ياختيار القلب قبل العين🥹✨

بارت ٢٧

بس وقفت من شافت اثنين من البوديقارد واقفين قدامها ناظرت لوراء وشافت جدها واقف على باب مكتبه مبتسم
ابتسمت لابتسامته وتقدمت منه بعد ما حطت اصبعها على اذنها وبهمس:!!Neww
وبضحكة:يعني؟
جدها:تظنين بعد ما وصلتي لي اخليك
إبـراق:مو مشكلة
ولفت ودخلت لمكتبه وجلست على نفس الكنبة وحطت رجل على رجل:انا يا جدي الغالي ما اجي بدون هدايا
ولفت له بعد ما سمعت صوت رساله:تفضل اول الهدايا
طلع جواله من مخباته قبل لا يجلس على كرسيه وجلس ودخل للواتس على رسالة من رقم غريب وكان فيديو عبارة عن باخرة كبيرة تبعد عنها بمسافة شبه طويلة اربع مراكب
من قوات الحدود وهالشىء عرفه من العلم والشعار
رفع راسه بصدمه:إبـراق !
ضحكت بدون شعور:تتفق معي اتركهم يبعدون عنها بدون لا يدخلونها ويفتشونها تعرف القانون هناك أشد من حقنا باضعاف وخاصه للعرب واسأل مجرب ولا تسأل مفسر
جدها بعصبية وقهر:وش تبين يا إبـراق
إبـراق:ورث ابوي والورقة اللي قلت لك عنها هي بمفهوم تعهد بس انا بنتقي ألفاظي واقول ورقة
جدها:بترجعين للندن مع زوجك!
إبـراق:شىء يخصني ويخصه لا تتدخل يا جدي الغالي
جدها:من اللي وراك؟
إبـراق بسخرية:حب ابوي الله يرحمه واهتمام إياس وإيه ..وعشق زوجي لي ..وبس
جدها بحده:إبـراق وبعدين
إبـراق بجدية:محد خلفي ولا عندي احد يحميني مثلك ..عندي اخواني وزوجي
وقفت:بكره برجع لك وتكون جهزت ورث ابوي بحاسب بنكي بلندن وورقة التعهد وصح سلم لي على الرأس الكبير وقل له إبـراق احسنت الظن فيك لين ماعد فيه ظنون تحسن
اخذت شنطتها:واذا رجعوا البوديقارد بوجهي او حتى فكروا يراقبوني صدقني برسل فيديو ثاني غير هذا بس مو على رقمك على جوال الكابتن
ولفت وطلعت وطلعت من الشركة
وتنهدت بقوة بدون شعور
حطت اصبعها على اذنها وبسعادة :لَقَّد فعلتُها
الطرف الثاني:احَسنتِي صنعاً يا صغيِرتي
إبـراق:ماذاّ الأن؟
الطرف الثاني:زيارة جميلة
عقدت حواجبها:زيارة ماذا؟ واين؟
الطرف الثاني:عُودي الان الى منزلِك وسّوف اخبرك بالتفاصيل لاحقاً
هزت راسها وابتسمت:شكراً لصنِيعك لِي
ابتسم وما رد
سكرت ونزلت السماعه ولفت تدور تاكسي حتى ترجع للبيت
--------------✨✨✨✨
مسحت على رأسه وظهره بحب وعدم تصدقين انه فعلاً بحضنها نايم بهدوء تأملت وجهه اللي تغير عليها كثير و باين عليه ألم وتعذيب السنتين
تنهدت بقهر وألم لحالته وانتبهت للمخدة اللي انمدت قدامها ورفعت راسها
ابتسم لها وبهمس:حطيها تحته
اخذتها وشوي شوي بعدت راسه عن حضنها وحطته على المخده ووقفت واخذت المفرش وافرشته على اخوها وباست راسه وجبينه
ولفت لزوجها فهد اللي مد يدينه ومسك يدها ومشى فيها للمطبخ
ابتسمت من بين ضيقتها وضمته من وقف ولف يمد لها كوب الشاهي
رفع يده اللي فيها كوب الشاهي بذهول وبدون شعور:حاسبي
البخت شدت عليه وبهمس:شـ.كراً
ابتسم ونزل الكوب وحاوطها وشد عليها:شكرا على وش توك تتذكرين بعد ما طلع الصبح
عضت شفتها باحراج وحزن:ماعمري تخيلت ان الميت يرجع
ابتسم:مافيه مستحيل على رب العباد
هزت راسها وبعدّت عنه:الحمدلله حتى يبلغ الحمد مبتغاه
مد يده ومسح دمعتها:ماقضت هالدموع
رفعت يدها تمسح دموعها و ضحكت باحراج: اسفه بس غصب عني
تقدم وباس دمعتها وبهمس:ماكرهت الدموع كثر ماكرهت دموعك حتى لو أنها لفرح احب ابتسامتك وغمازتك ولمعة عيونك من تبتسمين
ومد يدينه وشد على خدودها لحد ما ابتسمت ابتسم بتوسع:اذا شفتها ارتاح لو اني مو سببها
البخت بامتنان:انت جبت اخوي وفرحتي وسعادتي وتقول مو سببها ؟
فهد بتعب وهم:اشوى اجل قدرنا نخليك تبتسمين
ضحكت وضمته:والله ما اعرف وش يقولون او وش يردون الناس اذا انحطت السعادة بايدينهم !
بس انت سويت شىء عمري بحياتي ماراح انساه اصلا ماراح اقدر انساه لاني مجرد ما اشوف فهد اخوي راح اشوفك
مسح على ظهرها وبحب:اهم شىء الفرحة اللي بعيونك
بعد عنها وجلسها ومد لها كوب الشاي:برد وانتي بس تتشكرين
ضحكت وأخذته:للحين ما شكرتك
سكت لثواني لكلمتها وبحب:ووشلون بتشكريني
البخت بسرعه:اللي تطلبه اكيد راح اعطيك اياها
ابتسم:واذا ابي شىء ما تقدرين عليه
عقدت حواجبها من فهمت شىء:كيف يعني!
قال بسرعه:ماهو اللي ببالك
البخت بتوتر:وش اللي ببالي
ابتسم بخبث:انتي وتفكيرك ادرى
حكت حاجبها اليمين باحراج:مافكرت للحين
ضحك بقوة بس وقف من حطت يدها على فمه:فهد اخوي بيقوم
ضحك وهو مكتوم وأيدها باقي للحين على فمه
بعدتّ باحراج وربكة من حسته فهم وش تفكر فيه جلست ونزلت راسها للكوب ..
وقف عن الضحك واخذ نفس طويل ورجع ضحك من ناظر لوجها الاحمر
البخت بقهر:فهد!!
حط يده على شفايفه وبقصد:ولو اني احب اللي فكرتي فيه بس نتركد شوي وغمز لها
توسعت عيونها بصدمه ووقفت وضربته بشبه قوة على صدره
مسك يدها من بين ضحكاته:يابنت
البخت:والله كلمة ثانيه اطلع
فهد بضحكة:تمام بس اجلسي
فك يدها ورجعت جلست وناظرته
ابتسم بتوسع:وش كنا نتكلم فيه اَي فكرتكـ..
وسكت من حسها بتوقف:خلاص امزح يا بنت
البخت:طيب وش كنت بتقول
فهد:اَي
اخذ نفس وجلس قدامها:تذكرين سؤالك لي قبل لا اروح؟
عقدت حواجبها وهزت راسها بلا؟
فهد:من سالتي ليه تسوي كذا؟
البخت بسرعه:اييي وقلت اذا رجعت تعرفين
ابتسم وبجدية:ووش فكرت فيه طول الاربع الايام ؟
البخت بتوتر:مافكرت بشىء لان كنت خايفه
فهد "شكلي استعجلت!!":طيب ما فكرتِي بيوم وش اللي خلاني اروح!
