ياختيار القلب قبل العين🥹✨

بارت ١١

ولفت ومشت وهي معصبة ومقهورة لا هي اللي غسلت وجها ولا هي اللي تعرف الوقت ولا هي اللي طايقته وطايقه نفسها
ولفت له من تذكرت شىء:قسم بالله تقرب من اخواني او تكلمهم قتلتك فاهممم
ودخلت اخوانها ودخلت
جلست على السرير وهي تتنفس بسرعه من العصبية
إياس:إبـراق
ناظرته بدون لا تتكلم
إياس:الساعه ٩الصبح ما راح تغسلين وتصلين!
توسعت عيونها بصدمه:9 الصبح كيف نمت هالوقت؟ من امس نايمه؟
إياس بهدوء:صحيتك كثير بس انتي ماصحيتي
وقفت:بعدين نكمل
طلعت وما شافت احد بالصاله وتذكرت ولفت لإياس:وين الحمام!
مشى ولف لسيب على الجهة اليسار:هنا
دخلت وبعد 15 دقيقه طلعت
وجها مبلل ماء وجواربها" الله يكرم القارى "بيدها
دخلت الغرفة وهي تهمس:بردد
تلفتت تدور سجادة وما شافت شىء اخذت جاكيت من الشنطة وفرشته على البلاط كبرت بعد ما عدلت حجابها
انسدح إياس وانسدحت جنبه آيه الساكته
ابتسم لها إياس
آيه:إياس عزام not good!
إياس:لا جيد بس إبـراق شوي معصبة منه
آيه:why!
إياس:لانه سوا شىء غلط
آيه:طيب انا اعصب عليه بعد!
إياس ضحك:لا هو خلاص قال اسف
آيه:برد
إياس مد يدينه وضمها:الغرفة هذي باردة اكثر من الصالة
سكت إياس وناظر لسقف وتنهد بضيق قبل ساعات كانت حالته مثل إبـراق واكثر كارهه ووده يقتله "برصاصه بدون تردد"
مثل ماقال الريس فعلته للحين يتذكرونها سكوته وهروبه واختفائه عنهم بعد كل اللي شافه زرع حقد وانتقام بقلبه وبقلب اخته إبـراق يا كم ليله شاف اخته تبكي فيها على امل يجي ومعه فرقته ويساعدونهم
ياكم ليله انتظروا فيها حضوره
ياكم ايام تروح وهم محسنين الظن فيه
وكلهم امل يجي ويسجن الريس
وخاصه وان المعلومات اللي معه كلها تدين الريس الين جاء هذاك اليوم
وقت أعلن الريس موته
وقت أأكد لهم هالشىء بمقطع فيديو سجله احد اتباعه وقت عرف انه جاسوس وانه من الاستخبارات السعودية ما ينكر انه لما دخل امس ما عرفه بسب التغير الكبير بشكله لحد قبل ساعة بعد ما عرف عن نفسه
وقال له كل شىء و وضح سوء الظن وما يعرف اخته متى تسمع له مثل ماهو سمع له
جلس من انتبه لأخته اللي سلمت من اخر صلاة
وهي تستغفر وتكبر وتهلل
لفت له ونزلت حجابها: فطرتوا؟
إياس:اَي
هزت راسها وقامت و نفظت الجاكيت وحطته على الشنطة وانسدحت بجنب آيه اللي نامت من الهدوء والسكون والاهم البرد
باست إبـراق بيدها وخدها وجبينها وغمضت عيونها
إياس:ما راح تأكلين شىء؟
إبـراق:لا
إياس بهدوء:عمي رجع لامستردام
ناظرته بصدمه:ايش؟
إياس:فارس امس قال لنا كذا
إبـراق:كيف طيب!
بتردد:وقال..ان جدي هنا
فزت بقوة شهقت:جدي؟
حطت يدينها على راسها بصدمه:جدي هنا !!
