ياختيار القلب قبل العين🥹✨

بارت ١٠

كتبت الرقم وحطته على اذنها تنتظر الرد
دقايق و سمعت"الو"
.بلعت ريقها وبهدوء:الو
متعب باستغراب من صوت البنت:هلا مين؟
البخت:هذي انا البخت
سكت متعب ثواني وقال:هلا البخت شلونك
البخت:بخير انت شلونك ؟
متعب:بخير الحمدلله
البخت بضيق:امي وين يا متعب!
سكت متعب
وكملت البخت:ليه ما ترد على رقمي؟
اخذت نفس طويل:ابي اكلم امي متعب عطنيها لو سمحت
متعب:الحين ماهي عندي بعد نص ساعه ادق عليك وتكلمينها
البخت بقهر: متعب وين امي انت تقول كذا لانها ماتبي تكلمني صح
متعب:والله امك مو عندي اذ جاءت خليتك تكلمينها
البخت بنفاذ صبر:طيب ليه ما تردون على رقمي لا انت ولا امي البدور تقول اذ دقيت عليك راح ترد والا بطنش ليه يا متعب ؟
متعب:اعذريني يابنت الخالة بس كنت مشغول
البخت ناظرت لفهد اللي مكتف ويناظر للأرض
تنهد:امي زعلانه مني متعب قول الصدق الله يسعدك
ابتسم:والله مُب زعلانه منك وانها هي بعد مشتاقه لك بس مشغولين يا البخت اصبري علينا
البخت:طيب سجل لي صوتها ابي اسمعه بس
متعب:ابشري بس ما أوعدك ان اسجل اليوم
البخت:لا تكسرني متعب طلبتك سجله لي اليوم
متعب:ان شاءالله
بلعت ريقها :ورد على رقمي لا تخليني اكلم من رقم غريب ثم ترد
متعب:ان شاءالله تبي شىء ثاني !
البخت:لا بس صوت امي
متعب:ابشري ..مع السلامه
البخت سكرت ومدته لفهد مسحت دمعتها اللي نزلت من ردود متعب وبروده معها
فهد:شلونها !
ناظرته ورفعت كتوفها بحزن:تصدق مدري متعب ما أعطاني رد يريحني ويطمني عليها
فهد:ماعليه يابنت اكيد انه مشغول بشىء ولا مركز بالمكالمة
نزلت دمعتها:بس رد عليك وما رد علي
سكت ولا عرف وش يقول
البخت مسحت دموعها:انا اسفه آخرتك
ابتسم:فداك انتي بس لا تتضايقين
هزت راسها وبأمتنان:مشكور
فهد بمزح:كم مره بتشكريني
ناظرته وابتسمت
لبس نظارته:تبين شىء !!
البخت:لا ما قصرت
فهد:اجل اسلم عليك
البخت :مع السلامه
ناظرته وهو يركب سيارته ويفتح البوابة و يطلع
تنهدت وهي فعلاً ممتنه له كثير ولفت تدخل وتنتظر متعب يسجل صوت امها .
--------------✨✨✨✨
نرجع للندن _عند إبـراق
بعد ساعة..
عقدت حواجبها بضيق من جوالها ورنينه تقلبت لجهة اليسار ورجع دق
وتكرر الاتصال مرتين وطفشت وقامت
اخذته بدون لا تشوف الرقم وبقهر:ماذا .. ماذااا تريدون!
عقد حواجبه فارس وبعد الجوال عن أذنه شاف الرقم باستغراب "يمكن مو رقمها!"
رجعه لاذنه وبهدوء:إبـراق سليمان!
ابعدت الجوال عن اذنها وشافت انه رقم غريب!! :نعم من انت؟
ابتسم وجلس على كرسيه وراء مكتبه:زوجك
إبـراق اخذت نفس طويل و رجعت انسدحت و بصوت ميت نوم:ليه تاخرت بالاتصال
استغرب وابتسم لاشعوريا:كنتي تنتظرين اتصالي؟
إبـراق:اييي
فارس:ليه؟
إبـراق:ابي اقول لك لا تجي اليوم لشقه و اخواني ما راح يداومون
فارس بتعجب:ليش؟
إبـراق:عمي يوسف عندنا
ابتسم:عيب عليك كنت بتخليني ما اشوف عم زوجتي !
إبـراق:اول شىء مالك دخل بعمي ثاني شىء عمي ما يعرف اني متزوجة ثالث شىء والاهم عمي جاء عشان موضوع وبيرجع
فارس:ليش ما يعرف؟
إبـراق تثاوبت بكسل:فارس ممكن نأجل الاسئله لين اقوم من النوم
فارس ببتسامه:لي دخل يازوجتي بس ناجل التفاهم لين بعدين ، متى اجي طيب ؟
إبـراق:اذا...
انطق الباب ولفت له:مين؟
العم يوسف:هذا انا
نزلت الجوال وتعدلت بجلستها:حياك عمي
فتح الباب ودخل وبابتسامه:صح النوم ياحلوة ما ودك تشرفينا لصالة؟
ابتسمت بكسل:الحين اجي اخواني وينهم؟
العم يوسف:معي تعالي ياقلبي سولفي معنا وبسك نوم
إبـراق:الحين اجي
وقامت وطلع عنها اخذت الجوال:فارس!
فارس:معك خلاص اذا فضيتي دقي علي هذا رقمي الخاص مو حق العمل
إبـراق:طيب مع السلامه
سكرت قبل لا تسمع رده
من دخل عمها مره ثانيه:إبـراق
إبـراق بتوتر:هلا؟
العم يوسف:عندك شاحن؟
إبـراق:اَي بالدرج اللي عند سريري
ابتسم لها وطلع
تنهدت ودخلت للحمام غسلت وطلعت لصالة شافت اخوانها جالسين وقدامهم الفطور و عمها داخل غرفتها عشان الشاحن
ابتسمت لإياس اللي وقف وتقدم لها وبهمس:إبـراق عمي يسال عن الريس
ناظرته بذهول:الريس!!!!