البخت:قلت يمكن عشان امي؟
"هه" طلعت منه بدون شعور
ناظر يده بسخرية على نفسه وعلى آماله اللي شطح فيها وتحمس فيها
هز راسه وبخيبة:امك تستاهل
البخت:طيب انت قول ليه رحت؟
ناظرها لدقائق وابتسم:تعرفين اذا امك طلعت احسن
ناظرته بتعجب:ليه!! وبعدين ليه احس تغير وجهك؟!
ابتسم وهز راسه:لا بس توني الا حسيت برد
ناظرته بذهول ومدت له كوب الشاهي:اشرب منه يمكن تدفى
ناظر للكوب وناظرها:طيب ليه مو حضنك!
رمشت بصدمه
ضحك:امزح
واخذ الكوب وبحب همس:انا من مدت يدين البخت يرضيني المقسوم
وشرب منه رشفه:خلنا من الكلام هذا وعلميني وش سويتي بالايام اللي راحت !
--------------✨✨✨✨
دخلت للبيت وهي مبتسمه ومرتاحة هي صدق راحت لجدها وكلمته وحتى هددته بدون لا يعطي اَي ردة فعل
ضحكت من تذكرت تعابير وجهه المصدوم والخائفة منها
يا ما كانت تخاف منه وترتجف من تسمع اسمه كيف اذا شافته واليوم هي راحت لمكتبه وتكلمت معه او هددته بالمعنى الأصح
حست بيد تمسك ذراعها بقوة وفتحت عيونها بصدمه وخوف بس هدأت من انتبهت انه فارس او فارس وملامحه الغاضبة
ناظرته وبقهر:خير تمسكني بهالشكل؟؟
فارس بعصبية مكبوته:وين ذلفتي مع الصبح؟
ابراق بعدّت يده عن ذراعها بحده:مالك شغل؟
شد على ذراعها بقوة وبعصبية:إبـراق ماسك نفسي بالقوة وين ذلفتي علميني ؟
ناظرته برود:مكان ولا تخاف ما كان فيه حب وغرام
احمر وجهه من العصبية من بعد كلمتها:وش قلتي ؟؟
حاولت تبعد يده عن ذراعها بس ما قوت وبقهر:ابعدّ يدك
فارس:وين ذلفتي سوال وابي جواب له
إبـراق:اا..
انطق الباب وقطع كلامهم
ناظرته باستغراب وناظرت لفارس اَللي يناظرها وبسخرية قال:يكون المغوار راكان
إبـراق بابتسامه حتى تقهره:حياه الله
ناظرها بحده وفك يدها بنفس الحده ولف للباب وفتحه كان شاب اجنبي وسيم من شعره الكثيف الأشقر
ومن بياض بشرته الصهباء
ومن لون عيونه الخضراء الزمردية
ناظره فارس وبقهر:والحين مين ذَا ؟
شهقت وتوسعت عيونها بصدمه
وبدون شعور ركضت للواقف :هاااستن!
توسعت عيونه فارس بصدمه وقهرر!!!
وصدمته مو اقل من صدمه الأجنبي:إبـراق !
همست له:اعلم انكِّ مصدومَ من مَا افعله ولكنّ جارنِي ارجوككَ.!
هاستن: منْ باللخلف أهو زوجكِ؟
هزت راسها و بعدت عنه وبسعادة ظاهرة:هاسستننن كيفّ ذلكَ؟ كيف اتِيتّ هناااا لقد كنتُ احادثكّ قبلَ قلِيلَ لمَا لمّ تخبرنِي بأنك هُنا؟؟؟
ابتسم :اردتُ رؤيتكم بشدةّ
ابتسمت :إياس لن يصّدق أنك هُنااا
ابتسم:أليسّ هناكَ قولَ "تفضَل؟"
ضحكت بدون شعور ولفت للباب وانتبهت لفارس وعصبيته الواضحة وابتسمت اكثر:انا اسفهَ لمَ انتبَه تفضّل من هنااا
وناظرت لفارس ورفعت حاجبها حتى يبعدّ:ممكن!
ناظرها لثواني وابعد عن الباب
و دخلت ودخل معها هاستن اللي يناظر البيت وحديقته بابتسامه وهو عارف صديقته وايش تفكر فيه و دامها تسوي هالشىء وضاربه حدودها بالجدار معناتها اللي تحس فيه اكبر من انها تتحمله
جلس على الكرسي وقالت:سُّوف أُحضر الصغَِار
ابتسم وهز راسه
لف لفارس اللي جلس على الكرسي المقابل
وبسخرية:الذّي كانّ خلفَ الظلامَ قّد بأن لنُور مالسبب يا تُرى؟
هاستن:هُناكّ رُؤس حانَ سقُوطها
ناظره بشىء من الريبة:ومَا دخَل سقُوطها بزيارتكّ لمنزلِي؟
هاستن ابتسم لذكائه:كَمَا سمعتُ عنكَ
فارس:وماذاَ سمعتَ عنِي؟
هاستن:دعنّا من تلكَ الاقَاوِيل المتناقلَةَ وأخبرنِي انتَ عنكَ وعن ماذاّ سُوف تفعلَ حِين تسمعَ ما اقوله
فارس:اذاً زيارتكُ ليستَ الا عملَ مُتبادل؟
هاستن ابتسم :لا تظهرنْي بمظهِر السيء انا حقاً اشتقتُ لها ولاخواتِهَا الصغارّ
فارس:ماذاّ تُريد؟
هاستن: إسقاطَ الرُؤس بالتأكِيدَ؟
فارس:يوسف السالم؟
ابتسم هاستن وصفق بايدينه:يبَدُو أن الصغِير يثقّ بكّ كثِيراً!!
فارس:ليسّ منَ شأنكّ اخبرنِي بما لدِيك ولنَرى ماذا سُوف نفعلَ.
ولف للباب من طلعوا إياس وإيه اللي ركضت لهاستن من شافته وكأنها توها تصدق كلام ابراق لما قالت انه هنا
ووقف هاستن وجلس ومد يدينه لها:صغِيرتي الجميلةَ
ضمته بقوة:هااستننن انتَ حقاً هُناا
ضحك ووقف وهو شايلها ودار فيها:اشتقت لكِ يا جميلتِي
باس راسها وخدودها ونزلها وهو باقي حاضنها ولف لإياس اللي ابتسم ومد يدينه وضمه:لَقَّد تأخرتَ
ضحك هاستن:ايعنِي انكِّ اشتقت لي أيضاً
إياس:بالطبع لا
ضحك هاستن بقوة ولف لإبـراق اللي ابتسمت على كذبة إياس الواضحة :لا بأسَ يكفيني ان اختّاك أشتَاقتا لِي
ضحكت ابراق ولفت للعاملة اللي بيدها صينية الضيافة من عصير وبعض من الكعك والفطائر ونزلته ودخلت لداخل
لفت لهاستن مطنشه نظرات فارس:تفضّل هاستن
جلس وإيه باقي بحضنه وتسولف معه
وإياس جلس وناظر لفارس اللي مو عاجبه الوضع ومستغرب منه بس بنفس الوقت مراعي علاقتهم ببعض والدليل ما رفض ولا علق
ابتسم بنفسه على شخصيته اللي فعلاً تعجبه
ولف لهاستن اللي قال بعد ما باس راس إيه:يبَدُو انِي لنّ اعُود الا ومَعي الصغيرة !!
ابتسمت إبـراق:سُوف نعُود كلناَ معكِ
ناظرها فارس بصدمه:وبأذن مين؟؟
ناظرته وبهدوء:بأذني اكيد وش لك دخل فينا وبحياتنا ؟
فارس:انتي الظاهر تفرعنتي كثير يا بنت سليمان !
