ياختيار القلب قبل العين🥹✨

بارت ٩

بس رفعت حواجبها بتعجب من شافته متكتف ويناظرها ومبتسم
ترف:وش؟
هتان زادت ابتسامه:لهدرجة الاجابه صعبه؟
ترف هزت راسها بلا:مو صعبه بس كثيره
بهت وجهه وسكت
ترف:انا أعزك هتان واحترمك حيل واكره اني اشوفك متضايق بسبتي بس مابيك تسوي لي كل هذا ابيك ترتاح من همي اللي دبسك ابوي فيه ابيك تشوف حياتك وترفع يدك عن مسؤوليتي
هتان قاطعها: لحظة لحظة!!
ناظرته
هتان:اَي مسؤولية اللي تتكلمين عنها؟
ترف:مسؤوليتي
رفع حاجبه وبنرفزه:واي هم اللي تتكلمين عنه لا يكون تقصدين نفسك؟
سكتت ونزلت عيونها
هتان بغموض:والله مادريت يا بنت العم انك غبيه بزيادة
تنهد:كملي وش بعد
رفعت عيونها له وبضيق:اذ هذا ردك ما راح اكمل و بعدين احترمني وش غبيه بزيادة !
لفت وجها عنه بضيق وقهر
هتان ناظرها وثم لف للجهة الثانيه هو بعد
وبهدوء: انا اسف على كلمه "غبيه بزيادة" مع انك فعلاً غبيه بس يكون بعلمك انا مو نفس م تفكرين
ماردت وانتبهت لشخص سمين اسمر واقف بجنب باب محل على يسارها وشبه قريب منها وبفمه سجاره وبيده جواله وعيونه عليها ولما انتبه انها
ناظرته غمز لها
ناظرته باستحقار وقرف وتوسعت عيونها بصدمه من قرب خطوه لها لاشعوريا زحفت وقربت من هتان
ومسكت جاكيته البني الجلد من الكم
لف لها بذهول من مسكتها اللي حس فيها وانصدم لما شاف قربها
رفع عيونه لها وانتبه انها تناظر للجهة الثانيه ناظر لوين ما تناظر وكان شخص لاف ظهره وجواله على أذنه وما فيه شىء غريب!!
هتان بتعجب:ترف!!؟
لفت له وبخوف:ها
هتان:وش فيك؟
ترف:خلينا نروح
ناظر ليدها اللي للحين ماسكته:طيب
وقفت وشدته عشان يوقف
ووقف وشال أغراضه وبهدوء:ترف انتي متأكده مافيك شىء؟!
ناظرت لشخص وشافته للحين واقف ولف يناظرهم وابتسم لها
ناظرت لهتان تشوف هو انتبه لابتسامته بس كان يناظرها بتعجب وذهول:هتان هذا يبتسم شوفه
هتان:هاا
ونظر لشخص وكان لاف لهم ظهره وماشي مبتعد
ترف بخوف:والله العظيم هتان انه ابتسم
هتان بعدم فهم:طيب واذ ابتسم تراه يكلم ويمكن ابتسم للجوال ترف انتي وش فيك؟
ترف بقهر منه:اَي صح ابتسم وغمز للجوال بس انا عمياء
ومشت مبتعده عنه وهي مقهورة منه وخايفه غبي والله غبي
وبقهر:ويقول عني غبيه بزيادة اقوله يبتسم ويقول يبتسم للجوال طيب وحتى للجوال يغمز بقرف كذا
شهقت من انتبهت للوقت بجوالها وكيف راحت ساعه كاملة وهي ما شرت فيها شىء
تلفتت بتوتر وشافت محل جزم "يكرم القارى" قدامها
وبنفسها "بشتري كعب واحد وعلى نفس لون الكعب بشتري الفستان" وبكذا اختصرت علي الوقت
مشت بالمحل وعجبها كعب احمر بخيوط تنربط لين نص الساق كان جميل وملفت حيل بس بسرعه هونت عنه من شافت سعره ولفت تدور أرخص انتبهت لكعب مخملي باللون الوردي
وسعره "120"
ابتسمت ولفت ونادت للعامل تبيه يكيسه لها
وانصدمت من انتبهت لهتان الواقف عند باب المحل
قرب منها العامل وعيونها على هتان اللي ابتسم لها
العامل:يس!
