Unicode
Episode _ 31
" ငါ.. ငါ တောင်းပန်ပါတယ် တေလွန်းရယ်၊ ငါက မောင်လေးရဲ့ကိုယ်ပေါ်ကအမှတ်တွေကိုကြည့်ပြီး ဇော်ဝင်းကလည်း ပြောပြထားတော့ အထင်လွဲသွားတာပါ... "
မမစုစုစံက တေလွန်းကို ခခယယနဲ့ပြန်တောင်းပန်နေပေမဲ့ တေလွန်းကတော့ အခုထိ မျက်နှာကိုတည်တင်းထားတုံးပဲ။ ကြားက ကျွန်တော်သာ မမစုကိုလည်း သနားသလို တေလွန်းကိုလည်း အပြစ်မမြင်နိုင်၊ ဒီကြားထဲ မမစုစုစံ အထင်လွဲနေတာကို တေလွန်းရှင်းပြလိုက်တဲ့စကားကြောင့် ကျွန်တော့်မှာ သူတို့နှသ်ယောက်စလုံးရှေ့ မျက်နှညပင်မဖော်ရဲတော့၊ ထို့ကြောင့် သူတို့နှစ်ယောက်နဲ့ခပ်ဝေးဝေးမှာပဲ ခေါင်းကိုငုံ့ကာထိုင်နေလိုက်တယ်။
" တေလွန်း... နင် ငါ့ကိုခွင့်မလွှတ်နိုင်ဘူးလားဟယ်၊ ငါက ဒေါသထွက်လွန်းလို့လုပ်မိတာပါ "
ကျုပ်ရဲ့အမက ပြောရင်းနဲ့ငိုချတော့မလိုဖြစ်လာတော့ ကျုပ်ပဲ စိတ်ကိုလျော့လိုက်ရတယ်။ တကယ်ဆို ကျုပ်ပါးကို အမေတောင် မရိုက်ဘူး၊ အခုလို ပထမဆုံးအကြိမ်ရိုက်ခံရတာတော့ ဒေါသလည်းထွက်သလို ရိုက်တဲ့သူက အမဖြစ်တဲ့အပြင် အထင်လွဲပြီးရိုက်တော့ အပြစ်လည်းပြောမရ။ တကယ်ပါ.. တခါတလေကျ ဆင်ပေါက်ကို တော်တော်အမြင်ကပ်တယ်၊ ကျုပ်တို့မိသားစုမှာ ကျုပ်ကသားအရင်းလား... သူကသားအရင်းလားဆိုတာ ပြန်မေးရလောက်တဲ့အထိ ကျုပ်ရဲ့မိသားစုက သူ့ကိုဖူးဖူးမှုတ်ထားတာပဲ။ အခုလည်းကြည့်လေ... အိမ်ထောင်သည်တို့သဘာဝချစ်တမ်းကစားတာကို အမဖြစ်သူက ဘုမသိဘာမသိနဲ့ ကျုပ်က ဆင်ပေါက်ကိုရိုက်တယ်လို့ထင်ပြီး ကျုပ်ပါးကိုလာရိုက်တယ်။ အဲ့တော့ ကျုပ်လည်း ဒေါသထွက်ထွက်နဲ့ မိန်းကလေးသော ဘာသောနားမလည်တော့ဘူး၊ ဆင်ပေါက်ကိုယ်ပေါ်ကအညိုအမဲတွေဘယ်လိုရလာလဲဆိုတာကို တည့်ပြောပစ်လိုက်တယ်။
" တော်ပြီ... နင်လည်း မသိလို့လုပ်မိတာပဲ၊ အခု ဘာလာလုပ်တာလဲ အိမ်ကို "
" ငါ့ကို ခွင့်လွှတ်တယ်လား... "
" အေး... ခွင့်လွှတ်တယ်၊ ဆင်ပေါက်မျက်နှာနဲ့ ခွင့်လွှတ်ပေးလိုက်မယ်... နင်လည်း ဆင်ပေါက်အတွက်စိုးရိမ်လွန်ပြီးဖြစ်သွားတာပဲ.. ငါ နားလည်ပေးလိုက်မယ် "
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Diversos#CRD_PHOTO unicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