ابتسمت:تصدق هالكلمة سمعتها من شخص مالي تاركته الا ساعه واستغربت وش معناتها وليه قالها بس الحين فهمتها واحب اقول لك اَي تفرعنت عندي لك شىء
فارس :والله ما تطولين اللي تبينه لو تجيبن السماء بيد والأرض بيد ونظام الأجانب اللي كنتي عايشه فيه انا بنفسي بكسره لك
ناظرته بقهر وناظرت لهاستن المستغرب
وتنهدت بقهر وقالت بسخرية::هو زوجِي الذي اخبرتُك انه مغوار وكريم وشهم جداً اتعَلم انهُ ساعد الكثير الكثير من الفتيات فقط لانهُ شهم ويحب الخير
ضحك هاستن:اهو من اخبرتِيه انه يعش.ق.ك؟
ناظرته إبـراق بصدمه:هاستنننن
ضحك ولف لفارس اللي ابتسم شبه ابتسامه :اذا يَا فارِسُها المغَوار لمَا لا تتَرُكها تعُود للندنَ؟
فارس بهدوء:لاَ شأن لكَ
ابتسم وناظر لإياس الصامت:ماذا تُفكرَ بِه؟
إياس:دعنّا نتكلم عن سببَ زيارتكَ!
ابتسم فارس بدون شعور وناظره
هاستن: قُمت بِزيارة لجدكَ العزِيز
إياس ناظر لأخته اللي نزلت عيونها عنه من انتبهت لنظراته
ولف لهاستن:وهَل تَحدثتَ معهَ .ام أخبرتُه .. أم قُمتَ بتهدِيده؟
هاستن ضحكت:فعلتُها كُلها
ناظر لأخته:وش كان رده؟
إبـراق:ما في رد لاني قلت اللي عندي وطلعت
فارس:ليه ما قلتِ لي؟'
ناظرته لثواني وناظرت لإياس:فهمه انه ماله دخل بحياتي الى متى وانا أكررها !!
فارس ابتسم بسخرية:علمها ان نجوم السماء اقرب لها واذا تبي شرح للمثال ما عندي مانع
وضحك حتى يقهرها
ناظرته بقهر وعصبية:علمه ان هو اللي نجوم السماء اقرب له مو انا
هز راسه إياس ولف لهاستن:وعمِي يوسف؟
هاتسن:هو بروسيا يتتّبعَ البضَاعهَ حتَى تَصل للندن
إبـراق بخوف:هل حقاً هو منْ كانّ خلفَ جدِي اظّن اننِي لا أستطِيع تصدِيق الامرَ ..
هاستن بابتسامه:لِما الخُوف؟هو لنّ يستطِيع الوصُول الى هُنا نحنُ متقدمين عليِه بخطوةَ!!
مد يده فارس وبعدّ يد هاستن وشبك يدها بين يدينه وناظر لهاستن بحده:إياكَ وتِكرَارها
ابتسم:مابالكّ يارجُل أنهَا صديقتِي وقّد كانتَ حبِيبتِي لولاَ أنّ تدخلتَ انتَ وأخذتهَا
ضحكت إبـراق :هاستن توقّف انتَ تخبَروهُ بماضِيناَ الجمِيل
ناظرها فارس بصدمه:وش قلتي؟
ناظرته وببرود:وش فيك اوه نسيت ماقلت لك اني كنت احب هاستن
انشدت عروقه لدرجة انها بانت:تحبين مين؟!!
إياس قاطعها وبجدية:تكذب
ناظرته إبـراق بصدمه:إياس انت معه؟
ناظره فارس بتعجب:تكذب؟'
إياس:اَي
وناظر لأخته:لا تردين اعتبارك بشىء مخزي يالعاقلة
ولف لهاستن وقال:توقفّ عنّ صُنعَ الأكاذِيب قبل ان يُخرجكَ صاحبَ المنزل
وبجدية:دعنا نُركز على عمِي أظُن انك تستطيع تهَكرَ هاتفُه وإيصّالناَ الى جمِيع البنُوك الذّي يتعاملُ معهَا و أيضاً أُريدَ قَائمه تحتِوي على اسمَاء من هُم بالباخرةَ ولا تنسى ان تُحضرَ تقارِيرَ مكالمتُه مع جدي مع تفاصيل المكالمات واذا أحضّرتَ تسجيلات لهَا قّد تكون اختصَرتَ لنَا الكثِير من الطرِيق
هاستن بجدية :هَل قررتُوا اسقَاطُه؟
إياس:لنّ انسى تلكَ اللِيلة حين قرر تركّ أُختِي تتحمل كل شىء حتَى يخرجَ الريس لأنهُ من اصُول روسية و يستطِيع ان تَمر كل بضاعتِه بدون تفتِيش
إبـراق:لا أُرِيد رُويتهُ مجدداً في حياتِي
فارس ناظر لإياس :كثير اشياء ناقصة لازم نفكر فيها ونعرف كيف دبرها مثل تهريب الريس ومثل تنحينا عن القضية والاهم كيف يكون اعلى من جدكم ؟ مو المفروض العكس؟ في اشياء مثيرة وكثيرة يبي لها فهم و تخطيط وشرح وقبل حتى لا نهكر حساباته
إياس رجع بظهره لوراء على الكرسي وابتسم بسخرية:كل شىء واضح ومفهوم بس انت ما كنت منتبه لشرح بالايام الاخيرة
وناظره بغموض ناظره فارس بشىء من الاحراج وما علق
وناظر إياس لهاستن:إبدا بما قُلته لكَ ودعا شرح الامرَ لي
هاتسن باس آيه ومدها لإبـراق ووقف حسنا يا صغِيري
واعطاه تحية عسكرية ولف لابراق وبابتسامه :الى لقاء قرِيب يا حبيبتِي
ابتسمت إبـراق و وقفت بس حست بيد تجلسها ولفت له بعصبية
ابتسم فارس:لا تظنين بعدي لك الاستقبال الاول
ضحك هاستن بقوة:رفقاً بهاَ ارجُوك
ولف لآيه اللي مدت يدها له:لا تذَهب!
ابتسم وباس يدها وبحب:سُوف اعُود قريباً
ولف ومشى
إبـراق بعدتّ يد فارس بقهر ولفت لإياس:تعرف الحقير وش عنده ووش له من ماضي يشرف!
إياس:قلتيها بنفسك ماضي وماله داعي تدخلينه بالحاضر
ناظرته بصدمه:تعرف وش اقصد؟
إياس:اَي وادري من هي بس يكفينا الى هنا
إبـراق بذهول وقهر:زوجي يحب وحده متزوجة وتقول يكفي ياإياس
إياس ناظر لفارس:اتوقع الحين واضح من يحب
ناظره فارس ولا علق
ناظر لأخته وكمل:إبـراق لو أدري انه باقي يحبها ما سكت ولا تركتك عنده
وناظر لفارس وبجدية:بس اكيد ماني تارك الموضوع
فارس بهدوء:دام تعرف من احب وش له التهديد؟
إياس ابتسم:ما كون تربية الريس والا ..وغمز له
ضحك فارس ومد يدينه:خذ حقك متى ما تبي
إياس:لا تستعجل اعرف متى ارد
ووقف ولف لأخته:تعالي شوي
ناظرت فارس بقهر ولفت ومشى مع إياس ويدها بيد آيه
--------------✨✨✨✨
أخذ جواله ودق على رقم
وثواني ووصل له صوته بكلمة"سم!"
جلس على الكرسي ولف لشباك اللي من زجاج
وقال بهدوء:كانت موجودة اليوم
ضحك بسخرية الطرف الثاني:وش قالت الخوافه!
بنفس هدوءه:طلبت ورث ابوها وورقة تعهد بأننا ما نتدخل بحياتها
الطرف الثاني بهدوء:المقابل؟
بسرحان:شحنة روسيا تمر من الحدود بسلام
أشتدت أعصابه وتعدل بجلسته:كيف..كيف!!؟ وش شحنته اللي تمر الحدود بطلب من الأميرة إبـراق يا سالم!؟
سالم بجدية:شحنة الأسلحة اللي مشت من موانئ روسيا عشان تدخل لحدودنا
بصدمه:وش عرفها!!!!