هز راسه ولف لعمه اللي طلع من الغرفة
جلست إبـراق وجلس عمها:اعذريني يا بنتي استحليت غرفتك
ابتسمت:الغرفة وراعية الغرفة تحت امرك
ابتسم لها:تسلمين
ولف لإخوانها:بغيت اختكم بموضوع ودي تخلونا شوي
وقف إياس ووقف آيه معه وناظر لإبـراق و مشى للغرفة
استغربت إبـراق سرعته بالموضوع وتعدلت بجلستها:عسى خير عمي؟'
العم يوسف:انا دريت عن الريس وسجنه ودي يابنتي تسمعين لين النهاية
ناظرت إبـراق وتوترت
العم يوسف:انا جيتك وابي اطلب منك طلب انتي عارفه ان الريس لنا مصالح معه بأمستردام والحين المصالح توقفت ومافي غيره يقدر يخليها تمشي وانا سمعت من بعض الأشخاص انك سبب سجنه
وانا ماني زعلان عليك بس..
إبـراق:بس وشهو عمي؟
العم يوسف:ودي انك تكونين بمكان الريس لين خمس شهور تمشي المصالح حقتنا و نطلعك
توسعت عيونها بصدمه
كمل: ولا تخافين على اخوانك بأخذهم معي لامستردام وباهتم فيهم بس مثل ما قلت لك كلها خمس شهور وتطلعين
إبـراق بصدمه وخوف:عمي انت مستوعب وش تقول!!
العم يوسف بجدية:اَي ولاني خجلان انا يمكن اني اخسر ثروتي بسبت المصالح المتوقفة يا إبـراق لازم مثل ما دخلتيه تطلعينه وترجعين المياه لمجاريها .
إبـراق دمعت عيونها:وكيف اصير بمكانه؟
العم يوسف ابتسم بفرحة:تنفين التهم اللي من طرفك وتاخذين التهم اللي وجهت له و تقولين انك أنتي المسؤلة عنها وانه آخذا التهم عنك عشانه يحبك وانا بتصرف بالباقي ويطلع باقل من اسبوع وتصيرين مكانه خمس شهور و وعد اطلعك يا إبـراق
مسحت دموعها وابتسمت غصب:بفكر
العم يوسف بانفعال:ماعد فيه وقت قلت لك المصالح كلها متوقفه ويمكن اخسر كل شىء اذ تاخرت اكثر انتي لازم تنفذين اللي اقول لك بدون لا تفكرين
هزت راسها بايه:متى نروح طيب؟
العم يوسف ناظر ساعته:بعد الظهر؟
إبـراق ابتسمت:ابشر بس عمي اخواني؟
العم يوسف ابتسم:والله اني لأحطهم بعيوني لين تطلعين
بلعت ريقها وتوسعت ابتسامتها:ابشر
تنهد براحة ورجع بظهره على الكنبه:والله اني كنت عارف انك مابتفشليني مع الجماعة
ابتسمت ومسكت جوالها وارسلت رساله وسكرته
وقفت:عمي تبي قهوة معي؟
العم يوسف:اي ياقلبي
راحت للمطبخ ولفت له وشافته يناظرها ابتسمت
وشغلت القاز وقبل لا تحط الإبريق دق الجرس
وقف عنها بس هي قالت بسرعه:ارتاح عمي
انا افتح
العم يوسف:لا لا انتي خليك بالقهوة
فتح الباب وكان الحارس :اين الأنسه إبـراق؟
عقد حواجبه العم يوسف :لماذا؟
الحارس :انهُ يوم الاثنين والانسه في مثل هذا اليوم والشهر تتبرع بملابس لها ولاخوتها ،ولكن اليوم لم تنزل الشنط فأريد ان اسألها هل سُوف تتبرع؟'
لف العم يوسف وشافها قدامه:سمعتي وش قال
إبـراق بانفعال كاذب :اييي عمي يوه انا كيف نسيت التاريخ حق اليوم
لفت للحارس:انا اعتذرُ فلقدّ أتى عمي وانشغلتُ معه ولكن سوفَ اجهزِ الشنط وأرسلها لك
ابتسم الحارس وطلع
لفت لعمها:نص ساعه عمي بس احط كذا لبسه ما احتاجها وارجع لك
مشت لغرفة اخوانها ودخلتها وبعد خمس دقايق طلعت ،دخلت غرفتها وسكرت الباب نزلت الشنطه من الدولاب وفتحتها حطت فيها ملابس وأوراقها و أوراق اخوانها وحجوزاتهم وأغراضها الشخصية
حطت كذا جاكيت من الثقيلين وسكرتها ومشت فيها لصاله شافت عمها على جواله
ابتسمت له بتوتر ولفت لغرفة اخوانها:اياس خلصت والا باقي الحارس ينتظر؟
ثواني وطلع بشنطة ومدها لها: آيه ما تبي تتبرع و هي تبكي بالغرفة وبس انا حطيت اللي م تبيه غصب
هزت راسها:تبكي شوي وتسكت
إياس:بس انا ما ابيها تبكي
إبـراق:وش اسوي لها الدلوعة
إياس:بأخذها للبقالة
إبـراق:لا
العم يوسف:خليهم يا إبـراق يروحون للبقالة عشان تروحين انتي معي للمشوار اللي قلت عنه
إبـراق بلعت ريقها وناظرت لإياس اللي شد على الشنطة:طيب. انتبه لها إياس
إياس بسرعه:روح معنا عشان تشترين أغراض الغداء اللي بستوينه لعمي
يوسف:غداء ايش؟
إبـراق :ابي اغديك ياعمي من يديني تعبنا من المطاعم وش رايك؟
ابتسم:والله انك أصيلة يابنت اخوي خلاص روحي معهم ولا تتاخرون
إياس :والشناط من ينزلها للحارس؟
إبـراق:خلاص اذ نزلنا نعطيه اياها ونروح للبقالة
روح جب آيه
يوسف:لا انا انزلهم له
ناظر إياس لإبـراق بخوف
