ياختيار القلب قبل العين🥹✨

بارت ١٢

تنهدت باحراج وضيق من نظراته وتمنت انها م جاءت هنا ولا عرفتهم يعني هي خايفه ومرتبكة عشانها رايحة لناس جدد يجي فهد ويكملها عليها وش هاليوم اللي ما أنصفها
نزلت الجوال بعد ما حاولت تدق عليه ولا يرد عليها وناظرت لشفوق اللي سرحانه
ولفت للبخت:نمشي؟
البخت:ياليت
سكتت شمايل ومشوا طالعين لبيت خالتهم القريب منهم --------------✨✨✨✨
لندن
.
طلع من الغرفة وسكر الباب ومشى للكنبة وجلس بجنب أيمن اللي يشرب كوفي وعيونه على الشاشات وقدامه لابتوب
إياس:متى اقدر اكلم اختي؟
ناظره لجزء من الثانيه ورجع للابتوب:لحين ما اكلم فارس.
إياس ناظر للابتوب وانتبه انه داخل كاميرات سيارة سواق جده
"الدول الأجنبية عندها شىء اسمه الصندوق الاسود موجود بكل سيارة شغال على مدار 24 ساعه واذ صارت جريمه( اين كانت) بقرب السيارة يحلونها بسبت الصندوق الاسود اللي يكون مصور كل شىء"
ابتسم:شغلك قديم
لف له إيمن:ايش ؟
اخذ اللابتوب منه ودخل صفحة جديدة وكتب كم رمز واسم وضغط انتر وابتسم بغرور من طلعت له الكاميرات اللي حول بيت جده اللي بلندن ورجع فتح صفحة وكرر نفس الشىء وطلع له موقع جده عن طريقة شريحته اللي بلندن
ورجع له اللابتوب:تقدر من هنا تشوف جدي بشكل اوضح
ناظره إيمن بذهول وصدمه بدون لا يعلق
إياس: من دورس الريس كيف تهكر باقل من دقايق
واذا مرت اكثر من سبع دقايق وماقدرت اهكره كان يخليني اجلس ساعات بغرفة التصويب وأصوب لين ينهد حيلي
إيمن:كنت راضي؟
إياس:بالأول لا بس كان يهددني باختي وشوي شوي صرت احب هالشىء خاصه اذ كرر علي باني راح اصير قوي والكل يخاف مني وبعدها صرت متمرس وبقوة
إيمن:الريس كان طيب معكم!!
هز راسه بلا:كان طيبه علي بس اما اختي فكان يزعجها ويقهرها وبالليل تبكي منه
إيمن:كيف صبرتوا ثلاث سنوات عليه
هز كتوفه:دروسه تشفع بأنا نصبر ونتحمل
إيمن:يمكن طيب بسالك كم سوال !!
إياس:وش؟
إيمن:شلون اختك تعرف كل شىء عن جدك وعن الباسل وعن الريس ؟
إياس:عن طريق هاتسن واحد عمره 19 يشتغل عند الريس كان مخلص له بس الريس غدر فيه وقتل حبيبته قدام عيونه
إيمن بذهول:ليش!!!
إياس وهو يتذكر ذاك اليوم:لانها تعرف كل شىء عن الريس وشغله وخاف الريس تعلم عنه وقتلها
إيمن:وهاستن ايش سوا بس لحظة يعني اللي علمها هو ذَا اللي اسمه هاستن
إياس:عطيتني معلومة انك ما تحب
إيمن:كيف يعني؟
إياس:وقت اللي تحب وتعشق شخص واحد تصير تشوفه كل شىء وما تخفي عليه ولو اتفه شىء لان تعده مثل نفسك واكثر
وابتسم:وهاتسن كان كذا كان يسولف لي انا و إبـراق عنها ونضحك عليه لان عشقه لها كان كبير بس عرف الريس هالشىء ذَا وقتلها بدم بارد اتذكر زين كيف كانت حالته وصدمته تخيل انه ما قدر يتكلم فوق الثلاث ايام من الصدمه بس انتقم اشر انتقام حرق كل مستودعات الريس حقت الأسلحة و حرق نادي الفروسية حقته لان الريس يحب الخيول ولانه هاستن مثلنا قناص قتل جدة الريس و للحين محد عرف انه هو وللحين مستمر انه يمثل على الريس انه معه وهو اصلا سبب بان يدخله السجن مع إبـراق
إيمن بصدمه:طيب ليه ما ذبح الريس واختصر
ابتسم إياس:ما تذوق طعم الانتقام كذا لازم تشوف القهر والظلم بعيونه عشان تنتعش وترتاح ..كذا علمنا الريس
إيمن:ما عندي تعليق من هول ما اسمع قسم بالله اثره ما انقال عنه مافيا من عبث
إياس:إبـراق اختي وقفت معه لين قدر يتنساها و يرجع قوي والحين هو وقف معها بكل خطوة تخطيها
إيمن:طيب الريس كيف كانت اطباعه معكم ومع غيركم
إياس:كان يعاملنا معاملة خاصه واحنا عشنا مع هاستن صار بعد يعامله مثلنا بس مع غيرنا كان مختلف ماعنده فرصه ثانيه ولا عنده مصطلح اسف كل شىء عنده يعتمد على المرة الاولى
إيمن:شلون دخلتوا معه!؟
إياس:جدي هو اللي دخله بحياتنا وابوي باسل كان رافض بقوة بس لما يهدده بانه يأخذنا يسكت بس ما يتدخل باي شىء يخصنا لحد ما دخل السجن ابوي باسل وصار الريس يتدخل بكل شىء هو اللي دخلنا مدارسنا الأهلية وهو اللي وظف إبـراق بشركتها وهو اللي شرا لنا الشقه اللي ساكنين فيها
إيمن بذهول:حقيقي؟
هز راسه بايه:كل هذا عشان إبـراق تحبه بس اختي كارهته كثير وصار يهددها فيني بس لما صرت متمرس هي تمردت عليه واخرتها سجنته
إيمن:طيب كيف ومتى يعطيك دروس القنص والهكر!! وهل اختك معك؟
إياس:اَي معي بس لما توظفت تركها الريس و صار يركز علي .. ومتى...
سكت ثواني ورفع راسه وناظره:2 الفجر
توسعت عيونه:وش 2الفجرر ليش؟
إياس:يقول عشان تتذكر قسوة التدريبات ووقتها و يقسى قلبك اكثر على عدوك
إيمن بتعجب:لا إله الا الله
إياس:وقت ذبح هاتسن جدته اخذ اكثر من اسبوع وهو يتوعد بقاتلها وكان ينادينا من 2 الى 5 الفجر و يكرفنا من حقده وقهره وانا وأختي وهاتسن نضحك عليه لان هاستن معنا ويبتسم له
إيمن:بس هاستن يعتبر قاتل ولا مره خفتوا منه او انتبهتوا منه لا يكرر فعلته !!
إياس:لاا من الاساس هو مخلص بس الغدر جاء من الريس الحقيـ*ر
إيمن:بس حتى ولو لازم ما تأمنونه لهدرجة
إياس ناظره:انا احب هاستن انتبه تشككني فيه
رفع حاجبه ايمن:أهدا من كذا
إياس:شف بس فارس دق ابي اكلم اختي
--------------✨✨✨✨
بالسعودية _بيت أهل طلال
.
طقت الباب وانتظرت ثواني ودخلت شافت أم طلال منسدحة على جلسة ارضية بجنب السرير و جالس عبدالله عند راسها وماسك يدها و وجهه تعبان وعيونه حمرا من الدمع المتحجر داخلها
تقدمت وبهدوء:خالة !!
ما سمعت رد وتنهدت بحزن لحالها جلست بجنبها بعد ما نزلت الصينية ناظرت لعبدالله اللي يناظر لسرير ولجزء معين
ابتسمت له:عبدالله مو جوعان !