لفت له وأشرت على الكعب :ابي هذا مقاس36
وناظرت لهتان
اخذه العامل ومشت معه للكاشير
مشى هتان ووقف بجنبها:بس هذا؟
ترف باستغراب:اَي ليه!
أشر على الكعب الاحمر اللي اول واحد ناظرته:ما تبينه؟
ترف هزت راسها بلا وهي ميته عليه بس مستحيل تقوله وبكذب:ما اعجبني كثير
مد للعامل بطاقته البنكيه:بس احسه حلو عليك
تبينه ؟
ترف ناظرت البطاقة الي بيد العامل وبتعجب:وش تسوي؟
بهدوء:ولاشىء ما قلتي لي تبينه؟
ترف كلمت العامل وهي تمد له بطاقتها:انا بحاسب مو هذا
اخذ هتان بطاقتها وحطها بمخباته:بنت
ولف للعامل:حاسب وجيب هذاك الكعب
وقصده باللي حبته الاحمر بنفس مقاس 36
ترف بصدمه:هتتاان لا تدفع وبعدين مالك شغل باغراضي
هتان طنشها
كيس العامل الاغراض ومدها له مع البطاقة اخذ بطاقته ومد لها الكيس:امسكِ
ترف:من قال لك تدفع وبعدين...
سكتها لما قرب منها وبهمس:مو شفقه ارتاحي من طيبه نيه تمام؟
ومشى طالع من المحل ينتظرها ناظرته بقهر وعصبيه ولفت للعامل الي يناظرها وبنرفزه:ليه تاخذ بطاقته وجع
وطلعت من المحل
مشى بمستوى مشتيها السريعه:ما تبين تأكلين شىء!
ناظرته بذهول ونرفزه:هتااان
ابتسم:هلا
وقفت ومدت يدها:هات بطاقتي وما ابي أغراضك لاني ما شريتها
هتان بتفكير:يعني اعطيها سيهدار "خدامتهم"
ترف:بكيفك عطني بطاقتي
مشى مطنشها بس وقف ولف عليها:مو جوعانه؟
ترف:لا وعطني بطاقتي
مشى مطنشها وهو عارف وش تبي من دون لا تتكلم
ترف بقهر"هذا لايكون مو مخليني أتسوق براحتي والله ادق على راشد يجي يأخذني دامها كذا"
ولفت لوراء تبتعد عنه وانصدمت من اللي واقف قدامها وكان نفس الشخص اللي غمز لها
وبوقاحة:ياحلو المعصبين
ناظرته بقرف وخوف ولفت تشوف هتان
وبلعت ريقها وزاد خوفها لما ما شافته ناظرت لشخص اللي قرب منها وبهمس:تجين نروقك
بعدت خطوه عنه وبخوف:ابعدددّ
ابتسم بوقاحة:افا ماحنا بقد مقام الحبيب؟
ترف برجفة وعناد:مقرف ووسخ وتبي تصير بمقام حبيب ،أحلامك بتنكسر رقبتك انتبه
ولفت بتهج عنه قبل لا يتمادى معها بس شهقت من مسك ذراعها وبضحكة وقحة:تونا ماخلصنا من بعض
ترف جاءت بتصارخ
شد على يدها بهمس:انتبهي تصارخين للحين ترانا حلوين .. وبعدين احنا بنسولف وندردش شويتين ونرجع ياحلوة لا تخافين
توسعت عيونها بصدمه وحاولت تفلت نفسها منه بس نشف دمها من حست بشىء حاد على خصرها مسكها وقربها له اكثر:ياحلو الصباحات اللي تجيب الحلوين
نزلت دموعها بخوف وتتمنى هتان يرجع يفقدها ،اَي شىء المهم تشوفه
مشى وخلاها تمشي معه غصب قرب لاذنها وبهمس مقرف:تدرين قالوا لي تبي الحلوين روح للمولات الصبح بس ماصدقتهم والحين وبخبث: اقولها لك كنت حما*ر يوم اني ماصدقتهم
بعدت راسها عنه بقرف وخوف:ابعدّ
تلفتت تشوف اَي احد المهم يساعدها بس ماكان فيه ناس كثير والأغلب بالمحلات وبعيده عنهم
بكت بخوف وهمست باسمه"هتان"
سمعها لانه كان قريب وبضحكة:تستنجدين بحبيبك!
