🌸 🌼OUR LAST SPRING វគ្គ1🌼🌸[ចប់]

Episode 17 (តួអង្គថ្មី)

---សកលវិទ្យាល័យ---

បន្ទាប់ពីធ្វើដំណើរមកដល់ក្នុងថ្នាក់រៀនរួចមក រាងតូចគេដាក់កាបូបស្ពាយដែលគេបានស្ពាយជាប់នៅនឹងខ្នងនោះទៅលើតុ រួចគេក៏ទាញយកទូរសព្ទពីក្នុងហោប៉ៅខលទៅកាន់មិត្តរបស់គេjungwonភ្លាម ។

Sunoo : " អាលូ jungwon ឯងនៅឯណាហ្នឹង "

Jungwon : " ពួកយើងនៅកង់ទីនចាំឯង ឯងមកឱ្យលឿនមក "

Sunoo : " ok បានហើយអញ្ចឹង "

ក្រោយពីបានដំណឹងថាមិត្តរបស់ខ្លួនកំពុងតែចាំខ្លួននៅឯកង់ទីនរួចមក រាងតូចគេក៏ប្រញាប់ប្រញាល់ធ្វើដំណើរចាកចេញពីក្នុងថ្នាក់រៀនទៅ ។

នៅតាមផ្លូវទៅកាន់កង់ទីន រាងតូចគេស្ទុះរត់យ៉ាងប្រញាប់ប្រញាល់សំដៅទៅ ដើម្បីកុំឲ្យមិត្តរបស់ខ្លួនស្ដីឲ្យខ្លួនព្រោះថាថ្ងៃនេះរាងតូចគេមករៀងlateបន្តិច ហើយណាមួយថ្នាក់រៀនដែលត្រូវរៀននៅព្រឹកនេះក៏ជិតចាប់ផ្ដើមទៀតដូច្នេះហើយទើបរាងតូចគេរាងស្លន់ស្លោបន្តិចបែបនោះ ។

ដោយសារតែភាពស្លន់ស្លោរបស់រាងតូចទើបធ្វើឲ្យគេមិនបានប្រយ័ត្នក៏ជ្រុលទៅរត់បុកជាមួយនឹងកំលោះសង្ហាម្នាក់ដែលដើរជ្រោះផ្លូវជាមួយគេនោះ បណ្ដាលឱ្យឯកសារដែលនៅក្នុងដៃកំលោះសង្ហាម្នាក់នោះធ្លាក់ចុះពីក្នុងដៃរបស់គេជ្រុះរាយប៉ាយទៅលើឥដ្ឋ ។

Sunoo : " សុំទោសផងៗ "
រាងតូចគេនិយាយបណ្ដើរនិងឱនគោរពទៅកាន់កំលោះសង្ហាម្នាក់នោះបណ្ដើរ រួចខ្លួនក៏ប្រញាប់ទៅប្រមូលឯកសារដែលធ្លាក់រាយប៉ាយនៅលើឥដ្ឋនោះយកមកឲ្យគេវិញតែម្ដង ។

Sunoo : " ឱ្យខ្ញុំសុំទោសផង ដែររត់មិនប្រយ័ត្នទៅបុកសិស្សច្បង "