سالم:تعرف الكثير يايوسف
يوسف بعصبية:خلها تقضب أرضها وترى مسهل من الشاحنة الا تدبيسها بتهمه تخليها ماتشوف الشمس لين تموت
سالم:هذي إبـراق يا يوسف ماهي الريس
يوسف:الا شغلي يا يبه ماعرف فيه عدوي من صديقي ولا افرق بين احد قُل لها تمسك شياطينها عني
سالم تنهد بضيق:ومتى بتعتقني من شغلك
يوسف ابتسم:بس البضاعة ذي ونقفل ملفات بعض يا يبه
سالم:اسمعني زين إبـراق مالك شغل فيها انا اللي بتصرف معها وبضاعتك توصل وينتهي كل شىء من جهتهم فاهم ماعد لي حيل اتحمل الروس وطلباتهم وانت لا ياخذك الطمع كثير خلنا نسكر الملفات من بدري ونرجع نشتغل مثل اول واحسن
يوسف بقهر وطمع:يبه دخلنا خلنا نكمل فيه لين النهاية
سالم لف للمكتب وبسرحان:مشيت بالطريق عشانك وعشان يكون لك اسم ومكان عند الأجانب بس الظاهر انك طمعت ولا تبي تطلع منه انا خسرت اخوك ولا ابي اخسرك سامعني لو انا اللي بنفسي اسجنك يا يوسف
يوسف بقهر:سليمان مات بغبائه ولا تفكر اني بكون بمثل غبائه انا بكمل بالطريق لحالي اذا انك تعبت فيه
سالم بتعب:انا مشيت معك بعد ما انسجنت ظلم والحين صار لك اللي تبيه من مكان واسم وفلوس يا يوسف اخذت اللي تبيه دور توقف وتعيش بدون خوف وتهديد
يوسف:وانا كل ما أكلمك تعيد لي بالأسطوانة خلاص يا يبه اتركني على راحتي انا اشوف نفسي بذا الشغل ولاني تاركه لو على موتي
سالم بخيبة:وعيالك؟
يوسف:عيالي يشكروني لان غيرت حياتهم خليتهم فوق ودلعتهم بالفلوس
سالم:الله يسامحني ويهديك
وسكر منه بدون لا يسمع رده
واخذ جواله الثاني ودق على رقم معين وطلب شىء وسكره
..
بعد ثلاث ساعات..
كانت جالسه بغرفة اخوانها تفكر بعمها باسل اللي ما راحت له ولا سوت اَي شىء ولا علمته عن زواجها ولا عن فكرتها بالطلاق
تنهدت بضيق ولفت للباب اللي انطق
دخل وبهدوء قال:تعالي
ولف ومشى قبل لا يسمع ردها
تنهدت بضيق وطفش وطلعت ومشت معه
جلس بالصالة الجانبية وناظرها
ناظرته برفعت حاجب وجلست بعيد عنه:وش عندك؟'
بجدية:نتكلم ونقرر
إبـراق:غير الطلاق ما بي
فارس بشبه حده:بالاول تسمعين اللي عندي وبعدها بكيفك لان ما يلزمني زوجة مغصوبة تجلس معي
تكتفت و رجعت بظهرها وراء
بهدوء قال:قبل سنه تسلمت لي قضية الأسلحة واللي يمولها الريس وصديق ابوك كان المشتبه به وفعلاً كان موجود وقت عملية التبادل وبنفس المكان وتم القبض عليه بدون تعب او مقاومه بحكم الأدلة اللي وصلت لنا واللي احنا بحثنا فيها هذا شىء منتهين منه وانتي والكل عارفينه
اللي صار بالمدة هذي اني صادفت زوجة راكان وقبل لا تتزوجه وحتى قبل لا اعرف انها مخطوبة له بالاول كان فضول لسبب شغلها ببقالة بسيطة مع العلم اني بمهمه ولازم التركيز عالي جداً فيها بس فضول وشد انتباه وبعدها تطور الفضول لمكانها ولا احوالها ولسبب جيتها للقصيم عرفت كل شىء عنها الا انها مخطوبة لراكان الباسل ماانكر انها لفتتني بحشمتها وبرزانتها بس ما حبيتها كان اعجاب ياإبـراق صرت اعرف انها محتاجة وأقدم لها اللي تحتاجه بدون كلام وبدون حتى تواصل فقط احط الاغراض عند الباب وأمشي تكررت مساعداتي لها وكنت متاكد انها متأمنه من جِهتي بس متاكد بعد انها ما تعرفني وفي يوم او خليني اقول بيوم اللي مسكنا فيه الباسل وحولناه لرياض حتى يتحاكم فيها دريت انها مخطوبة وان اللي خاطبها كانت بينهم علاقه حب هالشىء بالبداية زعلني بس ماهو انها بتروح ومدري ايش لاا زعلني ان كيف راكان الباسل يتركها !! مااقول لك اني مالاحظت اشياء جميلة فيها بس ماهي اللي توصلني للحب والعشق كنت فعلاً مستغرب ومتعجب بس بعدها دريت ان حتى هو كان يبحث عنها وحزين لفراقها المهم انسحبت بكل هدوء وبدون حتى لا تعرفني ورجعت لرياض وبعدها اخذت قضية الريس بلندن وسافرت ولو تسالينها مين فارس الفارس بتقول شخص يشتري من البقالة ويروح فقط كان كل شىء من جِهتي من باب النخوة والحميه
واني حاس بشعورها كوننا نتشارك الغربة وما اقصد غربة مكان بقد ما اقصد غربة أشخاص
وسكت ثواني وقال:شعوري اتجاهك غير عن شعوري اتجاهها ماحسيت باللي حسيته بالقصيم معك لما شفتك اول مره كنت مصدوم ومذهول كيف بنت عربية سعودية تكون مرشدة سياحية ! مو ان الفكرة صعبة ولكن اقصد وش اللي وصلك لها!
إبـراق بسخرية:ما كان نفس فضول القصيم
ابتسم بدون شعور:لا كان فضول وذهول واعجاب اول مره شفتك فيها كنت مستغرب وش تبي؟وشلون وصلت للوظيفة ذي مع العلم اني فكرتك مبتعثه لجزء من الثانيه بس بدقائق معدودة عرفت انك مرشدة سياحية شفتك مرتين بنفس اليوم المرة الاولى مع سياحك و الثانيه كنتِ مع اخوانك بتصدقين اذا قلت لك نسيت كل شىء
والله اني نسيت وش السبب اللي خلاني اجي للمطعم ونسيت وين انا فيه وكل تركيزي بمحادثتكم اول الاشياء اللي ركزت فيها انكم من الشمال وانا امي شمالية و بعدها ركزت بكلام اخوانك عن عمكم يوسف
اشياء بسيطة بس شدتني ونستني مهمتي
إبـراق:فضولك كثيررر
فارس:فضولي وصلني لك
إبـراق:انا ما شدني فيك الا النغمه فقط
وبسخرية:وأسفه على الحقيقه المره
ابتسم:عادي لاني انتبهت لها قبلك باول دقايق صدفتنا
إبـراق:قصتك مع توق واضحة بس ماهي مرضية لان في اشياء تجاوزتها انت شلون فضول واعجاب فقط!
ماهو الأعجاب يعني ان الشخص له شعور بقلبي وعقلي؟
فارس:الإعجاب شعور لحظي يعتمد على الشخص نفسه اذا بيطور فيه او يكتمه لحد ما ينتهي بعكس الحب والعشق شعور دائم وراسخ بقلبك وعقلك للحد اللي مستحيل تقدرين على كتمه
إبـراق:اقدر ومو بس كذا اتجاوزه وانساه بعد
فارس:تضحكين على نفسك كثير
إبـراق:اضحك؟
فارس:اَي
إبـراق بجدية:معناتها ما عرفتني يا فارس للحين
ابتسم وما رد
إبـراق اخذت نفس طويل وتمغطت عمداً:قصة ممتعة بس انقالت لشخص مو مهتم اسفه لك وابتسمت
ضحك:ما حزرتي انقالت لشخص يحترق يبي يعرفها
ناظرته لثواني بحده وبعدها ابتسمت:مانت اخبر بقلبي مني!