إياس:اَي ويمكن يدور علينا قلت بنفسي ان عمي مرسول من جدي ولما هربنا منه جاء جدي بنفسه
إبـراق بخوف وذهول:ياويلنا يا إياس ياويلنااا
إياس بقهر:لا تخافين انا معك وفارس معنا و مايقدر جدي يسوي شىء مثل قبل
إبـراق هزت راسها بخوف وعدم وعي:لالاا ما راح يخلينا بيدور علينا ويمكن يخليني ادخل السجن غصب لازم نهج يا إياس ..لازم يطلع عمي الباسل
اي لازم نهج لسعودية ونطلع الباسل هو بيحمينا منه
إياس مسك يدينها اللي شاده فيها شعرها:إبـراق
إبـررراق
إبـراق بكت:جدي جدي ماراح يخلينا بياخذكم مني بيحرمني منكم انا وشلون أعيش بدونكم إياس ما راح يخليكم عندي اذ عرف اني تزوجت بدون علمه
إياس بعصبية:ما يقدر اهدي احنا كبرنا وصرنا نفهم ومستحيل نتركك
إبـراق هز راسها بلاا وبجزع:بيلقانا اكيد بيلقانا باقل من اربع وعشرين ساعه بياخذكم غصب عني ايه بياخذكم لان ما يقدر يأخذني عشاني تزوجت
لازم نهج
وكانت بتوقف تاخذ الشناط بس سمعت صوته:ما راح اسمح له لا تخافين
ناظرت للباب وله تحديدا وبخوف؛جدي بياخذهم
دخل وتقدم منهم وجلس نص جلسه قدامها:من قال ؟ وليش ياخذهم ؟ انتي اختهم و اولى فيهم منه
إياس:احنا كبار ومستحيل نترك له مجال يأخذنا منك
إبـراق هزت راسها لا:ما تعرف جدي هو اللي خل الريس يدخل حياتنا حتى وهو اكبر مروج مخدرات واسلحه
ناظرت لفارس وبخوف:بياخذهم والله العظيم
فارس:والله العظيم ما راح يأخذهم
إبـراق برجاء:خلينا نروح لسعودية عمي باسل هو اللي بيوقف بوجهه هو اللي ما راح يسمح له يفرقهم عني
فارس بقهر:حلفت لك ما راح ياخذهم ليش مو واثقه بكلامي ؟
إبـراق برجاء:عمي باسل بيوقف بوجهه
فارس وقف وبعصبية:اذ هديتي وبطلتي هالافكار تعالي لصالة
ناظرته إبـراق
تنهد ومسح دموعها:وعد ما أخليه ياخذهم منك وأنا مستغرب شلون فكرتي بهالشكل ..
إبـراق بعدت يدينه ومسحت الباقي من دموعها: جدي اعرفه اكثر منك
فارس:وانا اعرفك
لفت وجهها عنه وبتردد:وعدتني ماياخذهم خلك عند وعدك
ابتسم:وانا عند وعدي تعالي افطري يالنوامه اجل من امس نايمه
إياس ناظر لأخته:وانا ماني مخليك
ناظرته إبـراق وببكي:ان خليتني ما راح أسامحك تفهم
إياس مسح دموعها:لا تبكين ما راح اخليك لا انتي ولا آيه
باست جبينه وناظرت لفارس المبتسم
ولما انتبه لنظراتها:تعالي افطري وطلع لصالة
جلس وسرح بجدها اللي وصل له للمركز وقدم بلاغ لاختفائهم وش مقصده من حضوره لعندي؟
هل ياترى يعرف انهم عنده ويبي يختبره او فعلا ما يعرف وطلب منه عشانه سعودي!؟
هز راسه بـلا من الفكره وحس انها بايخه انتبه لها تجلس بعد ما نزلت آيه على الكنبة ولحفتها
فارس:ليش ما خليتيها بالغرفة؟
إبـراق:الغرفة باردة
فارس باستغراب:باردة!!