هز راسه بدون لا يناظرها
نزلت عيونها الخالة المنسدحة ومغطية وجهها و تسمع تنفسها السريع وكانها تكتم بكاها عشان الولد اللي ماسك يدها بقوة
إبـراق:خالة قومي وآكلي لك لقمه لك يومين ما ذقتي شىء وهالشىء مو زين لك انتي صاحبة سكر
شافت ان ما في رد
كملت وهي تكتم حزنها ودمعتها اللي على طرف من حالتهم ووضعهم:قومي وآكلي عشان اللي ماسك يدك ويشوفك دنياه قومي عشانه وقوي نفسك وقويه
سكتت ثواني وابتسمت من شافتها تحاول تجلس و وجها للحين عليه الغطاء الخفيف واللي مخفي ملامحها الحزينه ودموعها عن ولدها وعن اَي حرمه تدخل وتسلم عليها وتعزيها بزوجها
قربت الصينيه اللي فيها خبز وصحن فيه ادام بالبازيلا
سوته لها بسمه وبجنبه عصير طبيعي وماء مدت لها قطعة الخبز وقربت لها الصحن
لفت لعبدالله:عبدالله قرب وأكل مع امك تبيها تاكل لحالها؟
ناظر لامه الجالسه وقرب منها
مدت له امه خبز وباست راسه وانفلتت منها شقهه عضت شفتها إبـراق تمنع عبرتها من شهقتها و ضمتها لولدها
وتنحنحت:مايصير ياخالة استهدي بالله وكرري اللهم آجرني في مُصيبتي وأخلف لي خيراً منها و اصبري.. اصبري واحتسبي الاجر والحزن والبكي م يرجع الغالين لو نبكي دهر والحزن ياخالة يضعف النفس ويذبحها استغفري وادعي له واصبري
ام طلال مسحت دموعها بغطاها وهزت راسها
دخلت بسمه تتطمن على عمتها وابتسمت بدون شعور من شافتها تاكل قربت وجلست بجنبها من الجهة الثانيه باست راسها ويدها
ابتسمت إبـراق وقامت وطلعت شافت الخادمتين اللي استأجرتهم هي بنفسها يشتغلون ويقومون بضيافة الحريم اللي جايين للعزاء و واحده من الحريم قالت لها بسمه اسمها ام صالح قايمه بالعزاء وتساعد وتجيب الناقص وتدخل على ام طلال كل ربع ساعه
مشت للمطبخ وارتاحت من شافته نظيف بعد شوي بيجي الغداء من جار لهم هو اللي تكفل فيه
طلعت لصالة اللي مليانه حريم وشافت ام صالح تناديها
قربت لها باستغراب:سمي ياخالة!
ام صالح:الخدامه تقول في رجال هنا ينقال له فارس يبيك عند باب المستودع الخارجي
إبـراق:زوجي؟ فيهم شىء !
ام صالح: تقول هالخادمه ان يبيك روحي وشوفي وش يبون وانا بكلم ابو صالح يمكن انه ينقصهم شىء وماندري
هزت راسها إبـراق وطلعت بعد ما نادت وحده من الخدم تدلها على مكان فارس
شافته واقف عند باب مصدي لونه بني عليه ثوب ابيض وشماغه لافه على راسه وحول كتوفه وحاط يده بمخباته
تقدمت بخوف بعد ماقالت الخدامه تروح:فارس!
لف لها بعد ما كان سرحان بطلال تأمل العباية السودا الكتف اللي عليها والطرحة اللي لافتها مثل الحجاب على راسها ووجها الصافي والخالي من كل شىء الا من احمرار تحت أجفانها وطرف خشمها وشفايفها
إبـراق بخوف:فارس فيك شىء ؟ ناقصكم شىء !
هز راسه بلا
إبـراق:يعورك شىء؟ خويك فيه شىء؟
قرب خطوة وبهم:تضميني؟
ناظرت وجهه التعبان والشاحب عوارضه اللي طالت شفايفه البيضاء وهذا من قلت الاكل والنوم نظرة الحزن اللي بعيونه واللي من كانوا بلندن لحد هاللحظة ما اختفت
إبـراق قربت منه و رفعت نفسها على أطراف أصابع ارجولها ولفت ايدينها حول كتوفه وضمته لهاا
لف ايدينه حول ظهرها وشدها له وتنهد تنهيدة طويلة
دق قلبها من تنهيدة الهم والضيق اللي طلعت منه
إبـراق:فارس وش فيك؟...تعبان!! وش يعورك؟نروح لطبيب ونرجع!!
هز راسه بلا وغمض عيونه وشدها له ..
سكتت ومسحت على ظهره بس ما تحملت و قالت:وش اسوي عشان نظرة الحزن تروح منك؟
فارس بهدوء:خليك هنا
إبـراق سكتت
دقايق وبعد عنها وناظر وجهها
إبـراق ناظرته تنتظره يتكلم
فارس:ودك تكلمين اخوانك؟
ابتسمت بشوق:ياليت
ابتسم لابتسامتها:طيب ليه ما طلبتي!
إبـراق رفعت كتوفها بمدري
فهم وكيف ما يفهم وهو سمع من الخدامه ومن ابو صالح اللي زوجته تعلمه ان محد وقف مع أهل طلال الا هي استأجرت الخادمتين ووقفت مع ام صالح وزوجة طلال بالعزاء محد يجيب كراتين الماء لرجال الا هي وهو بنفسه كان يفكر ان جيرانهم ولا درى الا قبل ثلاث ساعات من ابو صالح اللي كلمته زوجته اذ ناقص كراتين ماء
تزيدهم إبـراق غدا إمس اللي تكفل فيه هو ،محد قام فيه الا هي وجابت اشياء هو ما جابها مو قلة فلوس بس انشغل مع طلال المنطوي والساكت الغداء والعشاء اللي يتكفلون فيه الجيران واللي يعزون ابو طلال هي تساعد فيه وترتب كل شىء له
وقفت وقفات هو بنفسه مصدوم منها كان يظنها بنت اجنبيه عايشه حياتها هناك ما تعرف للواجب ولا للعادات بس لاا صدمته.. أذهلته ...
إبـراق بخوف من سرحانه:فاررسس؟
ناظرها ..
إبـراق:امانه انت تعبان اقول لام صالح بنروح للمستشفى !!!
قرب وبأس راسها
وطلع جواله وضغط رقم إيمن ومده لها الجوال: كلمي اخوك
ناظرته ثواني وبعدها حطت الجوال على اذنها
وابتسمت من سمعت صوت إياس يناديها:هلا يا روحها..انا بخير انت بخير؟
وآيه شلونها ووينها؟....إيمن كويس معكم؟
ضحكت:طيب ما راح اسال انت اسألني!
..لا للحين ما خلص العزاء....مدري يا إياس
الناس اللي احنا عندهم وضعهم صعب ويحزن
صعب نخليهم اذ خلصنا عزاء....
بهدوء:راح اجي بس اصبر علي لين الاسبوع الجاي
ابتسمت:بسكر انتبه لآيه برجع أكلمك باليل الساعة7 ...مع السلامه
لفت لفارس وشافته متكتف ويناظرها مدت له الجوال ناظرته:شكرا
فارس:كنت متوقع مكالمه طويلة بتعب وانا انتظر تخلص
ضحكت بدون شعور:معليش خيبنا ظنك
ابتسم:ارتاحي كل ما سمحت لك الفرصة
عقدت حواجبها بعدم فهم:كيف!!