فارس:بس اعرفك مثل كف يدي
ورفع يده لها وابتسم
إبـراق:ماكنت راح تعرفني لولا إياس وكلامه عني ..
ابتسم بإعجاب لإياس:تدرين ان اكبر حظوظك بهالدنيا هو اخوك إياس
ابتسمت:فانز له انت والا كيف؟
ضحك:واكثررر
وسكت لثواني وبجدية قال: قلت لك قصتي والباقي عندك
و وقف:اسمع ردك بكره
ولف ومشى لدرج ينزل لصالة التحتية ورفع حاجبه من انتبه لإياس الجالس ويناظر الارض بسرحان
ابتسم وتقدم منه بعد ما نزل اخر درجه:إياس!
ما رد عليه
جلس بجنبه وحط يده على كتفه وفز إياس
فارس:بسم الله عليك
تنهد:ما انتبهت لك
فارس:مو مشكلة بس وين سرحان فيه؟
إياس:مافي شىء محدد
فارس:ووش صار مع ذَا اللي اسمه هاستن؟
إياس:رد علي وارسل لي كل اللي ابغاه
ابتسم فارس:بهالسرعة!!!
ابتسم لابتسامته:هاتسن شخص يُعتمد عليه
هز راسه بايه:ووش بنسوي؟
إياس:فكرت بفكرتين
ولف له وبجدية:الاولى نرسل كل الصور والمستندات اللي تخص كل أعمال عمي يوسف لـ اي اف بي بلندن ويمسكونه او نسوي له كمين بحيث يجي لسعودية ويتحاسب فيها بعد ما نترك القوات الخاصه تمسكه! بس..
فارس عقد حواجبه:بس وشهو؟
إياس:كلهم حكمهم واحد
فارس:اكيد يا إياس عمك يتاجر بالأسلحة بشكل غير قانوني
إياس:بس عمي دخل بهالشغل قبل ست سنوات
فارس:دخل وهو عارف نهاية الطريق فلا تطلب تخفيف للحكم عشانه عمك
إياس بشبه حده:اسمعني ..عمي دخل لأسباب كبيرة واذا انعرضت متاكد انها بتخفف الحكم بس ..
وبحزن كمل:بس ماني عارف وشلون توصل للقاضي
فارس بذهول:بتكلم القاضي عشان عمك اللي بنظر الكل ارهابي؟
إياس انتبه لابراق الواقفة على اخر درجة
وتناظره هو تحديداً برجاء بانه يسكت وما يتكلم
هز راسه بلا ولف لفارس وبهدوء مصحوب بحزن:عمي مشى بالطريق عشان ينتقم
ناظر لأخته وكمل:بيوم انذبح ولده الكبير على يد اثنين سكارى اتضح بعدين انهم مافيا من الروس
ولانه ولده الكبير ولان مشاعر الابوه طغت عليه اخذ يفكر بالانتقام منهم وعشان تنتقم وعشان توصل لهم لازم تدخل وتمشي بطريقهم وتاخذ انتقامك
ابتسم وناظر فارس:ودخل عمي وانتقم بس ماقدر يطلع او يرجع
لان بان له ان عالم المافيا فيها من الهيبة والفلوس والإمبراطورية الشىء الكثير
ولان عمي نفسه ضعيفة جلس وكمل بالطريق
فارس بصدمه:وليه من الاساس ينتقم ليه ما ترك هالشىء لشرطة؟
ابتسم إياس:وشلون والمافيا لها علاقات ومصالح مع حكومة لندن!
فارس ناظره بتفكير وصدمه من الي يسمعه
إبـراق بهدوء:إياس
ناظرها فارس قبل إياس لاشعورياً
إياس:سمي؟
إبـراق:الأفضل نتركه يتحاسب هنا
ابتسم:وكيف نجيبه
إبـراق:انا بجيبه
إياس بجدية:فارس وش رأيك؟
إبـراق قاطعته:ماله دخل بعمي
بان على فارس القهر والضيق من كلمتها:لا تنسين انك باقي زوجتي
إياس بنفس جديته:ما تقدرين يا إبـراق عمي ما هو نفس قبل ست سنوات ولا راح يشوفك إبـراق الغالية وانتي فاهمه وش اقصد
ناظرته إبـراق لثواني:للحين باقي يعزني في يوم كنت خطيبة ولده
ابتسم إياس بسخرية:أراهنك انه يخطط على قتلك دامك تطاولتي على شغله
فارس بتعجب:كنتِ مخطوبة ؟
ناظرته وابتسمت:ايي وكنا نحب بعض بس ..تغيرت نبرتها لحزن:مات
فارس بهدوء ظاهري:الله يرحمه
إياس:كانت كلام بين الكبار فقط بحكم ان ابراق تكمل ثانوي وهو اول سنه جامعة
هز راسه فارس وما علق
إبـراق:اقدر اجيب عمي هنا مع هاستن
إياس: ما نبيك تدخلين واصلا هو بروسيا ما راح يجي الا لشىء كبير وقوي
فارس:نوهمه ان احنا سجنا ابوه سالم
إياس:لاا ما راح يجي ما في غير الريس يجيبه
وقف وابتسم:واعرف كيف بدون لا تتدخلون لاني مكتفي بهاستن ومشى لدرج يصعد فوق
--------------✨✨✨✨
حس بنعومه شىء على كتفه وذراعه عقد حواجبه وبتفكير"ابو عدنان جاب بطانيات جدد؟فتح عيونه بتشويش وناظر لسقف الابيض
وبتعجب"سقف ابيض؟"
غمض عيونه وفتحها وجلس وناظر لصالة اللي هو فيها من جدرانها البيضاء وكنبها الاحمر وفرشتها اللي تحت الطاولة الحمراء
عقد حواجبه وبخوف:انا وين؟
مسح عيونه ووجهه وبعد البطانية عنه ولف للباب الخشب الابيض واسترجع وش صار له بالأمس
وتذكر اخته البخت وبكاها وحضنها له
وبدون شعور:البختتتت؟
بصوت شبه عالي:البختتت!!
طلعت البخت بسرعه من المطبخ وبيدها منشفة صغيره تمسح فيها وتقدمت منه بخوف وجلست جنبه و مسكت يده:سمي ياعيني؟
ناظرها لدقائق وتنهد:احسب اللي صار حلم
امتلت عيونها دموع من كلمته وضمته بقوة له:الا واقع و واقع يا سند اخته وروحها
باست كتفه من شد عليها وتنهد وبحنان قالت:بسم الله على قلبك ياخوي
بعدت عنه شوي وابتسمت:ياحي الوجه وراعيه
وباست جبينه
باس راسها:الحمدلله اللي مد بعمري ورجعني لكم
ابتسمت براحة وضمته لها:الحمدلله ..الحمدلله ياخوي اللي ارسل لنا فهد ورجعك لنا
ابتسم وبعد عنها ومسح على شعرها:زوجك الا انتي شلون تزوجتيه؟
ابتسمت:كذا ما ينفع روح غسل وغير لبسك وأنا بشوف طبختي واغرفها ونجلس جلسة طويلة لان ادري ما تحب قهوة قبل الاكل
ابتسم:تم
ضحكت و وقفت ووقفته معها ومشت فيه لغرفة:بس ها لا تطول معك امممم
وناظرت لساعتها:ربع ساعه بس
توسعت عيونه:ربع ساعه وش اسوي فيها
ومسح على لحيته:هذي يبي لها ساعه حلاقه
ضحكت وباست خده اليمين واليسار:للحينك مزيون لا تخاف
ابتسم بمزح:طمنتيني
ضحكت اكثر ولفته للغرفة:يلااا ولا تتأخر
ولفت هي ومشت للمطبخ
ودخلته اخذت جوالها وإرسلت رسالة لفهد اللي طلع ولا تعرف وين راح!