إياس:اَي من امس وهي باردة
فارس لف على إبـراق:كيف ما انتبهتي وانتي من امس نايمه فيها
إبـراق: اهم شىء ان في غرفة
فارس وقف:دقايق
مشى لآخر شىء من الصالة لعداد الكهرب وجهاز التدفئة،وشاف انه حق الغرفة خربان
تنهد بضيق ورجع للجلسة:طلع خربان
شاف الوقت بساعته:بجيب العمال وارجع
إبـراق بهدوء:ما يحتاج
رفع حاجبه:عشانك نايمه من امس ما راح أشره على كلمتك
ضحكت بدون شعور:حاسدني ؟
ابتسم لضحكتها:ما عرفت انك نوامه
إياس لف لأخته:تراي معلمه انك اذا خفتِ تنامين وقت طويل وانصدم
لفت لاخوها باحراج وبهمس:ليه تقول له
إياس ببرود:عادي انتي كذا اذ خفتِ وتاكدت انك بأمان تنامين ويمر يوم كامل وانتي نايمه
فارس: ما صدقت اخوك امس وهو يقولها لي الا لما شفت بعيني
إبـراق:ماكنت كذا
فارس:ارجع ونكمل
ومشى بيطلع بس وقفته إبـراق وهي مستغربة : بتجيبه صدق!!
لف لها وبنفس استغرابها:ايي ليش؟
إبـراق:بكيفك بس علمتك انه مو مهم
ابتسم وطلع
لفت لاخوها:ليه تقول له عن نومتي ؟
إياس ناظرها وبطفش:عادي زوجك
إبـراق بقهر:ولا كلمه
وقربت بتآكل بس تذكرت ولفت له :إياس ما سالته عن عمي وكيف راح لامستردام وشلون جدي جاء وعرفه؟!
إياس:اذ جاء بيقول لك ماهو بناسي
إبـراق:ما راح تاكل معي؟
هز راسه بلا وانسدح على الكنبه:هنا دفاء
ابتسمت:نام طيب جنب آيه الا صح انت كم قمت الساعه ووش صار امس ؟ووش سويتوا؟
إياس غمض عيونه:اذ صحيت علمتك
--------------✨✨✨✨
بعد يومين
الرياض تحديداً عند طلال
.
دخل للمستشفى بسرعه وقلبه يدق بقوة
تلفت يمين ويسار بتشتت وركض للاستقبال وبخوف الدنيا:خالد الخالد باي غرفة!!
ناظره باستغراب اللي واقف بالاستقبال:ثواني
طقطق بالكمبيوتر اللي قدامه وثم رفع عيونه : بالعناية المشددة رقم٦ بالسـ..
ركض بدون لا يسمع الباقي
استغرب الموظف وخاصه وانه لابس اللبس العسكر
رفع كتوفه وكمل شغله
كان يركض ويسال كل من يصادفه وين العناية 6 و يردون عليه بالوصف الين وصلها وشاف امه و عبدالله وبسمه
وقف قدام امه وبخوف:يمه ابوي !