إبـراق ابتسمت:اخاف ما ياخذها ياعمي و ينحرج منك خليني اعطيه اياه ونطلع للبقالة ونرجع بسرعه
سكت يوسف:اجل على راحتكم
لفت لإياس :بسرعه إياس عشان اروح مع عمي
دخل الغرفة ودقايق وطلع ومعه آيه
مشوا لباب الشقه بس وقفت خطواتهم من نادهم يوسف:إبـراق
ناظرت لإياس بخوف وتصنعت الابتسامه:هلا؟
تقدم منهم ووقف:معك فلوس تكفيكم؟
إبـراق:افا عليك ناسي اني موظفة
طلع من بوكه بطاقته:خذي يبه ولا تقصرين مع اخوانك
ابتسمت وأخذتها:مشكور عمي
ولفت وطلعت بعد ما طلعت اخوانها
ركبوا المصعد ولما تسكر جلست لاشعوريا على الارض من الخوف اللي كانت تعيشه
ناظرها إياس وشد على يد آيه:إبـراق وين نروح
إبـراق:مدري مدري
وقفت وانفتح المصعد طلعت ومشت لشارع و صارت تأشر عشان يوقف لها تاكسي
بلعت ريقها اكثر من الف مره من الخوف وكل ثانيه تلف لجهة باب العمارة خوف من ان عمها ينزل ويشوفهم
ناظرت لإخوانها وشافتهم ماسكين بعض وخايفين
ولو ان الخوف مو واضح بعيون إياس بس عارفه انه خايف
وقفت تاكسي وركبت اخوانها والنشط وركبت وصفت له العنوان اللي تبيه و رجعت تلف وراء تتاكد ان عمها م يلحقهم
بعد ٤٠دقيقه وصلت للعنوان..
نزلت ونزلت اخوانها والشنط ودفعت فلوس لتاكسي ودخلت للعماره
مشت لدور الثالث ووقفت عند باب"999"
دقت الجرس ومافيه رد دقت مره ثانيه ما فيه رد لفت لإخوانها وطلعت جوالها ودقت عليه
دقايق وانفتح الخط:تسكرينه بوجهي وتدقين بعدها بساعه اعتذار ما ابي
إبـراق بخوف:فارس انا عند شقتكم تعال بسرعه او خل الشباب يفتحون لي الباب
وقف بصدمه:وش فيك؟ ووش صار؟
إبـراق ودموعها تنزل:الله يخليك تعال قسم بالله اني احتاجك
تسارعت دقات قلبه وطلع من المقر بكبره ماشي لسيارته: انا جايك دقايق وانا عندك
سكرت منه وجلست وسندت راسها على الباب جلست جنبها آيه:إبـراق وش فيك؟
إبـراق ببكي وكذب:بطني يعورني
حطت آيه يدها على إبـراق ببراءة:احط يدي ليه وبيروح العوار
ناظرت إبـراق لإياس اللي مكتف ويناظرها بلعت ريقها وبرجاء:لا تناظرني كذا
إياس:وش صار إبـراق ليه خليتنا نكذب على عمي هو وش قالك عشان نسوي كذا؟
غمضت عيونها وزادت دموعها
بعد دقايق انفتح باب الطوارى "الدرج" وطلع منه فارس تقدم لهم بسرعه وبخوف:وش فيكم!
وقفت ومسحت دموعها:خلينا ندخل بسرعه
فارس:إبـراق فهميني وش فيكم !!
وانتبه لشناط وزاد استغرابه وخوفه:شنط!!!
إبـراق نزلت دموعها:فارس افتح الباب
ناظر عيونها ثواني وقرب وفتح الباب دخلت ودخلت اخوانها مو مهتمه لأيمن ولعزام المصدومين والواقفين قدام الشاشات
إيمن بصدمه:فارس خير تفتح الباب ناسي شغلنا؟
ما أعطاه وجه فارس وهو منتبه لإبـراق اللي كانت تناظر عزام وعيونها مليانه دموع
بعد عزام خطوة لوراء وبهدوء:ارتاحي
دخلت وجلست على الكنبه وجلسوا بجنبها اخوانها
غطت وجها وبكت بدون شعور منها
انصدم فارس وصدمته مو اقل من صدمة إيمن اللي يعرف انها قوية من اخر مرة شافها والحين يشوفها تبكي !
اما عزام نزل عيونه ولف لها ظهره ولا شعوريا بكت معها آيه وضمتها بخوف
إياس ناظرها وناظر لرياجيل اللي معهم بنفس الصالة مسك يدها ونزلها عن وجها وشد عليها:إبـراق لا تبكين ..
ناظرته
رفع يده ومسح دموعها وبعصبية:لاا تبكين علميني وش قال عمي
فكت يده وغطت وجها وما ردت
تقدم فارس اللي فاق من صدمته وجلس بجنبها :إبـراق! وش صار معك يابنت؟
وبوعيد:من اللي مبكيك والله لا ابكيه دم
اخذ إياس آيه وضمها له:لا تبكين انتي بعد
آيه بخوف وبكي:إبـراق ليه تبكي
إياس: بطنها عورتها بالحيل وبكت
آيه:انا حطيت يدي عليها ليه ما راح العوار
إياس:بيروح الحين بس انتي لا تبكين
مسح دموعها وناظر لإبـراق اللي تمسح دموعها هي بعد وتحاول تكتم بكاها من حست بخوف آيه
وقف فارس ومشى للمطبخ يجيب لها ماء
ثواني ورجع ومده لها:اشربي وعلمينا وش صار
شربت شوي ومدته لإياس اللي خل آيه تشرب منه وغسل وجها وناظر لأخته إبـراق
ناظرته إبـراق وحاولت تبتسم له عشان يتطمن بس ما قدرت الى الان كلام عمها يتردد بمخها كيف تخلى عنها عشان الريس .. كيف يطلب هالطلب ويبتسم بوجها نزلت عيونها وبصوت مبحوح من البكي:فارس ابي غرفة لأخواني
فارس:موجودة
ناظره إيمن وبقهر اشر له"مافيه!"
