ياختيار القلب قبل العين🥹✨

البارت ٤

🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 31 ..

📚 😍 📃
📖 روايـــــــــــــة ✍🏼
{ يا اختيار القلب قبل العين }

📖🖌 @storykaligi 🌸🍃

عند طلال وبسمة ..
بعد ربع ساعه انتبه للكوشك اللي قالت عنه وشاف لوحه او بمعنى اصح كرتون مكتوب عليه"قهوة عبدو بريالين":هذي؟
بسمه ببتسامه:اييي
وقف عنده وفتح الدريشة اللي من جهته:السلام عليكم
لف له الشايب اللي كان جالس وراء طاوله وفيها زمزميات قهوة وشاهي وأكواب وعلب مويه على الطاولة والفاضي منها على الارض
ابتسم له:وعليكم السلام يااهلاً
طلال:هلا فيك كيفك ياعم؟
الشايب واللي كان اسمه صادق:الحمدُلله بخير
ايوه ايش تِبغى؟
طلال:بغيت زمزميه قهوة وشاهي
صادق:دحينا أجيبوا وايش كمان؟
طلال:وياليت الأكواب معها
ابتسم الشايب صادق ولف واخذ زمزميه قهوة وشاهي وثلاث أكواب ومده له بدون كيس
اخذها طلال ومدها لبسمه ولف له:بكم حسابك؟
الشايب صادق:ب78 ريال
طلع من بوكه 100ومده له:سم والباقي حلال عليك
ابتسم الشايب صادق:الله يرزقك من اوسع ابوابه
ابتسم طلال ومشى
بسمه شمت ريحه القهوة اللي فاحت بالسياره وكانت زعفران وهيل:عمي يمدح قهوته بس ما توقعتها ان حتى ريحتها حلوة
ناظرها طلال وابتسم:ناخذ العشى الحين؟
بسمه:اَي بس قبلها نمر اَي بقاله قريبه
طلال:نمرها ليش م نمرها
دقايق ووقف عندها ولف لها:وش بغيتي؟
بسمه:ابي شوكلاتات للقهوة
طلال:على خشمي ونزل
ابتسمت برضا لليوم اللي أهداه لها طلال كثير عليها رضاه بكل كلمه تقولها وخاصه وانها كانت من بيت تسمع كلمه" لا "بكل طلب تطلبه وكانت تضيق وتنقهر لدرجة ساعات تنام وهي تبكي منهم
بس طلال لا كل شىء تطلبه يقول سم وابشري وهذا غير ابتسامته اللي دقايق تخجلها ودقايق تنبسط منها هدوءه لطيف وكلامه وان كان قليل بس يبسطها لانه اصلا م يقول الا اشياء هي تبي تسمعها من زمان مثل"سم وابشري"
ولما قالت له عن المكان اللي تتمنى تروح له صح تعجب بس وافق و أعجبته فكرة المكان وهذا اللي واضح عليه لما اشترى القهوة
قطع سيل افكارها دخوله وبيده اكثر من كيس
لف لوراء وحطها ولف لقدام وشغل السياره ومشى:تاخرت؟
بسمه:لا ..طلال مو كان الاغراض كثيره
ابتسم:لا واصلا كنت بجيب اكثر بس قلت بيفكرني راعي البقالة ارهابي اخذ الاغراض وارجع لمكاني السري
ضحكت:يوه
طلال بضحكة:اجل وش على بالك
بسمه: لاحول بس
طلال لف لها:بالله
انحرجت من نظراته ولفت لدريشة وهي تتمنى انه يبعد نظراته عنها لان حالياً م تبي تنحرج او تخجل ودها تعيش اللحظة عشان تقصها بعدين لعمانها
لف لقدام وهو مبتسم منها
-بعد اربعين دقيقه
وقف وطفى سيارته ولف لها:ها ننزل؟
بسمه:اييي
نزل ونزلت معه وهي تتلفت مع العلم المكان كله ظلمه بس اول مره تشوفه بالوقت هذا
للحظه خافت وحست انها استعجلت لما اقترحت هالمكان
لفت عليه وشافته يفرش الفرشة بعد م طلعها من المرتبة اللي وراء وقربت منه وبخوف:م توقعت البر بالليل يكون بهالشكل مرعب
ضحك وانتبه لها تقرب منه:هذا المكان اللي اقترحتيه ياعيني
بسمه:مو نفس ما تخيلته
جلس طلال بعد ما نزل الاغراض كلها والاهم الكاشف الكبير واللي حطه فوق الكبوت حتى ينور لهم:وش تخيلته؟
جلست وتلفتت حولها:ظلمت البر تخوف
ابتسم ومسك يدها:ارتاحي انا معك
بسمه لفت له:ما نطول تمام؟
ضحك واخذ نفس:بسمه ريلاكس
بسمه بضيق:كانوا يمدحونه كثير و يقولون عنه إشعار وقصائد
طلال:هذا عشانك اول مره تروحين له بس تهدين وتتعودين على الظلمه اللي حولنا بتشوفين السكون والهدوء وتسمعين صرصور الليل بعد وضحك بدون لا تنتبه
كانت تلتفت كل شوي وتتنهد
وكان هو مركز معها وينتظرها لحتى تهدأ
بس بسمه ما هدت ولا خف خوفها
قرب منها وحط يده على كتفها يشتت فكرها:بسمه
لفت له بأحراج من ايده اللي حول كتوفها واللي حاولت تنزلها بس هو كان يرجعها لكتفها
ابتسم:صبي قهوه
نزلت يده ورجعها لكتفها بعناد
اضطررت انها تصب له وتتغاضى عن يده اللي على كتوفها:سم
طلال:سم الله عدوك اَي يابسمه وش من سواليف نقولها؟
بسمه وهي تحاول تنزل يده:عن لندن
عقد حواجبه:لندن ليه؟
بسمه:مدري بس سولف عنها احسها حلوه
ابتسم وتربع بجلسته:شوفي هي حلوه ما اختلفنا بس تراها ولا شىء جنب جمال ديرتنا
ناظرته بنص عين:اممم صدق والله؟
ضحك بقوة:جزاي اني ما ابيك تتحمسين لها
بسمه ابتسمت: تطمن ما راح اقول ودني لها
ناظرها وابتسم:وليه؟
بسمه بذهول:انت تقول ما ابي احمسك عشان متوقع بقول ودني لها واختصرتها عليك وقلت مو قايله
طلال:طيب يمكن ابيك تروحين لها معي بقادم الايام..ما تبين؟