ترف ببكي:الله يخليك خلني والله مااعلم عليك احد الله يخليك
غرس السكين بخصرها اكثر:مالعبنا مع بعض عشان اخليك
زاد بكيها من كلامه وتاكدت انها ضاعت خلاص دعت بقلبها ان الله يكون معها و يسخر لها اَي احد ينتبه لها ويشوفها دعت ان هتان يفقدها، يشوفها
يدور عليها المهم ينقذها من اللي هي فيه ويحررها من هالشخص اللي ماسكها بقوة
دق قلبها بقوة لما شافت بوابة 2 قدامها حاولت تفك يده تحرر نفسها منه اقل شىء بس توقفت حركتها من حست بالم بخصرها وعرفت انه شبه غارس السكين فيها
ترف:الله يخليك الله يخلي لك امك فكني وخلني تكفى لا تضرني والله مالي احد غير امي واخوي ان صار لي شىء بيموتون والله ما اعلم عليك اذا خليتني وبروح للبيت قسم بالله ،بس فكني واكفني شرك
كانت تترجاه من قلب وخايفه منه و مقهورة من نفسها لانها عاندت هتان بس بكت من سمعت ضحكته وهمس:عورتي قلبي بس ولا يهمك افكر بكلامك اذ وصلنا لشقه
ولما قربت بتطلع انتبهت لرجال الأمن اللي واقف على البوابة كانت بتناديه بتصرخ "ساعدني"
بس شهقت بالم من السكين
وبعصبية: انتبهي تسوين شىء والله أذبحك ولا يهمني
غمضت عيونها بقوة من الالم وانصاعت له غصب عنها
مشى بهدوء وشدها له اكثر
ابتسم لرجال الأمن من ناظر فيه وكمل مشيته ناظرته برجاء يمكن يفهم نظرتها ويساعدها بس نزل راسه يغض البصر وابتعدّ عن الباب
لفت لوراء كأخر محاولة انه يناظرها بس توسعت عيونها من شافت هتان يمشي لنفسي المكان اللي كانت فيه بدون شعور وخوف صرخت باسمه:هتان
هتااااان ساعدني
وانغرست السكين فيها ومسكها بقوة يركض فيها قبل لا يستوعب رجال الأمن الموضوع
ماهمتها السكين والدم اللي حست بحرارته تحت ملابسها كثر ما يهمها ان هتان ينتبه لها وحاولت تبعده عنها، تفك يده اللي حول خصرها تقاومه لين ينتبه لها هتان
رجل الأمن انتبه لحركتهم واسرع بمشيته لهم وبحده: وش اللي حصل!!
الشخص ابتسم:مشاكل زوجية لا تزعج نفسك
صرخت ترف بأعلى صوتها:كذاب ماااعرفه هذا يحاااول يخطفني ساعدني الله يخليك
لفت لوراء لهتان وانتبهت انه اختفى
بكت ونادته: هتان هتااااااان
رفع رجال الأمن سلاحه بوجهه:اتركها
رفع السكين بعد ما فكها من خصرها وحطها على رقبتها: والله ان قربت ذبحتها ابعـد وراك ابعد
حست بدوخة من طلع السكين عن خصرها وغثيان لانه شالها بوحشية وارتخت من الالم عليه وكانت بتطيح لولا انه مسكها بقوة
وناظر لرجال الامن بسرعه:ان قربت ذبحتهااا
وقف قدامه وما تحرك: والله وتالله لو ما تتركها ثورته براسك
خاف وابتلش باللي طايحة عليه ومو حاسه بشىء
ودمها سال حتى على ملابسه
ناظرها وناظر لرجال الامن وخاف اذ تركها يطلق عليه
شد له ومشى على وراء:ان قربت ذبحتها وتراي بايعهااا مـ...