ناظره فارس:غرفتي موجودة
ناظرت لإياس:اخذ آيه لها
إياس بقهر:قبل تعلميني ماني برايح
إبـراق:إياس مو وقتك
لف إياس لآيه وباس راسها وحط يده خلف رقبتها و ثواني وطاحت بحضنه غشيانه
انصدموا الشباب
وعصبت إبـراق:إياس وكسر مليون مره قلت لا تسويها مع آيه
إياس بنفس عصبيتها:وانا بعد الف مره قلت لك انا ماني بزر انا إياس اخوك
وقفت واخذت آيه عنه:قسم بالله حرف واحد يطلع منك حطيت حرتي كلها فيك وعناد فيك ما راح اقول عمي وش قال
ناظرها إياس ثواني ووقف:انا بروح لعمي واعرف وش قال لك
ناظرته بصدمه:إيياسس!!
إياس بقهر:انتي ما تبين آيه تسمع وانا خليتها تنام
ليه عصبتي انا بعرف عمي وش قال لك؟ وليه كذبنا عليه !!
ناظرته وسكتت
أيمن بصدمه:كيف تعرف الحركة ذي يالورع
ناظره إياس بعصبية
وقمط إيمن لاشعوريا وسكت
عزام ابتسم على ايمن وقرب من إياس وحط يده على كتفه:تعال اجلس وأهدى وعيب تعصب على اختك هي ماقالت لك الا ان الموضوع ما راح تتحمله
إياس بعد يده:أنتبه تكلمني على اساس اني بزر
رفع يدينه عزام: تمام بس روق
فارس ناظرها:تكلمي إبـراق وش صار!
ناظرته وناظرت لإياس
إياس لف وجهه عنها
إبـراق بخوف:عمي يبيني ادخل السجن بدال الريس
انصدموا: كيف؟!
ناظرت لفارس:يقول به مصالح ما تقدر تمشي الا بوجود الريس
فارس بصدمه:وش هي المصالح؟!
إبـراق:مدري بس يقول كوني بمكانه خمس شهور. واطلعك
أيمن بقهر:اصلا ما تقدرين التهم الي على الريس كثيرة واذ يحسب عشانك شكيتي عليها وعلى عصابته غلطان في اشياء كثيرة انكشفت بالتحقيق
ناظرته إبـراق:اسقط التهم اللي وجهتها له واخذ التهم اللي اكتشفتوها ويكون السبب انه اخذها عني عشانه ما تحمل يشوف حبيبته بالسجن يقدر يطلع بالكلام هذا صح !!!!
وقف فارس بعصبية :ومن اللي قالك تقولين كذا!!!
إبـراق:عمي يبيني أقول كذا اذ حققتوا معي
فارس بقهر وعصبية:قسم بالله ان صار لأشرب من دمك فااهمه
ناظرته وبرجاء:وانا ليه جيتك تكفى فارس مابي الريس يطلع من السجن مابي اكون بمكانه عمي اكيد احد لوى ذراعه وخلاه يسوي كذا
وناظرت لعزام
ناظر عزام لفارس يبعد عن نظرات إبـراق وناظره فارس من أنتبه نظرات إبـراق له
بلع ريقه بربكة
وناظر لإياس اللي منزل راسه وساكت
حط يده على كتفه:إياس!
إياس بعد يده وناظر لأخته اللي تناظره:ليه ماقلتي لي قبل لا نطلع!
إبـراق بخوف:وش بتسوي؟
إياس:بساله وش المصالح!!
ناظره ايمن بإعجاب:والله اخوك ذكي
ناظره إياس
بلع ريقه ايمن:وش فيك امدحك انا
فارس:وكيف طلعتوا؟
إياس:اختي ذكاها مقلوب للاسف
رفعت حاجبها إبـراق:مقلوب!!!
إياس بقهر:اَي لاني بمكانك ما هربت وسألته عمي يوسف راح يعلمك لو كررتِ السوال مرتين بس انتي ارسلتي للحارس وقلتِ له تعال على اساس تاخذ ملابس لتبرع وجهزتي كل شىء وطلعنا ليه ما سالتيه ليه تخلينا نطلع !! الحين بيدورنا ويمكن يعرف جدي ويأخذنا عنده
نزلت عيونها إبـراق من ادركت كلام إياس كيف ما فكرت ؟ شلون فكرت بالهروب وما فكرت تسأله !!
ليش نسيت ان عمها يوسف ما راح يضرهم الا اذ كان اللي وراه جدي!؟
اَي مصالح وعمي ماله دخل بالريس !
وان اللي له دخل فيه هو جدي؟ انا خربت كل شىء بهروبي فعلااً
ناظرت لفارس بخيبة وإدراك لفعلتها الغبية
بدالها النظرات وبهمس يطمنها:ماسويتي الا صح يمكن تحليل اخوك يكون صح ويمكن غلط المهم انك سويت الشىء اللي حسيته فيه بقلبك
إبـراق:إياس معه حق انا..
إياس وقف وتقدم لها:إبـراق
ناظرته بندم:انا ليه ماقلت لك وقت استعجلتك بالشنطة !!
إياس:لانك خايفه وقلت لك الصبح انتي خايفه من عمي وقلتِ لا بس عادي إبـراق حنا بنروح لسعودية صح!
فارس:إياس ماهو بوقت هالكلام
ناظره إياس ورجع وجلس بمكانه
لف فارس لإبـراق:وش قال بعد!!
إبـراق:بس انا خفت وجاريته بالكلام وارسلت للحارس يجي على اساس ياخذ ملابس لتبرع و اخذت أغراضنا وطلعنا
فارس:مو مشكلة المهم انك الحين هنا وعمك بنشوف وش وراه وليه طلب منك هالطلب!
