحظة تخيلت امها بالهالموقف"ياكبر الشوق يايمه"
تقدم طلال ويده اليسار بيد امه واليد اليمين لافها حول كتوفها:الله يهديك يا يمه وش له هالبكي
هذا انا قدامك بخير وصحة الحمدلله
ام طلال ببكي:الحمدلله يمه الحمدلله والله اني ابكي من شوقي لك وماني مصدقه انك قدامي ياربي تحفظه لي وتخليه
ابو طلال:ياحبها للبكي هالمره
ابتسم طلال:يالغالية طلبتك انك تكفين عن هالدموع اللي مالها لازمه ابي اسولف معك واعرف اخبارك
مسحت دموعها ام طلال ولفت له ومسحت على وجهه:انت يمه شلونك شخبارك
عقدت حواجبها بضيق:علامك يمه ضعفان ؟ووجهك شاحب عسى م انت فيك شىء ؟
طلال:والله العظيم يايمه اني بخير
صبت له فنجان بسمه بعد م صبت لعمها:طلال
لف لها وناظر ليدها المدودة بنفجان القهوة اخذه ومده لامه: تقهوي وعيني من الله خير و الحمدلله بخير ومرتاح ومبسوط دامني أشوفكم بخير وصحة
ابتسمت امه واخذت الفنجان ونزلته جنبها صبت له بسمه فنجان ومدت له واخذه وشرب رشفه
دق جوال بسمه ولفت له وكان بجنب عمها
اخذه ابو طلال وشاف الاسم وابتسم:ها توها تقوم
بسمه:مين يبه؟
ابو طلال:برد عليها واهاوشها عشان المرة ثانيه م تتأخر عليك
ابتسمت بسمه وهزت راسه بايه
ناظرها طلال وناظر لابوه اللي رد على أميرة: الحين يوم انك ما تمشين على مواعيدك وراك تخلين بنتي بسمه تروح معك كان راحت معي احسن لها
أميرة:اسفه ياعمي بس سيارة سلطان انقطعت بنزين وتونا عبيناها وبندخل الحارة قول لبسمه تتجهز عشان تطلع لنا
لف لبسمه:تقول لك بتدخل الحارة البسي عباتك يبه وروحي انبسطي
ناظرت بسمه لطلال وهي محتارة ماودها تروح وهو توه جاء من السفر ،بتكون قليله اصل وبنفس الوقت ودها تروح عشان أميرة
ناظرها طلال وانتبه لحيرتها:روحي وانا بجلس مع امي وأبوي
ناظرته ثواني وابتسمت:ان شاءلله
ووقفت ولفت لعبدالله اللي كان على أيباده:عبدالله يلا مشينا
عبدالله هز راسه بلا:لا ماني رايح بجلس عند طلال عشان ما يروح
عضت شفتها وناظرت لطلال
طلال اللي ضحك:عبودي مو رايح لمكان بجلس اسبوع روح مع بسمه والا تبيها تروح لحالها !!
عبدالله:قول والله ما اروح
طلال:والله ما اروح لين بعد اسبوع
ابتسم عبدالله ووقف:يلا مشينا ..
اخذت عباتها من على الفرشة ولبستها ولبست نقابها واخذت شنطتها ولفت لعمتها
واللي قريبه من طلال دنقت عليها وبهمس:يمه العشاء خلصته من نص ساعه واكيد انه برد و نفس ما تحبون رز بقرع وسويت المهلبية لعمي
لا تنامون لين تتعشون..