بصوت مبحوح من البكي:ادخل يمه ادخل
ناظرها طلال وناظر لبسمه اللي منزله راسها وتبكي
دخل بتردد ومسح على وجهه
كانت قدامه الممرضة ومدت له اللبس المخصص نزل قبوعه ولبس اللبس الاخضر ومدت له يدها لقدام
وقف ثواني ومشى بخطوات مترددة ودخل وشافه على سريره والأسلاك بكل مكان بجسمه انتبه له يناظره وحاول يبستم له وما قدر
ابتسم له ابوه وبصوت شبه هامس:طلال يبه
تقدم له:يالبيه
ابو طلال بنفس ابتسامته:ماعدني بسمع هالكلمة منك يا يبه
دمعت عينه واخذ يده وباسها: لا تقول كذا عسى الله يطول بعمرك يالغالي
ابو طلال كح بتعب ورفع راسه وبألم:امك واخوك يا طلال لا يصيبهم من مر الحياة شىء
طلال دنق وباس راسه:يبه لا توصيني طلبتك
رفع يده بتعب وحطها على ظهر ولده: اخبرك يا يبه انك قوي لا تنزل دموعك وتخليني اخر شىء اشوفها ارفع راسك وامسح هالدموع
رفع راسه وزادت دموعه:يبه لا تقولي هالعلوم والله ماني بحملها انت بتطيب هي صخنه خفيفه وبتروح وبترجع معنا للبيت باذن الله وبأخذ اجازة وبنروح نعتمر نفس ما تمنيت
ابتسم ورفع يده ومسك يد طلال وحاول يشد عليها وما قدر من التعب: ما الله قالها يا يبه الظاهر ان اخر مكان لي هنا انتبه يا طلال لامك واخوك وزوجتك
وكح بتعب: زوجتك لا تقهرها يايبه بدون شعور منك ، ولا يدخل الشيطان بينكم البنت اجودية وأصيلة انشهد يا يبه ان اكبر حظوظك هي قدرها و عزها وكون لها السند والأمان يبه يا طلال لا يشغلك شغلك عن اهلك ولا تخليه قدام عيونك وتهملهم انتبه يبه انتبه ..
طلال ببكي وصوت مبحوح:يبه لا تقول كذا رجيتك عسى الله يطول بعمرك وتشوفنا قدامك نكبر وتشوف عيالنا
ابتسم ابو طلال:طلال يا ولدي البكر ويافرحتي الاولى الدنيا دار ممر ‏و الآخرة دار مقر ‏تحمل أَذى الممر عشان توصل لـدار المقر
مد يده ورفعها لوجهه ومسح دموعه:لا تبكي انت سند اخوك وأمك وزوجتك لا تضعف وتنكسر واللقاء بدار المقر ان شاءالله
زادت دموعه:يبه لا تروح والله اني ضعيف وكسير اذ خليتني انا قوي عشانك أبوي تكفى لا تخليني والله اني ماني حمل فراقك .. يبه خلك قوي وخلك معنا رجيتك يبه
نزلت دمعت ابوه:لا تقول كذا يا طلال انت ان شاءالله انك قوي وصابر والفراق لا بد منه
وبتشديد:اخوك يا طلال انتبه له لا تهمله عوضه وخلك له الأخو والابو
كح بقوة اكثر من مره:صلاتك يا يبه لا تهملها و دينك يبه لا يضعف ويهتز خلك مثل ما ربيتك وخلني فخور فيك وانا بقبري
ورفع يده بالم وتعب:امك انتبه لها و عوضها عن فراقي وقول لها تسامحني
ابتسم بالم:انشهد انها كانت الزوجة الصالحة
كح اكثر من مره واحمر وجهه
طلال بخوف: يبه لا تتكلم ارتاح
وبعجز رفع إصبعه بوهن:اشـهد.أن لا إله الا الله و اش.ـهد ..وأشـ.هد أن محمـ.د ..ر.سول الله
وارتفع صوت جهاز القلب و استقام الخط المتعرج