إبـراق تنهدت وناظرت للفراغ
ناظر فارس لاخوها اللي يناظرها وعلى ملامحه الحزن والخوف عليها
فارس بهدوء:تعالي معي وارتاحي بغرفتي وراح نكمل كلامنا بعدين
وقف ومد يده:اعطيني يدك
ناظرته وناظرت يده ومدت يدها ووقفت لفت وشالت آيه
وناظرت لإياس:ما راح تجي؟
هز راسه بلا
مشت مع فارس وفتح لها غرفته اللي ينام فيها اذ ماكانت عليه المناوبة "يوقف على الشاشات"
دخل ودخلها معه
ما كانت غرفة كبيرة حيل سرير عريض
دولاب ابيض وسط ومرايا طويلة بجنب الشباك الكبير واللي يغطيه ستاره كحليه نزلت آيه على السرير
ولفت لفارس وبندم:إياس معه حق صح ما كان المفروض اهرب من عمي
قرب منها ووقف:ندمانه!
رفعت كتوفها"بمدري":انا كنت خايفه وابي بس اجيك ولا فكرت بشىء ثاني
فارس ابتسم وضمها له بهدوء:سويتي الصح
ولا تخافين
رفعت يدها وبادلته الحضن رفع حواجبه بذهول وابتسم
إبـراق بخوف:فارس الله يخليك لا تخليهم يسجنوني
بذهول بعد عنها:مجنونه انتي و تنسجنين عشان وش؟ و اصلا مسحيل يسجنونك وانا معك فاهمه
إبـراق امتلت عيونها دموع:بس عمي يقول يقدر يسجني اذ.....
فارس بقهر:ما راح تنسجني ياهبلة وعمك انا راح ابحث وراه وأشوف وش سالفته ،بس انتي لا تفكرين بكلامه؟
مسح دموعها وعلى راسها وبأسه:نامي الحين ونكمل بعدين اذ هديتي
إبـراق ناظرته:إياس لحـ....
فارس قاطعها وهو عارف وش بتقول:بيكون معي لا تفكرين فيه
مسك كتوفها ولفها لسرير وسدحها عليه:لا تكثرين اسئله ونامي
غطاها ومشى وطفى النور وطلع شاف إياس جالس وعزام وإيمن بجنبه تنهد بحيرة وتعب وش المصالح اللي يبنوها من الريس تمشي!
قرب وجلس قدام إياس:الحركه اللي قبل شوي لا عاد تسويها باختك فاهم
ناظره إياس وما رد
إيمن:من اللي علمك عليها؟
إياس:الريس
لف فارس لإيمن:تراه قناص محترف
امين بصدمه:تمزح؟
إياس بهدوء:تجرب؟
ابتسم فارس
إيمن:قدام
عزام بهدوء:وش بنسوي الحين يا فارس في شىء حنا تغافلنا عنه صح؟
فارس ناظر لارض:للاسف اَي
وبتحدي ناظره:بس الليلة راح اعرف وش هو هالشىء
هز راسه عزام
--------------✨✨✨✨
السعودية _بيت اهل طلال
.
دق جوالها وناظرته ثواني وطلعت من الغرفة جلست على الجلسة الشعبية اللي عند الباب و بتعب:هلا يمه طلال
طلال بلهفة:هلا يمه ابوي شلونه!
ام طلال:بخير ماعليه خلاف
طلال:وكلامه يمه للحين يعيد فيه؟
ام طلال بضيق:والله يومه يا طلال يسكت دقايق و ثم يوصي ويعيد ثم يسرح وأنا والله انقطع قلبي عليه
طلال بتوتر:يمه لا تخلينه لحاله انا بحاول اطلع بدري من دوامي
ام طلال شافت بسمه طالعه من المطبخ
وبيدها صينيه ومتوجه لها:لا تخاف عليه ابوك ان شاءالله بخير
طلال بحزن رفع إصبعه السبابه والإبهام وضغط على جبينه من الصداع اللي ما فارقه من امس: قلبي يعورني يمه عليه ابوي مو هو بخير
ام طلال بانفعال:علامك يا طلال ما تحسن الظن ابوك ماعليه خلاف والله يطول بعمره
مدت الجوال لبسمه:هذا رجلك اللي بيرفع ضغطي ألقاها من وين م الأبو والا من الولد كل واحد يقول كلام وش كبره ويبون حصه تتحمله
واخذت الصينيه منها ودخلت الغرفة
ناظرت بسمه للجوال ورفعته لاذنها:طلال؟
طلال جلس على الكرسي:هلا بسمه
بسمه:انت بخير؟
سكت دقايق وانتظرته بسمه لين قال:بسمه شوفي لي ابوي ولا تخلينه واصير بخير
بسمه:ان شاءالله بس انت ارتاح ولا تشغل بالك
طلال:انا بحاول اخذ اجازه هاليومين و اقابله بس خليك الحين معه علشاني
بسمه:طلال مايحتاج اجازة عمي بخير وتراه اليوم يسولف ويضحك معنا حتى قال انه وده يطلع للحوش بس عمتي عيت
طلال:وين بخير يا بسمه من عقب كلامه
بسمه:طلال لا توسوس يمكن كلام فكر فيه وحب يقوله
طلال:يصير خير انتبهي له ولامي اللي اكيد زعلت مني ومن ابوي
بسمه :ان شاءالله بس انت لا تفكر وتتعب نفسك
طلال:زين
بسمه:اجل انا بسكر وانت اذ خلص دوامك تعال
طلال بسرعه:بسمه
بسمه:هلا
طلال:بيجي يوم واعوضك عن كل اللي فات بس انتي اصبري علي
ابتسمت:لا تفكر طلال اني ابي تعويض انا قاعده ارد الجميل اللي سويته لي لما حميتني من اخواني وشرهم وتزوجتني
طلال:الله يخليك لي يا صدفتي الثمينة
احمرت خدودها بخجل وماقدرت ترد عليه او تأمن
ابتسم:اشوفك الليله مع السلامه
بسمه بهمس:مع السلامه وسكرت منه
تنهدت بخجل ودخلت لغرفة عمانها وهي مبتسمه من كلمة طلال الصغيرة واللي طيرتها لسابع سماء
--------------✨✨✨✨
البهت جلست بالدكة وتذكرت امس
وقت دخلت غرفتها وانتظرت رسالة متعب وتأخر متعب كثير وبعد ثلاث ساعات انتظار ارسل لها تسجيل صوت ما تنكر انها ارتبكت وتوترت وتأخرت وهي مترددة
وفتحت الصوت وظهر صوت امها تعبان حيل!