ضحكت ام طلال:عمك من طلعنا من ابو علي
وهو بس مشينا ومشينا ويامره امشي قبل لا يحلفون علينا بالعشاء وانقطع من مهلبية بسمه
ابتسمت وناظرت لعمها:يابعد راسي يالغالي
طلال كان يتأملها وهي تتكلم مع امه ولما رفعت راسها وقالت"يابعد راسي يالغالي" نزل عيونه ما كان متخيل انها بسمه البنت اللي اخذها من بيت اهلها تصيح ونص جسمها معدوم من الضرب كان يقول تزوجتها رحمه لها وقهر من اخوانها و قبل لا يسافر ما كان يشوفها لانها بغرفة امه ولانه تزوجها وبعدها بيوم سافر وغاب خمسه شهور ،ما يذكر شكلها ولا قد سمع صوتها الا بعد ما سافر بشهر وبعد ما قالت امه"وهذي بسمه جنبي بعطيك اياها تتطمن عليها"
وكانت اول مكالمه له معها وما تعدت الثواني بعد
بس شوي شوي صار يطلبها صح بالاول كانت ترفض وساعات يدري ان امه تغصبها تكلمه بس بعدين تغيرت صارت تكلمه صح اغلب المكالمة شلونك وش اخبارك بس كان مكتفي بصوتها وبأخبارها اللي تقولها امه
اليوم لاول مره يشوفها بعد ماطابت جروحها و بعد ما رجعت راحتها وانشرح صدرها كانت جميلة ومذهلة له لاول مره يحس انه مغرور ما يعرف ليش داهمه هالشعور بس كون هالجمال حلال له و يقدر يتأملها باي وقت ويقدر يمسك يدها ويبوس خدها هالشىء يذهله ويوقف الاستيعاب عنده
هو ما كان مغرم فيها ولا محب
كان فقط معجب فيها من رفضها لظلم سعد له
ومن كلام امه عنها بكل مكالمه يكلمها اليوم داهمته مثل البحر الهايج مثل الإعصار
ابتسم وناظر للخاتم اللي بيده"
وأنا ياترى كيف اقدر أخفي إنذهالي"
انتبه لامه تمسك يده وناظرها:وش فيك يمه؟
طلال ابتسم:لا يمه بس سرحت ،ولف يدورها بس مالقها
ام طلال:راحت يمه من زمان وانت والله مدري وين كان بالك
ابتسم وحك جبينه بإصبعه السبابه:هاا لا معكم يمه بس سرحت باهل لندن
ناظرته امه ثواني وبعد لفت لدلة:اَي يمه اجل اهل لندن
لف طلال لابوه وشافه يضحك:وشفيكم
ابو طلال:لا بس نفكر باهل لندن
سكت طلال بعد م حس انه انقفط ومد فنجاله لامه:قهوة يمه وخلي اهل لندن
--------------✨✨✨✨
بلندن
كانت تركض وبنفس الوقت توقف وتتلفت وترجع تركض وهي كلها توتر وقهر
ومنتبهه لنظرات الناس لها "كيف محجبة وتركض!؟"
م كنت مهتمه كثر ما انها تلقاه هو الوحيد اللي بيكون الشاهد لها بس وين بتلقاه؟!!
راحت لآخر مكان وقفت معه سالت عنه اصحاب المطعم وقالوا انه يتردد عليه في نهاية الاسبوع
والحين هم ببداية الاسبوع ما راح تقدر تصبر خمس ايام عشان تحصله
لازم اليوم تلقاه لازم!!'بس وين؟
..
نزل من العماره يجيب لشباب قهوة بما ان طلال مو فيه و كانت مهمته دايما
مشى وهو يفكر بكل شىء الا لما اعترف لعزام بدون شعور منه
تردد في باله بيت قصيد دايما يحبه
ويكرره اذ طرت له الطواري" لآحدن يلومه لامنه فضل العزله
‏يرتاح في ركنه الهادئ وزاويته
‏وديته لعالم مجهول واهملته
‏بالله عليك أعترف له وين وديته
‏من كثر ماتجرح أحساسي ماعاد أحزن
‏الظاهر ان الحزن هذا تعديته
‏ومن كثر مارآحو أحبابي من يديني
‏لاشفت واحد ابيه يروح حبيته"