اخذ الجوال وحطه بجيبه ومد يده لوجها
بعدت كردة فعل طبيعية
وابتسم اكثـر ومسح على وجها وطرف شفتها بإصبعه الإبهام:انتبهي لنفسك
ولف بيمشي وتذكر شىء ولف لها
شافها صافنه"فاهية" وما تحركت من مكانها
ناظرها ثواني وابتسم وقرب لها : بعد ساعه بيدخل طلال عند امه اذا ارسلت لك سوي له طريق زين.
ولف بدون لا يسمع ردها ومشى
حطت يدها على قلبها اللي دق وتنهدت بخوف من الشعور اللي داهمها وقت حط إصبعه على شفتها..ما تبي تميل له هي ما تصلح له ولا تناسبه ولفت ودخلت داخل ..
--------------✨✨✨✨
دخلوا ونزلوا البنات عبايتهم
بلعت ريقها ونزلت نقابها فقط و ناظرت لشمايل اللي تكلمها:هلا؟
شمايل:نزلي عباتك
البخت:أتعود على المكان وأنزلها
دخلت شفوق بالقهوة لداخل وجاءت شمايل بتدخل بس امسكت يدها:انتظري شوي
ناظرتها:وش فيك؟
البخت: نطول ساعه بس مثل ما قلتِ
ابتسمت شمايل تطمنها:ابشري بس نزلي عباتك
بندخل على خالاتي
هزت راسها البخت بلا
وسكتت عنها شمايل ودخلت ودخلت معها البخت
مجلس شبه كبير فيه اربع حريم كبار وثلاث بنات جميلات واقفات يوزعن ويسولفن
ام فهد واقفه وبيدها يد حرمه مو كبيرة كثير تضحك معها وتسولف
لفوا كلهم لها وانحرجت واضح ان ام فهد قالت لهم وينتظرونها فعلاً توترت وارتجفت يدها اللي ماسكه فيها نقابها تقدمت شمايل وسلمت
اما هي وقفت محتاره ومرتبكة تسلم على مين!!
تقدمت منها البنات وابتسموا لها
ابتسمت شبه ابتسامه وسلمت من قربن يسلمن عليها
تكلمت ام فهد:تعالي البخت سلمي على أم محمد اختي
تقدمت البخت وسلمت على اللي واقفه معها وثم على الحريم اللي جالسات
ام فهد:شمايل خذيها يمه لداخل عند البنات تاخذ عليهم قبل الكل يجي
شمايل مسكت يدها:ابشري يمه
ام محمد لفت لوحده من البنات:يمه يا شهد باري البخت
ابتسمت:زيين يمه
لفت لها شهد:حياك
طلعوا ودخلوا لمجلس اصغر بشوي وشافت طاولة شبه طويلة فيها كل الضيافه والقهاوي ارتاحت ان ما فيه احد وقررت تنزل عباتها
وفعلاً نزلتها لما شمايل جلست يعني بيطولون بهالمكان
ابتسمت من دخلت بنت جديدة وقربت ترحب فيها وتسلم عليها:يامرحبا بالبخت وش هالزين بسم الله عليك
البخت بخجل:عيونك الحلوة
شمايل بمزح:وشدعوة زينب مالي مدحه
ضحكت زينب:انتي كل الجمال
ولفت للبخت:تفضلي اجلسي
جلست البخت وارتاحت من تعاملها اللطيف شوي شوي صاروا يدخلون عليها بنتين...بنت الى ان صاروا اكثر من ست بنات ماشاءالله تعرفوا عليها ورحبوا فيها وبدت السوالف ..
لفت لشمايل المندمجة مع البنات وشفوق مثلها تخاف تنسى الوقت وتقعد اكثر من ساعه شوي ووقفت بنت بسرعه من سمعت صوت حرمه كبيرة وكلهن نفسها استغربت وشوي ودخلت حرمه كبيره بس هي مصغره نفسها شعرها الأشقر ولا اكسوارتها الفخمة ولا عباتها اَي شافت اسفلها علامه ماركة مشهورة
سلمت عليهم كلهم واخر وحده البخت وقفت عندها:البخت !
ابتسمت لها بتوتر:اَي
مدت يدها حتى تسلم بس الحرمه سلمت عليها خد واحد وابعدت بدون لا تمسك يدها
استغربت وناظرت لشمايل الفرحانه ولا دققت بحركتها حاولت تبتسم وتطنش و جلست ومسكت فنجالها
الكل يسولف معها ويبتسم لها ومستغربة ليه محد فهمها من ذي ؟ وليش الكل فرحان فيها وحتى شمايل نستها من دخلت الحرمه!!
رفعت عيونها للباب اللي دخلت منه بنت جميلة
بيضاء
سلمت على الكل وعليها هي بعد وجلست عرفت ان البنت اسمها سمى من نادتها امها تجلس بجنبها جو غريب عليها عجزت تتألقم عليه ودها ترجع لبيت اهل فهد وللغرفة تحديداً وتنام
الحرمه"ام سمى":خلونا نروح للميلس عند الحريم
شمايل:لا خالة احنا مُب مرتاحين الا هنيا
وقفت الأم واخذت بنتها:بنيلس عندهم ساعه ونرجع لكم
وطلعت بدون لا تسمع احد والبخت مستغربة منها
لفت للبنات اللي يسولفون ومندمجات مع بعض ولولا زينب اللي تطل عليهم شوي وتسولف معها وتروح تساعد كانت بتكون ساكته طول الجلسة و فعلاً ندمت انها جاءت دام من اولها شمايل وشفوق طايرات بالبنات وناسياتها بس بينها وبين نفسها ما تلومهم هي غريبه وما للغريب الا السكوت
دق جوال ولانه ايفون الرنه تشبه لجولات بعض
الكل تلفت ومستغرب من صاحبة الجوال وليه ما ترد لين الكل صار يناظرها
ناظرتهم بذهول ونزلت عيونها لشنطتها و انصدمت ان جوالها دق !
شافت الاسم وكان"متعب"دق قلبهاااا بقوة و وقفت:معليش
وطلعت بدون لا تسمع ردهم ولا تسال وين تروح بس اخذت طرحتها وطلعت مشت من نفس الباب اللي دخلته واللي كان باب حوش كبير فيه زرع ونخل على زوايا الجدران
لفت لوراء البيت وابعدت عن الباب وتكرر الاتصال اخذت نفس طويل و فتحت الخط:الو
بلعت ريقها:هلا متعب
متعب:شلونك يالبخت؟
البخت:بخير انت شلونك؟
متعب:بخير الحمدلله
سكتت خايفه تسأله عن امها ويقول شىء مو زين
متعب لما طال سكوتها قال:ما ودك تكلمين امك؟
توسعت عيونها بفرحة:اقدر!!!!
ابتسم:ايي وهي عندي
البخت:اعطيني اياها
مد الجوال لامها وسمعت صوتها امها بـ الو
نزلت دموعها بشوق لصوتها ولا قدرت ترد عليها
ام البخت كحت وبعدت عن الجوال
و رجعت حطت على أذنها من سمعت بنتها تناديها بخوف ابتسمت:هلا يمه هلا مافيني شىء شلونك شخبارك يا ماي عيني
البخت:يمه وش فيك يمه انتي تعبانه علميني يمه لا تخبين علي شىء طلبتك
ام البخت:بخير يا روحي طمنيني عنك شلونك وش اخبارك
البخت ببكي:بخير يمه..بخير وانا اسمع هالصوت و راعيه على قيد الحياة
ام البخت:وراك تبكين يا ماي عيني انا بخير وما علي خلاف
البخت:اشتقت لك يمه طولتِ علي حيل تغربت يمه مكان وشعور
ام البخت: بسم الله عليك من الغربة وطاريها
لا تخوفيني عليك يا ماي عيني.