ارسلت له "نقطة"
دقيقه ورد"لبيه"
ارسلت له"وينك؟"
ارسل لها"قريب ..صار شىء؟!"
ارسلت له"بتتأخر!"
ارسل لها"ساعه و راجع؟"
نزلت جوالها على الطاولة ولفت للفرن
.
بعد نصـ ساعه
جلست بجنب اخوها اللي تغير بعد الحمام وبان وجهه بعد ما كان كله دقن ولحية واختفى السواد اللي تحت عيونه و رجعت حمرا خدوده وابتسامته اللي تحبها كثير
ابتسمت ووقفت وجلست بجنبه بعد ما كانت جالسه قدامه وهو ينشف شعره اللي قصه ورتبه لف لها من انتبه جلستها بجنبه
ابتسم:تتأملين بجمالي
ابتسمت اكثر وهزت راسها اكثر
ضحك وباس راسها:الله يجبر بخاطرك قبل شوي شفت شكلي بالمرايا وانخرعت انتي وشلون تحملتني من امس بالهشكل؟
ابتسمت وضمته بقوة
رفع حواجبه بذهول:بنت؟
خبت وجها بكتفه ومن بين عبرتها قالت:اشتقت لك..
ابتسم ومسح على كتفها ورأسها وبراحة:وانا والله اكثر من الكثير يا البخت
باست كتفه وأبعدت ومسحت وجها وابتسمت:غصب عليك تشتاق لي لاني اختك الوحيدة
ناظرت ليدينه اللي تشد على المنشفة وكأنه تذكر شىء هو تناساه بهالدقائق معها
اخذت يده وشدت عليها و ضحكت حتى ترجعه للمزح:بتعلمني كلمات كثيره تعلمتها
فهد بنفس البرود:لاا ولا تفكرين حتى
البخت:عادي فهد زوجي بيعلمني والا نسيت انه ضابط مثلك
ناظرها وابتسم شبه ابتسامه:الا كيف تزوجتيه ووشلون التقيتوا ببعض؟
البخت:اوووه يا كثر السواليف والأحداث اللي بتفجعك اكثر من اللي شفته
ناظرها لثواني وبجدية:لا تكررين بطاري اللي شفته
البخت بهدوء:مابيك تشوفه نقطه سودا بحياتك
فهد بسخرية:الا ما تبني اشوفه ملاهي ولعب
البخت:شوفه تجربه عشتها وطلعت منها
فهد بقهر:بلاك ما تدرين وش شفت فيه ووش عشت فيه الكلام سهل يالبخت سهل بالحيل
البخت:هذا مو كلام
فهد بطفش:اقول وشلون تزوجتي الضابط فهد؟
البخت ناظرته لثواني وقامت عنه ومشت لصينيه:تعال اكل وبعدها نسولف
وقف وجلس بجنب صينية الاكل:بدون لا تقولين بس سولفي وانا اكل
ابتسمت من حست برجوع شخصيته اللي تحبها
تربعت على الارض وهو جالس على الكنبة:بقول لك اول موقف لنا وكان بسوق شعبي عندهم
رفع حاجبه وابتسم واستمع لها ..
وبدات تسرد له كل قصصهم مع بعض مع تحفظ بعض المواقف والكلمات كيف كان يجيها بوقت تحتاجه بدون شعور وكيف يوقف معها بدون اَي تردد فعلاً هي كرهته بالبدايات بس بعدين وبعد ما عرفته وبعد وقفاته معها هي ندمت انها بيوم كانت تكرهه ولو تفكر فيها بتلقى انها ما كرهته بس بغضته و بغضت تدخلاته الغير مرحب فيها
ابتسمت بدون شعور:{فهد شخص يعتمد عليه يا خوي ..اذا وقف معك تاكد ما راح يخليك الا بعد ما يمرّ هالشىء ..هو شخص عظيم وكبير وقف معي ومعك وحتى مع امي لين هاللحظة ذي وانا والله مو عارفه شلون ارد جمايله علينا ما اقول يا خوي اني ندمت بداية زواجي منه حسيت اني دخلته بشىء هو ماله دخل فيه اخذته معي وهو ماله صلاح فينا وبمشاكلنا بس شوف كيف وقف معنا كيف ساعدنا ..كيف رجعك لنا
و بسرحان:جمايله واجد يا خوي يبي لنا سنين نسدد فيها
فهد:تراك زوجته ولابد يوقف معك ويساندك ويساعدك والا ما يكون نعم الزوج !!
البخت:اقول لك قبل لا اتزوجه كان يوقف معي ويساعدني وحتى وداني لاهله لما عرف اني لحالي ببيتنا بالله وش يبي عشان يسوي كل ذَا هاا ما يبي شىء لانه طالع من اصله وتربيته اللي تربى عليها
فهد:والله مدري ياختي انا ما راح ارتاح لين اجلس معه
البخت:ليه تقول كذا؟ مانت مصدق كلامي !
فهد:الا مصدقه وادري انه سنافي والا ما كان جاني لين هنا يا البخت بس لابد اجلس معه
البخت ناظرته بضيق:وش تبي تقوله؟
فهد:لين وقتها تعرفين
ابتسم ورفع يده عن الاكل:للحين طباخك ما تغير
ابتسمت:عافية ياقلبي
فهد ناظر لبعض الصحون الفاضية:عزالله ماخليت لرجالك شىء
ضحكت:لا رجالي أكله بالحفظ والصون
ناظرها بنص عين:وش ..وشش!