ارتجف طلال مع صوت الجهاز ومسك يد ابوه اللي طاحت :يبه يبه تسمعني ..يبه رد علي لا تخليني. طلبتك.رجيتك يالغالي لا تخليني والله اني ماني بحمل فراقك قوم يبه قوم انا احتااجك قدامك سنين تعيشها معنا عبدالله يبه متعلق فيك انا كيف اخذ مكانك امي يبه أمي خايفه عليك قوم و طمنهاا عنك انا مقدر اقول لهااا والله مقدر يبه تكفى قوم يبه .. يبه قوم عشاني انا ماعرف أعيش حياة انت منت فيهااا
دخلت الممرضة من صوته وشافت جهاز القلب و قاست نبضه وتاكدت انه فارق الحياة
الممرضة الهندية :وقت الوفاة الجمعة الساعه4 الدقيقة 50 و4ثواني
الوقت:فجراً
بكى طلال ودنق وغط وجهه بيدينه و دخلوا ام طلال وبسمه وعبدالله. اللي ركض لابوه وضمه و ينادي عليه عشان يقوم
ارتبكت الممرضة وحاولت تطلعهم ماقدرت وخاصه و انها ما تتقن اللغة العربية وطلعت تنادي الدكاترة والأمن
ضم عبدالله ابوه وببكي:يبه لا تنام قوم يبه لا تخليني انا ابيك قوم
انهارت ام طلال وطاحت بالارض وشدت عبايتها على صدرها وهي تردد:راح الغالي .. راح اهلي وعزوتي ..راح وخلاني راح خالد راح انا وشلون اعيش من بعدك ياخالد ياكبر حسرتي يا خالد من بعدك اه ياكسر ظهري واه ياكبر فقدي راح خالد يا ويل حالك ياحصه من بعده .. راح خالد يا حصه يا كيف حالك بدونه
دنقت بسمه عليها وضمتها وهي تردد:قولي انا لله وانا اليه راجعون ياعمتي تكفين لا تسوين بنفسك كذا والله ما يصير استهدي بالله وقولي لا اله الا الله
جلس بجنبها طلال وحط راسه على كتفها وبكى معهااا
ناظرته بسمه وانفطر قلبها عليه ولا عرفت هي تهدي امه والا هو والا عبدالله اللي ضام ابوه ويبكي تمنت احد يجي اي احد بس يساعدها ويهديهم
بسمه مسحت دموعها الا انها تزيد كل مامسحتها: طلال لا تسوي بنفسك كذا رجيتك
الا انه ما سمعها ولا حتى رفع راسه ناظرت لعبدالله اللي يكلم ابوه" يبه قوم لا تنام قوم يبه انا ابكي امسح دموعي مثل دايم"
بعدت عمتها عن حضنها ولفت لولدها وضمته اكثر وهي تقول ودموعها مغرقة وجها ورقبتها و شيلتها:راح الغالي يا طلال وش يجبر كسري يا طلالل علمني انا كيف بعيش من بعده يا طلال كيف!!
ضمها بقوة وخبى وجهه بصدرها يبكي فقد ابوه ودموع امه
ولما قامت بسمه لعبدالله
دخلوا اثنين من الدكاتره ونفسها الممرضة
انصدموا من حالتهم الدكتورين وعرفوا السبب من جهاز القلب واللي يبين نبضات قلب المريض مستقيمه دليل على انه فارق الحياة
تقدم الدكتور من الولد اللي حضن الشايب و اخذه الا ان عبدالله كان متمسك بابوه ويصارخ:خلني هذا ابوي .. يبه .. يبه قوم لا تنام
تنهد الدكتور بحزن: لا حول ولا قوة الا بالله ما يصير يا يبه هالكلام تعوذ من ابليس وتعال معي
تقدم الدكتور الثاني و غطى ابوطلال ولف لطلال اللي وقف ويمسح دموعه اللي كل ماله وتنزل تقدم منه وحط يده على كتفه:قال تعالى: وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ )
قُل انا لله وانا اليه راجعون
غمض طلال عيونه ونزل راسه وبهمس:انـ.الله و ان.ـا اليه راجعـ.ون ..