وقطع كلامه من الضربه اللي جاته على ظهره لف وما امداه يناظر للوجه الا حس بضربه اقوى من اللي قبلها على فكه
طاحت ترف من يده على الارض ومسكه من ياقته وصار يضرب فيه بقهر وعصبية ..
حطت يدها على خصرها اللي يألمها كثير ونزيف قوي تحس فيه بيدها
رفعت راسها وغمضت عيونها من الصداع والدوخة اللي داهمتها
فتحت عيونها ولا هي حاسه برجال الامن اللي مدنق عليها ويسأل بقلق
ناظرت اللي يضرب الرجال وعرفت ظهره
غمضت عيونها و فتحتها وبألم:هـتااااان
مشى رجال الامن لهتان ورفعه من على الرجال اللي أغمى عليه من الضرب اللي ماقدر يتحمله وكان مستمر هتان يضربه مو منتبه لترف ونزيفها
بعده الامن غصب وصارخ عليه:اابعددد عنه
وشوف اهلك
لف هتان بصدمه من استوعب كلمته وشافها طايحة على الارض
مشى لها بسرعه وجلس على ركبته وبخوف وصدمه:ترررف!!! ترف تسمعيني ؟ يعورك شىء الخسيس ضرك؟ لمسك؟
ترف بالم وبكي:هتان انتت ليه ما سمعتني انا ناديتك كثير
هتان بلع ريقه ورفع يده يمسك يدها وهو للحين مو منتبه لدم:انا اسف والله اسسفففـ..
وانبترت كلمته من رفع يدها اللي على خصرها
وكانت كلها دم
دق قلبه بقوة وبرجفة:دم على عبايتك ويدك دم ترف !!
ترف بالم وصوتها بدأ يغيب:طـعن.ـي عشان نـادي.ـتك
توسعت عيونه بخوف:طعنك مـن وين!
.ترف غمضت عيونها وشبه غابت عن الوعي
صرخ بخوف:ترف تسمعيني ترف لا تسكتين ترف
حط يده على كتفه وبهدوء وهو غاض بصره:دقيت على الإسعاف وربع ساعه توصل تصرف وشوف النزيف من وين وحاول تضغط على مكانه لين يوصلون اغمى عليها لانها فقدت دم كثير
ناظره هتان بذهول وخوف وكل مشاعر الرهبة سكنت قلبه
رفع يده يدور مكان النزيف مع العلم ان لو انتبه شوي كان شاف ان خصرها كله دم وعبايتها مشقوقه من عند الخصر دليل غرست السكين فيها
حطها على كتفها وثم نزل لذراعها وهو خايف وضايع ومشتت
رجل الامن:يا اخ اهدى وركز شوف مكان الشق هذا فيه دم؟
مد يده هتان لخصرها وحس بالدم الغزير وشهـق بخوف ضغط بيده على مكان النزيف وبغصه :بتموت ؟
رجال الامن:لاحول ولا قوة الا بالله استهدي بالله واذكر ربك وان شاءالله بسيطة خلك ضاغط على الجرح ولا تنهار الله يرضى عليك شوي وتوصل الإسعاف
ناظرها هتان بضياع وعدم استيعاب
"ترف تكفيييين لا تخليني"
كررها بقلبه كثير لين انتبه لصوت سياره الإسعاف و بصوت مبحوح همس:ترف لا تخليني
نزلوا الممرضين من السياره وبيدهم شنطه الإسعاف ولما قاس واحد منهم نبضها انتبه انه ضعيف
لف لخويه"النقالة بسرعه نبضها ضعيف "
ركض خويه لسياره واخذ النقالة