ضحكت اكثر:اقول عادي اسوي له مره ثانيه ما وراي شىء
فهد بقصد:فهمت بدون تصحيح أثرك مخبيه اكله عني
البخت بإخراج:خير ما خبيته بس يعني قسمه بالقدر
فهد بمزح:يعني لو اروح للقدر واكل بتقولين لا فهد بيجي تعبان حرام
ناظرته وسكتت ونزلت راسها لما حست انه فاهمها وقف :بغسل وارجع لك ماني برايح للمطبخ
ابتسمت وما ردت
بس لفت للجوال تشوف الوقت وليه فهد تأخر؟
--------------✨✨✨✨
الصبح..عند إياس
مشى بخطوات ثابته وعيونه على اللي واقف بجانب السياره وساند نفسه عليها
وقف وقف معه فارس اللي ابتسم وقال:وهذا سند و وصلناه
ابتسم سند وسلم على فارس ودنق يسلم على إياس و قال:يا مرحبا
ابتسم إياس:مرحبا بك زود
فارس: علومك عساها طيبة؟
سند:كل الأمور على ما تحب انت شلون جرحك؟
فارس:لا طيب الحمدلله ..الريس معك؟
لف سند لسياره وتحديدا للمرتبة الخلفية:يب
فارس لف لوين ما أشر سند وابتسم:كفو
سند لف لإياس:جاهز؟
إياس:ايي
لف سند لفارس:اجل حنا نمشي
فارس:وانا اخلص مكالمات مع الشباب واروح بعدها لمشاوري المهم
لف فارس لسند :انتبه له تراه بأمانتك ورجعه البيت سالم سامع
ضحك سند:على هالخشم
ابتسم فارس:عليه الشحم
ولف لإياس ودنق بمستواه: انتبه لنفسك ومثل ما اتفقنا تترك جدك يشوف الريس ويدري يوسف انه عندنا عشان يجي هنا لسعودية
إياس:ان شاءالله
وبهمس:انتبه لآيه لين ارجع.. وابتسم
ضحك فارس:وإبـراق طيب؟
إياس بجدية:إبـراق ما يحتاج لها وصاه
ولف لسند:نمشي؟
هز راسه سند ولف
إياس لف لفارس وابتسم ولف وركب السياره بالمرتبة الأمامية بعد ما ركب سند وشغل السيارة ومشى
بعد مسافه قصيرة لف سند لإياس مبتسم:يالله انك تحيي إياس
إياس بسرحان:الله يحيك
ناظره سند ثم ناظر الطريق:بوش سرحان ؟
إياس:بكل شىء
سند بمزح:توك صغير عيش عمرك ولا تاخذ هموم ماهي بلك
ناظره إياس وبسخرية:الهموم ماتعرف الصغير من الكبير لا تراكمت تسكن بالصدر بدون اذن
سند:لا عطيناها اكبر من حجمها تراكمت و سكنت بالصدر ..بس لا تغاضينا عنها وتناسيناها والاهم وكلناها لرب العباد ..بعدت ولا كأنها انخلقت
إياس بسرحان وجدية:بس هموم عن هموم تفرق يا العقيد سند انا همومي ماهي بمثل همومك انا اشيل هم خواتي اشيل هم جدي اشيل هم عمي واذا بيتنازل والا بيكابر انا تربيت كذا ولا اقدر بيوم اتجاوز بس انت..انت همومك انزاحت بعضها
ولف له وكمل:انت بيوم كنت شايل هم ابو زوجتك
وبيوم شلت هم ان اللي تحبها ما تبادلك
وبيوم شلت هم تعترف بهويتك الحقيقه
كلها كنت بيوم شايلها بصدرك وكاتمه عليك وانزاحت عنك انا الحين اشيل هموم وانتظر اليوم اللي تنزاح و اجيك واقول اني صغير وما استاهل
رمش بصدمه وذهول وخوف:كـ.يف؟
إياس:همومنا تختلف بس يبقى مكانها بالصدر ولين تنزاح منه هذي قدرت رب العباد
سند بصدمه:ووش اللي قلته ؟؟ وش هويته وش ابو زوجتي انت من وين تدري عنها؟ فارس قال لك صح؟
إياس:فارس ماهو من اللي ينقل خصوصيات غيره بس تقدر تقول ان فهمتها وعرفتها منك
سند بتعجب:مني انا ما اذكر جيتك وقلت لك قصتي ؟
إياس:ما قلتها بس تقدر تقول شفتها فيك اللي يحب يبان حبه بعيونه صح ما اعرف وش كانت هويتك اللي ظهرتها للي تحبها بس متاكد انها خلتك تحبها وتبادلك وكنت قريب منها للحد اللي شفت تعبهم ..فرحهم..حتى ناسهم وجماعتهم صح؟
ناظره سند وبدون شعور:كنت راعي حلالهم
ابتسم إياس:تنازلت عن رتبة العقيد عشانها؟
سند ابتسم بحب من تذكرها:اَي
وكمل:بس بعدين شكت فيني وقلت لها من انا ووش انا
إياس بسخرية:وخيبت ظنك و بعدت
ناظره سند وابتسم:بس جابتها الصدف تعبت امها ووقفت معهم وتزوجتها والحين منتظرين اول ثمرة حبنا
إياس بهدوء:مبروك
سند:الله يبارك فيك
وسكت لثواني وقال:عشان كذا قلت لي"ولا تظن انها صابت معك بتصيب معي شخصي ماهو مثل شخصك"
إياس بضيق:هو كان موقف امر فيه وصادفتك ومن بين كلامك عن المواجهة فهمت انك بيوم كنت بمواجهة الشخص اللي تحبه وتشرح له من انت ووش انت؟ بس طلع موقفي مختلف عن موقفك
سند:شلون؟
إياس:أحياناً تكون المواجهة هي التغاضي والسكوت
سند:هذا ضعف
إياس: هذا اللي كنت احتاجه بهذاك الموقف وفعلاً سكت وتغاضيت
سند:ومّر الموقف ؟
ابتسم إياس:اَي وأفضل من اللي كنت متخيله صح للحين باقي اثره وباقي مشاعره بس متاكد بيمر بالايام الجاية
ابتسم سند لابتسامته ولف للمبنى اللي قدامه وبمزح:احنا كنا نمشي بسرعه؟
ضحك إياس بدون شعور من فهم مقصده ولف له:بينا ايام كثيرة نلتقي فيها ونجلس بمثل هالجلسة وافضل
ابتسم سند بإعجاب:الله يحفظك والله اني مذهول فيك ومعجب
إياس ابتسم وما رد
وقفت السيارة قدام مبنى شركة جده اللي عرفها سند من وصف فارس ناظرها إياس لدقائق يتأملها
سند:كبيرة ومبهرة صح؟
ما لف عليه وعيونه باقي تتأمل الشركة اللي بيوم كان ابوه هنا ويشتغل فيها
فاق من سرحان على انين الريس اللي اكيد فاق من المخدر
لف لنسد:تعرف وين كاميرات المراقبة؟
سند لف للشركة واشر على زواية بجهة اليمين:هذي وحده
لف إياس لوين ما أشر
وتحديداً لجهة اليمين
تامل الزاوية لثواني وانتبه لجهاز صغير اشبه ما يكون بمرش ماء صغير مزروع
إياس:هذي كاميرا؟
سند:اَي خلينا ننزل ونمشي حولها وننتهي من المهمه
ناظره إياس مره ثانيه ولف يناظر الريس اللي يناظر للمكان بعدم استيعاب وللحين باقي مفعول المخدر على ملامحه
لف لسند:ليه ما ندخل ؟
سند بسخرية:كذا كانك دخلت عرين الأسد يا حبيبي
هز راسه ولف لقدام:يمكن
طفى محرك السيارة سند وفتح الباب ونزل ومشى لباب الريس وقبل لا يفتحه عدل الكاب والكمامه وفتح باب الريس ونزله مع احساسه بثقل الريس كونه شبه واعي وكل ثقله مسند عليه
لف لإياس اللي اخذ جواله وصور كذا صورة لشركة
ونزل ومشوا بخطوات ثابته حولين الشركة وتحديدا الكاميرات
وبعد ربع ساعه
ركبوا السيارة وربط سند الريس بعد ما تاكد انه فاق من المخدر ويمكن باي لحظة يهرب وركب بجهة السواق وشغلها ومشى
سند بضحكة:اسهل مهمه مرت علي بحياتي
إياس ابتسم وما رد
الريس بقهر:إياس ماذاّ تفعلَ معهَ!
ناظره إياس وبسخرية::اهلاً بكَ بعالم اليقضةَ
الريس:لِمَا أتيناَ لمقرّ عمَل جدُك؟
إياس:حتى يراكّ
سند:لا تعلمه بشىء اتركه على عماه
الريس بذكاء:حتى يُخبر يوسفَ؟
ضحك إياس وناظر لسند المصدوم:احسنتَ
سند بذهول:هذا مثل فارس يلقطها وهي طايره
إياس ضحك وما رد
--------------✨✨✨✨
نروح لبيت هتان نزل وطلع للحديقة وحط جواله بمخباته بعد ما تاكد من الرسالة
وابتسم بسخرية وتحدي وجلس على كرسي وقدامه طاولة عليها قهوة والضيافة وثواني ودخل بكل جبروت
انتبه لهتان جالس على كرسي من كراسي الطاولة اللي عليها القهوة
ابتسم وتقدم منه:ياهلا بولدي هتان
وقف هتان باحترام وباس راسه:هلا عمي سعد
سعد: هلا فيك يا هتان وشلونك؟
هتان:بخير انت شلونك وشلون جدتي؟
سعد:بخير ..بخير الا وين ترف ماشوفها
ابتسم هتان شبه ابتسامه:موجودة بس نايمه تعرف قبل امس حفلتنا وتعبتها شوي
سعد بسخرية:وين تعبتها وانتم طلعتوا ولا رجعتوا
هتان بكذب واستهزاء:وش دراك ياعم؟
سعد:دخلت ابي اسلم عليها وقالوا طلعت معك الا انتم وين رحتوا؟
هتان بذهول كاذب:الا انت ما سلمت عليها ياعم؟
سعد:الا بس كنت ابي اسلم مره ثانيه وأمشي ناسي انها بنتي والا وش؟
هتان:لا ابد ما نسيت بس ما اذكرك تحبها هالكثر والا تغير الحال ياعم؟
سعد ناظره:وش قصدك؟ وبعدين وش اللي مااحبها في ابو ما يحب بنته ياولد
هتان بقصد:اذا انه بيخرب بيتها فهو ما يحبها
سعد:وش قصدك!!!