البخت مسحت دموعها:متى تجيني يمه
ام البخت:قريب ان شاءلله
البخت:يمه لا تطولين علي انا لحالي بدونك تكفين علميني مكانك وانا اجيك
ام البخت: بجيك يمه قريب مكاني بعيد وما راح تعرفينه
البخت نزلت دموعها:عادي يمه بجيك وخالقي
ام البخت:خليك يا ماي عيني وبجيك انا بهالاسبوع
شهقت البخت:لا تطولين يمه
ام البخت:لا تبكين يا ماي عيني وكل شىء بيرجع لمكانه لا جيت بإذن الله بنرجع لرياض
البخت:اذ انتي معي كل شىء بخير
ابتسمت ام البخت:انا بسكر يمه وانتي تطمني ولا تخافين وانتبهي لنفسك زين
البخت:ابشري
ام البخت بسرعه:البخت
البخت:لبيه ياقلبها
ام البخت:احد دق عليك من اهل الرياض؟
البخت:لا يمه
تنهدت براحة:زين يمه مع السلامه
البخت:يمه دقي علي كل شوي لا تخليني أفقدك
ام البخت:ان شاءالله ..مع السلامه
البخت:مع السلامه
سكرت منها وتنهدت وضحكت بدون شعور منها مسحت دموعها وهي متأكده ان مكياجها خرب
ولا يهمها السعادة والرضا اللي فيها من صوت أمها يكفيها ويغنيها عن كل شىء
لفت بتدخل وتوسعت عيونها من شافت ظهر رجال واقف عند باب
رجعت ولفت لنفس الطريق اللي جت منه وهي شبه تركض بخوف انه يلتفت ويشوفها وهي ماعليها الا طرحة تغطي شعرها
دخلت للباب وانتبهت لمرايا كبيرة على جنب وقفت قدامها وشافت دموعها على خدها ورموشها مبلوله مسحت بطرحتها الدموع
واخذت طرف منها ومسحت على رموشها احتارت وانحرجت تدخل والا ترجع لان وجها باين عليه البكي ومهما تمسح واضح
مشت وتلتفت بالصالة تدور اَي احد عشان تنادي شمايل
طلعت من المجلس البنت اللي اسمها سمى
وشافت البخت واقفه عند المدخل وتلفت
قربت منها:وش فيك؟
البخت:ممكن تنادين شمايل
سمى:اكيد
ودخلت للمجلس مره ثانيه وشوي وطلعت شمايل وهي خايفه شكل البنت قالت لها اني ابكي
تقدمت منها شمايل:البخت وش فيك؟
البخت:جيبي عباتي ونقابي تكفين
سمى:ولا يهمك انا ايبها وياي
ومشت للمجلس
شمايل:صار شىء وياك؟
البخت:برجع للبيت تعبانه شوي
شمايل:برجع وياك
البخت:ياليت
لفت سمى اللي مدت لها عباتها
لبستها ولبست نقابها على طلعت شمايل من المجلس ومعها ثلاث بنات وبيدها عباتها
ارتبكت البخت من خوفهن وسؤالهن بـوش صار؟
زينب:وش يعورك؟ تبين المستشفى ؟
البخت:لا ما يحتاج ارتاح شوي و بيروح الألم
شمايل وهي تربط نقابها:لاحد يقول لامي شىء و انتم ارجعن واستانسن ولا كأن شىء صار
سلمت عليهم ولف للبخت:يالله
البخت:تشرفت فيكم واعتذر اذ خربت عليكن جلستكن
زينب:لا عادي ياروحي اهم شىء انتي طمنينا عنك
سلمت عليهن البخت وراحت مع شمايل
للبيت على رجولهن لانه قريب
وهن طالعات من البيت:البخت من كلمك؟ من طلعتِ تكلمين وانتي مو بخير؟
البخت:...
قطع عليهن سالفتهم فهد اللي وقف بعيد شوي عنهم:شمايل؟
لفت له اخته:هلا فهد؟
تقدم منهن وصار قدامهن:عسى ماشر؟ ليه طلعتن بدري؟
شمايل:لا مافي شىء بس البخت اتعبت شوي و رجعنا وجلست امي وشفوق
لف لها فهد بلهفة:عسى ماشر وش فيك!! وش اللي يعورك؟
انحرجت البخت من سؤاله وموقف اللي قبل ساعتين ما نسته وبكذب:لا بس صداع
فهد:تبون المستشفى؟
البخت:لا مايحتاج انام واصير بخير
ومسكت يد شمايل
ناظرت شمايل لاخوها:خلاص فهد ارجع لديوانيه و حنا بنرجع للبيت
فهد:واخليكن بالبيت لحالكن اقول قدام وانا بكون معكم وبكلم الشباب يجون لمجلسنا
شمايل:طيب
ومشوا وفهد دق على عيال خواله يجون ويكملون السهرة بمجلسهم
--------------✨✨✨✨
الرياض _تحديدا المستشفى
.
ماشي باسياب المستشفى قاصد غرفتها له تقريبا ثلاث أيام ما شافها.
وصل لباب غرفتها وطق الباب
ثواني وسمع عمته تسمح له بالدخول فتح الباب ودخل..
جالسه على السرير وبجنبها اليسار امها جالسه
وأخوها جالس على يمينها وبيده جواله وواضح انه بيروح!!
تقدم وابتسم:السلام عليكم
الكل:وعليكم السلام الا هي قالتها بهمس
جلس بجنب اخوها وبهدوء:شلونكم عساكم بخير؟
ام ترف: بخير ياربي لك الحمد انت علومك ووشلون خويك اللي توفى عمه؟
هتان تنهد بضيق:حالهم ما يسر ياعمه فقده موجعهم عسى الله يرحمه ويغفر له
ام ترف:رحت لهم امس والله ما تحملت اجلس اكثر من نص ساعه
هتان:الله يجبر كسرهم ويرحم فقيدهم
لف لترف اللي كانت متغطية عنه وتلعب بأصابع يدها بعدم اهتمام لكلامهم اللي ما فهمته:شلونك يا ترف؟
ترف:بخير بكره بطلع
ابتسم:زين الحمدلله
لف لاخوها:وانت راشد شلونك؟
ابتسم:بخير الحمدلله
ام ترف بخوف:هتان يمه وش فيه وجهك تعبان؟
هتان:ماشر يا عمه بس متأثر بحال خوي
سكتت ام ترف
راشد حط جواله بجيبه:انا بمشي بشوف لي خوي قريب
ناظرت ترف اخوها وانتبه لنظراتها هزت راسها بلا
راشد:ماني مطول ساعتين وبرجع
ام ترف ناظرتهم:وش فيكم؟
راشد:ولاشىء يالغالية
ام ترف ناظرت لهتان:هتان يمه بطلب منك طلب
ما يخالف؟
هتان بسرعه:جاك ياعمه
وقفت وقربت منه وبهمس:انا بروح لبسمه مع راشد وابيك تجلس حولها لين ارجع
هتان بشبه ابتسامه:اكيد يا عمه
لفت لبنتها:يمه بروح للبيت اجيب لك غيار و ارجع ما راح أتأخر زين؟
ترف:يمه راشد يروح
راشد ابتسم:ما اعرف لاوازم أمي
ناظرته ترف بقهر وسكتت
لفت أم ترف لولدها:يلا مشينا
وطلع وطلعت معه بعد ما وصت هتان على بنتها
جلس هتان ابتسم لها يطمنها
سكتت بتوتر
هتان:يعورك شىء ؟
ترف باستغراب:لا
هز راسه وسكت يفكر
ناظرته ترف وهي ودها تسأله !! ليش يسوي معها كذا ؟ ليه هو طيب ويهتم لها!؟ ليه تكرهه وهو ما يكرها ؟
لحظة يا هبله تكرهينه بعد اللي سواه عشانك؟انقذك من الموت وباقي تكرهينه؟؟؟
وليه احبه ؟ هو دخل حياتي غصب عني ؟ هم اقحموه حتى بخصوصياتي
كيف ما اكرهه ؟
رفع راسه هتان وبخوف:فيك شىء؟!