"هلا يمه البخت شلونك عساك بخير قالوا لي انك خايفه وتبكين من بعدي ما اخبرك يا ضناي تبكين وتجزعين انتي صبورة وقوية ومؤمنه بقضاء الله وقدره اين كان انا انشغلت شوي عنك وكان غصب يشهد الله علي اصبري وبجيك يا يمه انا وصيت عليك الضابط فهد وان شاءالله انه مو مقصر معك صح يمه؟
البخت اسمعيني زين لا تبكين ولا تزعلين علي لا رجعت باذن الله بعلمك بكل شىء وزود بنرجع لرياض ونسكن هناك اصبري يمه وخليك قوية نفس ماعهدتك وانتبهي لنفسك ولا تخليني اقلق عليك"
ما تعرف كم مره كررت الفويس ولا منتبه لدموعها اللي ملت وجها ولا تعرف رجفت يدها متى بدات معها هو من تشغل التسجيل والا من صوت امها
والا من الشوق اللي صابها لصوت وراعيته واللي فقدته قريب الشهر؟؟
دق قلبها وارتجفت شفايفها من وقفت عند "بنرجع لرياض"
لمين ؟ وعند مين؟ وليش بنرجع لرياض واحنا جينا للاحساء !!
كان صوت يطمن ليه صار الغاز؟ ليش طرت الرياض على امي الحين بعد هالسنتين!
فزت من انحطت يد على كتفها ولفت لصاحبتها
وكانت شفوق اللي ابتسمت لها
نزلت وجها و مسحت دموعها باحراج
جلست بجنبها وبهدوء:فيك شىء!
البخت بصوت مبحوح:لا
شفوق مسكت فكها بيدها اليسار ولفت وجها لها: وهالدموع؟
البخت بضيق:اشتقت لامي
شفوق:كلمتيها!! او ما حاولتي ترسلنيها؟
البخت:م ترد
سكتت شفوق وما عرفت وش تقول لها
ناظرت لكل الحوش وتنهدت ولفت البخت اللي ساكته وتناظر للأرض :امك ان شاءالله بخير انتي لا تخافين وتفكرين بافكار شينه
هز راسها البخت وما ردت
شفوق ابتسمت وبمزح:تدرين شلون الحين بيجي فهد ونبي نمزح معه وش رايك؟
ناظرتها البخت باستغراب:كيف؟
وقفت ومشت لداخل وهي تصارخ:ثواني وارجع
واختفت
عقدت حواجبها البخت بتعجب
ثواني وطلعت وبيدها عبايتها وسطل وقفت البخت من شافتها تلبس عبايتها:ليه!
شفوق:بنروح من وراء البيت وبنوقف عند بركة الماء مشينا
البخت:ليش طيب؟
شفوق بضحكة :الحين تعرفين
ومسكت يدها وطلعوا من البيت وراحوا من البيت و وقفوا عند بركة الماء
شفوق:اول شىء بيسويه بيوقف هنا عشان يشوف مقدار الماء وبعدها بيمشي لباب المطبخ وينزل الاغراض وبعدها يلف ويدخل البيت ويحط سيارته بالباكيه حنا بنوقف وبيدنا السطل وبنقول له الماء مخلص عاد بيروح يدور وايت وبنروح معه وش رايك ؟
البخت باستغراب:وليه نروح؟
شفوق:نغير جوا
البخت لفت بترجع:لا معليش ما ابي وبعدين قلتِ بنمزح وهذا مو المزح اللي تخيلته
شفوق مسكت يدها:طيب وش تبين مزح؟
البخت:ما اعرف بس ما نروح معه يمكن تعبان ويبي يرتاح حرام نسوي له كذا
شفوق:هو من امس مداوم واكيد ينام بالمقر واليوم مسلم يعني ما راح يكون عنده شىء؟
البخت وناظرت وراء شفوق:خلينا نرجع وقفتنا هنا مو حلوة
لفت شفوق لوين ما تناظر وتنهدت بطفش:يع هالزعطه هنا هففف
البخت :ايش؟؟
شفوق ناظرتها:شفتي هذا
ناظرت البخت لرجال اللي واقف عند باب بيتهم وبيده سبحه ويلعب فيها ولاف شماغه بشكل مهمل وعليه نظرات سودا
البخت:اَي؟
شفوق بقهر:زعطي وموقل والاهم لجه الله ياخذه
البخت بذهول:انتي وش تقولين وش أجاج مدري لجاج وزرطه!!!
شفوق بتعجب:ما تعرفين وشهن عاد فهد يقول لك سنتين هنا؟
البخت بضيق:شكل هالسنتين بتطلع من عيوني ترى بس كم كلمه اعرفها مو قاموسكم يا قلبي
ضحكت شفوق بدون شعور:والله ما كنت اعرف
البخت مسكت يد شفوق بقوه وتألمت شفوق وناظرت لوين ما تناظر البخت وانتبهت ان الشخص جاي لهم تنهدت بطفش وتكتفت
تقدم وابتسم:مُب مصدق شفوق تطلع بهالوقت!
شفوق :مُب شغلك
زادت ابتسامته:ومن هالخويه اللي معك!
شفوق:بعد مُب شغلك وروح لا اعلم فهد عليك يالزعطي
ضحك:افا انا زعطي بس مقبوله منك ياكامل الزين و فهد وينه من امس مُب مبين بالسكه
شفوق:اخوي يشتغل ماهو بمثلك يدور بالفريج و السكه يدور اَي احد ويتهاوش معه
مصلح:انا كذا يا شفوق !