هتان:لا ابد ما اقصد شىء بس ما قلت لي تبي قهوة الا شاهي !
سعد:صب فنجان ونادى لي ترف
هتان:اَي ولا يهمك بس اول خلني أعرفك على ضيفي واخليك تشوف بنتك
سعد:من هو ذَا الضيف؟ ووينه؟
هتان:الحين يجي يا عم لا تستعجل
واخذ دلة القهوة وصب له فنجان وقدم له من المعمول
هتان بقصد:الا يا عم ما قلت لي وشلون عمتي بسمه لي يومين ماعرف أخبارها
سعد بقهر:وانا وش يدريني عنها
ابتسم هتان:اختك ياعمي
سعد:اختي ما تعصى كلمتي وتتبع الغريب
هتان بذهول كاذب:ياعم هو زوجها ماهو غريب
سعد بوعيد:اي هين
ومسك طرف شنبه:هالشنب ماهو على رجال اذا ما رجعتها لعصمتي
:اذا الله اعطاك عمرك يا سعد اذا الله اعطاك عمر
لف سعد لمصدر الصوت وانصدم انه طلال زوج بسمه
وقف وبقهر:هذا وش جابه!!!
ابتسم هتان ووقف:هذا الضيف اللي ابيك تسلم عليه
سعد لف له وبعصبية:يخسى
طلال بسخرية:لا تظن أني ميت على سلامك ولا شوفت وجهك
ومشى وجلس بالكرسي المقابل له وحط رجل على رجل بعد ما سلم على هتان مطنش سعد:جيت اشوف وش نهايتك مع زوجتي
سعد ناظره بقهر وناظر لهتان اللي ابتسم وصب له فنجان:زوجتك اختي ان كانك ناسي ..
ابتسم طلال:من ردات حظي وحظها انك اخوها
ولف لهتان:شلونك يا هتان وشخبارك؟
هتان بامتنان:بخير الحمدلله انت شلونك وشلون عمتي؟
طلال:كلنا بخير الحمدلله
ولف لسعد ونزل فنجاله وبجدية:اَي يا سعد ماقلت لي وش تبي بزوجتي؟
سعد:تطلقها
طلال باستهزاء:حلو ووش بعد؟
سعد:واذا ما طلقتها انا اللي بطلقها منك
طلال ضحك بقوة:حلوووين وشلون بتطلقنا من بعض ..اشرح لي
سعد بسخرية:ماأسهل من الخلع الأيام ذي
طلال:فكرة مش بطالة بس وشلون بتنفذها
سعد ابتسم حتى يقهره:بتعرف مع الايام
طلال:أنت واثق بالايام بالحيل ماشاءالله طيب خلني اقول اللي عندي وبعدها نرجع لسالفة ايامك!
ابتسم بثقه:اول شىء اختك ماني مطلقها لو على جثتي ثاني شىء اتصالاتك وإزعاجاتك كلها عندي وكلها مسجلة وثالث شىء سالفة انك تبيني اطلق زوجتي عشانك تبيها ترجع لعصمتك هذي حلم ابليس بالجنة ولا تظن مااعرف ليش تبين اطلقها ها يا سعد تبيني اقول لك وش تبي من بسمه وليه توه نزل حب الاخت بقلبك وهذي انا عجزت أركبها بمخي
لف لهتان وبسخرية:عمك بعد ما تزوجتها بأسبوع درى ان ابوه سجل الأرض وبيتهم اللي فيه عمتي اللي هي ام بسمه باسم بسمه
ناظر لسعد المصدوم:شفت كيف له سنه يحوس يبي يطلقنا من بعض بس ماقدر لو ما معها شىء كان حتى ما يذكر اسمها مو بس شكلها صح يا سعد والا معلوماتي غلط ؟
ناظره هتان بصدمه للمعلومات اللي اول مره يدري عنها:بس عمي باع الارض
ضحك طلال:مو بهذاك الوقت عرف سعد انه ما يقدر يبيع لانها مسجلة باسم بسمه ولازم هي توقيع وتوافق على البيعة
هتان لف لعمه وبذهول:بس انت قلت بعتها وجيت ومعك فلوس وعطيت جدتي قدامي وحتى عماني واولهم أبوي
طلال ناظر لسعد وبضحكة:تبين اقول له من وين لك الفلوس؟..والا انت تعلمه بعد بالاخير هو زوج بنتك واللي كنت حتى هو بتنهبه وتاخذ بيته فوق الارض اللي اعطاك أياها
سعد بقهر وعصبية حاول فيها يخفي صدمته وخوفه:جاي تتبلى علي يا ولد خالد
وقف طلال بعصبية وضرب الطاولة بيده:ابوي اشرف من انه يجي على لسان واحد مثلك وهذي حقيقتك يا سعد انت واحد نصااب وكذاب وخسيس حرام تكون بسمه اختك
وبحده:يكون بعلمك كل معلوماتي صحيحه ولا احتاج منك تكذبها او تصدقها لان ما جبت شىء جديد حتى ولد اخوك وزوج بنتك يعرف والا لا ياهتان؟؟
ناظر هتان عمه:ترف قالت لي كلامك لها ومن الغباء ياعم اذا تفكر اني بتنازل عن بيتي
وقف سعد وبعصبية:انت اصلا ما تستاهل بنتي ولا حتى تشرفها انا الغلطان اني زوجتها لواحد مثلك وبنتي بأخذها الحين وورقة طلاقها توصلهااا
ناظره هتان بصدمه:ووش!!
وقف وبقهر:طلاق ماني مطلق والا عشانك ما قدرت على طلال جاي تبيني اطلق ترف ..اصحى ياعمي أصحى من الاوهام اللي انت فيها
ابتسم طلال:هو بيشوف اوهام اكثر من كذا ان شاءالله بالسجن
ناظره سعد بصدمه:سجن
حط رجل على رجل وتكتف:اجيك ولا إجي بهدية الزوارة ما يصلح ولا هي من مواخذينا
ورفع يده لاذنه وبابتسامه:تقدر تدخل خلصنا حوارات عائلية
ووقف:انت متهم بالاختلاس والتزوير
سعد بصدمه وخوف:تزوير واختلاس ووشهو؟
طلال:نسينا تزويرك لتوقيع بسمه عشان تبيع الارض؟ والا نسينا تهديداتك اللي بجوالها والا صح نسينا اختلاسك لأموال ابوك اللي كلها على بعضها ٣٠الف احنا نجيب الأولي والتالي ما ننسى شىء عاد لا دخلت السجن تذكرها براحتك وأندم وتوب منها زين ياسعد
ولف لهتان:استأذن انا ونكرر الزيارة وقت ثاني وبأفضل من كذا
ولف لسعد اللي لف بيركض بس وقف من شاف اثنين جايين حتى يمسكونه ومن انتبهو انه بيهرب اسرعوا ومسكوه وكلبشوه
ابتسم طلال ولبس نظارته وسلم على هتان اللي ما استوعب شىء الا بعد ما غاب طلال واللي معه عن نظره
جلس بصدمه وذهول
رمش يستوعب كلام طلال الاخير !!
يعني الفلوس اللي جابها عمه بهذاك اليوم ما كانت الا فلوس جدي بس هو كذب وقال فلوس الارض كيف عماني ما انتبهو ولا فكروا
شلون ارض تنباع بثلاثين الف !!!!
تنهد بحيره وضيق ووقف ولف يمشي مايبي يقابل ترف الحين يبي يشوف وش بيصير على عمه ويتأكد من كلام طلال وبعدها يرجع لها