ترف بزله لسان:مابي أكرهك
برد وجهه وبلع ريقه:كيف؟؟
ترف:ليه ساعدتني وانا حقيـ*ره معك؟
ابتسم وانشرح صدره:من قال لك انك حقيـ*رة!!بالعكس انتي تعامليني مثل امك واكثر ؟
ترف بذهول:كيف؟
هتان رفع يده واشر الإبهام: تسمعين لي ..
السبابه:تساعديني على ان نلقى امي والا نسيتي؟
الوسطى:اذا مرضت سالتي عني
الخنصر:اذ ضربني ابوي تبتسمين لي وهالشىء كفيل اني انسى ضربه
البنصر:والاهم من هذا كله ولا مره قللتِ من احترامي
ترف:بس انا..أعاملك مثل راشد
ابتسم وبمكابرة:وهالشى يكفيني
ترف بهدوء:طيب شكرا
رفع حاجبه وزادت ابتسامته!
ترف:شكرا لانك ساعدتني
هتان:العفو
نزل راسه بخيبه يخفيها من كلامها
"اعاملك مثل راشد ..."
معقولة يا هتان توقف للحد هذا؟
ماراح تصارحها
تبين لها شعورك !!
حبك اللي تجاهد تخفيه وللأسف مفضوح للكل الا لها؟
تشوفك مثل راشد وفقط .
رفع راسه للباب اللي انفتح بقوة يقطع عليه سيل افكاره
ووقف بسرعه من شافه ابو ترف دخل بغضب وقهر من بنته اللي ما درى عنها الا من يومين و بعصبية:ترف
شهقت بخوف وصدمه من دخوله وارتجفت يدهااا
ناظرت لهتان اللي وقف قدام سريرها
وعاقد حواجبه ويسأله "وش فيه ؟ ووش صار؟"
ابو ترف:ماطبتي انتي ماودك ترجعين للبيت امك ما تجي للبيت بسبتك خلصي من ذَا الدلع والغنج واطلعي
ناظرته بذهول وصدمه وبرجفه: وديـ*ـي اطلـ*ع بس ههم ييقولـ*ون بكره
هتان بقهر:ترف تعبانه ياعم والدكتور ماهو كاتب لها خروج الا لحين تصير بخير
ابو ترف؛مافيها الا العافية اسبوع هناا ما طابت معقول يالله بس البسي عباتك وخلينا نروح للبيت لي فوق الاسبوع لا انا اللي اكلت مثل الاوادم ولا نمت
هتان:ترف انا اللي مدخلها و انا اللي اطلعها ودام دكتورها ما كتب لها خروج تجلس لين يكتب لها خروج
ابو ترف:انت وش مدخلك ها انت الظاهر سمحت لك لين تماديت يا ولد ناصر لا تخليني اقول لابوك يتصرف معك بنتي لا تتدخل فيهااا
رمشت بعدم استيعاب لكلمة ابوها"
انت الظاهر سمحت لك لين تماديت يا ولد ناصر
الحين استوعب ؟
الحين ادركت انك دخلته بحياتي ؟!!!
الحين يبيه يبعدّ؟؟
بعد ايش!!!!!
بعد ماصرت أامنه اكثر منك ارتاح معه اكثر منك؟
اتكلم براحتي وعلى طبيعتي اكثر منك؟
ولما أدركت اني ممكن احبه
طلبت منكم تغطوني حتى يبعدّ عني واقتل المشاعر اللي زرعها بطيبته رفضتواا وقلتوا اخوك !!!!
بينت له كرهي ورفضي لأي شىء منه حتى يبعد ويقول الوجه من الوجه ابيض ولا قدرت ولا هو ابعدّ عني
الحين جاي يا يبه بعد ما كبرت وادركت اني اكره هتان واحبه بنفس الوقت !.
ناظرت لهتان اللي مصدوم من ابوها مثلها وماهو قادر يرد عليه
ابو ترف:تررفف تجهزي بكتب لك خروج
هتان بعدم استيعاب وبعصبية: بعد١٢ سنه جاي تقول لي "سمحت لك لين تماديت!!" ليه متى تماديت انا؟ انت اللي سلمتها لي وانا صنتها وحافظت عليها
وبقهر:ويكون بعلمك ترف اشوفها بنتي واختي انا اللي مربيها على يدي وانا اللي المفروض اكون مسؤول عنها ماهو انت!
ابو ترف بصدمه:وش تقول ياولد ناصر؟
هتان بقهر وخيبه:اللي سمعته ولو انك تفكر فيها والا حتى اهتميت فيها يوم انك عرفت انها هنا اسبوع ليه ما زرتها ؟ ليه ما سالت عنهاا ؟ والا بس جيد تناشب زوج عمتي بسمه ؟ ترف بنتي تفهم وانا اللي مسؤول عنها ؟ لا تجيي لي بعد كل هالسنين وتقول تماديت محد يتمادى وينسكت له هنااااا الا انت
تقدم بغضب ورفع يده وضربه كف بكل حيلته خل وجه هتان يلف للجهة الثانيه ويرجع خطوتين
ترفه بخوف:هتان
ابو ترفه بعصبية:جاي على اخر عمري تقلل من قدري ياولد الجيل هذا!
لف هتان له ورفع يده وحطها على خده:المرة هذي بس قدرت تضربني .. المرة الثانيه بنسى انك عمي واكسرها وترف ماهي طالعه لين يكتبون لها خروج و علمنيي وش بتسوي!!!
ابو ترفه بصدمه وغضب:هتااانننن ياقليل المروة
ابتسم شبه ابتسامه:المفروض من هذاك الكف اللي كنت بتعطيه لترف وأخذته انا عنها تعرف اني تغيرت بس وش نقول طلال عاميك حتى عن بيتك
ابو ترف بقهر:والله ثم والله معد تشوفها مادام راسي يشم الهواء يا ولد ناصر
هتان ابتسم وسكت
ولف لترف:تبينه يطلع والا يجلس ؟
بلعت ريقها بصدمه من اللي صار قدامها ماهي حتى قادره تاخذ نفس
من كثر صدمتها وتسارع دقات قلبها رمشت لما لف لها وسألها
هتان بهدوء:ترف؟
ترف ناظرت ابوها اللي سود وجهه واحمر من الغضب والقهر والصدمة من تغير هتان اللي لا جاء على البال ولا على الخاطر
ترف برجفة:انتـ*ـت بتـروح؟
هتان:اذ تبين؟
هزت راسها بلا وغمضت عيونها بسرعه من صرخة ابوها باسمها ..
لف له هتان وبهدوء:لا تصرخ عليها للحينها تعبانه و صح معلومه بقولها لك من باب الأبوة اللي حاول يخطفها مسجون بسجن الزامل اذ تبي تروح له وتنتقم لبنتك بدال لا تجي هنا وتتحلطم وتبيها تطلع عشان احد يوكلك ويشربك
توسعت عيون ابوترف من وقاحة هتان!!!
هتان:سكتنا لك كثير وشوف وين وصل سكوتنا كانت بتنخطف بنتك وانت ولا عليك ولا مهتم و لاحتى سالت هي ليه بالمستشفى واي مكان انطعنت فيه!!
