"Taehyungie...Yura ခုချိန်ဆိုဘယ်နားလောက်မှာရှိနေမယ်ထင်လဲ?"
ကုတင်ပေါ်တွင် မှောက်လျက်အနေအထားဖြင့် စာအုပ်ဖတ်နေသော Jimin ၏မေးခွန်းကြောင့် Taehyung အနည်းငယ်မျက်မှောင်ကြုံ့မိသည်။
"မသိဘူး...စိတ်လည်းမဝင်စားဘူး"
Taehyung ၏အဖြေကြောင့် Jimin တခစ်ခစ်ရယ်သည်။ မှောက်နေရာကနေထထိုင်ပြီး ပြတင်းပေါက်နားတွင် စီးကရက်ဖွာနေသော နတ်ဘုရားလိုလူအားကြည့်ရင်းပြုံးမိသည်။
"မသိလို့မရဘူးလေ Taehyung ရဲ့...ငါတို့နှစ်ယောက်က သူနဲ့တော်တော်လေးရင်းနှီးတဲ့သူတွေဆိုပြီး စုံထောက်တွေကစစ်မေးတော့မှာ"
"အဲ့တော့?"
"အဲ့တော့ ငါတို့က သေချာဖြေပေးဖို့လိုတာပေါ့..မဟုတ်ဘူးလား?"
လက်ကျန်စီးကရက်ကိုဖိချေလိုက်ပြီး ကုတင်ပေါ်ကကောင်လေးဆီ Taehyung အကြည့်များကိုပို့လိုက်သည်။ထို့နောက် အပြုံးကြီးကြီးဖြင့်အဖြေပြန်ပေးလေသည်။
"ဒါပေါ့...ငါတို့ကအကောင်းဆုံးလုပ်ပေးရမှာပေါ့...တော်လိုက်တဲ့ ငါ့ရဲ့ Jimin လေး"
သုံးရက်အကြာတွင် Kim Taehyung နှင့် Park Jimin တို့အားစစ်ဆေးမေးမြန်းသည့်အလှည့်ကိုရောက်လာလေသည်။
"ကျောင်းသားရဲ့နာမည်က?"
"Kim Taehyung ပါ"
"ဟုတ်ပြီ..Kim Taehyung အနေနဲ့ Jeon Yura နဲ့ဆက်ဆံရေးလေးကိုတစ်ချက်လောက်ပြောပြပေးနိုင်မလား?"
"သူငယ်ချင်းလို့ပြောလို့ရပါတယ်။ သူ့ Cheerleader သူငယ်ချင်းအုပ်စုကသပ်သပ် ကျွန်တော်တို့နဲ့ကသပ်သပ်ပေါ့"
"ဪ အဲ့လို။ ပြောပြပေးလို့ကျေးဇူးပါ။ Kim Taehyung အနေနဲ့လည်း Jeon Yura နဲ့မတည့်တဲ့သူတွေများမယ်ဆိုတာသိမယ်ထင်တယ်။ ဘယ်လိုများမှတ်ချက်ပေးချင်ပါသလဲ?"
စစ်မေးနေသော စုံထောက်အားကြည့်၍ Taehyung သက်ပြင်းချမိသည်။ အချိန်လာကုန်ခံနေရတယ်လို့ အဲ့ Jeon Yura ကြောင့်...
"Yura က...နည်းနည်းဘယ်လိုပြောရမလဲ? လူမုန်းများတယ်။ သူ့ကိုပဲလူတွေကမုန်းနေတာလားဆိုတော့ မဟုတ်ဘူး။ သူကလည်း ကျောင်းကလူ တစ်ဝက်လောက်ကိုမုန်းတာ"
YOU ARE READING
† 𝔞𝔯𝔱𝔢𝔪 𝔞𝔩𝔦𝔮𝔲𝔢𝔪 𝔬𝔠𝔠𝔦𝔡𝔢𝔯𝔢 †
Fanfictionတတိယနှစ်ကျောင်းသူတစ်ယောက်ရဲ့ပျောက်ဆုံးမှုကဒီအတိုင်းသမားရိုးကျမဟုတ်တဲ့အခါ.... Halloween Special for loves ♡