شفوق:ايه ولو تبي اكمل كملت تحسب بخاف منك والا بصيح
شدت البخت على يدها وبهمس:خلينا نرجع
ناظرت شفوق و رجعت ناظرت لمصلح: لا اشوفك تجي صُوب بيتنا اعلم فهد عليك تفهم
مصلح:زين يا شفوق زين كلامك كله موسمَ بقلبي وبيجي يوم وأطلعه و تحملي نتايجه
شفوق بستهزاء:فارج عن ويهي يالزعطي
ولفت ومشت ومشت معها البخت وهي ترجف بخوف من نظراته اللي احتدت وملامحه اللي بأن عليها القهر والعصبية
بلعت ريقها :شفوق وش قلت له حتى يعصب هالقد نص كلامك ما فهمته ولا عرفته وبعدين كيف تكلمين رجال بالهطريقة منتي خايفه من قهر الرجال اللي حذر منه الرسول "صَلى الله عليه وسلم"
شفوق:مااحبه وانقهر واعصب بس اذا شفت ويهه كيف لا تكلمت وياه
البخت:ليش هو وش سوا لك!!
دخلت شفوق للحوش ودخلت البخت وسكتوا من شافوا فهد وشمايل جالسين بالدكه تقدمت شفوق بعكس البخت اللي احتارت هي تروح لهم وما تتعداهم والا ترجع لغرفتها
تقدمت باحراج من شافت شمايل تأشر لها و وقفت بدون لا تجلس
ناظرها فهد اللي كان عليه لبس العسكر:اجلسي البخت كلها خمس دقايق ورايح ارتاح بغرفتي
ابتسمت وجلست بجنب شمايل ومدت لها شمايل فنجان قهوة
اخذت وشربت منه وهي تسمع لشفوق اللي تقول لفهد عن اللي صار قبل شوي واغلب اللي قالته ما صار
استغربت الا انذهلت من تأليف شفوق على الرجال كيف هو جاء وتغزل فيهم وكيف جلس على البركة وما يبيها تشوف الماء!! وكيف يضحك اذ قالت له بعلم فهد!!
انصدمت وناظرت لشمايل اللي متفاعلة معها و مصدقتها
فهد بعصبيه:وانتي وش وداك لها وانتي عارفه انها قدام بيت ابو مصلح
شفوق بتمسكن:البخت قالت تبي تطلع وقالت اقرب مكان بركة الماء نتمشى ومنها عشان اشوف الماء
ناظر فهد للبخت اللي شهقت بدون شعور و ناظرت البخت بترجي انها تكمل كذبتها معها
فهد: كان قلتِ لي وطلعتك انتي والبنات لحديقة
والا لأي مكان ودك فيه
سكتت لما ما لقت رد
هي تكذب اخته والا تكمل كذبتها تقول له عن الكلمات اللي قالتها شفوق للي اسمه مصلح وعصب وانقهر لدرجة وجهه حمر والا تسكت؟
هي اصلا مذهولة من كذبتها اللي صارت بسرعه
وبشكل بديهي
بلعت ريقها وناظرت لشفوق:مدري
فهد:مصلح انا أتفاهم معه
ولف على شفوق :وانتي والله ثم والله لا شفتك رحتِ لجهة بركة الماء رجولك حشيتها لك تفهمين
هزت راسها وهي تخفي ابتسامتها
ناظرت للبخت وارسلت لها بوسه بالهواء بدون لا ينتبه فهد
نزلت عيونها البخت ولفت لشمايل اللي تاكل من التمر:وينك اليوم ما شفتك؟
ابتسمت شمايل:رحت مع امي للجيران نساعدهم على عشاهم الليله
البخت باستغراب:عشاء وبتروحون كلكم؟
شمايل:انا مُب رايحه لان توي جايه منهم امي بتجلس لين بعد العشاء وبتغرف لنا وبتجي
شفوق تثاوبت:انا يمكن اروح
ووقفت:بروح اغسل عباتي اذ اذن المغرب ادخلوا علي بالغرفة وشوفوني نمت والا لا يمكن انام وتفوتني الروحة
ناظرتها البخت لين دخلت ولفت لفهد اللي جالس على جواله
قربت شوي من شمايل وبهمس:شمايل؟
ناظرتها شمايل
البخت:وش معنا زرطه!!
شمايل باستغراب:وش زرطه وين سمعتيها؟!
البخت:قالت شفوق للي وقف عند البركة
شمايل: قالت له كذا!
البخت:وبعد لجاج مدري أجاج !!
شمايل بعمد فهم:مافهمت عليك يالبخت
سكتت تتذكر الكلمات صح مع انها تحس انها قالتها صح ليه ما فهمت شمايل
لفت لفهد اللي وقف:انا بنام لا اذن المغرب صحوني
ناظرت لساعة جوال شمايل وكانت 4 ونص ومابقى الا يمكن ساعه وياذن المغرب
البخت:ما يمديك تنام بالساعه
فهد تمغط بكسل:تعبان بحاول انام فيها
شمايل:اجلس سولف معنا وراح يروح الوقت البخت معها حق ما راح تنام الا وقومناك
ناظر فهد وثم جلس وتثاوب:سولفوا علي
ابتسمت البخت وهي تناظره
شمايل :مسكت احد اليوم بشغلك
فهد:لا
شمايل:ماجاكم بلاغ غريب والا كاذب؟
ابتسم:هذي سواليفكم اجل!
ضحكت شمايل ومعها البخت
شمايل:وش نسولف فيه عشان حضرة الضابط ما ينام؟
ناظر فهد للبخت:امك أرسلت لك صوت؟
تذكرت اللي تناسته بالنص ساعه تذكرت صوت امها الواضح فيه التعب توصياتها .. ذهولها لروحتهم لرياض ويسكنون فيها مره ثانيه !
