Unicode
Episode _ 9
" တေလွန်း.. ဟေ့ကောင်! တေလွန်း "
" ဟာ ဘာလဲကွာ..၊ စောစောစီးစီး "
" ဘယ်ကသာ စောရမှာလဲကွ...၊ မနက်ရှစ်နာရီတောင်ထိုးနေပြီ... ထအုံး! "
ကျုပ်လည်း ကျောင်းပိတ်ရက်လေးမို့ ဇိမ်နဲ့အိပ်ရာပေါ်မှာနှပ်နေမိသည်။ ဒါကို အလိုက်ကန်းဆိုးမသိတဲ့နိုင်ထွန်းဆိုတဲ့ကောင်က ကျုပ်ကို အတင်းနှိုးနေတော့တာပဲ။
" ဘာလဲကွာ... "
" ငါ မမကေသီနဲ့ချိန်းထားတယ်လေ...၊ အဲ့တာ မင်း အဖော်လိုက်ပေးကွာ "
" ဟ.. မင်းတို့ရည်းစားတွေချိန်းတွေ့တာကို ငါက ဘာလိုက်လုပ်ရမှာလဲကွ..၊ အားအားယားယား မလိုက်နိုင်ဘူးကွာ... ကိုယ့်ဘာသာ သွား! "
" ဟာ မင်းကလည်း သူငယ်ချင်းအချင်းချင်းကို...၊ မင်း ဒီပိတ်ရက်တော့ ရှင်မွှေးဆီ မသွားဘူးမလား....၊ လိုက်ခဲ့စမ်းပါကွာ... မမကေသီရဲ့သူငယ်ချင်းလည်း ပါမှာကွ..၊ သူက မင်းကို မေးနေတာလေ "
" မစောမူယာ လား "
" ဟုတ်တယ်...၊ မင်းကွာ မစောမူယာက ငါတို့ကျောင်းရဲ့အလှပဂေးနော်...၊ သူ့လိုလူက မင်းကို အရေးပေးတယ်ဆိုတာ တော်ရုံကုသိုလ်ကံနဲ့ရတာမဟုတ်ဘူးကွ...၊ ငါတို့ကျောင်းမှာ သူ့ကို လိုက်ပိုးပန်းနေကြတဲ့ကောင်တွေမှ ဒုနဲ့ဒေးပဲ "
" အဲ့တော့ ငါက ဘာလုပ်ရမှာလဲ... "
" ဟာကွာ... မင်း မစောမူယာကို နည်းနည်းလေးမှစိတ်မဝင်စားဘူးလား "
နိုင်ထွန်းက ကျုပ်ကို အတင်းလှော်ပေးနေသည်။ ကျုပ်ကလည်းကျုပ်ဗျ။ တစ်ကျောင်းလုံးရဲ့အလှပဂေးက အခွင့်အရေးပေးနေတာကို ကျုပ် မသိချင်ယောင်ဆောင်နေတာလေ။ မသိချင်ယောင်ဆောင်တယ်ဆိုတာထက် စိတ်မဝင်စားဘူးလို့ပြောရင် ပိုမှန်လိမ့်မယ်။ ကျုပ်လည်း ယောက်ျားတစ်ယောက်ပဲဗျ။ မစောမူယာလို ရုပ်ရည်ကလည်းလှ၊ ခန္ဓာကိုယ်အချိုးအစားကလည်း ပြောစရာမရှိတဲ့သူကို သဘာကျတာပေါ့။ ဒါပေမဲ့ ကျုပ်က သဘောကျတာထက်မပိုဘူး။ အဲ့တာကြောင့် မစောမူယာက ဘယ်လိုပဲ ကျုပ်ကို ရေလာမြောင်းပေးလုပ်လုပ် ကျုပ်ကတော့ မစောမူယာနဲ့ ခပ်တန်းတန်းပဲနေသည်။
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
De Todounicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