لف وجلس بجنب ترف على الكرسي:اذ تبي تعلم ابوي يكون بعلمك ماعد يهمني ولا يخوفني
ناظره بعيونه:صرت بعمر ٢٢ يعني تهديداته بطردي ماعد تنفعه
و ابتسم:قول له شريت بيت من زوج عمتي بسمه
والدفع اذ توظفت
وناظر لترف اللي ترجف:شفتِ كيف الغريب احن علي من ابوي وعمي ويقول ليش حنا وقحين ؟
ابو ترف بغضب:والله اني لاسجنكك ياولد ناصر و اني ما خليك تشوفها بحياتك يا قليل المروة
وطلع بسرعه
تنهد هتان تنهيدة طويلة يدري ان اغلط كثير وان تكلم بالوقت الغلط بس طفح كيله واندبلت كبده دخوله وعدم سؤاله عنها وحلطمته بانه غنج ودلع فجر اخر ذرة عقل فيه
نظرة الخوف والخيبة اللي شافها بعيون ترف كسرته و قتلته اَي هو عارف انه جنى على نفسه و عارف انه ماعد بيشوفها بس يكفي انه قدر يطلع ولو شوي من اللي بصدره
ترف نزلت دموعها بعد ما استوعبت اللي صار
رفع راسه من سمع شهقتها
حاول يبستم:ليه تبكين؟ ما يقدر يسجني بس يقدر يمنعني عنك واتوقع هالشىء هذا تبينه صح؟
ترف ببكي:ليه سويت كذا؟
هتان:لا تسأليني ليه انا انفجرت بدون شعور مني
ترف ببكي:بتخلينا !!!
هتان ابتسم:بحاول اتطمن عليكم ماني مخليكم
ترف زادت دموعها:ليه سويت كذا انت تعرف ابوي عصبي ليه وقفت بوجهه انا اصلا ابي اطلع بدون لا يقول ليه خليته ينصدم فيك ويحلف عليك ليه؟
هتان برجاء:لا تبكين الله يهديك وقلتها لك انفجرت بدون شعور
ترف لفت وجها عنه تبكي
هتان ابتسم:شفتي اللي خطفك تراي سجنته خمس سنوات واخذت منه غرامه مليون اذ استلمتها بحطها بحسابك
وبضحكة:بس ها لا تقولين لابوك عشان ما ياخذها و يخطط على طلال زوج عمتنا فيها
ناظرته بقهر وعصبيه من تداخله بالموضوع و تطنشيه للموضوع الاهم:مابي فلوسه المقرفة
هتان ابتسم:اذ شفتيها بتقولين الحمدلله جاتني
ترف:هتان مابي فلوسه ولا ابي تختفي عن حياتنا
هتان بضحكة:ماني مختفي بسم الله علي بس بغيب عشان تشتاقون لي
وبجدية: ولا تعلمين امي وأمك بشىء ..خليه بينا الا اذ ابوك بيقول بس انتي لا تقولين زين؟
ترف:هتااان؟
هتان بجدية:نعم يا ترف وش فيك انقلبتي مو انتي قلتي لعمتي بسمه ما تبيني ولا تبين اَي شىء مني ليه الحين تبكين وتسالين "بتخلينا؟؟" من قبل افكر اقطع خطواتي عنكم بس ما لقيت
طريقه وبهمس:ولاا قويت
ابتسم بحزن:الحين عيشي حياتك بدون لقافتي مثل ما تسمينها
سكتت ترف لما ما لقت رد ولا عرفت كيف تشرح له هي ليه تسوي كذا
نزلت راسها وبكت
ناظر لساعته:بقى نص ساعه وتجي عمتي وبمشي
--------------✨✨✨✨
بيت ابو طلال
مشت بشبه ركض ولقت بسمه بالمطبخ توصي الخدامه على القهاوي
تقدمت منها ومسكت يدها وابتسمت من شهقتها لانها مندمجة بالكلام:معليش
بسمه:وشفيك بسم الله ؟؟
وبخوف:عمتي فيها شىء !!؟
إبـراق:لااا الحمدلله بس زوجي يقول ان طلال بيدخل يسلم على امه وجيت اقول لك تدخلينه لامه
دق قلبها وارتبكت:طلال !
إبـراق:اَي؟
هز راسها بتشتت:اَي طيب
ولفت للخدامه وصفنت لجزء من الثانيه
وبعدها لفت لإبـراق:الحين؟
إبـراق باستغراب:اَي؟
بسمه:الحين اشوف عمتي
وطلعت من المطبخ وهي مرتبكة ومشتاقه له دخلت غرفة عمتها كانت جالسه وتناظر للأرض بسرحان وبحضنها عبدالله
بسمه:يمه طلال بيدخل
ام طلال مسحت دمعتها:قالت لي "ابارق"خليه يدخل يا بسمه
طلعت بسمه وراحت للباب الوراني واللي يكون خلف البيت وله سيب طويل يوصل للمطبخ
مشت وقفت ثواني تستجمع نفسها وتشتتها اشتاقت له بس ما تبي تشوفه
يكفي انها للحين مو قادره تنسى وتتخطى ذاك المنظر وقت بكى بحضن امه بكل ضعف بكى مثل ما يبكون الأطفال وقت يفقدون الشىء و عارفين انهم ما راح يشوفونه
مسحت دمعتها ولفت للباب اللي يطق وتاكدت انه هو
اخذت نفس وفتحته و بعدت شوي حتى يدخل مثل لبسه وقت كان بالمستشفى
ثوب ابيض ..شماغ حمرا لافها حول راسه ودقنه
عيونه بالارض وكتوفه نازله بوهن وضعف
نظراته حزينه ومشتته ..عوارضه متبهذله
هذا واحد غير عن طلال اللي شافته بالمحكمة ..
رفع عيونه لها لابسه عبايه كتف وطرحتها لافتها حول راسها ومو باين الا وجها الصافي وأيديها الناعمه
رفع عيونه لعيونها اللي تتأمله
تقدم ووقف قدامها:السلام عليكم
بسمه وعيونها على تفاصيل وجهه:وعليكم السلام
طلال:امي وين؟
بسمه ناظرت ليده اللي رفعها ومسك جبينه:بغرفتها
و بهدوء:انت بخير؟
فتح عيونه:صداع وبيروح انتي شلونك؟
ناظرته وسكتت وسكت هو وعيونه بعيونها ليه ما انتبه لعيونها الحزينه جفونها الحمر وجها الباهت ..شفايفها البيض
ملامحها الحزينه والباهته!!
طلال وبتكرار:انتي بخير؟
امتلت عيونها وهزت راسها بلا
نزل عيونه للأرض وبرجاء:لا تبكين
نزلت دموعها:انت بخير طلال؟
رفع راسه لها وهزه بلا بمثلها لاهو اللي تكلم ولا هي اللي تكلمت شعورهم واحد ..همهم واحد..آلمهم واحد
الا انهم ما قدروا يتكلمون
تقدم وضمها لصدره وبحزن:لا تبكين
بسمه مسحت دموعها عشانه وبأسف:والله اسفه
بس ماقدرت اشوفك كذا وما ابكي
بعد عنها:زين ما شفتيني باول العزاء تبكين وما تسكتين
ناظرت عيونه وسكتت
رفع يده ومسح دموعها:مستجمع كل قوة الدنيا اليوم عشان ادخل على امي ومن دمعه منك ضعفت كيف لا شفت امي
وبتعب:قويني يا بسمه ترى منهد حيلي بالحيل
مسحت على وجهه و رفعت نفسها وباست جبينه: انت قوي منت بضعيف إيمانك وصبرك على الأيام الصعبة هذي قوة
اخذ نفس طويل وازفره وبهم:ليتني مثل ما تقولين
خلينا نروح لامي
هزت راسها بايه وعيونها ما نزلت على وجهه
باس جبينها: لا تتاملين بهالشكل عشان ما ابكي
ارتبكت ودق قلبها بخوف عليه:طلال
ابتسم شبه ابتسامه:لا تصدقين تراي بخير
ناظرته ثواني ومشت معه لغرفة امه
وقفت عند الباب من وقف وتنهد
ناظرته:طلال!
