Unicode
Episode _ 24
" ဆင်ပေါက်... ဆင်ပေါက် "
" ဟင်... "
" ခဏထအုံး..၊ ဆန်ပြုတ်နဲ့ဆေးလေး သောက်ရအောင်.... မအိပ်နဲ့တော့နော် ညနေစောင်းနေပြီ "
" အမေတို့ရော... "
" ပြန်သွားပြီ... ဒီမှာ မောင်ကိုယ်တိုင်ကြက်သားနဲ့ဆန်ပြုတ်ကို နူးအိနေအောင်ကြိုထားတယ်... သောက်လိုက်အုံးနော် "
" အဟင့်.. အီး... ဟီး..... "
" ဟာ... ဘာလို့ငိုတာလဲ၊ မောင့်ကိုပြော... ဘာဖြစ်လို့လဲ၊ နာနေသေးလို့လား "
ဘေးတစောင်းအိပ်နေတဲ့ဆင်ပေါက်က ရုတ်တရက်ကြီးထငိုတော့ ကျုပ်လက်ထဲက ဆန်ပြုတ်ပန်းကန်ကိုစားပွဲပေါ်အမြန်သွားတင်ကာ ဆင်ပေါက်ကိုစိုးရိမ်တကြီးမေးလိုက်တယ်။
" အရမ်းနာတယ်... ငါ လှုပ်လို့မရဘူး၊ လှုပ်က ခါးကအရမ်းအောင့်နေတာ.... "
" အင်း... အင်း မောင် ဖွဖွလေးနှိပ်ပေးမယ်နော်၊ ပထမဆုံးအကြိမ်မို့ပါ... နောက်ဆို ကျင့်သားရသွားလိမ့်မယ်နော်... "
" ဘာ!!!! "
" ဟက်.... "
ကျွန်တော့်ရဲ့ခါးကိုဖွဖွလေးကိုင်ကာ အသာအယာနှိပ်နယ်ပေးတော့ အနည်းငယ်နာကျင်မှုသက်သာပေမဲ့ တေလွန်းရဲ့စကားကိုကြားတဲ့အချိန် သက်သာနေတဲ့ခါးကပိုပြီးတောင်အောင့်တက်သွားသလားဟုပင်ထင်ရသည်။ ဒါကို တေလွန်းက ဂရုမစိုက်ဘဲ ရယ်တောင်ရယ်နေသေးသည်။
" မင်း.. မရယ်နဲ့၊ မင်းကြောင့် ဒီလိုဖြစ်တာ... "
" ဟောဗျာ... မောင်ကြောင့်ချည်းလို့တော့မပြောနဲ့လေ...၊ မောင်က စပြီးတောင်းဆိုတာမှန်ပေမဲ့ နောက်ဆုံး.. ဆင်ပေါက်လေးကိုယ်တိုင်က "
" တေလွန်း!!.. မင်း..မင်း အရှက်မရှိတိုင်း စကားကိုလျှောက်မပြောနဲ့ "
" မောင် လိမ်တာပြောဟုတ်မဟုတ် ဆင်ပေါက်လေးကိုယ်တိုင် အသိဆုံးမဟုတ်လား... ဟင် "
" မင်း.. မင်း၊ ဖယ်... ငါ့ကို လာမထိနဲ့ "
အနာပေါ်တုတ်ကျသွားတဲ့ကျုပ်ရဲ့ဆင်ပေါက်လေးကတော့ တစ်ကိုယ်လုံးရဲပလောင်းခတ်ကာ မျက်နှာကိုခေါင်းအုံးနဲ့ဖွတ်တော့တာပဲ။ သူ့ခါးပေါ်က ကျုပ်ရဲ့လက်တွေကိုလည်း ရိုက်ချသေးတယ်။
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Randomunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