البخت رفعت عيونها له وبحيرة:اَي
ابتسم بفرحة لها:صدق ووش قالت لك اكيد قالت لك متى بتجي وليش غابت؟!!
هزت راسها بلاا:ماقالت شىء من هذا كله
فهد باستغراب:اجل وش قالت!
البخت:توصيني !!
فهد:بأيش!
البخت:اني اصبر واكون قوية بقدر الله وقضائه ؟
شمايل بذهول:ليش؟
رفعت كتوفها بمدري:ما اعرف
وناظرت لفهد:المريح بالموضوع انها قالت بنرجع لرياض ونرجع نسكن فيها
فهد بصدمه:كيف؟
البخت:بنرجع لرياض اذ جاءت امي
ناظر فهد لشمايل
شمايل بادلته النظرات:طيب البخت انتي وش رايك تبين ترجعين والا تجلسين هنا؟
البخت: ابي ارجع
فهد ناظر للأرض وبضيق:وشدعوة يا البخت ما عجبتك الأحساء؟
البخت:لا بالعكس بس انا بالاخير غريبه ومرد الغريب يرجع لأوطانه
شمايل:وش هالحكي يالبخت من قال انك غريبه ترى الأحساء بخريطة السعودية ما طلعتي منها
البخت ضحكت و ناظرت لفهد اللي ما ضحك ولا ابد اَي ردة فعل واستغربت !!
شمايل كملت:طيب لك احد بالرياض؟
البخت ناظرتها:جدتي عايشه ولي عمان وعمات
شمايل:ولا مره ذكرتيهم؟
البخت بتفكير:علاقتنا مو مره حلوة مع بعض فيه "تتش"بينا للاسف
شمايل:ليش؟!!!
البخت بتردد:كانوا رافضين زواج امي من ابوي
شمايل:اهاا
وبتفكير:بس تزوجوا وجابوك وكبرتي وهم للحين على زعلهم؟
البخت بضيق:الحين زعل جديد
شمايل بذهول:من ايش؟
البخت:جدتي كانت تبيني اتزوج واحد من عيال عماني ولما امي رفضت رجعت زعلت من اول و جديد
ضحكت شمايل بذهول:يامعودة!!!
ابتسمت البخت:والله عشان كذا احنا جينا لهنا عند خالتي
شمايل:طيب الحين انتم بترجعون يعني جدتك رضت؟
هزت كتوفها البخت:مدري
شمايل ناظرت لفهد الساكت:وش تقول انت يافهد
تتوقع رضت والا لا؟
البخت ناظرته
فهد بدون نفس:مدري
البخت:فهد اذ انت تنعس كثير نام هنا واذ اذن صحيناك!!
فهد:لا ما بقى شىء على الأذان
سكتت ولفت لشمايل اللي تناظر اخوها بضيق
البخت تذكرت شىء:اَي صح شمايل ما قلت لي وش معنى زرطه!!!
ضحك لاشعوريا فهد ودنق
ناظرته البخت باحراج بسبب ضحكته المفاجاة لها!
شمايل: وش زرطه بفهم؟و وين سمعتيها
البخت بكذب:شفوق قالتها لواحدة كانت تكش علينا من الدريشة
شمايل:خليني اعرف زرطه وبعدها اعرف تكش
وش معناها
البخت بحيره:المشكله ما تنشرح هي قالتها والبنت عصبت اكثر ووجها حمر من العصبية
فهد بضحكة:زعطي؟
البخت لفت عليه بسرعه:اايييي هذي
ضحكت شمايل بقوة وضحك معها فهد
البخت ناظرتهم باستغراب:وش معناها؟
فهد :زعطي يعني يسوي نفسه قوي وهو ماعنده سالفه بالمختصر مهايطي
البخت بصدمه:تمزح؟!!!.
فهد ضحك:والله العظيم
البخت كملت:طيبب في وحده ثانيه أجاج
فهد عقد حواجبه:أجاج!
البخت:هي قالت ثلاث كلمات وكلهن عصبت منهن البنت؟
شمايل:وشفوق وش لقفها على البنت؟
البخت ارتبكت:مدري
فهد بتفكير:اجاج!!!
البخت:مدري هي وش بالضبط بس لج اج بس قريبه من هالكلمة
شمايل:يمكن قصدها لجه!
البخت:هذي هي اللي قالتها
ابتسم فهد:يعني بخيلة
عقدت حواجبها البخت:بخيلة!
وبتفكير:ليه قالت عنها بخيله
شمايل:يمكن طلبت منها مره و رفضت البنت عاد شفوق مستحيل تنسى وتسامح الله يعين هالبنت
البخت:طيب الثالثه فيها حرف ميم وقاف !!
فهد:وش يعني؟
البخت ناظرته:قالت مع زعطي ولجه
شمايل:وشهي!!
البخت:نسيتها بس عصبت البنت مره من هالثلاث كلمات ؟!
فهد:اذ تذكريتها علميني
سكتت البخت تفكر فيها وفزت ولفت له:هي محقله مدري مقل المهم فيها ميم وقاف زي نطق مقول او قريب منه!!!
شمايل:ما عرفتها
فهد بتفكيرها:بمسك شفوق واشوف وش هي مهببه مع البنت
شمايل: هبابنه قبل لا تروح العشاء
ناظرتها البخت
وقبل لا تتكلم قال فهد:يعني عجل ورح لها
ناظرته البخت وابتسمت:تعبت قسم بالله
ابتسم لها وسكت
سمعوا صوت الأذان تنهد فهد وظنت البخت انه يتنهد براحة عشانه اذن وبيصلي وينام بس تنهيدة فهد كانت لشىء ثاني
وقف وبابتسامه:زانت سواليفكن
شمايل بضحكة:وسواليفك
فهد ناظر للبخت:اذ عرفت وش هي الكلمة علمينا زين
البخت:طيب
ومشى فهد لداخل يغسل ويطلع يصلي بالمسجد
--------------✨✨✨✨
الرياض _تحديدا عند هتان وترف