ونادى على الممرض الثالث بـحالة طارئة"
واللي نزل بسرعه وراءه بعد ماكان يسوق السياره
تزايدت دقات قلبه من استنفارهم وتوترهم
حس بيد تشد على كتفه غطى وجهه بيدينه وهو ندمان ومقهور
لانه ابعد بخطواته عنها
وهو كان متاكد انها بتكون وراه
بس انصدم وانقهر لما ماشافها استفزه عنادها الغريب عليه وطنشها ربع ساعه عشان تخاف وما تعانده بس لما رجع لنفس المكان مالقاها دخل للمحلات اللي حول المحل بس ماكانت فيه وسمع اسمه بصوت عالي بس ما ركز باي جهه كانت و تلفت ولا شاف شىء "لان بوقتها طلعت ترف من المول"
كان بيروح لدور الثاني ظن منه انها بتكون راحت له ولانه صعد السلام الكهربي واللي قريب من بوابة"8،5،2"
سمع صوتها وهي تصارخ "بـكذاب"
نزل ومشى يدور صوتها وانصـدم من شاف حارس الامن واقف وبيده سلاحه وموجهه لشخص سمين ولما دقق باللي بيد الشخص كانت ترف جن جنونه وعفاريت الارض كلها تناقزت قدامه من فهم انها بيخطفها
قرب منه وضربه على ظهره بكل قوة وحيل ولف وجهه له وضربه وصار يضربه من قلب وبكل مكان تطيح يده عليه وحتى لما حس بإغمائه ما تركه وظل يضربه بدون رحمه لحد ما داهمته كلمه الامن"شوف اهلك"
نزل يده عن وجهه وشافهم ركبوها بالسياره مشى لهم وبخوف وهم"بجي معهم"
واحد من الممرضين:من انت؟
تكلم رجال الامن:اهلهم
ناظر الممرض وابعدّ عن طريقه وركب وركب وراه
ناظرها وهو في حاله شتات وخوف ولا يعرف وش يشوي او بمين يتصل
--------------✨✨✨✨
نرجع لإبـراق وفارس
رفعت عيونها وناظرته إبـراق بنرفزه وقهر من كلمته
ابتسم ورفع يدينه:حياك
بعدت خطوه عنه وبقهر: تستهبل ياحضرة النقيب فارس بجدية:شايفه بملامحي استهبال ومزح؟
إبـراق رفعت يدها وأعطته بوكس بقوة ودنق بدون شعور من الالم
دنقت عليه وبنرفزه:لا تنسى ان زواجنا على ورق ولا تتحمس كثير بتخيلاتك
رفع نفسه ومسكها من ذراعها بقوة و ايده اليسار على بطنه:انتي قد الضربه
إبـراق:ولاني بندمانه تدري ليه لانك قليل ادب ووقح
ما يدري ليه داهمته نوبة ضحك الا انه كتمها و بجدية حاول يتصنعها : وقح وقليل ادب هالله هالله
إبـراق:اييي
فارس قرب منها:كل هذا عشاني قلت ابي حضنك بدال ضربك!!
إبـراق ابتسمت تستفزه:وجاتك الضربه على ما تحب
فارس بنفس ابتسامتها:بقى الحضن
إبـراق حاولت تفك نفسها من مسكت يده:أبعد عني قسم بالله انك وقح
فارس بذهول:يابنت الحلال زوجك انا ركزي
إبـراق شدت على الحروف:على الورق بس
فارس:وبإذن مين ماشاءالله !
إبـراق بصدمه:بإذن الاتفاق اللي بينا
فارس بإنكار:اَي اتفاق !!