وقفت بسمه عمتها اللي تبكي وتنوح ومشت فيها بره الغرفة
الدكتور الثاني تقدم منه وبمواساة:الله يرحمه و يغفر له ويعظم اجركم ..انا لله وانا اليه راجعون
طلال بصوت مبحوح وغصه حاول كثير يخفيها: امين ..امين
ناظر الدكتور لدكتور اللي يناظر طلال بحزن و كانه عارف وش معنى الفقد:دكتور خالد ياليت تطلب من الممرضين يحددون وقت الوفاة و ينقلونه لثلاجة حتى ذويه يودعونه
ناظر طلال لدكتور خالد ونزلت دموعه غصب عنه: اسم ابوي خالد
ضاق صدره عليه وضمه له:لاحول ولا قوةالا بالله
خلك قوي عشان أهلك اللي برى كلنا فقدنا وكلنا خسرنا غاليين الا انّا محتسبين الأجر وصابرين و مؤمنين انها دار فناء وان الجنة دار المستقر احتسب الأجر وردد لاحول ولا قوة الا بالله و أوقف مع اهلك لا تخليهم والبكى ما رجع الغالين يا ولدي ما رجعهم ولو بكينا دهر وعمرنا كله
بعد عنه وباس راسه وربت على كتفه:هالله هالله بأهلك وكون مكان ابوك وعوضهم عن فراقه و عظم الله اجركم بفقيدكم
هز راسه طلال ومسح دموعه وهمس :اجرنا واجرك والله يجزاك خير
طلع طلال لامه اللي تبكي بالسيب وبحضنها عبدالله و بسمه واقفه بجنبهم وتبكي
تقدم من امه ودموعها تنزل:يمه استهدي بالله
وقولي لا اله الا الله
باس راسها وهمس على كتفها:لا تضغطين يمه و الله اني احتاجك واحتاج تقويني
امه ببكي رفعت راسها :لا اله الا الله محمد رسول الله
طلال:امشي معي يمه للبيت وبرجع لهم عشان إجراءات الدفن
ام طلال غطت عيونها بشيلتها: بودع رفيق العمر والروح بشوفه ياطلال اخر مره طلبتك
مسح دموعه طلال اللي نزله:يمه تكفين لا تسوين بنفسك كذا خليني ارجعكم للبيت وارجع هنا عشان الإجراءات
تقدمت بسمه ومسكت عمتها من كتوفها: مشينا يمه خلينا نرجع عشان ترتاحين شوي
ام طلال:ابي اشوفه يا ولدي
نزل راسه وبحزن:بحاول بس نرجع للبيت و ترتاحين واجي أخذك مره ثانيه
هزت راسها
لف لعبدالله اللي حاول كثير يتجنبه ما راح يقدر يواسيه وهو بالحاله
اثنيناتهم فقد ابوهم وانكسروا على فراقه يبي يبعد شوي حتى لو ساعه يلملم شتاته وكسره و دموعه ويرجع لهم
جلس بمستوى طوله: عبدالله
بعد يدينه عن وجهه وناظر لأخوه وبانهيار:ابوي ليه ماقام انا بكيت بس هو ماقام طلال ابي ابوي
نزلت دموعه طلال ولف وجهه عنه ثواني ومسح دموعه ولف له وضمه:ابوي راح لمكان احسن بكثير من هناا
عبدالله ببكي:ليه يروح حنا ما زعلانه ليه ما اخذنا معه
طلال بصوت مبحوح:بنروح بس مو الحين لا تبكي ياخوي لاتبكي
مسح دموعه له: الرجال ما يبكي
عبدالله ناظر وجهه ومسح دموعه:انت بعد تبكي
طلال ابتسم شبه ابتسامه
عبدالله ناظر امه:امي تبكي بالحيل
ضمه طلال بقوة: لا تخليها تبكي وخلك معها انا وانت اللي بقينا لها
بعدّ عنه ومسح على راسه:خلك قوي ولا تبكي وخلك معها الايام الجاية بتكون غير وغريبة عليك لا تخاف وتحملها فاهمني؟
عبدالله هز راسه
باس راسه و همس بحزن:انت في ذرى وجهي و جاهي من صدوف الوقت والدنيا واهلها يا خوي انت وصية الغالي عساني اكون قدها
بعد عنه ووقف ولف لامه:مشينا يمه
ناظرته:ما راح تخليني أودعه يا يمه انا طالبتك لا تدفنونه الا بعد ما أودعه
طلال بتعب:ابشري بحاول بس أمشي معي يمه خليني ارجعك عشان الحق اجي هنا واكمل اوراقه واعلم عماني
نزلت دموعها ومشت مع بسمه وهي تكرر"
مرحوم ياللي غيّب الموت زوله
‏يبكي عليه القلب والعين تبكيه"
وصارت تكرره لين وصلت للبيت ونزلت ونزل طلال معها وهو يمسكها لين دخلها لغرفتها وتأكد انها هدت
طلع ودخل غرفته وبدل لبسه لثوب ابيض وطلع يروح للمستشفى بدون لا يشوف بسمه اللي مع عبدالله وتهدي فيه
--------------✨✨✨✨
لندن تحديدا عند إبـراق
.