لف لها:ادخلي قبلي
دخلت مثل ما قال وكانت امه تحسبه ولدها
ولما شافت بسمه:ما جاء طلال؟
بسمه:الا يا يمه
ولفت للباب ودخل طلال
شافها بالجلسة الأرضية الحمرا عليها عباتها الرأس و بحضنها عبدالله النايم وتسمح على راسه
ووقفت عن المسح من دخل ولدها البكر
ومن شافته نزلت راسها وبكت
تقدم منها بسرعه وضمها:يمه لا تسوين بنفسك كذا
باس كتفها ورأسها ويدها:الغالي راح للي احسن مني ومنك لا تسوين كذا رجيتك
ضمته لها وببكي اشبه بالنحيب: راح يا طلال وسبقني للموت راح وتركني بهالدنيا
نزلت دموعه:العوض فيني وبعبدالله لا تقولين كذا يايمه
قام عبدالله بخوف على صياح امه وشاف طلال يضمها وعيونه مليانه دموع
بكى:يماااه
ناظره طلال ولف لامه:لا تبكين يا يمه البكي ما يجيب الغالي استهدي بالله وقومي معي غسلي وجهك وتعالي اجلسي معنا مالنا غيرك يالغالية لا تكسرينا فيك وتخوفينا
ابعدّ الغطاء عن وجها ومسح دموعها وباس جبينها:لا عاد تبكين خليك قوية عشانا
باس كتفها وهمس عند اذنها:والله اني ضعيف يا يمه لا شفت دموعك تبين تشوفيني ضعيف ومكسور!؟
اخذت نفس ومسحت دموعها بغطاها
وقف ووقفها معه:تعالي يالغالية غسلي وجهك
قربت بسمه اللي كانت تشهد مشهدهم ودموعها تنزل بغزارة
مسحت دموعها:انا بأخذها
ومسكت يد عمتها وضمتها لها:تعالي يمه و استهدي بالله
لف طلال لعبدالله اللي يناظر امه ودموعه اربع اربع جلس بمستوى طوله وضمه بقوة له
عبدالله ببكي:ليه تبكِي امي
طلال غط وجهه بكتف اخوه الصغير:انا اسف
عبدالله:طلال مابي امي تبكي ولا انت تبكي وش اسوي عشان ما تبكون امي امس واليوم بس تبكي وانا خايف.. خايف كثير عليها
ابعد عنه ومسح دموعه بشماغه:لا تبكي وعد ماعد ابكي ولا امي تبكي
عبدالله:انت قلت لي "الايام الجاية بتكون غير وغريبة عليك لا تخاف وتحملها " انا خايف متى تروح هذي الايام
طلال بحزن وهم:بتروح عبدالله بتروح بس انت اصبر وخليك قوي عشان امي وعشاني
عبدالله:انا قوي بس امي تبكي كثيرر ماعرف اسكتها وماحب اشوف دموعها
تنهد طلال بحزن:امي حزينه بالحيل وانت لازم تصير قوي عشانها
دخلت ام طلال وبسمه اللي ساندتها وجلست وجلس بجنبها طلال وجنبها من الجهة الثانيه جلس عبدالله اللي يناظرها
لف له ومسحت على وجهه:خوفتك ياقلبي
هز راسه بلا
ومسك يدها وبأسها:ماحب اشوفك تبكين
ام طلال:سامحني يا يمه اللي ابكي عليه غالي بالحيل غالي
طلال:شلونك يمه الحين ؟
ام طلال ناظرته:بخير
تأملت وجهه التعبان والناحف:سامحني يا يمه لا زدت تعبك
باس يدها وكتفها وبرجاء:لا تقولين كذا يمه الغالي نبكي له بدون خجل بس مايبيك تمرضين من وراء هالبكي مالنا غيرك يايمه ان ضعفتي ضعفنا وان انكسرتي انكسرنا
وبحزن:انتي الدنيا واللي فيها يا الغالية لا تخوفينا عليك
بلعت غصتها ونزلت عيونها لا يشوف دموعها: بحاول يمه واعذرني لا ما قدرت
باس كتفها:الله يخليك ويطول بعمرك ولا يذوقنا حزنك
ام طلال بهمس:استغفر يمه عساي ما أذوق حزنكم وعساي الحق بالغالي عزالله مالي دنيا من بعده
طلال بضيق:بسم الله عليك يا الغالية الله يخليك لنا ويطول بعمرك انا وعبدالله وبسمه مالنا غيرك
كيف يقوى قلبك تتركينا مثل الغالي ذبحتين بالصدر توجع والله توجع يمه
ام طلال تنهد:لا إله الا الله
طلال:باخذ عبدالله معي
ضمت ام طلال عبدالله لصدرها بخوف:لا عبدالله عندي مايروح لرياجيل تبيه يشوفهم وهم يقربون له ويسمع منهم عظم الله اجرك بابوك تبي تذبحه يا طلال بهالكلمة!!
طلال بجزع:لا واللي خلقني ما هذا قصدي وبسم الله عليه يا يمه من هالشىء وخلاص يالغالية ما راح اخذه انا بس ابيه يوقف بجنبي ويسندني هذا اخوي واللي راح ابوي
ام طلال:اعذرني يا يمه بس مابي عبدالله يسمع لهم
باس راسها وقف:زين يمه انا ارجع لك اذ خفت الناس
ام طلال هزت راسها
لف لبسمه:بسمه
وقفت:الحين اشوف لك طريق
فتحت الباب وطلعت
و رجعت بعد دقيقه:تعال طلال
مشى لها
ولف لامه اللي قالت:استودعتك الله يايمه
ابتسم شبه ابتسامه لها وطلع
مشى مع بسمه اللي تناظره للباب الوراني
ولما طلع لف لها:انتبهي لامي يا بسمه
بسمه:عمتي بعيوني وان شاءلله انها فترة وتعدي وترجع مثل اول واحسن
طلال بتردد:بسمه
بسمه بسرعه:لبيه!
ناظرها ثواني وتنهد:تضميني ؟
قربت بسرعه وضمته بقوة:بسم الله عليك وعلى قلبك !!.
طلال بحزن:ليتني عبدالله يا بسمه
بسمه بخوف عليه:طلال ليه تقول كذا؟
طلال بضيق وحزن: ابي امي تمسكني عندها ولا تخليني اسمع عظم الله اجرك بابوك ولا اسمع احسن الله عزاك بابوك
بسمه:اصبر طلال ..اصبر الايام هذي بتروح بمرها و بتعديها باذن الله بقلب قوي وصابر محتسب
نزلت دمعته وبغبنة:اللهم لا اعتراض على قضائك يارب بس.. بس الموضوع متعب جداً ومهلك يا بسمه لما احد يجي وتتعلقين بوجوده وفجاة يموت ..يروح وانتي بنص الطريق اخخ يالوجع ذَا
شدت عليه بقوة وبحزن من كلامه:طلال قول اللهم أجرني في مصيبتي وأخلف لي خيرا منها واصبر طلال اصبر واحتسب اجر الصبر
في قوله سبحانه ‏﴿ والصابرين على ما أصابهم والمقيمي الصلاة ومما رزقناهم ينفقون(٣٥)﴾ سورة الحج.
بعدت عنه ومسحت دمعته:لا تضعف خليك قوي مثل ما عرفتك
غمض عيونه وتتنهد تنهيدة طويلة
باست جبينه وفتح عيونه
ابتسم لها بوهن:لو ما انتي فيه ما عرف وش بيصير لنا ! الحمدلله اللي حطك في طريقك
بادلته الابتسامه:انتبه لنفسك
هز راسه ولف ومشى
--------------✨✨✨✨
بعد يومين
الأحساء..تحديدا عند البخت
.
طلعت من الغرفة بعد ما عدلت النقاب زين ما تبي تكرر فعلتها بهذاك اليوم ويشوفها فهد..