توسعت عيونها:فارس الاتفاق اللي أتفقناه قبل لا نتزوج
فارس:مكتوب على الورق اني متزوجك باتفاق؟
ناظرته وسكتت
فارس ابتسم :اجل مااتفقت ولا تألفين على راسي
يازوجتي تمام
وقرب منها:والحين محتار احضنك والا ابوسك؟انتي وش تبين حضن والا...
وسكت من ضربته مره ثانيه بأقوى من اللي قبلها
ما تحمل وضحك وهو متألم من ضربتها: متزوج مصارعه انا والا بنت مافيا
إبـراق بعصبيه:قسم بالله تصير وقح معي أذبحك
رفع نفسه وناظرها:طيب عناد لك والله لا اضمك و بشوف وشلون تذبحيني
بعدت عنه بدون شعور:فارس انت مستوعب نفسك؟
ابتسم:تراي احب الاشياء اللي تجي بالغصب
إبـراق ناظرت لسياره اللي فيها اخوانها وانتبهت انهم يناظرون مستغربين تأخيرها
و رجعت ناظرت لفارس:اخواني خايفين بسبتك ابعدّ الشيطان من مخك وخلنا نوصلهم
ضحك وتركها ومشى لسياره وركب
نظرها ورفع حاجبه: ما راح تجين!
ناظرته بقهر لما حست انه بس يبي يستفزها وهي اشتطت وعصبت
ركبت ولفت لإخوانها وابتسمت تخفي عصبيتها
بعد 10 دقايق وصلوا لمدرسة اخوانها
لفت لهم:انتبه إياس لآيه طيب؟
ناظرها ثواني وثم ناظر لفارس ومسك يد آيه ومشى بدون لا يرد
ناظرته إبـراق باستغراب ولفت لفارس المبتسم و عصبت من تذكرت كلامه اللي قبل شوي:وجع لا تبتسم إياس معصب مني بسبتك
زادت ابتسامه ولف ومشى بدون لا يرد عليها
ناظرت وزاد قهرها" متستفز "
ولفت وجها عنه
بعد دقايق من السكوت
فارس:الاتفاق اللي بينا مسحته وانا ابيك زوجة على سنة الله ورسوله وبدون اتفاقيات بايخه
لفت بصدمه:ايش؟
ناظرها واستغرب:مو قد المقام؟
بلعت ريقها ونزلت عيونها:مااقصد كذا بس..
فارس بفضول: بس ايش؟
إبـراق:انا وحده مو وجه الزواج الفعلي انا تزوجتك عشان الاتفاق اللي بينا فقط واتمنى انك ما تفكر فيني كزوجة
فارس بذهول:ليش؟
إبـراق:بدون ليش لو سمحت
فارس بغموض ناظرها:تحبين احد؟
إبـراق ناظرته بقهر:استغفرالله وش دخل الحين احب وما احب بكلامك ؟
فارس:اسالِ نفسك
إبـراق:عشاني ما ابي اتزوج طلعت احب حلو والله
فارس ناظرها باستغرب:تراك متزوجة ركزي
فارس بيقهرها اكثر قال:وش ذَا الصباح الحلو اجل
اخذت نفس وبهدوء بدون لا تناظره:ماافكر اتزوج الحين الا لما يكبر إياس ويصير بعمر20
ناظرها بدون لا يتكلم
كملت:اخذت عهد بعد سجن عمي اني أعيش لخواني وبس
فارس:وانا راضي بإخوانك وفيك
ناظرت:لا تقول كلام انت مو قده قبلها قالوها كثير وكلهم راحوا وخلوني
ناظرها:كيف؟؟
إبـراق:ابوي والوليد وعمي يوسف وحتى جدي كلهم قالوا انهم بياخذوني وبياخذون أخواني
بس ابوي وينه وعماني وينهم وجدي اللي تغير ولا اعرف سبب تغيره وينه!