بلعت ريقها وشدت على شنطتها وعيونها بالارض
تذكرت امس"
كانت مع إياس بغرفة فارس وتساله عن اللي صار وقت نامت وكان يقول لها ماصار شىء مهم الا اللي قاله
وسكتوا لما دخل فارس
حاول يبستم لما ناظروه وما استطاع
إبـراق ناظرته باستغراب من وجهه اللي باين فيه الضيق!
إياس:العامل اللي جبته صلح الجهاز مشكور
فارس بتسليك:زين انا كنت بجي معه بس صار شىء بالمقر ورجعت له
إبـراق:اَي إيمن هو اللي وقف معه
هز راسه وسكت يفكر كيف يقول لها!!
إياس ناظر لأخته اللي تأشر له ورفع حاجبه
إبـراق بابتسامه:إياس شوف آيه وش تسوي بالصالة!
إياس:مع إيمن عادي
إبـراق:حتى ولو روح شوفها
ناظرها ووقف وطلع
ناظرت إبـراق لفارس:فيك شىء؟
فارس مسح على وجهه ولف لها بكامل جسمه:اَي
إبـراق باستغراب:وشهو؟
فارس:الريس
بخوف:طلع؟
فارس:لاا
إبـراق تنهدت براحة
فارس كمل:يبي يشوفك
إبـراق رفعت راسها بخوف:ليه!
فارس:ما اعرف بس رفض يطلب له محامي الا بعد ما يشوفك
إبـراق بذهول:كيف يعني طول المدة اللي تحققون معه كان بدون المحامي الخاص فيه؟
هز راسه باي:هو مو مهم وخاص وان كل شىء يدينه بس ..
إبـراق:وش فارس؟!
فارس:بداية التحقيق طلب يشوفك بس انا رفضت بدون لا ارجع لك والحين بعد ما خلصنا وننتظر يوم المحكمة طلب مقابلتك ورفضت بس
رفع عيونه لها وبتفكير:قال اذ تعرف هاستن راح توافق تقابلني بدون ما يكون لك اَي تدخل
توسعت عيونها بصدمه
ناظر لملامحها المصدومة وسكت
نزلت راسها ونزلت دموعها
انصعق من دموعها اللي ما كانت على باله:إبـراق تبكين؟
رفعت يدها وغطت وجهاا كيف نسته ؟ شلون ما فكرت فيه !!
رفع وجها بيده:إبـراق
ناظرته وببكي:ليه فارس الريس ما يخليني بحالي
انا والله تعبت منه
مسك يدها:ما راح اخليك تقابلينه ارتاحي ولا تبكين
هزت راسها بلا:ما راح يترك هاستن هو قاعد يهددني فيه فارس انا وش اسوي !!!
فارس باستغراب:ومن ذَا هاستن
إبـراق بعد ثواني :متى اشوف الريس!
فارس بذهول:بتقابلينه؟
مسحت دموعها:اَي"