للحين ما نست نظرته اللي صدمتها فيه توقعته بيبعد عينه مجرد ما يشوفها الا انه جلس يتأمل ما تعرف بس تحس بكرهه لحركته وخابت هقوتها فيه وبأخته اللي قالت "هو ماهو هنا"
وطلعت بعد كلمتها وبالاخير يكون فيه ويشوفها
ويتأملها بس وش تسوي العتب ماهو عليهم العتب عليها هي اللي سمحت لنفسها تطول هنا اكثر من اللازم والبيت ماهو بيتها والناس ماهم ناسها
تنهدت بضيق من تاخر امها
ليت احد من اهل ابوها يدق عليها وتطلب منه يجي ويأخذها من هنا
والله لو يزوجونها لولد عمها هي راح ترضى وما راح تسمع لامها يكفيها اللي صار لها
غياب امها ..سكنها مع ناس تصرفاتهم تزعجها ولو كانوا طيبين ويهتمون فيها الا ان بعض حركتهم ما تقبلتها ولا تبي تشوف اكثر
ناظرت للحوش الكبير واللي تحبه كثير من جاءت هنا لوسعه ..ولنظافته
مشت لدكة وجلست فيها
وبيدها الجوال وتفكر تدق على امها بس مترددة تخاف ما تلقى منها رد وترجع لشعور الخوف
بس لا ما راح تتصل بتنتظرها هي تدق نفس قبل يومين
دخلت لمحادثة متعب وشغلت تسجيل امها اللي كررته فوق الف مره
مشتاقه لصوتها ولشعور الحنان معها
مشتاقه ترجع البخت الهبله معها بس هي لحالها
مشتاقه للبدور ولخالتها
مشتاقه لشعورها اللي تحس فيه مع متعب واللي متأكده الحين انه مات وانذبل من وقت ما خيب هقوتها فيه
وقت كانت تطلب امها ويتحجج..
مشتاقه للغنم وطلعاتهم لها ولسواقة البدور المهزوزة
ضحكت بحزن لذكريات اللي داهمتها لهم
:دايمه يارب
لفت بخوف وشافت انه فهد
نزلت عيونها وبضيق:تسلم
فهد:شلونك يالبخت؟
البخت:بخير
فهد:غريبة وين خواتي عنك؟
البخت:مادري طلعت هنا ولا شفت احد قدامي
دق جوالها وشافت الرقم نفسه وحطته صامت
فهد:اذ ما تردين عشاني موجود ..انا بمشي
البخت برود:لا مو كذا بس رقم غريب ما اعرفه
عقد حواجبه:من متى يزعجك؟
البخت:من امس
فهد:هاتيه انا ارد وأتصرف معه!!!
ناظرته البخت ثواني وبعدها:ما يحتاج اقدر اتصرف بنفسي
فهد بذهول من كلمتها:ها؟
البخت:بيدق وبيطفش اذ ما شاف رد
وتكرر الاتصال على كلمتها
رفع حاجبه وتعدل بوقفته
بعد ما كان مايل على الدكه:هاتييه انا مصر يابنت
تنهدت بضيق ومدت له و بقلبها"ليتك تشوف نفسك"
اخذ الجوال وفتح الخط:وسمع الو
بصوت رجال كبير بالسن
فهد:هلا
الطرف الثاني:السلام عليكم
فهد:وعليكم السلام مين معي؟
الطرف الثاني:حمد الصايغ
فهد باستغراب:هلا امرني؟
حمد الصايغ:هذا جوال البخت الصايغ؟
فهد ناظرها:الا !!!
حمد ابتسم بفرحة بانت بصوته:مين انت؟ وهي وين ؟
فهد:موجودة بس من وين تصير لها؟
حمد:انا عمها حمد الصايغ ياليت تعطيني أكلمها
تسارعت دقات قلبه بدون شعور منه عمها... عمها حمد الصايغ
هذا عمها يافهد !!!
فاق من سرحانه على صوته
فهد:معك ..معك
ابعد الجوال وناظرها:هذا يقول انه عمك حمد الصايغ
وقفت بدون شعور منها وابتسمت:عمي؟؟
ما ابتسمت من فرحة قد ماهو شعور انتماء وأمان حسته بكلمته"عمك"
مدت يدها:أعطني اياه
مد لها الجوال بشعور مقبوض:سمي
اخذته وحطته على اذنها وبفرحة:عمي حمد
حمد:ياهلاا ومرحباا بالبخت شلونك يبه شخبارك ؟
البخت:بخير عمي بخير انت شلونك؟ وشلون صحتك وشلون عمتي والبنات ؟
ابتسم:كلهم بخير وكلهم جنبي ومتحمسين يكلمونك بس قبل لا اعطيك اياهم بقول لك شىء
البخت:وش عمي؟
حمد:انا دريت عن امك قبل اسبوع وحاولت ادور رقمك ومااستطعت الا قبل ثلاث ايام وكل ما ادق يجيني رفض وانا عرفت من سلمى انك ما تردين على الارقام وكنت برسل لك بس الحمدلله أنك رديتِ وانا بقول لك بكره بجي للاحساء واخذك عندي لين ترجع أمك وتطلع بالسلامه
عقدت حواجبها وناظرت لفهد المتكتف ويناظر للأرض ووجه واضح عليه الضيق:امي تقوم بالسلامه؟! ليه امي وش فيها عمي انت ملخبط أمي بالمدينه تقضي لبسطتنا وطولت شوي !!
ناظرها فهد بصدمه من فهم مقصد عمها
وبلع ريقه بتوتر
ارتبك عمها:ها!!
البخت:عمي وش فيك امي بخير الحمدلله لا تفاؤل عليها
حمد ناظر لزوجته وبناته:اَي بخير انا لخبطت بينك وبين بنت عمك مزنه امها تعبانه شوي ومنومه بالمستشفى
البخت:وش فيها عسى ما شر؟
حمد بكذب:شىء بسيط ارتفاع بالسكر
البخت:ماتشوف شر ان شاءالله
حمد:الشر ما يجيك مثل ما قلتك بجيك بكره واخذك زين يبه؟
البخت:ان شاءالله بس متى تجي؟
حمد:الظهر
البخت:على خير ما عليه عمي بس عطني البنات أكلمهم مشتاقه لهم حيل
حمد :اَي ابشري بس عطيني دقيقه اجمعهم واكلمك
البخت باستغراب:قبل شوي قلت كلهم عندي؟
حمد بكذب :اي بس دخل عمك صقر وراحوا له
البخت ابتسمت:زين عمي انتظركً اذ طولت دقيت عليك
ابتسم:زين يبه مع السلامه
سكرت منه ولفت لفهد وهي مبسوطة
حاول يبستم لها وماقدر:عمك وش قال لك؟
البخت تنهدت براحة:بيجي بكره وبياخدني
عقد حواجبه:بكره وانتي تبين تروحين ؟
البخت:اَكيد ايه طولت عندكم كثير دور اني اروح لاهلي وناسي
فهد:بس احنا ما عندنا مشكلة ولا أعتراض بالعكس مبسوطين فيك؟
البخت ابتسمت:ادري والله وماقصرتوا عديتوني مثل بنتكم واكثر بس الغريب يبقى غريب وانا عندي اهل وناس ملزومين فيني
فهد بضيق:مانتي غريبه يا بنت
البخت:ماعليه بس شعور وكنت احس فيه المهم اني بروح اجهز شنطتي وأودع البنات وامك
فهد:هو قال شىء عن امك؟
البخت بتفكير واستغراب:تصدق قال الله يقومها
بالسلامه !! يمه يالخوف اللي حسيت فيه قسم بالله حسيت قلبي بيوقف بس طلع الله يهديه ملخبط بيني وبين مزنه بنت عمي
فهد بغموض:الله يهديه ....