لفت للجهة الثانيه:لا تقول كلام انت ما تعرف اثره
ناظرها ثواني ولف عنها
وبعد ربع ساعه وصل لشركة اللي تشتغل فيها
اخذت شنطتها ونزلت ونزل هو بسرعه وناداها
لفت عليه ووقفت:وش بعد!؟
قرب منها وابتسم:ابوك الله يرحمه وعمك اذ صدق معك دليل برأته بيطلع قريب وما عرف من ذَا اللي اسمه يوسف بس اكيد بيرجع لكم وجدك وان تغير تاكدي ان في احد غيره واذ شافكم بيرجع مثل قبل واحسن بس انا غير وتأكدي اني مستحيل اقول كلمه وماني قدها
إبـراق بهدوء:غرور؟
فارس:ثقه
غمضت عيونها واخذت نفس بقهر:يصير خير
ابتسم وضمها له بهدوء
فتحت عيونها بصدمه وقهر وحاولت تبعده بس شد عليها وضحك:قلت لك والله لا اضمك عاد مع الايام نطور الوضع
وابتعد عنها قبل لا تجيه ضرب منها ومشى لسيارته لف لها قبل لا يركب وشافها واقفه بنفس مكانها وتناظره وحاس كانه دخان فوق راسها من العصبية
ضحك بقوة وارسل لها بوسه بالهواء وركب سيارته ومشى
ضربت الارض بقهر "المغرور الوقح القليل الأدب والله كنت داريه مو وجهه ولا قد كلامه قال ايش قال ثقة"
والله لا اطلعها من عيونك يالقليل الأدب ودخلت لشركة وهي معصبة ..
--------------✨✨✨✨
الأحساء -تحديدا بيت أهل فهد
.
جلست وجلسوا شمايل وامها وأختها شفوق انحرجت في البداية بس مع مزح شمايل مع امها و أختها شفوق ابتسمت وهدت شوي عن نوبه الخجل والإحراج
لفت لام شمايل وهي تكلم بنتها شفوق: شفوق هالحصن ساخطِه وجيبِه
زين يمه
عقدت حواجبها بعدم فهم وشافت شفوق تاخذ الصحن اللي اشرت عليه امها وراحت ولفت لشمايل اللي تكلمها:البخت
البخت:سمي!
شمايل:مُب معنا أبـد وين سرحانه فيه؟
البخت ابتسمت باحراج وهزت راسها بلا:لا معكم
شمايل بمزح:اكِيد الفطور الي يابه"جابه" فهد صرصخ عليك
البخت باستغراب:سمي؟ وش صرصخ!
شمايل بنفس استغرابها:انتي مُب من سنتين هنيا !
البخت:الا بس ما سمعت هالكلمة
ام شمايل:ولا مره؟
البخت بإحراج:يمكن سمعتها بس ما ركزت فيها!
شمايل بضحكة همست لها:خلي فهد يعلمك وش معناها بس هاا قولي له"فطورك صرصخ حِيل"
البخت:واذ كلمه تزعل!
ضحكت شمايل بقوة: فهد مُب حق زعل
سكتت البخت وهي مستغربه
انتبهت لشفوق جايه ومعها نفس الصحن بس نظيف
لفت لشمايل:وش معنى كلمه ساخطه؟
شمايل:اغسليه
ناظرتها البخت بصدمه:منجد!!
شمايل:والله
ابتسمت البخت ورجعت لسكوتها
كلموا فطورهم وشوي وقامت شمايل ولفت للبخت:بشوف فهد عشان نروح
وقفت البخت وتكلمت ام شمايل:وين يمه؟ افطري مُب مستعيلين"مستعجلين" هم
البخت:ماعليه خاله الحمدلله شبعت ابي اغسل وانتظرهم.
سكت ام شمايل وتركتها تروح دخلت البخت ومشت لغرفتها دخلت وسكرت الباب جلست على السرير ونزلت نقابها ناظرت لجوالها اللي على الطاولة بجنب سريرها وتنهدت بضيق
وقفت ودخلت للحمام غسلت يدها و رجعت للجوال ووقفت عنده بتردد "ادق؟"
لا لا البخت الوقت مو مناسب بس يمكن امي صاحية الحين بدق على متعب واكيد م يقدر يكذب ويخليني أكلمها غصب بس اذ هي صدق م تبي تكلمني!!
