Unicode
Episode _ 19
တေလွန်းနဲ့ကျွန်တော် လက်ထပ်မဲ့အကြောင်းကို ကျွန်တော်တို့အမေတွေရဲ့ကောင်းမှုကြောင့် အနီးအနားကရွာတွေကပါသိသွားကြသည်။ ထိုရွာတွေထဲက တချို့သူတွေက ကျွန်တော်တို့ကို ထူးဆန်းသလို၊ ရွံရှာပြီးလက်မခံသလိုရှိကြပေမဲ့ အများစုကတော့ ကျွန်တော်တို့ကို လက်ခံကြသည်။ ကိုယ့်ရပ်ကိုယ့်ရွာကတော့ ကျွန်တော်တို့အကြောင်းကို ကျွန်တော်တို့ငယ်ငယ်လေးကတည်းကသိထားပြီးသားမို့ လက်မခံတဲ့သူလည်းမရှိသလို ပြစ်တင်ရှုံ့ချမဲ့သူတွေလည်း မရှိပေ။ ထို့ပြင် ကျွန်တော်တို့အတွက် သူတို့က ဝမ်းသာပေးကြသည်။
ဆရာအောင်ထူးမော်နဲ့တိုးလွင်ကလည်း ကျွန်တော်တို့ကိစ္စကိုစီစဥ်နေတုန်း ဆရာအောင်ထူးမော်ရဲ့အမေနဲ့တိုးလွင်ရဲ့အဒေါ်တို့ကို သူတို့နှစ်ယောက်အကြောင်း ဖွင့်ပြောခဲ့သည်။ အုပ်ထိန်းသူတွေကလည်း ကျွန်တော်တို့ကိစ္စကို နားလည်ပေးထားတဲ့ရွာသူရွာသားတွေပဲမို့ ဆရာအောင်ထူးမော်တို့ကိစ္စကို လက်ခံပေးခဲ့သည်။ သို့သော် လွယ်လွယ်ကူကူတော့မဟုတ်။ အသက်အရွယ်ချင်းကွာခြားသည်ကတစ်ကြောင်း၊ ယောက်ျားလေးနှစ်ဦးမို့ တချိန်ချိန်မှာပြဿနာတချို့ဖြစ်လာနိုင်သည်ကတစ်ကြောင်း၊ ထို့ကြောင့် ဆရာအောင်ထူးမော်နဲ့တိုးလွင်ကို ကတိတွေအထပ်ထပ်တောင်းပြီးမှ ခွင့်ပြုပေးသည်။
" ဆင်ပေါက်! "
" အမလေး.. ဗုဒ္ဓမြတ်စွာ ကြွ! "
" ဟား...ဟား.... ဘာတွေ တွေးနေတာလဲ၊ ငါရောက်နေတာတောင် မသိရလောက်တဲ့အထိ..၊ "
" ဘာမှ မတွေးဘူး....၊ ဒီမှာ မင်္ဂလာပွဲအတွက်ဖိတ်ရမဲ့သူတွေကို စာရင်းလုပ်နေတာ "
" ပြပါအုံး... မောင့်ကို "
" တေလွန်း!.. မင်း ဘယ်လိုဖြစ်နေတာလဲ "
တေလွန်းက ပြောပြောဆိုဆိုနဲ့ ကျွန်တော့်ပါးကိုနားပြီး ကျွန်တော့်ပခုံးပေါ်ခေါင်းမှီလိုက်တာကြောင့် အိမ်မှာဘယ်သူမှမရှိပေမဲ့ ကျွန်တော်အမြန်တွန်းလွှတ်မိသည်။ သူ့ကိုယ်သူလည်း မောင်တဲ့။ ဒီကောင် တေလွန်းက အရှက်ကိုမရှိဘူး။
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Random#CRD_PHOTO unicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
