Unicode
Episode _ 11
" အဘ ပြောတာတွေကို သေချာပြန်စဥ်းစားကြည့်စမ်းပါကွာ... မင်း အရင်က သားငယ်ကို အနိုင်ကျင့်ခဲ့တာတွေကို အဘ ဘာမှမပြောလိုဘူး "
" အဘကလည်းဗျာ...၊ ကျုပ် ဘယ်မှာ သူ့ကိုအနိုင်ကျင့်လို့လဲ...၊ သူကပဲ ကျုပ် မကြိုက်တာတွေ လုပ်တာလေ "
ကျုပ်ကုတင်ဘေးမှာထိုင်ပြီး ဆုံးမဩဝါဒတွေချနေတဲ့အဘ။ လူကမှ နေမကောင်းပါဘူးဆိုမှ မနက်နိုးကတည်းက ဟောလိုက်တဲ့တရားတွေ၊ ဆေးလေးမသောက်မိတာလေးနဲ့ အခုလိုနားပူရတာက သိပ်မဟုတ်သေးပါဘူးဗျာ။
" ဟင်း.... ငါ့သားငယ်က မင်းမကြိုက်တာလုပ်တာလား...၊ မင်းကပဲ ငါ့သားငယ်ကို နေရာတကာမှာ လိုက်ချုပ်ချယ်နေတာလားဆိုတာ ကိုယ့်ဘာသာပြန်စဥ်းစားလိုက်အုံး... "
" တော်ပြီဗျာ...၊ ကျုပ် နားတွေလည်း ပူနေပြီ၊ ခေါင်းတွေလည်း မူးနေပြီ...၊ ဟုတ်တယ် ကျုပ်ပဲ မှားတာပါ....၊ အဘ ကျေနပ်ပြီလား..... "
" တယ်!!... ငတေ ငါ.. ထလုပ်လိုက်ရ!! "
" အဘနော်... ကျုပ် နေမကောင်းဘူး "
တကယ်ကြီးဒေါသထွက်သွားတဲ့အဘကြောင့် ကျုပ် အမြန်စကားရှောင်လိုက်ရတယ်။ ကျုပ် အဘက စိတ်မထင်ရင်မထင်သလို ကျုပ်ကိုဆို ညှာပေးတာမဟုတ်ဘူးဗျ။
" အေး.. မှတ်လေ၊ မင်းကို ငါပြောနေတာက ဖြစ်သင့်တာကို ပြောနေတာကွ၊ မင်းရဲ့ဧည့်သည်ကို သူစိမ်းမပြောနဲ့ အဘကိုယ်တိုင်ကပဲ လက်မခံဘူးကွာ..၊ မင်းရဲ့ဧည့်သည်ကို အဘက သူ့ရှေ့မှာပဲ မလိုတဲ့ပုံစံနဲ့ပြောရင် မင်း ကြိုက်ပါ့မလား....၊ အဲ့အခါကျရင် မင်း မျက်နှာဘယ်လောက်ပူရလိုက်မလဲ... ဟမ်! "
" ..... "
ကျုပ်လည်း အဘပေးတဲ့ဥပမာကြောင့် ခဏပြန်တွေးလိုက်တယ်။ ကျုပ် တကယ်ပဲ လွန်သွားတာလား။ ကျုပ်က သူ့ကို အခြားသူတွေနဲ့မရောစေချင်လို့ အခုလိုလုပ်လိုက်ပေမဲ့ သူ့ဘက်ကိုတော့ ကျုပ် တကယ်မကြည့်မိခဲ့ဘူး။
" သား.. တစ်ကယ်မှားသွားတာလား.... အဘ "
ကျုပ် တကယ်မှားခဲ့တာပဲ။ ကျုပ် ဆင်ပေါက်ကို သူ့ဧည့်သည်ရှေ့မှာ အဲ့လိုမျိုးမပြောခဲ့သင့်ဘူး။
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Randomunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