تنهدت ولبست نقابها وطلعت للحوش مالها حيل تفكر اكثر من كذا طلعت وشافت فهد جالس عند امه وقدامه خواته
انحرجت من حست انها قطعت قعدتهم العائلية و احتارت ترجع والا توقف بمكانها
نزلت عيونها ولما جاءت بتلف سمعت امه تناديها
ناظرتهم وتقدمت بخجل"متى ترجعين يمه و ارجع لبيتنا "
وقفت عند الدكة بدون لا تدخلها
نزل عيونه فهد ووقف:اجل مشينا
وقفت شمايل معه ولبست عبايتها:يلا
لبس نظاراته فهد وهو وده يخنق شمايل على لقافتها رفع حاجبه من انتبه انها تناظره وابتسم لها من وراء قلبه
ومشى وهي والبخت مشوا وراه ركبت قدام بحماس لبيت البخت وركبت البخت وراء بخجل
ركب فهد وربط حزام الامن ومشوا للبيت البخت
شمايل:فهد شغل لنا شيلة
فهد:مصدع
ناظرته شمايل بقهر وهي فاهمة مقصده ولفت للبخت:قلت ما راح يشغل لنا
ناظرها فهد:وش تبون شيلة!
كتمت ضحكتها وعرفت كيف تجيب فهد:امم قالتها لي البخت الصبح بس نسيتها البخت وش كانت الشيلة اللي تغنينها
ناظرتها البخت بصدمه واحراج ليه شمايل تكذب اصلا ماغنت اليوم ولا حتى قالت عندها شىء يخص الشيلات بعدين هي مو مودها الشيلات ولا تحبها مره؟
سكتت ولفت وجها للبيوت اللي يمشون من جنبها
شمايل عضت شفتها باحراج من حست بانها حطت البخت بموقف بايخ
لفت لفهد وانتبهت لابتسامته وتاكدت من هالشىء ان فهد له مشاعر يكنها للبخت
شمايل:تذكرتها شيلة"اشكرك جمالك"
ابتسم فهد ولف وجهه للجهة الثانيه
"تشكر جمال مين! اذ هي جميلة جداً ؟"
شغل الشيلة وعم السكوت بالسياره
قطعت السكوت شمايل اللي قالت بضحكة:فهد؟
ناظرها باستغراب !!!
شمايل بشماته:تسلم عليك ساره
ناظرها بقهر وسكت
ما تحملت وضحكت :عاد أمانه ولازم أوصلها
فهد بهمس:الله ياخذها ويأخذك معها
توسعت عيونها شمايل وما تحملت وانفجرت ضحك
فهد:ودك تنزلين هنا صح؟
شمايل هز راسها بلا وهي تضحك:لا تكفى
فهد:انكتمي
بلعت ريقها البخت بتوتر واستغربت للحظة انفعال فهد وضحكك شمايل !!
ربع ساعه ووصلوا لبيتها
وقف ولف لأخته:ساعه واجي آخذكم
شمايل:زين
ونزلت بعد ما نزلت البخت ومشت لداخل البيت
لما تاكد انهم دخلوا مشى لراعي البقالة يشتري أغراض ويسولف معه لين يخلصون
البخت:شمايل معليش على سؤالي بس ليه اخوك انفعل كذا من سلام؟!!
رجعت تضحك شمايل:هذا الله يِسلمك لنا بنت خاله اسمها ساره وتحب فهد بس فهد ما يواطنها بعِشة الله
البخت باستغراب:ليش؟
شمايل:عليها حركات بايخة والبنت خفيفة وفهد م يحب هالشىء واذ نبي ننرفزه ونعصبه نجيب طاريها يقوم من المكان كله وضحكت
ضحكت لها البخت مجامله ومدت يدها للبيت: حياك ..
--------------✨✨✨✨
عند هتان وترف..